ᑭᔅᑫᓕᑖᑯᑖᑫᐎᓐ 5:8 - ᐅᔅᑭ ᑎᔅᑌᒥᓐᑦ

⁸ ᐃᔅᐱ ᒫᑲ ᐌᑎᓇᒃ ᒪᓯᓇᐃᑲᓂᓕᐤ, ᐊᓂᑭ ᓀᐤ ᐅᐱᒫᑎᓴᒃ ᓀᔥᑕ ᐊᓂᑭ ᓂᔑᑕᓇ ᓀᔥᑕ ᓀᐅᔖᑉ ᑳ ᓂᑲᓀᓕᑖᑯᓯᒋᒃ ᑮ ᐸᑭᔑᓂᔅᑕᐌᐗᒃ ᒫᓂᔥᒑᓂᔑᔕ, ᑕᑐ ᐁ ᐃᑕᓯᒋᒃ ᐁ ᐋᔭᐙᒋᒃ ᔖᑲᓈᐱᑭᑐᒋᑲᓇ, ᓀᔥᑕ ᐅᓴᐎᔔᓕᐋᓈᐱᔉ ᐊᓱᐗᒋᑲᓇ ᐁ ᓵᑲᔅᑭᓀᑭ ᐎᑭᒫᓯᑲᓐ, ᐁᐗᒀᓂᒪ ᐅᑦ ᐋᔭᒥᐋᐎᓂᐗᐗ ᐅᐸᓓᑭᓴᒃ᙮

ᑭᔅᑫᓕᑖᑯᑖᑫᐎᓐ 5:8 Iomraidhean Croise

ᐅᐸᓓᑭᔅ ᒑᓐ 1:29

ᐎᐋᐸᓂᓕᒃ ᒑᓐ ᐙᐸᒣᐤ ᒋᓴᓴ ᐁ ᐯᒋ ᐱᒧᑌᓕᒋ, ᐃᑗᐤ ᒫᑲ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ, ᑳ ᐎᐗᔑᑦ ᒪᒋᑐᑕᒧᐎᓂᓕᐤ ᐊᔅᑮᒃ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒑᓐ 5:23

ᒥᓯᐌ ᐃᓕᓕᐗᒃ ᑭᒋ ᑭᔅᑌᓕᒫᒋᒃ ᐅᑯᓯᓯᒪᐗ, ᑖᐱᔅᑯᒡ ᐁ ᐃᔑ ᑭᔅᑌᓕᒫᒋᒃ ᐅᑖᐎᒫᐗ᙮ ᐊᓇ ᐁᑳ ᑳ ᑭᔅᑌᓕᒫᑦ ᐅᑯᓯᓯᒫᐗ, ᓇᒪᐎᓚ ᑭᔅᑌᓕᒣᐤ ᐅᑖᐎᒪᐗ ᑳ ᑮ ᐯᒋᑎᔕᐙᓕᒋ᙮

ᐦᐃᑉᕉᐗ 1:6

ᒥᓇ ᒫᑲ, ᐃᔅᐱ ᐱᐁᔕᐙᑦ ᓃᔥᑕᒻ ᓀᑕᐎᑭᓕᒋ ᐅᑕ ᐊᔅᑮᒃ, ᐃᑗᐤ, ᐁᑯᔑ ᒥᓯᐌ ᑭᒋᒪᓂᑐ ᐅᑦ ᐁᓐᒐᓕᒪ ᑲᑕ ᓇᐗᑮᔅᑕᐌᓕᐗ᙮

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᑭᔅᑫᓕᑖᑯᑖᑫᐎᓐ 15:2

ᓂ ᑮ ᐙᐸᑌᓐ ᒫᑲ, ᒫᓇ ᐱᑯ ᑭᒋᑲᒥ ᐁᑯᑕ ᐁ ᐃᑕᑾᒃ ᐙᓭᓂᑖᑲᓐ ᐁ ᑭᓕᑲᐎᓂᑳᑌᒃ ᐃᔥᑯᑌᒃ: ᐊᓂᑭ ᒫᑲ ᑳ ᑭ ᔖᑯᒋᐋᒋᒃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᓀᔥᑕ ᐅ ᑭᔅᑭᓄᐙᒋᐅᓂᓕᐤ, ᓀᔥᑕ ᐁ ᑕᑡᑭᒋᑳᑌᓕᒃ ᐅᑦ ᐃᔑᓂᑳᓱᐎᓐ, ᓂᐸᐎᐗᒃ ᐙᓭᓂᑖᑲᓂ ᑭᒋᑲᒥᒃ, ᐁ ᐊᔭᐙᒋᒃ ᑭᒋᒪᓂᑐᐗ ᐅ ᑭᑐᒋᑲᓂᓕᐗ᙮

ᑭᔅᑫᓕᑖᑯᑖᑫᐎᓐ 15:7

ᐯᔭᒃ ᒫᑲ ᐊᓂᑭ ᓀᐤ ᐊᐌᓯᓴᒃ ᑮ ᒥᓓᐤ ᐊᓂᐃ ᓂᔂᔅ ᐁᓐᒐᓚ ᓂᔂᔅ ᐅᓵᐎᔔᓕᐋᓈᐱᔉ ᐅᓛᑲᓂᔕ ᐁ ᓵᑲᔅᑭᓀᑭ ᐅᑦ ᐋᑯᓚᐌᓯᐎᓐ ᑭᒋᒪᓂᑐ ᑳ ᐱᒫᑎᓰᑦ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 19:4

ᐊᓂᑭ ᒫᑲ ᓂᔑᑕᓇᐤ ᓀᔥᑕ ᓀᐅᔕᑉ ᑳ ᓂᑲᓀᓕᑖᑯᓯᒋᒃ, ᐊᓂᑭ ᓀᔥᑕ ᓀᐤ ᐊᐌᓯᓴᒃ, ᐁ ᐸᑭᔑᑭᒃ ᑭ ᓇᐗᑮᔅᑕᐌᐗᒃ ᑭᒋᒪᓂᑐᐗ ᐁ ᐊᐱᓕᒋ ᐅᑭᒫᐗᐱᐎᓂᒃ, ᐁ ᐃᑗᒋᒃ, ᐁᒣᓐ; ᐋᓕᓘᔭ᙮

ᑭᔅᑫᓕᑖᑯᑖᑫᐎᓐ 4:10

ᐊᓂᑭ ᓂᔑᑕᓇ ᓀᐅᔖᑉ ᓀᔥᑕ ᑳ ᓂᑳᓀᓕᑖᑯᓯᒋᒃ ᐸᑭᔑᓃᔅᑕᐌᐗᒃ ᐊᓂᐃ ᑳ ᐊᐱᓕᒋ ᐅᑭᒪᐗᐱᐎᓂᒃ, ᓇᐗᑮᔅᑕᐌᐗᑳ ᒫᑲ ᐊᓂᐃ ᑳ ᐱᒫᑎᓯᓕᒋ ᑳᑭᑫ ᓀᔥᑕ ᑳᑭᑫ, ᐌᐱᓇᒶᒃ ᒫᑲ ᐅᑦ ᐅᑭᒪᐗᔅᑐᑎᓂᐙᐗ ᐅᑎᔥᑲᐤ ᐅᑭᒫᐗᐱᐎᓂᒃ, ᐁ ᐃᑗᒋᒃ,

ᑭᔅᑫᓕᑖᑯᑖᑫᐎᓐ 4:4

ᐙᔅᑲ ᒫᑲ ᐅᑭᒪᐗᐱᐎᓂᒃ ᑮ ᐃᑕᑾᓋ ᓂᔑᑕᓇ ᓀᐊᔖᑉ ᓀᔥᑕ ᑌᑕᐱᐎᓇ; ᐊᓂᐃ ᒫᑲ ᑌᑕᐱᐎᓇ ᓂ ᑮ ᐙᐸᒪᐗᒃ ᐁ ᑌᑕᐱᒋᒃ ᓂᔑᑕᓇ ᓀᐊᔖᑉ ᓀᔥᑕ ᑳ ᓂᑳᓀᓕᑖᑯᓯᒋᒃ, ᐁ ᐙᐱᐅᒋᒃ, ᑮ ᑭᑭᔥᑲᒶᒃ ᒫᑲ ᐅᔅᑎᒀᓂᐙᒃ ᐅᓵᐎᔔᓕᐊᓈᐱᔉ ᐅᑭᒪᐗᔅᑐᑎᓋ᙮

ᑭᔅᑫᓕᑖᑯᑖᑫᐎᓐ 4:6

ᐅᑎᔥᑲᐤ ᒫᑲ ᐅᑭᒪᐗᐱᐎᓂᒃ ᑮ ᐃᑕᑾᓐ ᐙᓭᓂᑖᑲᓂᐎ ᑭᒋᑲᒥ ᑖᐱᔅᑯᒡ ᒪᔅᑾᒥ: ᑌᑖᐎᒡ ᒫᑲ ᐅᑭᒪᐗᐱᐎᓂᒃ, ᓀᔥᑕ ᐙᔅᑲ ᐅᑭᒪᐗᐱᐎᓂᒃ ᑮ ᐃᑖᐗᒃ ᓀᐤ ᐅᐱᒫᑎᓴᒃ, ᒥᓯᐌ ᐁ ᐅᔅᑭᔑᑯᒋᒃ ᓃᔅᑖᒥᒃ ᓀᔥᑕ ᐅᑖᓈᒃ᙮

ᑭᔅᑫᓕᑖᑯᑖᑫᐎᓐ 4:8

ᐊᓂᑭ ᓀᐤ ᐅᐱᒫᑎᓴᒃ ᒫᑲ ᑕᑐ ᐁ ᐃᑕᓯᒋᒃ ᓂᑯᑣᔅ ᑮ ᑕᑎᓂᓕᐗ ᐅ ᑕᑲᑾᓇ; ᐱᒋ ᒫᑲ ᒥᓯᐌ ᑮ ᐅᔅᑭᔑᑯᐗᒃ: ᓇᒪᐎᓚ ᒫᑲ ᐋᓜᓯᐗᒃ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᐁ ᐃᑗᒋᒃ, ᐯᓓᑭᓯᑦ, ᐯᓓᑭᓯᑦ, ᐯᓓᑭᓯᑦ, ᐅᑎᐯᓕᒋᑫᐤ ᑭᒋᒪᓂᑐ ᒥᓯᐌ ᓯᔪᑳᑎᓰᑦ, ᑳ ᑮ ᐃᑖᑦ, ᑳ ᐃᑖᑦ, ᓀᔥᑕ ᑫ ᐃᑖᑦ᙮

ᑭᔅᑫᓕᑖᑯᑖᑫᐎᓐ 5:11

ᓂ ᑮ ᐃᑖᐱᓐ ᒫᑲ, ᓂ ᑮ ᐯᑕᒸᓐ ᒫᑲ ᐅ ᐯᑖᑯᓯᐎᓂᐗᐤ ᒥᒉᑦ ᐁᓐᒐᓚᒃ ᐙᔅᑲ ᐅᑭᒪᐗᐱᐎᓂᒃ, ᓀᔥᑕ ᐊᓂᑭ ᐅᐱᒫᑎᓴᒃ, ᓀᔥᑕ ᐊᓂᑭ ᑳ ᓂᑳᓀᓕᑖᑯᓯᒋᒃ: ᑮ ᐃᑕᔑᐗᒃ ᒫᑲ ᒥᑖᑦ ᑭᒋᒥᑕᑐᒥᑕᓇᐗᐤ ᒥᑖᑦ ᑭᒋᒥᑖᑐᒥᑕᓇᐤ, ᓀᔥᑕ ᑭᒋᒥᑖᑐᒥᑕᓇᐗᐤ ᑭᒋᒥᑖᑐᒥᑕᓇᐤ;

ᑭᔅᑫᓕᑖᑯᑖᑫᐎᓐ 5:12

ᐁ ᐃᑗᒋᒃ ᐁ ᑭᔗᐌᒋᒃ, ᑌᐸᑫᓕᑖᑯᓯᐤ ᒫᓂᔥᒑᓂᔑᔥ ᑳ ᑭ ᓂᐸᐋᑲᓂᐎᑦ ᑭᒋ ᒥᓛᑲᓂᐎᑦ ᑲᔥᑭᐅᐎᓂᓕᐤ, ᓀᔥᑕ ᒥᔕᑭᓯᐎᓇ, ᓀᔥᑕ ᑲᑫᑕᐌᓕᑕᒧᐎᓂᓕᐤ, ᓀᔥᑕ ᒪᔥᑲᐎᓯᐎᓂᓕᐤ, ᓀᔥᑕ ᑭᔅᑎᓯᐎᓂᓕᐤ, ᓀᔥᑕ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᒥᓦᑭᒥᐌᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 5:14

ᐊᓂᑭ ᓀᐤ ᐅᐱᒫᑎᓴᒃ ᒫᑲ ᑮ ᐃᑗᐗᒃ, ᐁᒣᓐ᙮ ᐊᓂᑭ ᓂᔑᑕᓇᐤ ᓀᔥᑕ ᓀᐅᔖᑉ ᑳ ᓂᑳᓀᓕᑖᑯᓯᒋᒃ ᒫᑲ ᑮ ᐸᑭᔑᓋᒃ ᓀᔥᑕ ᑮ ᓇᐗᑭᔅᑕᐌᐗᒃ ᐊᓂᐃ ᑳ ᐱᒫᑎᓯᓕᒋ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 5:6

ᓂ ᑮ ᐃᑖᐱᓐ ᒫᑲ, ᒫᑎᑲ, ᒫᑲ, ᒣᑴᔭᔥ ᐅᑭᒪᐗᐱᐎᓐ, ᓀᔥᑕ ᐊᓂᑭ ᓀᐤ ᐅᐱᒫᑎᓴᒃ, ᒣᑴᔭᔥ ᒫᑲ ᐊᓂᑭ ᑳ ᓂᑳᓀᓕᑖᑯᓯᒋᒃ, ᑮ ᓂᐸᐎᐤ ᒫᓂᔥᒑᓂᔥ ᑖᐱᔅᑯᒡ ᐁ ᑮ ᓂᐸᐋᑲᓂᐎ ᓂᔂᔅ ᐁ ᐅᑦ ᐁᔥᑲᓄᑦ, ᓀᔥᑕ ᓂᔂᔅ ᐁ ᐅᔅᑭᔑᑯᑦ, ᐁᐗᒀᓂᐃ ᓃᔂᔅ ᐅᑦ ᐊᒑᑾ ᑭᒋᒪᓂᑐ ᐁ ᐃᔑᑎᔕᐙᑲᓂᐎᓕᒋ ᒥᓯᐌ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 6:1

ᓂ ᑮ ᐙᐸᑌᓐ ᒫᑲ ᐃᔅᐱ ᒫᓂᔥᒑᓂᔑᔥ ᐃᐋᐸᐊᒃ ᐯᔭᒃ ᐊᑯᔅᑭᐗᓯᑲᓂᓕᐤ, ᓂ ᑮ ᐯᑌᓐ ᒫᑲ ᑖᐱᔅᑯᒡ ᐁ ᐅᓂᒥᔅᑭᑦ ᐁ ᓄᑖᑯᓯᑦ, ᐯᔭᒃ ᐁ ᐃᑕᓯᑭᒃ ᐅᐱᒫᑎᓴᒃ ᐁ ᐃᑗᑦ, ᐯᒋ ᐙᐸᑕ᙮