ᑭᔅᑫᓕᑖᑯᑖᑫᐎᓐ 4:5 - ᐅᔅᑭ ᑎᔅᑌᒥᓐᑦ

⁵ ᐅᑭᒪᐗᐱᐎᓂᒃ ᒫᑲ ᑮ ᐅᒋᐸᓕᐗ ᐁ ᐙᔅᑌᐸᓕᑭ, ᓀᔥᑕ ᐅᓂᒥᔅᑭᐗᒃ, ᓀᔥᑕ ᐯᑖᑯᓯᐎᓇ: ᑮ ᐃᑕᑾᓋ ᓀᔥᑕ ᓂᔂᔅ ᐃᔥᑯᑌᐎ ᐙᔅᑌᓇᒫᑲᓇ ᐁ ᐸᓯᑌᑭ ᐅᑎᔥᑲᐤ ᐅᑭᒪᐗᐱᐎᓂᒃ, ᐁᐗᒀᓂᐃ ᑭ ᒪᓂᑐ ᐅᑦ ᐊᒑᑾ ᑳ ᓂᔂᓯᓕᒋ᙮

ᑭᔅᑫᓕᑖᑯᑖᑫᐎᓐ 4:5 Iomraidhean Croise

ᐅᐸᓓᑭᔅ ᒫᑎᐤ 25:1

ᐁᑯ ᑭᒋᑭᔑᑳᐎ ᐅᑭᒫᐎᐎᓐ ᑫ ᐃᑌᓕᑖᑾᒃ ᑖᐱᔅᑯᒡ ᒥᑖᑦ ᐅᔥᑭᓂᑭᔅᑴᐗᒃ ᑳ ᐅᑎᓇᑭᒃ ᐅ ᐙᔅᑌᓇᒫᑲᓂᐙᐗ, ᑳ ᓇᑕᐎ ᓇᑭᔥᑲᐙᒋᒃ ᐅᔥᑭᓈᐯᐙᓇ ᒫᑲ᙮

ᐅᐸᓓᑭᔅ ᒫᑎᐤ 3:11

ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ ᑴᔅᑳᑎᓯᐎᓂᒃ ᐃᔑ: ᒫᑲ ᐊᓇ ᑳ ᐯᒋ ᓄᔅᐱᓇᔑᑦ ᐊᐗᓯᑌ ᓱᑳᑎᓯᐤ ᐃᔥᐱᔥ ᓂᓚ, ᐅ ᒪᔅᑭᓯᓇ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐱᒥᐎᑕᐗᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ ᓀᔥᑕ ᐃᔥᑯᑌᓕᐤ᙮

ᐊᐸᔅᑕᓚᒃ 2:3

ᑮ ᓄᑯᓯᔅᑖᑯᐗᒃ ᒫᑲ ᐁ ᑖᔥᑳᓕᑭ ᒥᑌᓕᓕᐊ, ᑖᐱᔅᑯᒡ ᐃᔥᑯᑌᐤ ᐁ ᐃᔑᓈᑾᓂᓕᒋ, ᑮ ᑗᐅᑖᑯᐗᒃ ᒫᑲ ᒥᓯᐌ ᑕᑐ ᐁ ᐃᑕᓯᒋᒃ᙮

ᑭᔅᑫᓕᑖᑯᑖᑫᐎᓐ 1:4

ᒑᓐ ᐁ ᒪᓯᓇᐊᒪᐙᑦ ᐊᓂᐃ ᓂᔂᔅ ᒫᒪᐎᐋᔭᒥᐋᐗ ᐁᔕᐃᒃ ᑳ ᐃᑖᓕᒋ: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᐊᓇ ᐅᒋ ᑳ ᐃᑖᑦ, ᓀᔥᑕ ᑳ ᑮ ᐃᑖᑦ, ᓀᔥᑕ ᑫ ᑕᑯᔑᒃ; ᓀᔥᑕ ᐊᓂᑭ ᓂᔂᔅ ᐊᒑᑾᒃ ᐅᒋ ᐅᑎᔥᑲᐤ ᐅᑦ ᐅᑭᒪᐗᐱᐎᓂᒃ ᑳ ᐃᑖᒋᒃ;

ᑭᔅᑫᓕᑖᑯᑖᑫᐎᓐ 10:3

ᑮ ᑌᐺᐤ ᒫᑲ ᐁ ᑭᔗᐌᑦ, ᑖᐱᔅᑯᒡ ᒥᔑᐱᔑᐤ ᐁ ᐅᓗᑦ: ᐃᔅᐱ ᒫᑲ ᑳ ᑭ ᑌᐺᑦ, ᓂᔀᔅ ᐅ ᓂᒥᔅᑭᐗᒃ ᑮ ᑭᑐᐗᒃ᙮

ᑭᔅᑫᓕᑖᑯᑖᑫᐎᓐ 11:19

ᑭᒋᒪᓂᑐ ᐅ ᑭᒋᐋᔭᒥᐁᐎᑲᒥᒃ ᒫᑲ ᑮ ᐹᔅᑭᑌᓂᑳᑌᓕᐤ ᑭᒋᑭᔑᑯᒃ, ᑮ ᓄᑾᓂᓕᐤ ᒫᑲ ᐅ ᑭᒋᐋᔭᒥᐁᐎᑲᒥᑯᒃ ᐅ ᓇᔅᑯᒥᑐᐎᓂ ᐋᕐᒃ: ᑮ ᐙᐙᔅᑌᐸᓕᐤ ᒫᑲ, ᓀᔥᑕ ᑮ ᐯᐯᑖᑯᓯᓈᓂᐗᓐ, ᓀᔥᑕ ᑮ ᑶᑾᓐ, ᓀᔥᑕ ᑮ ᑭᒋ ᓭᓭᑲᓐ᙮

ᑭᔅᑫᓕᑖᑯᑖᑫᐎᓐ 3:1

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᓵᕐᑎᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐋᔮᐎᒫᑦ ᑭᒋᒪᓂᑐ ᓂᔂᔅ ᐅᑦ ᐊᒑᑯᒪ, ᓀᔥᑕ ᐊᓂᐃ ᓂᔂᔅ ᐊᒐᑾ: ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᐁ ᐋᔮᔭᓐ ᐃᔑᓂᑳᓱᐎᓐ ᐁ ᐱᒫᑎᓯᔭᓐ, ᒫᑲ ᐁ ᓂᐱᔭᓐ᙮

ᑭᔅᑫᓕᑖᑯᑖᑫᐎᓐ 5:6

ᓂ ᑮ ᐃᑖᐱᓐ ᒫᑲ, ᒫᑎᑲ, ᒫᑲ, ᒣᑴᔭᔥ ᐅᑭᒪᐗᐱᐎᓐ, ᓀᔥᑕ ᐊᓂᑭ ᓀᐤ ᐅᐱᒫᑎᓴᒃ, ᒣᑴᔭᔥ ᒫᑲ ᐊᓂᑭ ᑳ ᓂᑳᓀᓕᑖᑯᓯᒋᒃ, ᑮ ᓂᐸᐎᐤ ᒫᓂᔥᒑᓂᔥ ᑖᐱᔅᑯᒡ ᐁ ᑮ ᓂᐸᐋᑲᓂᐎ ᓂᔂᔅ ᐁ ᐅᑦ ᐁᔥᑲᓄᑦ, ᓀᔥᑕ ᓂᔂᔅ ᐁ ᐅᔅᑭᔑᑯᑦ, ᐁᐗᒀᓂᐃ ᓃᔂᔅ ᐅᑦ ᐊᒑᑾ ᑭᒋᒪᓂᑐ ᐁ ᐃᔑᑎᔕᐙᑲᓂᐎᓕᒋ ᒥᓯᐌ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 8:5

ᐊᓇ ᐁᓐᒐᓪ ᒫᑲ ᑮ ᐅᑎᓇᒻ ᐸᑭᒋᑫᐎᓛᑲᓂᓕᐤ, ᑮ ᓵᑲᔅᑭᓇᑕᐤ ᒫᑲ ᐃᔥᑯᑌᓕᐤ ᐸᑭᒋᑲᓈᐱᔅᑯᒃ ᐅᒋ, ᐊᔅᑮᒃ ᒫᑲ ᑮ ᐃᔑ ᐌᐱᓇᒻ: ᑮ ᐯᑖᑯᓯᓈᓂᐗᓐ ᒫᑲ, ᓀᔥᑕ ᐅᓂᒥᔅᑭᐗᒃ, ᓀᔥᑕ ᐁ ᐙᐙᔅᑌᐸᓕᒃ, ᓀᔥᑕ ᑮ ᑶᑾᓐ᙮