ᑭᔅᑫᓕᑖᑯᑖᑫᐎᓐ 5:9 - ᐅᔅᑭ ᑎᔅᑌᒥᓐᑦ

⁹ ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;

ᑭᔅᑫᓕᑖᑯᑖᑫᐎᓐ 5:9 Iomraidhean Croise

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᒫᑎᐤ 26:28

ᐌᓴ ᐁᐗᑯ ᐅᒪ ᓂᒥᑯᒻ ᐅᔥᑭ ᓇᔅᑯᒥᑐᐎᓂᒃ, ᒥᒉᑦ ᑳ ᐅᒋ ᓯᑲᐃᑳᑌᒃ ᑭᒋ ᐌᐯᓕᒋᑳᑌᑭ ᒪᒋᑣᐎᓇ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᓂᔥᑕᒻ ᑯᕆᓐᑎᐊᓇ 6:20

ᐌᓴ ᑭ ᑮ ᐅᑎᓂᑲᐎᓇᐗᐤ ᐁ ᑮ ᑎᐸᐅᑲᐎᔦᒃ: ᐁᐗᑯ ᐅᒋ ᑭᔅᑌᓕᒥᒃ ᑭᒋᒪᓂᑐ ᑭᔭᐎᐗᒃ, ᓀᔥᑕ ᑭᑦ ᐊᒑᑯᐙᒃ, ᑳ ᑎᐯᓕᑕᒃ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 7:23

ᑭ ᑮ ᐅᑎᓂᑳᐎᓇᐗᐤ ᐁ ᑮ ᑎᐸᐅᑲᐎᔦᒃ: ᐁᑳᐎᓚ ᑭ ᑳ ᐅᑦ ᐊᑑᔅᑫᓛᑲᓂᒥᑯᐋᐗᒃ ᐃᓕᓕᐗᒃ᙮

ᐃᐱᓯᔭᓇ 1:7

ᐊᓇ ᑳ ᐅᒋ ᐋᔮᔭᒃ ᐱᒫᒋᐃᑯᓯᐎᓐ ᐅᒥᑯ ᐅᒋ, ᐁ ᐌᐯᓕᒋᑳᑌᑭ ᒪᒋᑣᐎᓇ, ᐁ ᐃᔑ ᐌᓗᑕᓂᓕᒃ ᐅ ᔕᐌᓕᒋᑫᐎᓐ;

ᐃᐱᓯᔭᓇ 5:19

ᐁ ᐊᔭᒥᐃᑐᔦᒃ ᓵᒥᒃ ᓀᔥᑕ ᐋᔭᒥᐋᐎ ᓂᑲᒧᐎᓂᒃ, ᓀᔥᑕ ᐊᒑᑯᐎ ᓂᑲᒧᐎᓂᒃ, ᐁ ᓂᑲᒧᔅᑕᐌᒃ ᓀᔥᑕ ᐁ ᒥᓗᑖᑯᓰᔅᑕᐌᒃ ᐅᑎᐯᓕᒋᑫᐤ ᑭᑌᐃᐙᒃ;

ᑯᓚᔑᔭᓇ 1:14

ᐊᓇ ᑳ ᐅᒋ ᐋᔮᔭᒃ ᐱᒫᒋᐃᑯᓯᐎᓐ ᐅᒥᑯ ᐅᒋ, ᐁ ᐌᐯᓕᒋᑳᑌᑭ ᒪᒋᑣᐎᓇ ᐅᑎ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 11:14

ᐌᓴ ᐊᓂᑭ ᐁᑯᔑ ᑳ ᐃᑗᒋᒃ, ᐸᔭᑌ ᐃᑗᐗᒃ ᐁ ᓈᓇᑕᐌᓚᑕᑭᒃ ᐊᔅᑮᓕᐤ᙮

ᓂᔓ ᐱᑕᕐ 2:1

ᒫᑲ ᑮ ᐃᑖᐗᒃ ᓇᔅᐹᒋ ᐅᑭᔅᑭᐙᐃᑫᐗᒃ ᒣᑴᔭᔥ ᐃᓕᓕᐗ, ᑖᐱᔅᑯᒡ ᓀᔥᑕ ᑫ ᐃᔑ ᐃᑖᒋᒃ ᓇᔅᐹᒋ ᐅᑭᔅᑭᓄᐊᒫᑫᐗᒃ ᒣᑴᔭᔥ ᑭᓚᐗᐤ, ᑭᒧᒡ ᑫ ᐱᑐᑲᑖᒋᒃ ᑳ ᓂᔑᐗᓈᒋᐃᐌᒪᑲᑭ ᓇᔅᐹᒡ ᑭᔅᑭᓄᐊᒫᑫᐎᓐ, ᐋᐳᒋᑲ ᐁ ᐋᓉᑕᐙᒋᒃ ᐅᑎᐯᓕᒋᑫᐗ ᑳ ᑮ ᑎᐸᐊᒫᑫᔅᑕᒫᑯᒋᒃ, ᓀᔥᑕ ᑫ ᑲᔥᑭᑕᒫᓱᒋᒃ ᐁ ᑭᔑᐸᓕᓕᒃ ᓂᔑᐗᓈᑎᓯᐎᓂᓕᐤ᙮

ᓂᔥᑕᒻ ᒑᓐ 1:7

ᒫᑲ ᑮᔥᐱᓐ ᐱᒧᑖᑕᒪᒃ ᐙᔅᑌᐎᓐ, ᑖᐱᔅᑯᒡ ᐁ ᐃᔑ ᐃᑖᑦ ᐙᔅᑌᐎᓂᒃ, ᑭᑦ ᐅᑐᑌᒥᒥᑐᓈᓇᐤ, ᓀᔥᑕ ᐅᑯᓯᓴ ᒋᓴᔅ ᙭ ᐅᒥᑯᒻ ᑭ ᐸᔦᑭᐃᑯᐙᓈᓇᐤ ᒥᓯᐌ ᒪᒋᑣᐎᓂᒃ ᐅᒋ᙮

ᓂᔥᑕᒻ ᒑᓐ 2:2

ᐎᓚ ᒫᑲ ᑮ ᑎᐸᐃᑫᔅᑕᒻ ᑭ ᒪᒋᑐᑕᒧᐎᓂᓇᐗ; ᓇᒪ ᓀᔥᑕ ᑭᓚᓈᓇᐤ ᐱᑯ, ᒫᑲ ᐊᓯᒋ ᐅ ᒪᒋᑐᑕᒧᐎᓂᐙᐗ ᐊᓂᑭ ᒥᓯᐌ ᐊᔅᑮᒃ ᑳ ᐃᑖᒋᒃ᙮

ᑭᔅᑫᓕᑖᑯᑖᑫᐎᓐ 10:11

ᓂ ᑮ ᐃᑎᒃ ᒫᑲ, ᒥᓇ ᑭ ᑳ ᑭᔅᑭᐙᐃᑫᔅᑕᐙᐗᒃ ᒥᒉᑦ ᑐᐎ ᐃᓕᓕᐗᒃ, ᓀᔥᑕ ᐹᐱᑐᔥ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓀᔥᑕ ᓇᓈᑲᐤ ᐁ ᐃᔑ ᑭᔗᒔᒃ, ᓀᔥᑕ ᑭᒋᐅᑭᒫᐗᒃ᙮

ᑭᔅᑫᓕᑖᑯᑖᑫᐎᓐ 11:9

ᐋᑎᑦ ᒫᑳ ᐁ ᐃᑕᓯᒋᒃ ᐃᓕᓕᐗᒃ, ᓀᔥᑕ ᐁ ᑕᑐᑌᐎᓯᒋᒃ, ᓀᔥᑕ ᐹᐱᑐᔥ ᐁ ᐃᔑ ᑭᔗᒋᒃ ᓀᔥᑕ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑲᑕ ᐙᐸᑕᒬᐗᒃ ᐎᔭᐎᓕᐗ ᐃᔥᐱᔥ ᓂᔅᑐ ᑭᔑᑳᐗ ᓀᔥᑕ ᐋᐱᑕᐤ, ᓇᒪ ᓀᔥᑕ ᑲᑕ ᐃᓕᓇᒶᒃ ᐎᔭᐎᓕᐗ ᒋᐹᔨᑲᒥᑯᒃ ᑭᒋ ᐃᑕᔅᑖᓂᐗᓂᓕᑭ᙮

ᑭᔅᑫᓕᑖᑯᑖᑫᐎᓐ 13:7

ᑮ ᒥᓚᐤ ᒫᑲ ᑭᒋ ᓇᑐᐸᓖᔅᑕᐙᑦ ᐅᐸᓓᑭᓴ, ᓀᔥᑕ ᑭᒋ ᔖᑯᒋᐋᑦ: ᑲᔥᑭᐅᐎᓂᓕᐤ ᓀᔥᑕ ᑮ ᒥᓚᐤ ᑭᒋ ᑎᐯᓕᒫᑦ ᒥᓯᐌ ᑳ ᑕᑐᑌᐎᓯᓕᒋ ᐃᓕᓕᐗ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᑳ ᑕᑐᔅᑳᓀᓯᓕᒋ ᐃᓕᓕᐗ᙮

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᑭᔅᑫᓕᑖᑯᑖᑫᐎᓐ 14:6

ᓂ ᑮ ᐙᐸᒪᐤ ᒫᑲ ᑯᑕᒃ ᐁᓐᒐᓪ ᐁ ᔖᐳᓛᑦ ᑭᔑᑯᒃ, ᐁ ᐋᔮᑦ ᑳᑭᑫ ᒥᓗᐋᒋᒧᐎᓂᓕᐤ ᑭᒋ ᑲᑫᔅᑭᒫᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᓀᔥᑕ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ, ᓀᔥᑕ ᑳ ᑕᑐᑌᐎᓯᓕᒋ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᐃᓕᓕᐗ,

ᑭᔅᑫᓕᑖᑯᑖᑫᐎᓐ 15:3

ᓂᑲᒧᐗᒃ ᒫᑲ ᐅ ᓂᑲᒧᐎᓐ ᒧᓯᔅ ᐅᑦ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᐅ ᓂᑲᒧᐎᓐ ᒫᓂᔥᒑᓂᔑᔥ, ᐁ ᐃᑗᒋᒃ: ᑭᒋᐃᑌᓕᑖᑾᓋ ᓀᔥᑕ ᒫᒪᔅᑳᑌᓕᑖᑾᓋ ᑭᑦ ᐊᑑᔅᑫᐎᓇ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔭᑳᑎᓯᔭᓐ; ᒀᔭᔅᑾᓋ ᓀᔥᑕ ᑕᐺᐗᓋ ᑭᑦ ᐃᔑᑣᐎᓇ ᑳ ᐅ ᑭᒋᐅᑭᒫᒥᒥᔅᑭᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 17:15

ᓂ ᑮ ᐃᑎᒃ ᒫᑲ, ᐊᓂᐃ ᓂᐱᔭ ᑳ ᐙᐸᑕᒪᓐ, ᐃᑕ ᑳ ᐊᐱᑦ ᐱᔑᒀᑎᔅᑴᐤ, ᐁᐗᒀᓂᑭ ᐹᐱᑐᔥ ᐃᓕᓕᐗᒃ, ᓀᔥᑕ ᑳ ᒫᒪᐎ ᒥᒉᑎᒋᒃ, ᓀᔥᑕ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᓀᔥᑕ ᓇᓈᑲᐤ ᐁ ᐃᔑᑭᔗᒋᒃ᙮

ᑭᔅᑫᓕᑖᑯᑖᑫᐎᓐ 4:11

ᑮ ᑌᐸᑫᓕᑖᑯᓯᓐ, ᐅ ᑌᐯᓕᒋᑫᔭᓐ, ᑭᒋ ᒥᓕᑲᐎᔭᓐ ᒫᒥᒋᒥᑯᓯᐎᓈ ᓀᔥᑕ ᑭᔅᑖᒋᒥᑯᓯᐎᐤ ᓀᔥᑕ ᑲᔥᑭᐅᐎᓐ: ᐌᓴ ᑭ ᑮ ᐅᔑᑖᓐ ᒥᓯᐌ ᑫᒀᓇ, ᓀᔥᑕ ᐁ ᐃᔑ ᒥᓜᓕᑕᒪᓐ ᐅᒋ ᐃᑕᑾᓋ ᓀᔥᑕ ᑮ ᐅᔑᒋᑳᑌᐗ᙮

ᑭᔅᑫᓕᑖᑯᑖᑫᐎᓐ 5:12

ᐁ ᐃᑗᒋᒃ ᐁ ᑭᔗᐌᒋᒃ, ᑌᐸᑫᓕᑖᑯᓯᐤ ᒫᓂᔥᒑᓂᔑᔥ ᑳ ᑭ ᓂᐸᐋᑲᓂᐎᑦ ᑭᒋ ᒥᓛᑲᓂᐎᑦ ᑲᔥᑭᐅᐎᓂᓕᐤ, ᓀᔥᑕ ᒥᔕᑭᓯᐎᓇ, ᓀᔥᑕ ᑲᑫᑕᐌᓕᑕᒧᐎᓂᓕᐤ, ᓀᔥᑕ ᒪᔥᑲᐎᓯᐎᓂᓕᐤ, ᓀᔥᑕ ᑭᔅᑎᓯᐎᓂᓕᐤ, ᓀᔥᑕ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᒥᓦᑭᒥᐌᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 5:6

ᓂ ᑮ ᐃᑖᐱᓐ ᒫᑲ, ᒫᑎᑲ, ᒫᑲ, ᒣᑴᔭᔥ ᐅᑭᒪᐗᐱᐎᓐ, ᓀᔥᑕ ᐊᓂᑭ ᓀᐤ ᐅᐱᒫᑎᓴᒃ, ᒣᑴᔭᔥ ᒫᑲ ᐊᓂᑭ ᑳ ᓂᑳᓀᓕᑖᑯᓯᒋᒃ, ᑮ ᓂᐸᐎᐤ ᒫᓂᔥᒑᓂᔥ ᑖᐱᔅᑯᒡ ᐁ ᑮ ᓂᐸᐋᑲᓂᐎ ᓂᔂᔅ ᐁ ᐅᑦ ᐁᔥᑲᓄᑦ, ᓀᔥᑕ ᓂᔂᔅ ᐁ ᐅᔅᑭᔑᑯᑦ, ᐁᐗᒀᓂᐃ ᓃᔂᔅ ᐅᑦ ᐊᒑᑾ ᑭᒋᒪᓂᑐ ᐁ ᐃᔑᑎᔕᐙᑲᓂᐎᓕᒋ ᒥᓯᐌ ᐊᔅᑮᒃ᙮