ᑭᔅᑫᓕᑖᑯᑖᑫᐎᓐ 3:5 - ᐅᔅᑭ ᑎᔅᑌᒥᓐᑦ

⁵ ᐊᓇ ᑳ ᔖᑯᒋᐃᐌᑦ, ᐁᐗᒀᓇ ᑫ ᐙᐱᐅᑦ: ᓇᒪᐎᓚ ᒫᑲ ᓂ ᑳ ᑳᓯᐊᒸᓐ ᐅᑦ ᐃᔑᓂᑳᓱᐎᓐ ᐱᒫᑎᓯᐎᓂ ᒪᓯᓇᐃᑲᓂᒃ ᐅᒋ, ᒫᑲ ᓂ ᑳ ᐎᑕᒸᓐ ᐅᑦ ᐃᔑᓂᑳᓱᐎᓐ ᐅᑎᔥᑲᐤ ᓄᑖᐎ, ᓀᔥᑕ ᐅᑎᔥᑲᐤ ᐅᑦ ᐁᓐᒐᓕᒪ᙮

ᑭᔅᑫᓕᑖᑯᑖᑫᐎᓐ 3:5 Iomraidhean Croise

ᐅᐸᓓᑭᔅ ᒫᑎᐤ 10:32

ᐊᐌᓇ ᒫᑲ ᑫ ᑎᐹᒋᒥᑴ ᐃᑕ ᐁ ᐃᑖᓕᒋ ᐃᓕᓕᐗ, ᐁᐗᒀᓇ ᓀᔥᑕ ᑫ ᑎᐹᒋᒪᒃ ᐅᑎᔥᑲᐤ ᓄᑖᐎ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᓘᒃ 10:20

ᐁᓕᐌᒃ ᒫᑲ, ᐁᑳᐎᓚ ᒧᒋᑫᓕᑕᒧᒃ ᐅᒪ ᐅᒋ, ᐁ ᐱᔑᒋᐃᑖᑾᒃ ᐊᒑᑾᒃ; ᒫᑲ ᐊᐙᓯᑌ ᒧᒋᑫᓕᑕᒧᒃ ᐁ ᒪᓯᓇᐃᑳᑌᑭ ᑭᑦ ᐃᔑᓂᑳᓱᐎᓂᐙᐗ ᑭᒋᑭᔑᑯᒃ᙮

ᐅᐸᓓᑭᔅ ᓘᒃ 12:8

ᐊᓯᒋ ᓀᔥᑕ ᑭᑦ ᐃᑎᓇᐗᐤ, ᐊᐌᓇ ᑫ ᑎᐹᒋᒥᑴ ᐃᑕ ᐁ ᐃᑖᓕᒋ ᐃᓕᓕᐗ, ᐁᐗᒀᓇ ᓀᔥᑕ ᑫ ᑎᐹᒋᒫᑦ ᐃᓕᓕᐎᑯᓯᓵᓐ ᐅᑎᔥᑳᐤ ᑭᒋᒪᓂᑐ ᐅᑦ ᐁᓐᒐᓕᒪ᙮

ᐱᓕᐱᔭᓇ 4:3

ᑭᓚ ᓀᔥᑕ ᑭ ᐸᑯᓭᓕᒥᑎᓐ, ᑖᐺ ᓂᒋᐊᑑᔅᑫᐎᓕᓕᒻ, ᐎᒋᐃᒃ ᐊᓂᑭ ᐃᔅᑴᐗᒃ ᑳ ᑮ ᐎᒋᐊᑑᔅᑫᒥᒋᒃ ᒥᓗᐋᒋᒧᐎᓂᒃ, ᐊᓯᒋ ᒃᓓᒧᓐᑦ ᓀᔥᑕ, ᐊᓯᒋ ᑯᑕᑭᔭᒃ ᓂᒋᐊᑑᔅᑫᐎᓕᓕᒪᒃ, ᐅᑦ ᐃᔑᓂᑳᓱᐎᓂᐗᐗ ᑳ ᐃᑕᑾᓂᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ᙮

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᑭᔅᑫᓕᑖᑯᑖᑫᐎᓐ 17:8

ᐊᓇ ᐊᐌᓯᔅ ᑳ ᑮ ᐙᐸᒪᑦ ᑮ ᐃᑖᐤ, ᓇᒪ ᐃᑖᐤ ᒫᑲ; ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᒫᑲ ᑲᑕ ᐅᒋ ᐅᐱᔅᑲᐤ, ᑲᑕ ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ: ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒫᒫᔅᑳᑕᒶᒃ, (ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᑮ ᒪᓯᓇᐃᑳᑌᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ ᐊᔅᐱᓐ ᑳ ᒫᒋ ᐊᔅᑮᐗᒃ,) ᐃᔅᐱ ᐙᐸᒫᑡᐌ ᐊᓂᐃ ᐊᐌᓯᓴ ᑳ ᑮ ᐃᑖᓕᒋ, ᐁᑳ ᒫᑲ ᐁ ᐃᑖᓕᒋ, ᐁᓕᐌᒃ ᒫᑲ ᐁ ᐃᑕᓕᒋ᙮

ᑭᔅᑫᓕᑖᑯᑖᑫᐎᓐ 19:8

ᐎᓚ ᒫᑲ ᑭ ᒥᓚᐤ, ᑭᒋ ᑭᑭᔥᑲᒃ ᒣᓨᔑᓂᓕᒃ ᐙᐱᔅᑫᑭᓂᓕᐤ, ᐁ ᐸᓓᑲᓂᓕᑳ ᓀᔥᑕ ᐁ ᐙᐹᓕᒃ: ᐌᓴ ᒣᓨᔑᒃ ᐙᐱᔅᑫᑭᓐ ᐁᐗᑯ ᐅ ᒀᔭᔅᑭᑖᑎᓯᐎᓂᐗᐤ ᐅᐸᓓᑭᓴᒃ᙮

ᑭᔅᑫᓕᑖᑯᑖᑫᐎᓐ 2:11

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ; ᐊᓇ ᑳ ᔖᑯᒋᐃᐌᑦ ᓇᒪᐎᓚ ᑲᑕ ᐊᑯᐃᑯ ᐊᓂᐁᓕᐤ ᓂᔓ ᓂᐱᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 2:7

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐋᒑᒃ ᑳ ᐃᑖᑦ ᒫᒪᐎᐋᔭᒥᐋᐗ; ᐊᓇ ᑳ ᔖᑯᒋᐃᐌᑦ, ᓂ ᑳ ᒥᓚᐤ ᐱᒫᑎᓯᐎᓂ ᒥᔅᑎᑯᒃ ᑭᒋ ᐅᒋ ᒥᒋᓱᑦ, ᑳ ᐃᑖᓕᒋ ᑌᑖᐎᒡ ᐅ ᐹᕋᑕᐃᓯᒥᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 20:12

ᓂ ᑮ ᐙᐸᒫᐗᒃ ᒫᑲ ᑳ ᓂᐱᒋᒃ, ᐁ ᐋᐱᔑᔑᔑᒋᒃ ᓀᔥᑕ ᐁ ᒥᔑᑭᑎᒋᒃ, ᐁ ᐅᑎᔥᑲᐎᑳᐸᐐᔅᑕᐙᒋᒃ ᑭᒋᒪᓂᑐᐗ: ᒪᓯᓇᐃᑲᓇ ᒫᑲ ᑮ ᐋᐸᐃᑳᑌᐗ; ᑯᑕᒃ ᒪᓯᓇᐃᑲᓐ ᓀᔥᑕ ᑮ ᐋᐸᐃᑳᑌᐤ, ᐁᐗᑯ ᐱᒫᑎᓯᐎᓂ ᒪᓯᓇᐃᑲᓐ; ᑳ ᓂᐱᒋᒃ ᒫᑲ ᑮ ᐅᒋ ᑎᐹᔅᑯᓇᐗᒃ ᐊᓂᐃ ᒪᓯᓇᐃᑲᓂᒃ ᑳ ᒪᓯᓇᐃᑳᑌᓕᑭ, ᒬᒋ ᑳ ᑮ ᐃᔑ ᐊᑑᔅᑫᒋᒃ᙮

ᑭᔅᑫᓕᑖᑯᑖᑫᐎᓐ 20:15

ᒥᓯᐌ ᑕᑐ ᐊᐌᓇ ᒫᑲ ᐁᑳ ᑳ ᒥᔅᑲᐙᑲᓂᐎᑦ ᐁ ᒪᓯᓇᐃᑳᓱᑦ ᐱᒫᑎᓯᐎᓂ ᒪᓯᓇᐃᑲᓂᒃ ᐃᔥᑯᑌᐎ ᓵᑲᐃᑲᓂᒃ ᑮ ᐃᔑ ᐌᐱᓇᐤ᙮

ᑭᔅᑫᓕᑖᑯᑖᑫᐎᓐ 21:27

ᓇᒪᐎᓚ ᒥᑐᓂ ᒫᑲ ᐊᓐᑕ ᑲᑕ ᐱᑐᑫᒪᑲᓐ ᑫᒀᓇ ᑳ ᐎᓂᐃᐌᒪᑲᒃ, ᓇᒪ ᓀᔥᑕ ᑫᒀᓐ ᑳ ᓂᐹᓯᓈᑯᐃᐌᒪᑲᒃ, ᓀᔥᑕ ᐱᑯ ᑳ ᑭᓛᔅᑭᒪᑲᒃ; ᐊᓂᑭ ᐱᑯ ᑳ ᒪᓯᓇᐃᑳᓱᒋᒃ ᒫᓂᔥᒑᓂᔑᔥ ᐅ ᐱᒫᑎᓯᐎᓂ ᒫᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 22:19

ᑮᔥᐱᓐ ᒫᑲ ᐊᐌᓇ ᐃᓕᓕᐤ ᑫ ᐃᑲᑌᓇᒧᑴ ᑳ ᐃᑗᒪᑲᓂᓕᒃ ᐅᒪ ᑭᔅᑭᐙᐃᑫᐎ ᐋᔭᒥᐎᓐ ᒪᓯᓇᐃᑲᓂᒃ, ᑭᒋᒪᓂᑐ ᑲᑕ ᐃᑲᑌᓇᒬᐤ ᐅ ᑎᐯᓕᑖᑯᓯᐎᓂᓕᐤ ᐱᒫᑎᓯᐎᓂ ᒪᓯᓇᐃᑲᓂᒃ ᐅᒋ, ᓀᔥᑕ ᐸᓓᑭ ᐃᑖᐎᓂᒃ ᐅᒋ, ᓀᔥᑕ ᐊᓂᐃ ᑫᒀᓇ ᐅᒋ ᑳ ᒪᓯᓇᐃᑳᑌᑭ ᐅᒪ ᒪᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 3:12

ᐊᓇ ᑳ ᔖᑯᒋᐃᐌᑦ, ᓯᑣᔅᑯᐃᑲᓐ ᓂ ᑳ ᐃᔑᐊᐤ ᐁ ᑭᒋᐋᔭᒥᐁᐎᑲᒥᑯᒃ ᓂ ᑭᒋᒪᓂᑐᒻ, ᓇᒪᐎᔅᑳᑦ ᒥᓇ ᒫᑲ ᑲᑕ ᐗᓚᐎᐤ: ᓂ ᑳ ᒪᓯᓇᐗᐤ ᒫᑲ ᐅᑦ ᐃᔑᓂᑳᓱᐎᓐ ᓂ ᑭᒋᒪᓂᑐᒻ, ᓀᔥᑕ ᐁ ᐃᔑᓂᑳᑌᓕᒃ ᐅᑦ ᐃᑖᐎᓐ ᓂ ᑭᒋᒪᓂᑐᒻ, ᐁᐗᑯ ᐅᔥᑭ ᒋᕉᓴᓚᒻ ᑭᒋᑭᔑᑯᒃ ᑳ ᐅᒋ ᓛᔑᐸᓕᑖᑦ ᓂ ᑭᒋᒪᓂᑐᒻ: ᓂ ᑳ ᒪᓯᓇᐗᐤ ᒫᑲ ᓂᑦ ᐅᔥᑭ ᐃᔑᓂᑳᓱᐎᓐ᙮

ᑭᔅᑫᓕᑖᑯᑖᑫᐎᓐ 3:4

ᑭᑦ ᐋᔮᓐ ᐋᑎᑦ ᐃᔑᓂᑳᓱᐎᓇ ᐊᐳᒋᑲ ᓵᕐᑎᓯᒃ, ᐁᑳ ᑳ ᑭ ᐎᓕᐱᑖᒋᒃ ᐅ ᐎᓛᒋᑲᓂᐙᐗ: ᓂ ᑳ ᐎᒋᐱᒧᑌᒥᑾᒃ ᒫᑲ ᐁ ᐙᐱᐅᒋᒃ; ᐌᓴ ᑌᐸᑫᓕᑖᑯᓯᐗᒃ᙮

ᑭᔅᑫᓕᑖᑯᑖᑫᐎᓐ 6:11

ᐙᐱᔅᑭ ᐊᑯᐅᓇ ᒫᑲ ᑮ ᒥᓛᐗᒃ ᒥᓯᐌ ᐁ ᐃᑕᓯᒋᒃ; ᑮ ᐃᑖᑲᓂᐎᐗᒃ ᒫᑲ ᐱᑕᒪ ᑭᒋ ᐋᓜᓯᒋᒃ, ᐃᓕᑯᒃ ᐊᓂᐃ ᐎᒋᐊᑑᔅᑫᓛᑲᓂᐗᐗ ᐊᓯᒋ, ᓀᔥᑕ ᐎᒋᔖᓂᐗᐗ ᑭᒋ ᓂᐹᐃᒥᒋ ᑖᐱᔅᑯᒡ ᐎᓚᐗᐤ ᑫᒋᐙᒃ, ᑭᒋ ᑎᐱᐸᓕᓕᒃ᙮