ᑭᔅᑫᓕᑖᑯᑖᑫᐎᓐ 22:19 - ᐅᔅᑭ ᑎᔅᑌᒥᓐᑦ

¹⁹ ᑮᔥᐱᓐ ᒫᑲ ᐊᐌᓇ ᐃᓕᓕᐤ ᑫ ᐃᑲᑌᓇᒧᑴ ᑳ ᐃᑗᒪᑲᓂᓕᒃ ᐅᒪ ᑭᔅᑭᐙᐃᑫᐎ ᐋᔭᒥᐎᓐ ᒪᓯᓇᐃᑲᓂᒃ, ᑭᒋᒪᓂᑐ ᑲᑕ ᐃᑲᑌᓇᒬᐤ ᐅ ᑎᐯᓕᑖᑯᓯᐎᓂᓕᐤ ᐱᒫᑎᓯᐎᓂ ᒪᓯᓇᐃᑲᓂᒃ ᐅᒋ, ᓀᔥᑕ ᐸᓓᑭ ᐃᑖᐎᓂᒃ ᐅᒋ, ᓀᔥᑕ ᐊᓂᐃ ᑫᒀᓇ ᐅᒋ ᑳ ᒪᓯᓇᐃᑳᑌᑭ ᐅᒪ ᒪᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 22:19 Iomraidhean Croise

ᐅᐸᓓᑭᔅ ᓘᒃ 11:52

ᑭ ᑳ ᑲᒀᑕᑭᓯᓇᐗᐤ, ᐅᓚᔓᐌᐎᓕᓕᑐᒃ! ᐌᓴ ᑭ ᑮ ᐅᑎᓀᓇᐗᐤ ᑭᔅᑫᓕᑕᒧᐎᓂ ᐎᑯᑖᔨᑲᓐ: ᓇᒪᐎᓚ ᑭ ᐅᒋ ᐱᑐᑳᓇᐗᐤ ᑭᓚᐗᐤ, ᐊᓂᑭ ᓀᔥᑕ ᑳ ᐊᑎ ᐱᑐᑫᒋᒃ ᑮ ᑭᐱᒋᐋᐙᐗᒃ᙮

ᑭᔅᑫᓕᑖᑯᑖᑫᐎᓐ 1:3

ᔕᐌᓕᑖᑯᓯᐤ ᐊᓇ ᑳ ᐋᔭᒥᑖᑦ, ᐊᓂᑭ ᓀᔥᑕ ᑳ ᓇᑐᑕᑭᒃ ᐊᓂᐃ ᐃᑗᐎᓇ ᐅᒪ ᑭᔅᑭᐙᐃᑫᐎᓂᒃ, ᓀᔥᑕ ᑳ ᑲᓇᐌᓕᑕᑭᒃ ᐊᓂᐃ ᐁᑯᑕ ᑳ ᒪᓯᓇᐃᑳᑌᓕᑭ: ᐌᓴ ᐯᔓᓈᑾᓐ ᑭᒋ ᐅᑎᒋᐸᓕᒃ᙮

ᑭᔅᑫᓕᑖᑯᑖᑫᐎᓐ 11:2

ᒫᑲ ᐊᓂᒪ ᒪᐗᒋᐃᑐᐎᑲᒥᒃ ᑳ ᐃᑕᑾᒃ ᐗᓚᐎᑎᒥᒃ ᑭᒋᐋᔭᒥᐁᐎᑲᒥᑯᒃ ᑭ ᑳ ᒥᔮᔥᑫᓐ, ᓇᒪ ᒫᑲ ᑭ ᑳ ᑎᐸᐁᓐ; ᐌᓴ ᑮ ᒥᓛᐗᒃ ᒉᓐᑖᐃᓚᒃ: ᐸᓓᑭ ᐃᑖᐎᓐ ᒫᑲ ᑲᑕ ᑕᑕᑯᔥᑳᑕᒶᒃ ᐃᔥᐱᔥ ᓀᒥᑕᓇ ᓂᔓᔖᑉ ᓀᔥᑕ ᐱᓯᒶ᙮

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᑭᔅᑫᓕᑖᑯᑖᑫᐎᓐ 14:13

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᒪᓯᓇᐊ, ᔕᐌᓕᑖᑯᓯᐗᒃ ᐅᓂᐱᐗᒃ ᑳ ᓂᐱᒋᒃ ᐅᑎᐯᓕᒋᑫᒃ ᐊᓄᒡ ᐅᒋ: ᐁᐁ, ᐃᑗᐤ ᐊᒑᒃ, ᐅᑦ ᐊᑑᔅᑫᐎᓂᐙᒃ ᑭᒋ ᐅᒋ ᐋᓜᐱᒋᒃ: ᓄᔅᐱᓈᑎᑯᐗᒃ ᒫᑲ ᐅᑦ ᐊᑑᔅᑫᐎᓂᐙᐗ᙮

ᑭᔅᑫᓕᑖᑯᑖᑫᐎᓐ 2:11

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ; ᐊᓇ ᑳ ᔖᑯᒋᐃᐌᑦ ᓇᒪᐎᓚ ᑲᑕ ᐊᑯᐃᑯ ᐊᓂᐁᓕᐤ ᓂᔓ ᓂᐱᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 2:26

ᐊᓇ ᒫᑲ ᑳ ᔖᑯᒋᐃᐌᑦ, ᓀᔥᑕ ᐃᔅᒀᔮᒡ ᐃᔅᑯ ᑫ ᑲᓇᐌᓕᑕᒃ ᓂᑦ ᐋᔭᒥᐎᓇ, ᓂ ᑳ ᒥᓚᐤ ᑭᒋ ᑎᐯᓕᒫᑦ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ:

ᑭᔅᑫᓕᑖᑯᑖᑫᐎᓐ 2:7

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐋᒑᒃ ᑳ ᐃᑖᑦ ᒫᒪᐎᐋᔭᒥᐋᐗ; ᐊᓇ ᑳ ᔖᑯᒋᐃᐌᑦ, ᓂ ᑳ ᒥᓚᐤ ᐱᒫᑎᓯᐎᓂ ᒥᔅᑎᑯᒃ ᑭᒋ ᐅᒋ ᒥᒋᓱᑦ, ᑳ ᐃᑖᓕᒋ ᑌᑖᐎᒡ ᐅ ᐹᕋᑕᐃᓯᒥᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 21:2

ᓂᓚ ᒑᓐ ᒫᑲ ᓂ ᑮ ᐙᐸᑌᓐ ᐸᓓᑭ ᐃᑖᐎᓐ, ᐅᔥᑭ ᒋᕉᓴᓚᒻ, ᐁ ᐯᒋ ᐅᒋ ᓛᔑᐸᓕᒃ ᑭᒋᒪᓂᑐ ᑭᒋᑭᔑᑯᒃ, ᐁ ᐋᔦᔅᑲᐎᑖᓂᐗᒃ ᑖᐱᔅᑯᒡ ᐅᔥᑭᔅᑴᐙᓐ ᐁ ᐙᐌᔑᐅᑦ ᐅ ᓈᐯᒪ ᐅᒋ᙮

ᑭᔅᑫᓕᑖᑯᑖᑫᐎᓐ 21:5

ᐊᓇ ᒫᑲ ᑳ ᐊᐱᑦ ᐅᑭᒪᐗᐱᐎᓂᒃ ᑮ ᐃᑗᐤ, ᒫᑎᑲ, ᒥᓯᐌ ᑫᒀᓇ ᓂᑦ ᐅᔥᑭᑖᓐ᙮ ᓂ ᑮ ᐃᑎᒃ ᒫᑲ, ᒪᓯᓇᐊ; ᐌᓴ ᐅᐅ ᐋᔭᒥᐎᓇ ᑖᐺᒪᑲᓋ ᓀᔥᑕ ᑾᔹᔅᑭᑎᒪᑲᓋ᙮

ᑭᔅᑫᓕᑖᑯᑖᑫᐎᓐ 22:12

ᒫᑎᑲ, ᒫᑲ, ᐎᐸᒡ ᓂ ᑕᑯᔑᓂᓐ; ᓂ ᑎᐸᐊᒫᑫᐎᓐ ᓀᔥᑕ ᓂ ᐎᒉᐎᑯᓐ, ᑭᒋ ᒥᓚᒃ ᒥᓯᐌ ᑕᑐ ᐃᓕᓕᐤ ᑫ ᐃᔑᓈᑾᓂᓕᒃ ᐅᑦ ᐊᑑᔅᑫᐎᓐ᙮

ᑭᔅᑫᓕᑖᑯᑖᑫᐎᓐ 22:2

ᑌᑖᐎᒡ ᐱᒧᑌᔅᑲᓈᒃ ᐊᓐᑕ, ᓀᔥᑕ ᐊᔨᑕᐗᑳᒻ ᓯᐱᒃ, ᑮ ᐃᑕᐤ ᐱᒫᑎᓯᐎᓂ ᒥᔅᑎᒃ, ᑳ ᓂᑖᐎᑭᑖᑦ ᓂᔓᔖᑉ ᑐᐎ ᒥᓂᔕ, ᓀᔥᑕ ᑳ ᒥᓂᔑᐎᑦ ᒥᓯᐌ ᑕᑐ ᐱᓯᒧᒃ: ᒥᔅᑎᒃ ᒫᑲ ᐅ ᓂᐱᔑᒪ ᑲᑕ ᐅᒋ ᒥᓇᐗᒋᐊᐗᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 22:7

ᒫᑎᑲ, ᐎᐸᒡ ᓂ ᑕᑯᔑᓂᓐ: ᔕᐌᓕᑖᑯᓯᐤ ᐊᓇ ᑳ ᑲᓇᐌᓕᑕᒃ ᑳ ᐃᑗᒫᑲᓂᓕᒃ ᑫᔅᑭᐙᐃᑫᐎᓐ ᐅᑕ ᒪᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 3:12

ᐊᓇ ᑳ ᔖᑯᒋᐃᐌᑦ, ᓯᑣᔅᑯᐃᑲᓐ ᓂ ᑳ ᐃᔑᐊᐤ ᐁ ᑭᒋᐋᔭᒥᐁᐎᑲᒥᑯᒃ ᓂ ᑭᒋᒪᓂᑐᒻ, ᓇᒪᐎᔅᑳᑦ ᒥᓇ ᒫᑲ ᑲᑕ ᐗᓚᐎᐤ: ᓂ ᑳ ᒪᓯᓇᐗᐤ ᒫᑲ ᐅᑦ ᐃᔑᓂᑳᓱᐎᓐ ᓂ ᑭᒋᒪᓂᑐᒻ, ᓀᔥᑕ ᐁ ᐃᔑᓂᑳᑌᓕᒃ ᐅᑦ ᐃᑖᐎᓐ ᓂ ᑭᒋᒪᓂᑐᒻ, ᐁᐗᑯ ᐅᔥᑭ ᒋᕉᓴᓚᒻ ᑭᒋᑭᔑᑯᒃ ᑳ ᐅᒋ ᓛᔑᐸᓕᑖᑦ ᓂ ᑭᒋᒪᓂᑐᒻ: ᓂ ᑳ ᒪᓯᓇᐗᐤ ᒫᑲ ᓂᑦ ᐅᔥᑭ ᐃᔑᓂᑳᓱᐎᓐ᙮

ᑭᔅᑫᓕᑖᑯᑖᑫᐎᓐ 3:21

ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᐎᑕᐱᒥᑦ ᓂᑦ ᐅᑭᒪᐗᐱᐎᓂᒃ, ᑖᐱᔅᑯᒡ ᓂᓚ ᓀᔥᑕ ᐁ ᑮ ᔖᑯᒋᐃᐌᔮᓐ, ᓀᔥᑕ ᐁ ᐎᑕᐱᒪᒃ ᓄᑖᐎ ᐅᑦ ᐅᑭᒪᐗᐱᐎᓂᒃ᙮