ᑭᔅᑫᓕᑖᑯᑖᑫᐎᓐ 22:9 - ᐅᔅᑭ ᑎᔅᑌᒥᓐᑦ

⁹ ᐁᑯ ᐁᔑᑦ, ᔮᑾ ᐁᑳ ᑐᑕ: ᐌᓴ ᓂᓚ ᑮᒋᐊᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᑭ ᑳ ᑲᓇᐌᓕᑕᑭᒃ ᐃᑗᐎᓇ ᐅᒪ ᒪᓯᓇᐃᑲᓂᒃ ᑳ ᐃᑕᑾᓂᓕᑭ; ᓇᐗᑮᔅᑕᐤ ᑭ ᒪᓂᑐ᙮

ᑭᔅᑫᓕᑖᑯᑖᑫᐎᓐ 22:9 Iomraidhean Croise

ᐅᐸᓓᑭᔅ ᒫᑎᐤ 4:9

ᐃᑌᐤ ᒫᑲ, ᒥᓯᐌ ᐅᐅ ᑭ ᑳ ᒥᓕᑎᒃ, ᑮᔥᐱᓐ ᐅᑎᑕᐱᔅᑕᐎᔭᓀ ᓀᔥᑕ ᓇᐗᑭᔅᑕᐎᔭᓀ᙮

ᐅᐸᓓᑭᔅ ᓘᒃ 4:7

ᑮᔥᐱᓐ ᒫᑲ ᑫ ᓇᐗᑮᔅᑕᐎᐗᓀ, ᒥᓯᐌ ᑭ ᑳ ᑎᐱᓚᐌᐎᓰᓐ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᑭᔅᑫᓕᑖᑯᑖᑫᐎᓐ 1:1

ᐅ ᑭᔅᑫᓕᑖᑯᑖᑫᐎᓐ ᒋᓴᔅ ᙭, ᑳ ᑮ ᒥᓕᑯᑦ ᑭᒋᒪᓂᑐᐗ, ᑭᒋ ᐙᐸᑎᓛᑦ ᐅᑦ ᐊᑑᔅᑫᓛᑲᓂᒪ ᑫᒀᓇ ᐎᐸᒡ ᑫ ᐯᒋ ᐅᑎᒋᐸᓕᑭ; ᑮ ᐃᔑᑎᔕᐊᒪᐌᐤ ᒫᑲ, ᓀᔥᑕ ᑮ ᐋᓕᒧᑕᒪᐌᐤ ᐅᑦ ᐊᑑᔅᑫᓚᑲᓂᒪ ᒑᓇ, ᐅᑦ ᐁᓐᒐᓕᒪ ᐅᒋ;

ᑭᔅᑫᓕᑖᑯᑖᑫᐎᓐ 1:11

ᐁ ᐃᑗᒪᑲᒃ, ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ: ᓀᔥᑕ, ᑫᒀᓐ ᑳ ᐋᐸᑕᒪᓐ, ᒪᓯᓇᐊ ᒪᓯᓇᐃᑲᓂᒃ, ᐃᔑᑎᔕᐊᒪᐎᒃ ᒫᑲ ᐊᓂᑭ ᓂᔂᔅ ᒫᒪᐎᐋᔭᒥᐋᐗᒃ ᐁᔕᐃᒃ ᑳ ᐃᑖᒋᒃ; ᐊᓐᑕ ᐁᐱᓴᓯᒃ, ᓀᔥᑕ ᐊᓐᑕ ᔅᒪᕐᓇᐃᒃ, ᓀᔥᑕ ᐊᓐᑕ ᐸᕐᑲᒪᓯᒃ, ᓀᔥᑕ ᐊᓐᑕ ᑕᐃᔭᑖᕋᐃᒃ, ᓀᔥᑕ ᐊᓐᑕ ᓵᕐᑎᓯᒃ, ᓀᔥᑕ ᐊᓐᑕ ᐱᓕᑌᓪᐱᔭᐃᒃ, ᓀᔥᑕ ᐊᓐᑕ ᓓᐅᑕᓯᔭᐃᒃ᙮

ᑭᔅᑫᓕᑖᑯᑖᑫᐎᓐ 14:7

ᐁ ᐃᑗᑦ, ᐁ ᑭᔗᐌᑦ, ᓇᓂᒋᔅᑕᐎᒃ ᑭᒋᒪᓂᑐ, ᑭᔅᑖᒋᒥᒃ ᒫᑲ; ᐌᓴ ᑎᐹᔅᑯᓂᑫᐎᓂ ᑎᐹᔨᑲᓐ ᐋᔕᔾ ᐅᑎᒋᐸᓕᐤ: ᓇᐗᑮᔅᑕᐎᒃ ᒫᑲ ᐊᓇ ᑳ ᑭ ᐅᔑᑖᑦ ᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒧᔅᑭᒋᐗᓂᐯᑾ᙮

ᑭᔅᑫᓕᑖᑯᑖᑫᐎᓐ 15:4

ᐊᐌᓇ ᐁᑳ ᑫ ᓇᓂᒌᔅᑖᔉ, ᐅ ᑌᐯᓕᒋᑫᔭᓐ, ᓀᔥᑕ ᑭᔅᑖᒋᑕᒃ ᑭᑦ ᐃᔑᓂᑳᓱᐎᓂᓕᐤ? ᐌᓴ ᑭᓚ ᐱᑯ ᑮ ᐸᓓᑭᓯᓐ: ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᑳ ᐯᒋ ᓇᐗᑮᔅᑖᑾᒃ; ᐌᓴ ᑮ ᑎᐹᔅᑯᓂᑫᐎᓇ ᐹᔭᑌ ᓄᑯᑖᓂᐗᓋ᙮

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮

ᑭᔅᑫᓕᑖᑯᑖᑫᐎᓐ 22:10

ᓂᑎᒃ ᓀᔥᑕ, ᐁᑳᐎᓚ ᐊᑯᔅᑭᐗᓴ ᑳ ᐃᑗᒪᑲᒃ ᑭᔅᑭᓄᐙᒋ ᐋᔭᒥᐎᓐ ᐅᑕ ᒪᓯᓇᐃᑲᓂᒃ; ᐌᓴ ᑫᑳᑦ ᐅᑎᒋᐸᓕᐤ᙮

ᑭᔅᑫᓕᑖᑯᑖᑫᐎᓐ 22:18

ᐌᓴ ᓂᑦ ᐃᑖᒋᒧᔅᑕᐗᐤ ᒥᓯᐌ ᑕᑐ ᐃᓕᓕᐤ ᑳ ᐯᑕᒃ ᑳ ᐃᑗᒪᑲᓂᓕᒃ ᑭᔅᑭᐙᐃᑫᐎ ᐋᔮᒥᐎᓂᓕᐤ ᐅᑕ ᒪᓯᓇᐃᑲᓂᒃ, ᑮᔥᐱᓐ ᐊᐌᓇ ᐃᓕᓕᐤ ᑫ ᓚᑭᑖᑴ ᐅᐅ ᑫᒀᓇ, ᑭᒋᒪᓂᑐ ᑲᑕ ᓚᑭᑕᒪᐌᐤ ᐊᓂᐃ ᐋᑯᐃᑖᔅᐱᓀᐎᓇ ᑳ ᒪᓯᓇᐃᑳᑌᓕᑭ ᐅᒪ ᒪᓯᓇᐃᑲᓂᒃ:

ᑭᔅᑫᓕᑖᑯᑖᑫᐎᓐ 22:7

ᒫᑎᑲ, ᐎᐸᒡ ᓂ ᑕᑯᔑᓂᓐ: ᔕᐌᓕᑖᑯᓯᐤ ᐊᓇ ᑳ ᑲᓇᐌᓕᑕᒃ ᑳ ᐃᑗᒫᑲᓂᓕᒃ ᑫᔅᑭᐙᐃᑫᐎᓐ ᐅᑕ ᒪᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 4:10

ᐊᓂᑭ ᓂᔑᑕᓇ ᓀᐅᔖᑉ ᓀᔥᑕ ᑳ ᓂᑳᓀᓕᑖᑯᓯᒋᒃ ᐸᑭᔑᓃᔅᑕᐌᐗᒃ ᐊᓂᐃ ᑳ ᐊᐱᓕᒋ ᐅᑭᒪᐗᐱᐎᓂᒃ, ᓇᐗᑮᔅᑕᐌᐗᑳ ᒫᑲ ᐊᓂᐃ ᑳ ᐱᒫᑎᓯᓕᒋ ᑳᑭᑫ ᓀᔥᑕ ᑳᑭᑫ, ᐌᐱᓇᒶᒃ ᒫᑲ ᐅᑦ ᐅᑭᒪᐗᔅᑐᑎᓂᐙᐗ ᐅᑎᔥᑲᐤ ᐅᑭᒫᐗᐱᐎᓂᒃ, ᐁ ᐃᑗᒋᒃ,

ᑭᔅᑫᓕᑖᑯᑖᑫᐎᓐ 9:20

ᒥᓯᐌ ᒫᑲ ᐃᓕᓕᐗᒃ ᐁᑳ ᑳ ᑮ ᓂᐹᐃᑯᒋᒃ ᐅᐅ ᐋᑯᐃᑖᔅᐱᓀᐎᓇ, ᐁᓕᐌᒃ ᒫᑲ ᑫᔮᐸᒡ ᓇᒪᐎᓚ ᑮ ᒥᒋᓚᐌᔦᓕᑕᒶᒃ ᑳ ᑭ ᐊᔨᐊᑑᔅᑫᒋᒃ ᐅᒋᒋᐙᒃ, ᐁᑳ ᑭᒋ ᓇᐙᑭᔅᑕᐙᒋᒃ ᒪᒋᒪᓂᑐᐗ, ᓀᔥᑕ ᐅᓵᐎᔔᓕᐋᓇᐱᔉ, ᒪᓂᑐᑳᓇ, ᓀᔥᑕ ᔔᓕᐊᓈᐱᔉ, ᓀᔥᑕ ᐅᓵᐙᐱᔉ, ᓀᔥᑕ ᐊᓯᓂ, ᓀᔥᑕ ᒥᔅᑎᒃ, ᐊᓂᐃ ᐁᑳ ᑳ ᐙᐱᓕᒋ, ᓀᔥᑕ ᐅᓯᑌᓕᒋ, ᓀᔥᑕ ᐱᒧᑌᓕᒋ,