ᑭᔅᑫᓕᑖᑯᑖᑫᐎᓐ 21:8 - ᐅᔅᑭ ᑎᔅᑌᒥᓐᑦ

⁸ ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 21:8 Iomraidhean Croise

ᐅᐸᓓᑭᔅ ᒫᑎᐤ 10:28

ᐁᑳᐎᓚ ᓀᔥᑕ ᑯᔅᑎᑯᒃ ᐊᓂᑭ ᑳ ᓂᐸᑖᒋᒃ ᒥᔭᐎᓕᐤ, ᒫᑲ ᐁᑳ ᑳ ᑲᔥᑭᑖᒋᒃ ᑭᒋ ᓂᐸᐋᒋᒃ ᐊᒑᑾ: ᒫᑲ ᐊᐙᓯᑌ ᑯᔅᑎᒃ ᐊᓇ ᑳ ᑲᔥᑭᑖᑦ ᑭᒋ ᓂᔑᐗᓈᒋᐋᑦ ᐊᒑᑾ ᓀᔥᑕ ᒥᔭᐎᓕᐤ ᒪᒋ ᐃᔥᑯᑌᒃ᙮

ᐅᐸᓓᑭᔅ ᒫᑎᐤ 25:25

ᓂ ᑯᔅᑖᒋᑖᔾ ᒫᑲ, ᓂ ᑮ ᓇᑕᐎ ᑳᓚᐤ ᒫᑲ ᑭ ᑖᓕᓐᑎᒻ ᐊᔅᑮᒃ; ᒫᑎᑲ, ᐅᑕ ᑭᑦ ᐋᔭᐗᐤ ᐊᐗ ᑭᑦ ᐋᔮᓐ᙮

ᐅᐸᓓᑭᔅ ᒫᑎᐤ 8:26

ᐃᑌᐤ ᒫᑲ, ᑖᓀᑭ ᐌᒋ ᓭᑭᓯᔦᒃ, ᐅ ᑭᓚᐗᐤ ᐋᐱᔑᔥ ᐱᑯ ᑎᐋᐺᔦᓕᑐᒣᒃ? ᐁᑯ ᐌᓂᔥᑳᑦ, ᑮ ᑭᑐᑕᒻ ᒫᑲ ᐁ ᓗᑎᓂᓕᒃ ᓀᔥᑕ ᑭᒋᑲᒥᓕᐤ; ᐁᑯ ᑫᒋ ᐋᓨᔅᑎᒃ᙮

ᐅᐸᓓᑭᔅ ᒫᕐᒃ 9:44

ᐃᑕ ᐅ ᒪᓂᒍᔑᒥᐙᐗ ᐁᑳ ᑫ ᓂᐱᓕᒋ, ᓀᔥᑕ ᐃᔥᑯᑌᐤ ᐁᑳ ᑫ ᐋᔅᑕᐌᒃ᙮

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᓂᔓ ᑌᓴᓗᓂᔭᓇ 2:9

ᐊᓇ ᐅᑎ ᑫ ᑕᑯᔑᒃ ᐁ ᓇᔅᐱᑕᐙᑦ ᓭᑕᓇ ᐁ ᐊᑑᔅᑫᓕᒋ, ᒥᓯᐌ ᑲᔥᑭᐅᐎᓂᒃ, ᓀᔥᑕ ᑭᔅᑭᓄᐙᒋᒋᑲᓂᒃ, ᓀᔥᑕ ᑭᓛᔅᑭᐎ ᒫᒪᔅᑳᒋ ᐊᑑᔅᑫᐎᓂᒃ,

ᓂᔥᑕᒻ ᑎᒧᑎ 4:2

ᐁ ᑭᓛᔅᑭᒋᒃ ᐋᔭᒥᐁᑳᓱᐎᓂᒃ; ᐅ ᒥᑐᓀᓕᒋᑲᓂᐗᐤ ᐁ ᐃᔅᒀᓴᒧᑦ ᐁ ᑭᓵᐱᔅᑭᑌᓕᒃ ᐱᐙᐱᔉ ᐅᒋ;

ᑕᐃᑕᔅ 1:16

ᓂ ᑭᔅᑫᓕᒫᓈᓐ ᑭᒋᒪᓂᑐ ᐃᑗᐗᒃ, ᒫᑲ ᐅᑦ ᐊᑑᔅᑫᐎᓂᐙᒃ ᐋᓉᑕᐌᐗᒃ; ᐁ ᓂᐹᓯᓈᑯᓯᒋᒃ ᓀᔥᑕ ᐁ ᔑᐱᑕᑭᒃ, ᓀᔥᑕ ᒥᓯᐌ ᑕᑐ ᒥᓗ ᐊᑑᔅᑫᐎᓂᓕᐤ ᐸᒀᑕᒶᒃ᙮

ᐦᐃᑉᕉᐗ 12:24

ᓀᔥᑕ ᒋᓴᔅ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓀᔥᑕ ᒥᑯ ᐁ ᐸᑭᑲᐎᐌᐱᓂᑳᑌᒃ, ᓇᐗᒡ ᒥᓗ ᑫᒀᓇ ᑳ ᐋᓕᒧᑕᒧᒪᑲᑭ ᐃᔥᐱᔥ ᐅᒥᑯᒻ ᐁᐱᓪ᙮

ᐦᐃᑉᕉᐗ 13:4

ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮

ᓂᔥᑕᒻ ᒑᓐ 2:22

ᐊᐌᓇ ᑳ ᑭᓛᔅᑭᔅᑭᑦ ᐊᓇ ᐱᑯ ᑳ ᐋᓉᑕᒃ ᒋᓴᓴ ᐁ ᙭ᑎᐎᓕᒋ? ᐎᓚ ᐁᐗᒀᓇ ᓇᔅᐹᒡ ᙭, ᐊᓇ ᑳ ᐋᓉᑕᐙᑦ ᐅᑖᐎᒪᐗ ᓀᔥᑕ ᐅᑯᓯᓯᒪᐗ᙮

ᓂᔥᑕᒻ ᒑᓐ 3:15

ᐊᐌᓇ ᐯᒀᑖᑴ ᐎᒋᔕᓇ ᐅᓂᐹᔨᐌᐎᐤ: ᑭ ᑭᔅᑫᓕᑌᓇᐗᐤ ᒫᑲ ᐅᓂᐹᔨᐌᐤ ᐁᑳ ᐁ ᐱᒋᔅᑳᑯᑦ ᑳᑭᑫ ᐱᒫᑎᓯᐎᓂᓕᐤ᙮

ᓂᔥᑕᒻ ᒑᓐ 5:10

ᐊᓇ ᑳ ᑖᐺᔦᓕᒥᒫᑦ ᑭᒋᒪᓂᑐ ᐅᑯᓯᓴ, ᐋᔭᐤ ᐅᒣᓕᐤ ᑎᐹᒋᒧᐎᓂᓕᐤ ᐁ ᐱᒋᔅᑳᑯᑦ: ᐊᓇ ᐁᑳ ᑳ ᑖᐺᑕᐙᑦ ᑭᒋᒪᓂᑐᐗ, ᑭᓛᔅᑭᔉ ᑮ ᐃᔑᐁᐤ: ᐁᑳ ᐁ ᑖᐺᑕᒸᑦ ᐅ ᑎᐹᒋᒧᐎᓂᓕᐤ ᑭᒋᒪᓂᑐᐗ ᑳ ᑮ ᐃᑖᒋᒫᓕᒋ ᐅᑯᓯᓴ᙮

ᑭᔅᑫᓕᑖᑯᑖᑫᐎᓐ 14:10

ᐁᐗᒀᓇ ᑫ ᒥᓂᑴᑦ ᔓᒥᓈᐳᓕᐤ ᑭᒋᒪᓂᑐ ᐅᑦ ᐊᑯᓚᐌᓯᐎᓂᒃ ᑳ ᐅᒋᐸᓕᓕᒃ, ᑳ ᓯᑭᐌᐱᓂᑳᑌᓕᒃ ᐁᑳ ᐁ ᑭᓕᑲᐤᐃᓂᑳᑌᓕᒃ ᐅ ᑭᓯᐙᓯᐎᓂ ᒥᓂᒀᑲᓂᒃ: ᐃᔥᑯᑌᓕᐤ ᒫᑲ ᓀᔥᑕ ᐅᓵᐙᐱᔅᑯᓯᓂᔭ ᑮ ᐅᒋ ᑲᒀᑕᑭᓯᐗᒃ ᐁ ᑲᓇᐙᐸᒥᑯᒋᒃ ᐸᓓᑭ ᐁᓐᒐᓚ, ᐁ ᑲᓇᐙᐸᒥᑯᒋᒃ ᓀᔥᑕ ᒫᓂᔥᒑᓂᔑᔕ:

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 2:11

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ; ᐊᓇ ᑳ ᔖᑯᒋᐃᐌᑦ ᓇᒪᐎᓚ ᑲᑕ ᐊᑯᐃᑯ ᐊᓂᐁᓕᐤ ᓂᔓ ᓂᐱᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 2:2

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᐁᑳ ᐁ ᑮ ᔑᐯᓕᒪᒋᒃ ᐊᓂᑭ ᑳ ᒪᒋᑣᒋᒃ: ᑭ ᑮ ᑲᑴᒋᐋᐗᒃ ᒫᑲ ᐊᓂᑭ ᓂᑦ ᐊᐸᔅᑕᓕᐎᓂᓈᓐ ᑳ ᐃᑗᒋᒃ, ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᑭ ᑮ ᒥᔅᑲᐙᐗᒃ ᒫᑲ ᐁ ᑭᓛᔅᑭᔅᑭᒋᒃ:

ᑭᔅᑫᓕᑖᑯᑖᑫᐎᓐ 21:27

ᓇᒪᐎᓚ ᒥᑐᓂ ᒫᑲ ᐊᓐᑕ ᑲᑕ ᐱᑐᑫᒪᑲᓐ ᑫᒀᓇ ᑳ ᐎᓂᐃᐌᒪᑲᒃ, ᓇᒪ ᓀᔥᑕ ᑫᒀᓐ ᑳ ᓂᐹᓯᓈᑯᐃᐌᒪᑲᒃ, ᓀᔥᑕ ᐱᑯ ᑳ ᑭᓛᔅᑭᒪᑲᒃ; ᐊᓂᑭ ᐱᑯ ᑳ ᒪᓯᓇᐃᑳᓱᒋᒃ ᒫᓂᔥᒑᓂᔑᔥ ᐅ ᐱᒫᑎᓯᐎᓂ ᒫᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 9:17

ᐅᒪ ᐃᔑ ᒫᑲ ᓂ ᑮ ᐙᐸᒪᐗᒃ ᒥᔅᑕᑎᒶᒃ ᐃᔑᓇᒧᐎᓂᒃ, ᐊᓂᑭ ᓀᔥᑕ ᑳ ᑌᑕᐱᑐᑕᐙᒋᒃ ᐁ ᐋᔮᒋᒃ ᐃᔥᑯᑌᐎ ᓀᔥᑕ ᒑᓯᓐᑦ, ᓀᔥᑕ ᐅᓵᐙᐱᔅᑯᓯᓂᐎ ᒥᔅᑳᔅᑭᑲᓈᐱᔅᑾ: ᐅᔅᑎᒀᓂᐙᐗ ᒫᑲ ᒥᔅᑕᑎᒶᒃ ᑮ ᐃᔑᓈᑾᓂᓕᐗ ᑖᐱᔅᑯᒡ ᒥᔑᐱᔑᐗᒃ ᐅᔅᑎᒀᓂᐙᐗ: ᐅᑐᓂᐙᒃ ᒫᑲ ᑮ ᐅᒋᐸᓕᐤ ᐃᔥᑯᑌᐤ ᓀᔥᑕ ᑲᔥᑳᐸᑌᐤ ᓀᔥᑕ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 9:21

ᓇᒪ ᓀᔥᑕ ᑮ ᒥᒋᓚᐌᔦᓕᑕᒶᒃ ᐅ ᓂᐹᔨᐌᐎᓂᐙᐗ, ᓀᔥᑕ ᐅ ᒥᑌᐃᐎᓂᐙᐗ, ᓀᔥᑕ ᐅ ᐱᔑᒀᑎᓯᐎᓂᐙᐗ, ᓀᔥᑕ ᐅ ᑭᒧᑎᔅᑭᐎᓂᐙᐗ᙮