ᑭᔅᑫᓕᑖᑯᑖᑫᐎᓐ 4:4 - ᐅᔅᑭ ᑎᔅᑌᒥᓐᑦ

⁴ ᐙᔅᑲ ᒫᑲ ᐅᑭᒪᐗᐱᐎᓂᒃ ᑮ ᐃᑕᑾᓋ ᓂᔑᑕᓇ ᓀᐊᔖᑉ ᓀᔥᑕ ᑌᑕᐱᐎᓇ; ᐊᓂᐃ ᒫᑲ ᑌᑕᐱᐎᓇ ᓂ ᑮ ᐙᐸᒪᐗᒃ ᐁ ᑌᑕᐱᒋᒃ ᓂᔑᑕᓇ ᓀᐊᔖᑉ ᓀᔥᑕ ᑳ ᓂᑳᓀᓕᑖᑯᓯᒋᒃ, ᐁ ᐙᐱᐅᒋᒃ, ᑮ ᑭᑭᔥᑲᒶᒃ ᒫᑲ ᐅᔅᑎᒀᓂᐙᒃ ᐅᓵᐎᔔᓕᐊᓈᐱᔉ ᐅᑭᒪᐗᔅᑐᑎᓋ᙮

ᑭᔅᑫᓕᑖᑯᑖᑫᐎᓐ 4:4 Iomraidhean Croise

ᐅᐸᓓᑭᔅ ᒫᑎᐤ 19:28

ᒋᓴᔅ ᒫᑲ ᑮ ᐃᑌᐤ, ᑖᐺ ᑭᑦ ᐃᑎᓈᐗᐤ, ᑭᓚᐗᐤ ᑳ ᑮ ᓄᔅᐱᓇᔑᔦᒃ, ᐅᔥᑭ ᓂᑖᐎᑭᐎᓂᒃ ᐃᔅᐱ ᐃᓕᓕᐎᑯᓯᓵᓐ ᐊᐱᑌ ᐅ ᑭᔅᑌᓕᑖᑯᓯᐎᓂ ᐅᑭᒪᐗᐱᐄᓂᒃ, ᑭᓚᐗᐤ ᓀᔥᑕ ᑭ ᑳ ᑌᑕᐱᓇᐗᐤ ᓂᔓᔖᑉ ᐅᑭᒪᐗᐱᐄᓇ ᐁ ᑎᐹᔅᑯᓀᑾᒃ ᐊᓂᐃ ᓂᔓᔖᑉ ᐅ ᑕᑐᑌᐎᓯᒪ ᐃᔅᕃᐃᓪ᙮

ᐅᐸᓓᑭᔅ ᓘᒃ 22:30

ᑭᒋ ᒥᒋᓱᔦᒃ ᓀᔥᑕ ᑭᒋ ᒥᓂᑴᔦᒃ ᓂ ᒥᒋᓱᓈᑎᑯᒃ ᓂᑦ ᐅᑭᒫᐎᐎᓂᒃ, ᓀᔥᑕ ᐅᑭᒪᐗᐱᐎᓂᒃ ᑭᒋ ᐊᐱᔦᒃ, ᐁ ᑎᐹᔅᑯᓀᑾᒃ ᐊᓂᑭ ᐁ ᓂᔓᔖᐳᑌᐎᓯᑦ ᐃᔅᕃᐃᓪ᙮

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᑭᔅᑫᓕᑖᑯᑖᑫᐎᓐ 11:16

ᐊᓂᑭ ᒫᑲ ᓂᔑᑕᓇᐤ ᓀᔥᑕ ᓀᐅᔖᑉ ᑳ ᓂᑳᓀᓕᑖᑯᓯᒋᒃ, ᑳ ᐅᑎᔥᑲᐗᐲᔅᑕᐙᒋᒃ ᑭᒋᒪᓂᑐᐗ, ᑮ ᐅᑎᐱᐸᓕᐅᐗᒃ, ᓀᔥᑕ ᐋᔭᒥᐁᔅᑕᐌᐗᒃ ᑭᒋᒪᓂᑐᐗ,

ᑭᔅᑫᓕᑖᑯᑖᑫᐎᓐ 14:3

ᑮ ᓂᑲᒧᐗᒃ ᒫᑲ ᒥᑯᔥᑳ ᐅᔥᑭ ᓂᑲᒧᐎᓂᓕᐤ ᐅᑎᔥᑲᐤ ᐅᑭᒪᐗᐱᐎᓂᓕᐤ, ᐅᑎᔥᑲᐤ ᓀᔥᑕ ᐊᓂᐃ ᓀᐤ ᐅᐱᒫᑌᓴ, ᓀᔥᑕ ᐊᓂᐃ ᑳ ᓂᑳᓀᓕᑖᑯᓯᓕᒋ; ᓇᒪᐎᓚ ᐊᐌᓇ ᒫᑲ ᑮ ᑲᔥᑭᑕᐤ ᑭᒋ ᑭᔅᑫᓕᑕᒃ ᐊᓂᐁᓕᐤ ᓂᑲᒧᐎᓂᓕᐤ, ᐱᑯ ᐊᓂᑭ ᒥᑖᑐᒥᑕᓇᐗᐤ ᓀᔥᑕ ᒥᑐᑕᓇᐤ ᓀᐅᔖᑄᐤ ᑭᒋᒥᑖᑐᒥᑕᓇᐤ, ᑳ ᑭ ᐱᒫᒋᐋᑲᓂᐎᒋᒃ ᐊᔅᑮᒃ ᐅᒋ᙮

ᑭᔅᑫᓕᑖᑯᑖᑫᐎᓐ 19:14

ᐊᓂᑭ ᐅᒫᒪᐎᓄᑎᓂᑫᐗᒃ ᒫᑲ ᑭᒋᑭᔑᑯᒃ ᑳ ᐃᑖᒋᒃ ᑭ ᓄᔅᐱᓇᑌᐗᒃ ᐁ ᑌᑕᐱᑐᑕᐙᒋᒃ ᑳ ᐙᐱᓯᓕᒋ ᒥᔅᑕᑎᒶ, ᐁ ᑭᑭᔥᑲᑭᒃ ᑳ ᒥᓨᔑᓂᓕᒃ ᐙᐱᔅᑫᑭᓂᓕᐤ, ᐁ ᐙᐹᓕᒃ ᓀᔥᑕ ᐁ ᐸᓓᑲᓂᓕᒃ᙮

ᑭᔅᑫᓕᑖᑯᑖᑫᐎᓐ 19:4

ᐊᓂᑭ ᒫᑲ ᓂᔑᑕᓇᐤ ᓀᔥᑕ ᓀᐅᔕᑉ ᑳ ᓂᑲᓀᓕᑖᑯᓯᒋᒃ, ᐊᓂᑭ ᓀᔥᑕ ᓀᐤ ᐊᐌᓯᓴᒃ, ᐁ ᐸᑭᔑᑭᒃ ᑭ ᓇᐗᑮᔅᑕᐌᐗᒃ ᑭᒋᒪᓂᑐᐗ ᐁ ᐊᐱᓕᒋ ᐅᑭᒫᐗᐱᐎᓂᒃ, ᐁ ᐃᑗᒋᒃ, ᐁᒣᓐ; ᐋᓕᓘᔭ᙮

ᑭᔅᑫᓕᑖᑯᑖᑫᐎᓐ 2:10

ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 3:18

ᑭ ᔑᑭᒥᑎᓐ ᑭᒋ ᐊᑖᒥᔭᓐ ᐅᓵᐎᔔᓕᐊᓈᐱᔉ ᐃᔥᑯᑌᒃ ᑳ ᑲᑴᒋᑖᓂᐗᒃ, ᑭᒋ ᒥᔕᑭᓯᔭᓐ; ᓀᔥᑕ ᑳ ᐙᐹᑭ ᐎᓛᒋᑲᓇ, ᐁᑳ ᑭᒋ ᓄᑾᒃ ᑭ ᓇᓀᐯᐎᓯᐎᓐ ᐁ ᒧᔐᔥᑲᑌᔭᓐ; ᓀᔥᑕ ᑭᒋ ᑐᒥᓇᒪᓐ ᑭᔅᑭᔑᑾ ᒥᔅᑭᔑᑯᑐᒥᓂᑲᓐ ᐅᒋ, ᑭᒋ ᑮ ᐙᐱᔭᓐ᙮

ᑭᔅᑫᓕᑖᑯᑖᑫᐎᓐ 4:10

ᐊᓂᑭ ᓂᔑᑕᓇ ᓀᐅᔖᑉ ᓀᔥᑕ ᑳ ᓂᑳᓀᓕᑖᑯᓯᒋᒃ ᐸᑭᔑᓃᔅᑕᐌᐗᒃ ᐊᓂᐃ ᑳ ᐊᐱᓕᒋ ᐅᑭᒪᐗᐱᐎᓂᒃ, ᓇᐗᑮᔅᑕᐌᐗᑳ ᒫᑲ ᐊᓂᐃ ᑳ ᐱᒫᑎᓯᓕᒋ ᑳᑭᑫ ᓀᔥᑕ ᑳᑭᑫ, ᐌᐱᓇᒶᒃ ᒫᑲ ᐅᑦ ᐅᑭᒪᐗᔅᑐᑎᓂᐙᐗ ᐅᑎᔥᑲᐤ ᐅᑭᒫᐗᐱᐎᓂᒃ, ᐁ ᐃᑗᒋᒃ,

ᑭᔅᑫᓕᑖᑯᑖᑫᐎᓐ 4:6

ᐅᑎᔥᑲᐤ ᒫᑲ ᐅᑭᒪᐗᐱᐎᓂᒃ ᑮ ᐃᑕᑾᓐ ᐙᓭᓂᑖᑲᓂᐎ ᑭᒋᑲᒥ ᑖᐱᔅᑯᒡ ᒪᔅᑾᒥ: ᑌᑖᐎᒡ ᒫᑲ ᐅᑭᒪᐗᐱᐎᓂᒃ, ᓀᔥᑕ ᐙᔅᑲ ᐅᑭᒪᐗᐱᐎᓂᒃ ᑮ ᐃᑖᐗᒃ ᓀᐤ ᐅᐱᒫᑎᓴᒃ, ᒥᓯᐌ ᐁ ᐅᔅᑭᔑᑯᒋᒃ ᓃᔅᑖᒥᒃ ᓀᔥᑕ ᐅᑖᓈᒃ᙮

ᑭᔅᑫᓕᑖᑯᑖᑫᐎᓐ 5:11

ᓂ ᑮ ᐃᑖᐱᓐ ᒫᑲ, ᓂ ᑮ ᐯᑕᒸᓐ ᒫᑲ ᐅ ᐯᑖᑯᓯᐎᓂᐗᐤ ᒥᒉᑦ ᐁᓐᒐᓚᒃ ᐙᔅᑲ ᐅᑭᒪᐗᐱᐎᓂᒃ, ᓀᔥᑕ ᐊᓂᑭ ᐅᐱᒫᑎᓴᒃ, ᓀᔥᑕ ᐊᓂᑭ ᑳ ᓂᑳᓀᓕᑖᑯᓯᒋᒃ: ᑮ ᐃᑕᔑᐗᒃ ᒫᑲ ᒥᑖᑦ ᑭᒋᒥᑕᑐᒥᑕᓇᐗᐤ ᒥᑖᑦ ᑭᒋᒥᑖᑐᒥᑕᓇᐤ, ᓀᔥᑕ ᑭᒋᒥᑖᑐᒥᑕᓇᐗᐤ ᑭᒋᒥᑖᑐᒥᑕᓇᐤ;

ᑭᔅᑫᓕᑖᑯᑖᑫᐎᓐ 5:14

ᐊᓂᑭ ᓀᐤ ᐅᐱᒫᑎᓴᒃ ᒫᑲ ᑮ ᐃᑗᐗᒃ, ᐁᒣᓐ᙮ ᐊᓂᑭ ᓂᔑᑕᓇᐤ ᓀᔥᑕ ᓀᐅᔖᑉ ᑳ ᓂᑳᓀᓕᑖᑯᓯᒋᒃ ᒫᑲ ᑮ ᐸᑭᔑᓋᒃ ᓀᔥᑕ ᑮ ᓇᐗᑭᔅᑕᐌᐗᒃ ᐊᓂᐃ ᑳ ᐱᒫᑎᓯᓕᒋ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 5:6

ᓂ ᑮ ᐃᑖᐱᓐ ᒫᑲ, ᒫᑎᑲ, ᒫᑲ, ᒣᑴᔭᔥ ᐅᑭᒪᐗᐱᐎᓐ, ᓀᔥᑕ ᐊᓂᑭ ᓀᐤ ᐅᐱᒫᑎᓴᒃ, ᒣᑴᔭᔥ ᒫᑲ ᐊᓂᑭ ᑳ ᓂᑳᓀᓕᑖᑯᓯᒋᒃ, ᑮ ᓂᐸᐎᐤ ᒫᓂᔥᒑᓂᔥ ᑖᐱᔅᑯᒡ ᐁ ᑮ ᓂᐸᐋᑲᓂᐎ ᓂᔂᔅ ᐁ ᐅᑦ ᐁᔥᑲᓄᑦ, ᓀᔥᑕ ᓂᔂᔅ ᐁ ᐅᔅᑭᔑᑯᑦ, ᐁᐗᒀᓂᐃ ᓃᔂᔅ ᐅᑦ ᐊᒑᑾ ᑭᒋᒪᓂᑐ ᐁ ᐃᔑᑎᔕᐙᑲᓂᐎᓕᒋ ᒥᓯᐌ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 5:8

ᐃᔅᐱ ᒫᑲ ᐌᑎᓇᒃ ᒪᓯᓇᐃᑲᓂᓕᐤ, ᐊᓂᑭ ᓀᐤ ᐅᐱᒫᑎᓴᒃ ᓀᔥᑕ ᐊᓂᑭ ᓂᔑᑕᓇ ᓀᔥᑕ ᓀᐅᔖᑉ ᑳ ᓂᑲᓀᓕᑖᑯᓯᒋᒃ ᑮ ᐸᑭᔑᓂᔅᑕᐌᐗᒃ ᒫᓂᔥᒑᓂᔑᔕ, ᑕᑐ ᐁ ᐃᑕᓯᒋᒃ ᐁ ᐋᔭᐙᒋᒃ ᔖᑲᓈᐱᑭᑐᒋᑲᓇ, ᓀᔥᑕ ᐅᓴᐎᔔᓕᐋᓈᐱᔉ ᐊᓱᐗᒋᑲᓇ ᐁ ᓵᑲᔅᑭᓀᑭ ᐎᑭᒫᓯᑲᓐ, ᐁᐗᒀᓂᒪ ᐅᑦ ᐋᔭᒥᐋᐎᓂᐗᐗ ᐅᐸᓓᑭᓴᒃ᙮

ᑭᔅᑫᓕᑖᑯᑖᑫᐎᓐ 6:11

ᐙᐱᔅᑭ ᐊᑯᐅᓇ ᒫᑲ ᑮ ᒥᓛᐗᒃ ᒥᓯᐌ ᐁ ᐃᑕᓯᒋᒃ; ᑮ ᐃᑖᑲᓂᐎᐗᒃ ᒫᑲ ᐱᑕᒪ ᑭᒋ ᐋᓜᓯᒋᒃ, ᐃᓕᑯᒃ ᐊᓂᐃ ᐎᒋᐊᑑᔅᑫᓛᑲᓂᐗᐗ ᐊᓯᒋ, ᓀᔥᑕ ᐎᒋᔖᓂᐗᐗ ᑭᒋ ᓂᐹᐃᒥᒋ ᑖᐱᔅᑯᒡ ᐎᓚᐗᐤ ᑫᒋᐙᒃ, ᑭᒋ ᑎᐱᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 7:11

ᒥᓯᐌ ᐁᓐᒐᓚᒃ ᒫᑲ ᑮ ᐙᔅᑲᑳᐸᐎᔅᑕᒶᒃ ᐅᑭᒪᐗᐱᐎᓂᓕᐤ, ᓀᔥᑕ ᑳ ᓂᑳᓀᓕᑖᑯᓯᓕᒋ, ᓀᔥᑕ ᐊᓂᐃ ᓀᐤ ᐅᐱᒫᑎᓴ, ᑮ ᐅᑎᑕᐱᐸᓕᐗᒃ ᒫᑲ ᐅᑎᔥᑲᐤ ᐅᑭᒪᐗᐱᐎᓂᓕᐤ, ᑮ ᓇᐗᑮᔅᑕᐌᐗᒃ ᒫᑲ ᑭᒋᒪᓂᑐᐗ,

ᑭᔅᑫᓕᑖᑯᑖᑫᐎᓐ 7:9

ᑳ ᐳᓂᐸᓕᒃ ᐅᒪ ᓂ ᑮ ᐙᐸᑌᓐ, ᒫᑎᑲ ᒫᑲ ᓈᔅᐱᒡ ᐁ ᒥᒉᑎᒋᒃ ᐃᓕᓕᐗᒃ ᐁᑳ ᑳ ᑮ ᐊᑭᒥᑯᒋᒃ ᐊᓂᐁᓕᐗ, ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ ᐅᒋ, ᓀᔥᑕ ᐁ ᐃᑕᑐᑌᐎᓯᒋᒃ ᐃᓕᓕᐗᒃ, ᓀᔥᑕ ᐹᐱᑐᔥ ᐃᓕᓕᐗᒃ, ᓀᔥᑕ ᐹᐱᑐᔥ ᐁ ᐃᔑᑭᔗᒋᒃ, ᑮ ᓂᐸᐎᐗᒃ ᐅᑎᔥᑲᐤ ᐅᑭᒪᐗᐱᐎᓂᓕᐤ, ᓀᔥᑕ ᐅᑎᔥᑲᐤ ᒫᓂᔥᒑᓂᔑᔕ, ᐁ ᑭᑭᔥᑲᑭᒃ ᐙᐱ ᐊᑲᐅᓇ, ᓀᔥᑕ ᐁ ᑕᑯᓇᑭᒃ ᐹᒻ ᐗᑎᑾᓇ;

ᑭᔅᑫᓕᑖᑯᑖᑫᐎᓐ 9:7

ᐊᓂᑭ ᒀᒀᐱᔑᔕᒃ ᒫᑲ ᑮ ᐃᔑᓈᑯᓯᐗᒃ ᑖᐱᔅᑯᒡ ᒥᔅᑕᑎᒶᒃ ᐁ ᐋᔦᔅᑲᐎᓯᒋᒃ ᒫᒪᐎᓄᑎᓂᑐᐎᓐ ᐅᒋ; ᓀᔥᑕ ᐅᔅᑎᒀᓂᐙᒃ ᑮ ᐃᑕᑾᓋ ᑖᐱᔅᑯᒡ ᐅᓵᐎᔔᓕᐊᓈᐱᔉ ᐅᑭᒪᐗᔅᑐᑎᓋ, ᓀᔥᑕ ᐅᑖᔅᑕᒥᑯᐙᐗ ᑖᐱᔅᑯᒡ ᐃᓕᓕᐗᒃ ᐅᑖᔅᑕᒥᑯᐙᐗ ᑮ ᐃᔑᓈᑾᓂᓕᐗ᙮