ᑭᔅᑫᓕᑖᑯᑖᑫᐎᓐ 4:9 - ᐅᔅᑭ ᑎᔅᑌᒥᓐᑦ

⁹ ᐃᔅᐱ ᒫᑲ ᐅᑯ ᐅᐱᒫᑎᓴᒃ ᑮ ᒫᒥᒋᒫᒋᒃ ᓀᔥᑕ ᑭᔅᑖᒋᒫᒋᒃ ᓀᔥᑕ ᓇᓈᔅᑯᒫᒋᒃ ᐊᓂᐃ ᑳ ᐊᐱᓕᒋ ᐅᑭᒪᐗᐱᐎᓂᒃ, ᑳ ᐱᒫᑎᓯᓕᒋ ᑳᑭᑫ ᓀᔥᑕ ᑳᑭᑫ;

ᑭᔅᑫᓕᑖᑯᑖᑫᐎᓐ 4:9 Iomraidhean Croise

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᐦᐃᑉᕉᐗ 7:8

ᐅᑕ ᒫᑲ ᐃᓕᓕᐗᒃ ᑳ ᓂᐱᒋᒃ ᐅᑎᓇᒶᒃ ᒥᓕᐌᐎᓇ: ᒫᑲ ᐊᓐᑕ ᐎᓚ ᐅᑎᓇᒻ ᐊᓇ ᑳ ᐃᑖᒋᒫᑲᓂᐎᑦ ᐁ ᐱᒫᑎᓰᑦ᙮

ᑭᔅᑫᓕᑖᑯᑖᑫᐎᓐ 1:18

ᓂᓚ ᐁᐗᑯ ᑳ ᐱᒫᑎᓯᔮᓐ, ᓀᔥᑕ ᑳ ᑭ ᓂᐱᔮᓐ; ᒫᑎᑲ, ᒫᑲ, ᓂ ᓈᔅᐱᒋ ᐱᒫᑎᓰᓐ, ᐁᒣᓐ; ᓂᑦ ᐋᔮᓐ ᒫᑲ ᑳᑭᑫ ᐃᔥᑯᑌᐤ ᓀᔥᑕ ᓂᐱᐎᓐ ᐎᑯᑕᐃᑲᓇ᙮

ᑭᔅᑫᓕᑖᑯᑖᑫᐎᓐ 10:6

ᑮ ᑭᒋᐃᑗᐤ ᒫᑲ ᐊᓂᐃ ᐅᒋ ᑳ ᐱᒫᑎᓯᓕᒋ ᑳᑭᑫ ᓀᔥᑕ ᑳᑭᑫ, ᐊᓂᐃ ᑳ ᑮ ᐅᔑᑖᓕᒋ ᑭᒋᑭᔑᒃ ᓀᔥᑕ ᒥᓯᐌ ᐁᑯᑕ ᐁ ᐃᑕᑾᓂᓕᑭ, ᓀᔥᑕ ᐊᔅᑭ, ᓀᔥᑕ ᐊᓂᐃ ᑫᒀᓇ ᐁᑯᑕ ᐁ ᐃᑕᑾᓂᓕᑭ, ᓀᔥᑕ ᑭᒋᑲᒥ, ᓀᔥᑕ ᐊᓂᐃ ᑫᒀᓇ ᐁᑯᑕ ᐁ ᐃᑕᑾᓂᓕᑭ, ᒥᑐᓂ ᑭᒋ ᐳᓂᐸᓕᑭ ᐁ ᑭᔑᑳᑭ:

ᑭᔅᑫᓕᑖᑯᑖᑫᐎᓐ 15:7

ᐯᔭᒃ ᒫᑲ ᐊᓂᑭ ᓀᐤ ᐊᐌᓯᓴᒃ ᑮ ᒥᓓᐤ ᐊᓂᐃ ᓂᔂᔅ ᐁᓐᒐᓚ ᓂᔂᔅ ᐅᓵᐎᔔᓕᐋᓈᐱᔉ ᐅᓛᑲᓂᔕ ᐁ ᓵᑲᔅᑭᓀᑭ ᐅᑦ ᐋᑯᓚᐌᓯᐎᓐ ᑭᒋᒪᓂᑐ ᑳ ᐱᒫᑎᓰᑦ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 21:5

ᐊᓇ ᒫᑲ ᑳ ᐊᐱᑦ ᐅᑭᒪᐗᐱᐎᓂᒃ ᑮ ᐃᑗᐤ, ᒫᑎᑲ, ᒥᓯᐌ ᑫᒀᓇ ᓂᑦ ᐅᔥᑭᑖᓐ᙮ ᓂ ᑮ ᐃᑎᒃ ᒫᑲ, ᒪᓯᓇᐊ; ᐌᓴ ᐅᐅ ᐋᔭᒥᐎᓇ ᑖᐺᒪᑲᓋ ᓀᔥᑕ ᑾᔹᔅᑭᑎᒪᑲᓋ᙮

ᑭᔅᑫᓕᑖᑯᑖᑫᐎᓐ 4:2

ᑣᔦᒃ ᒫᑲ ᐊᒑᑯᒃ ᓂ ᑮ ᐃᑖᓐ: ᒫᑎᑲ, ᒫᑲ, ᐅᑭᒪᐗᐱᐎᓐ ᑮ ᐅᓚᔅᑖᓂᐗᓐ ᑭᒋᑭᔑᑯᒃ, ᐯᔭᒃ ᒫᑲ ᑮ ᐊᐱᐤ ᐅᑭᒪᐗᐱᐎᓂᒃ᙮

ᑭᔅᑫᓕᑖᑯᑖᑫᐎᓐ 4:8

ᐊᓂᑭ ᓀᐤ ᐅᐱᒫᑎᓴᒃ ᒫᑲ ᑕᑐ ᐁ ᐃᑕᓯᒋᒃ ᓂᑯᑣᔅ ᑮ ᑕᑎᓂᓕᐗ ᐅ ᑕᑲᑾᓇ; ᐱᒋ ᒫᑲ ᒥᓯᐌ ᑮ ᐅᔅᑭᔑᑯᐗᒃ: ᓇᒪᐎᓚ ᒫᑲ ᐋᓜᓯᐗᒃ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᐁ ᐃᑗᒋᒃ, ᐯᓓᑭᓯᑦ, ᐯᓓᑭᓯᑦ, ᐯᓓᑭᓯᑦ, ᐅᑎᐯᓕᒋᑫᐤ ᑭᒋᒪᓂᑐ ᒥᓯᐌ ᓯᔪᑳᑎᓰᑦ, ᑳ ᑮ ᐃᑖᑦ, ᑳ ᐃᑖᑦ, ᓀᔥᑕ ᑫ ᐃᑖᑦ᙮

ᑭᔅᑫᓕᑖᑯᑖᑫᐎᓐ 5:1

ᓂ ᑮ ᐙᐸᑌᓐ ᒫᑲ ᐅ ᑭᒋᓂᔅᑮᒃ ᐊᓇ ᐅᑭᒪᐗᐱᐎᓂᒃ ᑳ ᐊᐱᑦ, ᒪᓯᓇᐃᑲᓐ ᐁ ᒪᓯᓇᐃᑳᑌᒃ ᐱᒋ ᓀᔥᑕ ᐁ ᐅᔅᐱᔅᑾᓂᒪᑲᒃ, ᐁ ᐊᑯᔅᑭᐗᓯᑳᑌᒃ ᓂᔂᔅ ᐊᑯᔅᑭᐗᓯᑲᓇᒃ ᐅᒋ᙮

ᑭᔅᑫᓕᑖᑯᑖᑫᐎᓐ 6:16

ᑮ ᐃᑕᒶᒃ ᓀᔥᑕ ᐙᒋᔭ ᓀᔥᑕ ᑭᔅᑖᐱᔅᑾ ᐸᑕᑯᔅᑲᐎᓈᓐ ᓀᔥᑕ ᓀᔑᓈᓐ ᐁᑳ ᑭᒋ ᐙᐸᒥᑕᒃ ᐊᓇ ᑳ ᐊᐱᑦ ᐅᑭᒪᐗᐱᐎᓂᒃ, ᓀᔥᑕ ᐅᑦ ᐊᑯᓚᐌᓯᐎᓂᒃ ᐅᒋ ᒫᓂᔥᒑᓂᔑᔥ:

ᑭᔅᑫᓕᑖᑯᑖᑫᐎᓐ 7:15

ᐁᐗᑯ ᐌᒋ ᐃᑖᒋᒃ ᐅᑎᔥᑲᐤ ᑭᒋᒪᓂᑐ ᐅᑦ ᐊᑭᒪᐗᐱᐎᓂᒃ, ᓀᔥᑕ ᐊᑑᔅᑫᔅᑕᐙᒋᒃ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ ᐅ ᑭᒋᐋᔭᒥᐁᐎᑲᒥᑯᒃ; ᐊᓇ ᒫᑲ ᑳ ᐊᐱᑦ ᐅᑭᒪᐗᐱᐎᓂᒃ ᑲᑕ ᐎᒋᑕᔑᑫᒣᐤ᙮