ᑭᔅᑫᓕᑖᑯᑖᑫᐎᓐ 5:12 - ᐅᔅᑭ ᑎᔅᑌᒥᓐᑦ

¹² ᐁ ᐃᑗᒋᒃ ᐁ ᑭᔗᐌᒋᒃ, ᑌᐸᑫᓕᑖᑯᓯᐤ ᒫᓂᔥᒑᓂᔑᔥ ᑳ ᑭ ᓂᐸᐋᑲᓂᐎᑦ ᑭᒋ ᒥᓛᑲᓂᐎᑦ ᑲᔥᑭᐅᐎᓂᓕᐤ, ᓀᔥᑕ ᒥᔕᑭᓯᐎᓇ, ᓀᔥᑕ ᑲᑫᑕᐌᓕᑕᒧᐎᓂᓕᐤ, ᓀᔥᑕ ᒪᔥᑲᐎᓯᐎᓂᓕᐤ, ᓀᔥᑕ ᑭᔅᑎᓯᐎᓂᓕᐤ, ᓀᔥᑕ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᒥᓦᑭᒥᐌᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 5:12 Iomraidhean Croise

ᐅᐸᓓᑭᔅ ᒫᑎᐤ 28:18

ᒋᓴᔅ ᒫᑲ ᑮ ᐯᒋ ᐋᔭᒥᐁᐤ, ᐁ ᐃᑗᑦ, ᒥᓯᐌ ᑲᔥᑭᐅᐎᓐ ᓂ ᒥᓕᑳᐎᓐ ᑭᒋᑭᔑᑯᒃ ᓀᔥᑕ ᐅᑕ ᐊᔅᑮᒃ᙮

ᐅᐸᓓᑭᔅ ᒑᓐ 1:29

ᐎᐋᐸᓂᓕᒃ ᒑᓐ ᐙᐸᒣᐤ ᒋᓴᓴ ᐁ ᐯᒋ ᐱᒧᑌᓕᒋ, ᐃᑗᐤ ᒫᑲ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ, ᑳ ᐎᐗᔑᑦ ᒪᒋᑐᑕᒧᐎᓂᓕᐤ ᐊᔅᑮᒃ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒑᓐ 17:2

ᑖᐱᔅᑯᒡ ᐁ ᑮ ᒥᓛᑦ ᑲᔥᑭᐅᐎᓂᓕᐤ ᑭᒋ ᑎᐯᓕᒫᑦ ᒥᓯᐌ ᐃᓕᓕᐗ, ᑭᒋ ᒥᓛᑦ ᑳᑭᑫ ᐱᒫᑎᓯᐎᓂᓕᐤ ᑕᑐ ᐊᓂᐃ ᑳ ᑮ ᒥᓚᑦ᙮

ᓂᔓ ᑯᕆᓐᑎᐊᓇ 8:9

ᐌᓴ ᑭ ᑭᔅᑫᓕᑕᒸᓇᐗᐤ ᐅ ᔕᐌᓕᒋᑫᐄᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐋᑕ ᐁ ᑮ ᒥᔕᑭᓯᑦ, ᐁᓕᐌᒃ ᑭᓚᐗᐤ ᐅᒋ ᑮ ᐊᑎ ᑭᑎᒫᑭᓯᐤ, ᑭᓚᐗᐤ ᐅ ᑭᑎᒫᑭᓯᐎᓂᒃ ᐅᒋ ᑭᒋ ᒥᔕᑭᓯᔦᒃ᙮

ᓂᔥᑕᒻ ᑎᒧᑎ 1:17

ᐁᑯ ᑭᒋᐅᑭᒪᐤ ᑳᑭᑫ ᑳ ᐃᑖᑦ, ᑳᑭᑫ ᑳ ᐱᒫᑎᓰᑦ, ᐁᑳ ᑳ ᓄᑯᓯᑦ, ᐎᓚ ᐱᑯ ᑳ ᑲᑫᑕᐌᓕᑕᒃ ᑭᒋᒪᓂᑐ, ᑲᑕ ᐎ ᑭᔅᑌᓕᒪᐤ ᓀᔥᑕ ᑲᑕ ᐎ ᑭᔅᑌᓕᑖᑯᐊᐤ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 1:6

ᓀᔥᑕ ᑳ ᑮ ᐃᑐᑖᑕᒃ ᑭᒋ ᑭᒋᐅᑭᒫᐎᔭᒃ ᓀᔥᑕ ᓵᓵᑭᐎᓕᐌᐎᓕᓕᐎᔭᒃ ᐅᑎᔥᑲᐤ ᑭᒋᒪᓂᑐ ᓀᔥᑕ ᐅᑖᐃᔭ; ᐎᓚ ᑲᑕ ᐎ ᐋᔭᐤ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑎᐯᓕᒥᐌᐎᓂᓕᐤ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᑭᔅᑫᓕᑖᑯᑖᑫᐎᓐ 15:3

ᓂᑲᒧᐗᒃ ᒫᑲ ᐅ ᓂᑲᒧᐎᓐ ᒧᓯᔅ ᐅᑦ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᐅ ᓂᑲᒧᐎᓐ ᒫᓂᔥᒑᓂᔑᔥ, ᐁ ᐃᑗᒋᒃ: ᑭᒋᐃᑌᓕᑖᑾᓋ ᓀᔥᑕ ᒫᒪᔅᑳᑌᓕᑖᑾᓋ ᑭᑦ ᐊᑑᔅᑫᐎᓇ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔭᑳᑎᓯᔭᓐ; ᒀᔭᔅᑾᓋ ᓀᔥᑕ ᑕᐺᐗᓋ ᑭᑦ ᐃᔑᑣᐎᓇ ᑳ ᐅ ᑭᒋᐅᑭᒫᒥᒥᔅᑭᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 19:1

ᑳ ᐳᓂᐸᓕᑭ ᐅᐅ, ᓂ ᑮ ᐯᑌᓐ ᐁ ᑭᒋ ᐯᑖᑯᓯᒋᒃ ᒥᒉᑦ ᐃᓕᓕᐗᒃ ᑭᒋᑭᔑᑯᒃ, ᐁ ᐃᑗᒋᒃ, ᐋᓕᓘᔭ; ᐱᒫᒋᐃᐌᐎᓐ, ᓀᔥᑕ ᑭᔅᑌᓕᑖᑯᓯᐎᓐ, ᓀᔥᑕ ᑭᔅᑎᓯᐎᓐ, ᓀᔥᑕ ᑲᔥᑭᐅᐎᓐ ᑲᑕ ᐎ ᐋᔭᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒥᓇᐤ:

ᑭᔅᑫᓕᑖᑯᑖᑫᐎᓐ 4:11

ᑮ ᑌᐸᑫᓕᑖᑯᓯᓐ, ᐅ ᑌᐯᓕᒋᑫᔭᓐ, ᑭᒋ ᒥᓕᑲᐎᔭᓐ ᒫᒥᒋᒥᑯᓯᐎᓈ ᓀᔥᑕ ᑭᔅᑖᒋᒥᑯᓯᐎᐤ ᓀᔥᑕ ᑲᔥᑭᐅᐎᓐ: ᐌᓴ ᑭ ᑮ ᐅᔑᑖᓐ ᒥᓯᐌ ᑫᒀᓇ, ᓀᔥᑕ ᐁ ᐃᔑ ᒥᓜᓕᑕᒪᓐ ᐅᒋ ᐃᑕᑾᓋ ᓀᔥᑕ ᑮ ᐅᔑᒋᑳᑌᐗ᙮

ᑭᔅᑫᓕᑖᑯᑖᑫᐎᓐ 5:13

ᒥᓯᐌ ᑕᑐ ᐊᐌᓇ ᑳ ᐃᑖᑦ ᑭᒋᑭᔑᑯᒃ, ᓀᔥᑕ ᐊᔅᑮᒃ, ᓀᔥᑕ ᐊᑖᒪᔅᑲᒥᒃ, ᓀᔥᑕ ᐊᓂᑭ ᑭᒋᑲᒦᒃ ᑳ ᐃᑖᒋᒃ, ᓀᔥᑕ ᒥᓯᐌ ᐁᑯᑕ ᑳ ᐃᑖᒋᒃ, ᓂ ᑮ ᐯᑕᐙᐗᒃ ᐁ ᐃᑗᒋᒃ, ᒥᓦᑭᒥᐌᐎᓐ, ᓀᔥᑕ ᑭᔅᑎᓯᐎᓐ, ᓀᔥᑕ ᑭᔅᑌᓕᑖᑯᓯᐎᓐ, ᓀᔥᑕ ᑲᔥᑭᐅᐎᓐ, ᑲᑕ ᐎ ᐋᔭᐤ ᐊᓇ ᑳ ᐊᐱᑦ ᐅᑭᒪᐗᐱᐎᓂᒃ, ᓀᔥᑕ ᒫᓂᔥᒑᓂᔑᔥ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 5:6

ᓂ ᑮ ᐃᑖᐱᓐ ᒫᑲ, ᒫᑎᑲ, ᒫᑲ, ᒣᑴᔭᔥ ᐅᑭᒪᐗᐱᐎᓐ, ᓀᔥᑕ ᐊᓂᑭ ᓀᐤ ᐅᐱᒫᑎᓴᒃ, ᒣᑴᔭᔥ ᒫᑲ ᐊᓂᑭ ᑳ ᓂᑳᓀᓕᑖᑯᓯᒋᒃ, ᑮ ᓂᐸᐎᐤ ᒫᓂᔥᒑᓂᔥ ᑖᐱᔅᑯᒡ ᐁ ᑮ ᓂᐸᐋᑲᓂᐎ ᓂᔂᔅ ᐁ ᐅᑦ ᐁᔥᑲᓄᑦ, ᓀᔥᑕ ᓂᔂᔅ ᐁ ᐅᔅᑭᔑᑯᑦ, ᐁᐗᒀᓂᐃ ᓃᔂᔅ ᐅᑦ ᐊᒑᑾ ᑭᒋᒪᓂᑐ ᐁ ᐃᔑᑎᔕᐙᑲᓂᐎᓕᒋ ᒥᓯᐌ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 5:8

ᐃᔅᐱ ᒫᑲ ᐌᑎᓇᒃ ᒪᓯᓇᐃᑲᓂᓕᐤ, ᐊᓂᑭ ᓀᐤ ᐅᐱᒫᑎᓴᒃ ᓀᔥᑕ ᐊᓂᑭ ᓂᔑᑕᓇ ᓀᔥᑕ ᓀᐅᔖᑉ ᑳ ᓂᑲᓀᓕᑖᑯᓯᒋᒃ ᑮ ᐸᑭᔑᓂᔅᑕᐌᐗᒃ ᒫᓂᔥᒑᓂᔑᔕ, ᑕᑐ ᐁ ᐃᑕᓯᒋᒃ ᐁ ᐋᔭᐙᒋᒃ ᔖᑲᓈᐱᑭᑐᒋᑲᓇ, ᓀᔥᑕ ᐅᓴᐎᔔᓕᐋᓈᐱᔉ ᐊᓱᐗᒋᑲᓇ ᐁ ᓵᑲᔅᑭᓀᑭ ᐎᑭᒫᓯᑲᓐ, ᐁᐗᒀᓂᒪ ᐅᑦ ᐋᔭᒥᐋᐎᓂᐗᐗ ᐅᐸᓓᑭᓴᒃ᙮

ᑭᔅᑫᓕᑖᑯᑖᑫᐎᓐ 5:9

ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;

ᑭᔅᑫᓕᑖᑯᑖᑫᐎᓐ 6:1

ᓂ ᑮ ᐙᐸᑌᓐ ᒫᑲ ᐃᔅᐱ ᒫᓂᔥᒑᓂᔑᔥ ᐃᐋᐸᐊᒃ ᐯᔭᒃ ᐊᑯᔅᑭᐗᓯᑲᓂᓕᐤ, ᓂ ᑮ ᐯᑌᓐ ᒫᑲ ᑖᐱᔅᑯᒡ ᐁ ᐅᓂᒥᔅᑭᑦ ᐁ ᓄᑖᑯᓯᑦ, ᐯᔭᒃ ᐁ ᐃᑕᓯᑭᒃ ᐅᐱᒫᑎᓴᒃ ᐁ ᐃᑗᑦ, ᐯᒋ ᐙᐸᑕ᙮

ᑭᔅᑫᓕᑖᑯᑖᑫᐎᓐ 7:12

ᐁ ᐃᑗᒋᒃ, ᐁᒣᓐ: ᒫᒥᒋᒥᑯᓯᐎᓐ, ᓀᔥᑕ ᑭᔅᑌᓕᑖᑯᓯᐎᓐ, ᓀᔥᑕ ᑲᑫᑕᐌᓕᑕᒧᐎᓐ, ᓀᔥᑕ ᓈᓈᔅᑯᒥᑯᓯᐎᓐ, ᓀᔥᑕ ᑭᔅᑖᒋᒥᓯᑯᐎᓐ, ᓀᔥᑕ ᑳᔥᑭᐅᐎᓐ, ᓀᔥᑕ ᓱᑳᑎᓯᐎᓐ ᑲᑕ ᐎ ᐋᔭᐤ ᓂ ᑭᒋᒪᓂᑐᒥᓇᓐ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮