ᑭᔅᑫᓕᑖᑯᑖᑫᐎᓐ 3:4 - ᐅᔅᑭ ᑎᔅᑌᒥᓐᑦ

⁴ ᑭᑦ ᐋᔮᓐ ᐋᑎᑦ ᐃᔑᓂᑳᓱᐎᓇ ᐊᐳᒋᑲ ᓵᕐᑎᓯᒃ, ᐁᑳ ᑳ ᑭ ᐎᓕᐱᑖᒋᒃ ᐅ ᐎᓛᒋᑲᓂᐙᐗ: ᓂ ᑳ ᐎᒋᐱᒧᑌᒥᑾᒃ ᒫᑲ ᐁ ᐙᐱᐅᒋᒃ; ᐌᓴ ᑌᐸᑫᓕᑖᑯᓯᐗᒃ᙮

ᑭᔅᑫᓕᑖᑯᑖᑫᐎᓐ 3:4 Iomraidhean Croise

ᐅᐸᓓᑭᔅ ᒫᑎᐤ 10:11

ᐊᑕ ᐱᑯ ᑭᒋ ᐃᑖᐎᓐ ᓀᔥᑕᐱᑯ ᐃᑖᐎᓐ ᑫ ᐃᔑ ᐱᑐᑫᐌᑴ, ᑲᑴᒋᑫᒧᒃ ᐊᐌᓇ ᐁᑯᑕ ᑎᐁᐸᑫᓕᑖᑯᓯᑴ; ᐁᑯᑕ ᒫᑲ ᑕᔑᑫᒃ ᐹᑎᒫ ᒥᓇ ᑭᑐᑌᔦᑴ᙮

ᐅᐸᓓᑭᔅ ᒫᕐᒃ 16:5

ᐁ ᐱᑐᑫᒋᒃ ᒫᑲ ᒋᐹᔨᑲᒥᑯᒃ, ᑮ ᐙᐸᒣᐗᒃ ᐅᔥᑭᓂᑭᐗ ᐁ ᐊᐱᓕᒋ ᑭᒋᓂᔉ ᐃᑌᑫ, ᐁ ᑭᑭᔥᑲᒥᓕᒋ ᐁ ᑭᓉᑭᓂᓕᒃ ᐙᐱ ᐊᑯᐅᓂᓕᐤ; ᑮ ᓭᑭᓯᐗᒃ ᒫᑲ᙮

ᐅᐸᓓᑭᔅ ᓘᒃ 20:35

ᒫᑲ ᐊᓂᑭ ᑫ ᑌᐸᑫᓕᑖᑯᓯᒋᒃ ᑭᒋ ᐋᔮᒋᒃ ᐊᓂᐁᓕᐤ ᐊᔅᑭᓕᐤ, ᓀᔥᑕ ᐗᓂᔥᑳᐎᓂᓕᐤ ᐅᓂᐱᐗ ᐅᒋ, ᓇᒪᐎᓚ ᐎᑭᑐᐗᒃ, ᓇᒪ ᓀᔥᑕ ᐎᑭᑐᐋᑲᓂᐎᐗᒃ:

ᐅᐸᓓᑭᔅ ᓘᒃ 21:36

ᐁᐗᑯ ᐅᒋ ᒫᑲ ᐊᔕᐙᐱᒃ ᓀᔥᑕ ᐋᔭᒥᐋᒃ ᒧᔕᒃ, ᑭᒋ ᐃᑕᑭᒥᑳᐎᔦᒃ ᐁ ᑌᐸᑫᓕᑖᑯᓯᔦᒃ ᐁᑳ ᑭᒋ ᐅᑎᑎᑯᔦᒃ ᒥᓯᐌ ᐅᐅ ᑫᒀᓇ ᑫ ᐃᑭᑭ, ᓀᔥᑕ ᑭᒋ ᐅᑎᔥᑲᐎᑳᐸᐎᔅᑕᐌᒃ ᐃᓕᓕᐎᑯᓯᓵᓐ᙮

ᐊᐸᔅᑕᓚᒃ 1:15

ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᓂᔓ ᑌᓴᓗᓂᔭᓇ 1:5

ᐁᐗᑯ ᑳ ᐸᔭᑌᓈᑾᒃ ᑮᔅᑭᓄᐙᒋᒋᑲᓐ ᐁ ᒀᔭᔅᑯ ᑎᐹᔅᑯᓂᑫᑦ ᑭᒋᒪᓂᑐ, ᑭᒋ ᑌᐸᑫᓕᑖᑯᒥᑲᐎᔦᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ, ᐁᐗᑯ ᑳ ᐅᒋ ᐎᓴᑫᓕᑕᒣᒃ:

ᒎᑦ 1:23

ᑯᑕᑭᔭᒃ ᒫᑲ ᓭᑭᓯᐎᓂᒃ ᐱᒫᒋᐃᑯᒃ ᐃᔥᑯᑌᒃ ᐁ ᐅᒋ ᐅᒋᐱᑌᑾᒃ; ᐁ ᐸᒀᑕᒣᒃ ᐊᐳᒋᑲ ᐎᓛᒋᑲᓐ ᐎᔮᔅ ᐁ ᐅᒋ ᒪᓯᓇᔅᑌᒃ᙮

ᑭᔅᑫᓕᑖᑯᑖᑫᐎᓐ 1:11

ᐁ ᐃᑗᒪᑲᒃ, ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ: ᓀᔥᑕ, ᑫᒀᓐ ᑳ ᐋᐸᑕᒪᓐ, ᒪᓯᓇᐊ ᒪᓯᓇᐃᑲᓂᒃ, ᐃᔑᑎᔕᐊᒪᐎᒃ ᒫᑲ ᐊᓂᑭ ᓂᔂᔅ ᒫᒪᐎᐋᔭᒥᐋᐗᒃ ᐁᔕᐃᒃ ᑳ ᐃᑖᒋᒃ; ᐊᓐᑕ ᐁᐱᓴᓯᒃ, ᓀᔥᑕ ᐊᓐᑕ ᔅᒪᕐᓇᐃᒃ, ᓀᔥᑕ ᐊᓐᑕ ᐸᕐᑲᒪᓯᒃ, ᓀᔥᑕ ᐊᓐᑕ ᑕᐃᔭᑖᕋᐃᒃ, ᓀᔥᑕ ᐊᓐᑕ ᓵᕐᑎᓯᒃ, ᓀᔥᑕ ᐊᓐᑕ ᐱᓕᑌᓪᐱᔭᐃᒃ, ᓀᔥᑕ ᐊᓐᑕ ᓓᐅᑕᓯᔭᐃᒃ᙮

ᑭᔅᑫᓕᑖᑯᑖᑫᐎᓐ 11:13

ᐁᐗᑯ ᑫᔮᐸᒡ ᑎᐹᔨᑲᓂᒃ ᐱᓯᒧᑳᓂᒃ ᑮ ᑭᒋ ᑶᑾᓐ, ᒥᑖᑡᐤ ᐃᓕᑯᒃ ᐃᑖᐎᓐ ᒫᑲ ᑮ ᐸᑭᑎᓐ, ᐊᓐᑕ ᒫᑲ ᐁ ᑶᑾᒃ ᑮ ᓂᐸᐋᐗᒃ ᓂᔂᔀᐤ ᑭᒋᒥᑖᑐᒥᑕᓇᐤ ᐃᓕᓕᐗᒃ: ᑯᑕᑭᔭᒃ ᒫᑲ ᑮ ᓭᑭᐋᐗᒃ, ᑮ ᒫᒥᒋᒣᐗᒃ ᒫᑲ ᑭᒋᒪᓂᑐᐗ ᑭᒋᑭᔑᑯᒃ ᑳ ᐃᑖᓕᒋ᙮

ᑭᔅᑫᓕᑖᑯᑖᑫᐎᓐ 14:4

ᐅᑯ ᐁᐗᒀᓂᑭ ᐁᑳ ᑳ ᑮ ᐎᓂᐃᑯᒋᒃ ᐃᔅᑴᐗ; ᐌᓴ ᐅᔥᑭᓂᑭᐗᒃ; ᐅᑯ ᐁᐗᒀᓂᑭ ᑳ ᓄᔅᐱᓇᑖᒋᒃ ᒫᓂᔥᒑᓂᔑᔕ ᐱᑯ ᐃᑌ ᐁᑐᑌᓕᒋ᙮ ᐅᑯ ᑮ ᐅᒋ ᐱᒫᒋᐋᐗᒃ ᐃᓕᓕᓍᒃ, ᐁ ᐋᐎᓕᒋ ᓂᔥᑕᒻ ᐅ ᓂᑕᐎᑭᑖᑲᓇ ᑭᒋᒪᓂᑐ ᓀᔥᑕ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 19:14

ᐊᓂᑭ ᐅᒫᒪᐎᓄᑎᓂᑫᐗᒃ ᒫᑲ ᑭᒋᑭᔑᑯᒃ ᑳ ᐃᑖᒋᒃ ᑭ ᓄᔅᐱᓇᑌᐗᒃ ᐁ ᑌᑕᐱᑐᑕᐙᒋᒃ ᑳ ᐙᐱᓯᓕᒋ ᒥᔅᑕᑎᒶ, ᐁ ᑭᑭᔥᑲᑭᒃ ᑳ ᒥᓨᔑᓂᓕᒃ ᐙᐱᔅᑫᑭᓂᓕᐤ, ᐁ ᐙᐹᓕᒃ ᓀᔥᑕ ᐁ ᐸᓓᑲᓂᓕᒃ᙮

ᑭᔅᑫᓕᑖᑯᑖᑫᐎᓐ 19:8

ᐎᓚ ᒫᑲ ᑭ ᒥᓚᐤ, ᑭᒋ ᑭᑭᔥᑲᒃ ᒣᓨᔑᓂᓕᒃ ᐙᐱᔅᑫᑭᓂᓕᐤ, ᐁ ᐸᓓᑲᓂᓕᑳ ᓀᔥᑕ ᐁ ᐙᐹᓕᒃ: ᐌᓴ ᒣᓨᔑᒃ ᐙᐱᔅᑫᑭᓐ ᐁᐗᑯ ᐅ ᒀᔭᔅᑭᑖᑎᓯᐎᓂᐗᐤ ᐅᐸᓓᑭᓴᒃ᙮

ᑭᔅᑫᓕᑖᑯᑖᑫᐎᓐ 3:18

ᑭ ᔑᑭᒥᑎᓐ ᑭᒋ ᐊᑖᒥᔭᓐ ᐅᓵᐎᔔᓕᐊᓈᐱᔉ ᐃᔥᑯᑌᒃ ᑳ ᑲᑴᒋᑖᓂᐗᒃ, ᑭᒋ ᒥᔕᑭᓯᔭᓐ; ᓀᔥᑕ ᑳ ᐙᐹᑭ ᐎᓛᒋᑲᓇ, ᐁᑳ ᑭᒋ ᓄᑾᒃ ᑭ ᓇᓀᐯᐎᓯᐎᓐ ᐁ ᒧᔐᔥᑲᑌᔭᓐ; ᓀᔥᑕ ᑭᒋ ᑐᒥᓇᒪᓐ ᑭᔅᑭᔑᑾ ᒥᔅᑭᔑᑯᑐᒥᓂᑲᓐ ᐅᒋ, ᑭᒋ ᑮ ᐙᐱᔭᓐ᙮

ᑭᔅᑫᓕᑖᑯᑖᑫᐎᓐ 3:5

ᐊᓇ ᑳ ᔖᑯᒋᐃᐌᑦ, ᐁᐗᒀᓇ ᑫ ᐙᐱᐅᑦ: ᓇᒪᐎᓚ ᒫᑲ ᓂ ᑳ ᑳᓯᐊᒸᓐ ᐅᑦ ᐃᔑᓂᑳᓱᐎᓐ ᐱᒫᑎᓯᐎᓂ ᒪᓯᓇᐃᑲᓂᒃ ᐅᒋ, ᒫᑲ ᓂ ᑳ ᐎᑕᒸᓐ ᐅᑦ ᐃᔑᓂᑳᓱᐎᓐ ᐅᑎᔥᑲᐤ ᓄᑖᐎ, ᓀᔥᑕ ᐅᑎᔥᑲᐤ ᐅᑦ ᐁᓐᒐᓕᒪ᙮

ᑭᔅᑫᓕᑖᑯᑖᑫᐎᓐ 4:4

ᐙᔅᑲ ᒫᑲ ᐅᑭᒪᐗᐱᐎᓂᒃ ᑮ ᐃᑕᑾᓋ ᓂᔑᑕᓇ ᓀᐊᔖᑉ ᓀᔥᑕ ᑌᑕᐱᐎᓇ; ᐊᓂᐃ ᒫᑲ ᑌᑕᐱᐎᓇ ᓂ ᑮ ᐙᐸᒪᐗᒃ ᐁ ᑌᑕᐱᒋᒃ ᓂᔑᑕᓇ ᓀᐊᔖᑉ ᓀᔥᑕ ᑳ ᓂᑳᓀᓕᑖᑯᓯᒋᒃ, ᐁ ᐙᐱᐅᒋᒃ, ᑮ ᑭᑭᔥᑲᒶᒃ ᒫᑲ ᐅᔅᑎᒀᓂᐙᒃ ᐅᓵᐎᔔᓕᐊᓈᐱᔉ ᐅᑭᒪᐗᔅᑐᑎᓋ᙮

ᑭᔅᑫᓕᑖᑯᑖᑫᐎᓐ 6:11

ᐙᐱᔅᑭ ᐊᑯᐅᓇ ᒫᑲ ᑮ ᒥᓛᐗᒃ ᒥᓯᐌ ᐁ ᐃᑕᓯᒋᒃ; ᑮ ᐃᑖᑲᓂᐎᐗᒃ ᒫᑲ ᐱᑕᒪ ᑭᒋ ᐋᓜᓯᒋᒃ, ᐃᓕᑯᒃ ᐊᓂᐃ ᐎᒋᐊᑑᔅᑫᓛᑲᓂᐗᐗ ᐊᓯᒋ, ᓀᔥᑕ ᐎᒋᔖᓂᐗᐗ ᑭᒋ ᓂᐹᐃᒥᒋ ᑖᐱᔅᑯᒡ ᐎᓚᐗᐤ ᑫᒋᐙᒃ, ᑭᒋ ᑎᐱᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 7:9

ᑳ ᐳᓂᐸᓕᒃ ᐅᒪ ᓂ ᑮ ᐙᐸᑌᓐ, ᒫᑎᑲ ᒫᑲ ᓈᔅᐱᒡ ᐁ ᒥᒉᑎᒋᒃ ᐃᓕᓕᐗᒃ ᐁᑳ ᑳ ᑮ ᐊᑭᒥᑯᒋᒃ ᐊᓂᐁᓕᐗ, ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ ᐅᒋ, ᓀᔥᑕ ᐁ ᐃᑕᑐᑌᐎᓯᒋᒃ ᐃᓕᓕᐗᒃ, ᓀᔥᑕ ᐹᐱᑐᔥ ᐃᓕᓕᐗᒃ, ᓀᔥᑕ ᐹᐱᑐᔥ ᐁ ᐃᔑᑭᔗᒋᒃ, ᑮ ᓂᐸᐎᐗᒃ ᐅᑎᔥᑲᐤ ᐅᑭᒪᐗᐱᐎᓂᓕᐤ, ᓀᔥᑕ ᐅᑎᔥᑲᐤ ᒫᓂᔥᒑᓂᔑᔕ, ᐁ ᑭᑭᔥᑲᑭᒃ ᐙᐱ ᐊᑲᐅᓇ, ᓀᔥᑕ ᐁ ᑕᑯᓇᑭᒃ ᐹᒻ ᐗᑎᑾᓇ;