ᑭᔅᑫᓕᑖᑯᑖᑫᐎᓐ 21:3 - ᐅᔅᑭ ᑎᔅᑌᒥᓐᑦ

³ ᓂ ᑮ ᐯᑌᓐ ᒫᑲ ᑭᒋ ᐯᑖᑯᓯᐎᓐ ᑭᒋᑭᔑᑯᒃ ᐅᒋ ᐁ ᐃᑗᒪᑲᒃ, ᒫᑎᑲ ᑭᒋᒪᓂᑐ ᐎᑭ ᐃᑕᑾᓂᓕᐤ ᐃᑕ ᐁ ᐃᑖᓕᒋ ᐃᓕᓕᐗ, ᑲᑕ ᐎᒋᑕᔑᑫᒣᐤ ᒫᑲ, ᑲᑕ ᐅᑦ ᐃᓕᓕᒥᐤ ᒫᑲ, ᑭᒋᒪᓂᑐ ᑫᒋᐙᒃ ᓀᔥᑕ ᑲᑕ ᐎᒉᐌᐤ, ᓀᔥᑕ ᑲᑕ ᐅ ᑭᒋᒪᓂᑐᒥᒥᑯᐗᒃ᙮

ᑭᔅᑫᓕᑖᑯᑖᑫᐎᓐ 21:3 Iomraidhean Croise

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 14:23

ᒋᓴᔅ ᑮ ᓇᔥᑴᐗᔑᐁᐤ, ᐁ ᐃᑖᑦ, ᑮᔥᐱᓐ ᐊᐌᓇ ᓵᑭᐃᑌ ᑲᑕ ᑲᓇᐎᑕᐤ ᓂᑦ ᐋᔭᒥᐎᓇ: ᓀᔥᑕ ᑲᑕ ᓵᑭᐃᑯ ᓄᑖᐎᔭ, ᓂ ᑳ ᐯᒋ ᓈᑖᓈᓐ ᒫᑲ, ᓀᔥᑕ ᓂ ᑳ ᐎᒋᑕᔑᑫᒫᓈᓐ᙮

ᓂᔓ ᑯᕆᓐᑎᐊᓇ 6:16

ᓀᔥᑕ ᑖᓂ ᑫ ᐃᔑ ᓇᔅᑯᒥᑐᒪᑲᒃ ᐅᑦ ᐋᔭᒥᐁᐎᑲᒥᒃ ᑭᒋᒪᓂᑐ ᓀᔥᑕ ᒪᓂᑐᑳᓇᒃ? ᐌᓴ ᑭᓚᐗᐤ ᐁᐗᑯ ᐅᑦ ᐋᔭᒥᐁᐎᑳᒥᒃ ᐯᒫᑎᓰᑦ ᑭᒋᒪᓂᑐ; ᑳ ᐃᔑ ᐃᑗᑯᐸᓀ ᑭᒋᒪᓂᑐ, ᓂ ᑳ ᐎᑭᒪᐗᐤ, ᓀᔥᑕ ᓂ ᑳ ᐎᒋᐱᒧᑌᒪᐗᒃ: ᓀᔥᑕ ᓂ ᑳ ᐅ ᑭᒋᒪᓂᑐᒥᒥᑾᒃ, ᓀᔥᑕ ᓂ ᑳ ᐅᑦ ᐃᓕᓕᒥᒪᐗᒃ᙮

ᓂᔓ ᑯᕆᓐᑎᐊᓇ 6:18

ᓀᔥᑕ ᑭ ᑳ ᐅᑦ ᐅᑕᐎᒥᓇᐗᐤ, ᓀᔥᑕ ᑭᓚᐗᐤ ᑭ ᑳ ᐅᑯᓯᓯᒥᑎᓇᐗᐤ ᓀᔥᑕ ᑭ ᑳ ᐅᑖᓂᓯᒥᑎᓇᐗᐤ, ᐃᑗᐤ ᐅᑎᐯᓕᒋᑫᐤ ᒥᓯᐌ ᓯᔫᑳᑎᓰᑦ᙮

ᓂᔥᑕᒻ ᑌᓴᓗᓂᔭᓇ 3:11

ᐁᑯ ᓇᑕᒫᑕ ᑭᒋᒪᓂᑐ ᑫᒋᐙᒃ ᑯᑖᐎᓇᐤ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭᔅᑭᓄᑕᐃᔭᒥᑦ ᑭᒋ ᓈᑎᑖᒃ᙮

ᐦᐃᑉᕉᐗ 11:16

ᒫᑲ ᐁᑯ ᓀᑕᐌᓕᑕᑭᒃ ᓇᐗᒡ ᑳ ᒥᓨᔑᓂᓕᒃ ᐊᔅᑭᓕᐤ, ᐁᐗᑴᓕᐤ, ᑳ ᑭᒋᑭᔑᑳᐗᓂᓕᒃ: ᐁᐗᑯ ᒫᑲ ᐅᒋ ᑭᒋᒪᓂᑐ ᓇᒪᐎᓚ ᓇᓀᐯᐎᓯᐤ ᐅ ᑭᒋᒪᓂᑐᒥᐗᐗ ᑭᒋ ᐃᔑᓂᑳᓱᑦ; ᐌᓴ ᑮ ᐋᔦᔅᑲᐎᑕᒪᐌᐤ ᐃᑖᐎᓂᓕᐤ᙮

ᐦᐃᑉᕉᐗ 8:10

ᐌᓴ ᐁᐗᑯ ᐅᒪ ᓇᔅᑯᒥᑐᐎᓐ ᑫ ᐅᔑᑕᒪᐗᑭᒃ ᑳ ᐃᑕᔑᑦ ᐃᔅᕃᐃᓪ ᑮ ᐳᓂᐸᓕᑾᐌ ᐅᐅ ᑭᔑᑳᐗ, ᐃᑗᐤ ᐅᑎᐯᓕᒋᑫᐤ; ᓂ ᑳ ᐸᑭᑎᓀᓐ ᓂᑦ ᐅᓚᔓᐌᐎᓇ ᐅ ᒥᑐᓀᓕᒋᑲᓂᐙᒃ, ᓀᔥᑕ ᓂ ᑳ ᒪᓯᓇᐁᓐ ᐅᑌᐃᐙᒃ; ᓂ ᑳ ᐅ ᑭᒋᒪᓂᑐᒥᒥᑾᒃ ᒫᑲ, ᓀᔥᑕ ᓂ ᑳ ᐅᑦ ᐃᓕᓕᒥᒫᐗᒃ;

ᐦᐃᑉᕉᐗ 8:2

ᑳ ᐋᔭᒥᐋᐎ ᓄᒋᑖᑦ ᑳ ᐸᓓᑲᓂᓕᑭ, ᓀᔥᑕ ᑖᐺ ᐋᔭᒥᐋᐎ ᒥᑭᐙᒥᓕᐤ, ᑳ ᑮ ᒋᒪᑖᑦ ᐅᑎᐯᓕᒋᑫᐤ, ᓇᒪ ᒫᑲ ᐃᓕᓕᐤ᙮

ᑭᔅᑫᓕᑖᑯᑖᑫᐎᓐ 10:4

ᐃᔅᐱ ᒫᑲ ᐊᓂᑭ ᓂᔂᔅ ᐅᓂᒥᔅᑭᐗᒃ ᑳ ᑭ ᑭᑐᒋᑳ, ᓂ ᐎ ᒪᓯᓇᐃᑳᑖᔾ: ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᐊᑯᔅᑭᐗᓴ ᐊᓂᐃ ᑫᒀᓇ ᑳ ᑮ ᐃᑗᒋᒃ ᐊᓂᑭ ᓂᔂᔅ ᐅᓂᒥᔅᑭᐗᒃ, ᐁᑳᐎᓚ ᒪᓯᓇᐊ᙮

ᑭᔅᑫᓕᑖᑯᑖᑫᐎᓐ 10:8

ᐊᓂᒪ ᐯᑖᑯᓯᐎᓐ ᒫᑲ ᑭᒋᑭᔑᑯᒃ ᑳ ᑮ ᐅᒋ ᐯᑕᒫᓐ ᒥᓇ ᓂ ᑮ ᐋᔭᒥᐃᑯᓐ, ᐁ ᐃᑎᑯᔮᓐ, ᒫᒑ ᐅᑎᓇ ᒫᑲ ᐊᓂᒪ ᑳ ᐋᐱᔖᔑᒃ ᒪᓯᓇᐃᑲᓐ, ᑳ ᐋᐸᐋᔅᑌᒃ ᐅᒋᒋᒃ ᐊᓇ ᐁᓐᒐᓪ ᑳ ᓂᐸᐎᑦ ᑭᒋᑲᒥᒃ ᓀᔥᑕ ᐗᑭᑕᔅᑲᒥᒃ᙮

ᑭᔅᑫᓕᑖᑯᑖᑫᐎᓐ 12:10

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᐁ ᑭᔗᐌᒪᑲᒃ, ᐁ ᐃᑗᒪᑲᒃ ᑭᒋᑭᔑᑯᒃ, ᐁᑯ ᐌᑎᒋᐸᓕᒃ ᐱᒫᒋᐃᐌᐎᓐ, ᓀᔥᑕ ᒪᔥᑲᐎᓯᐎᓐ, ᓀᔥᑕ ᑭ ᑭᒋᒪᓂᑐᒥᓇᐤ ᐅᑦ ᐅᑭᒫᐎᐎᓐ, ᓀᔥᑕ ᐅ ᙭ᑎᒪ ᐅ ᑲᔥᑭᐅᐎᓂᓕᐤ; ᐌᓴ ᐊᓇ ᑳ ᒪᒥᔑᒫᑦ ᑭᒋᔖᓂᓇᐗ ᓂᒋ ᐌᐱᓈᑲᓂᐎᐤ ᐅᑎᔥᑲᐤ ᑭ ᑭᒋᒪᓂᑐᒥᓇᐗ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ᙮

ᑭᔅᑫᓕᑖᑯᑖᑫᐎᓐ 21:7

ᐊᓇ ᑳ ᔖᑯᒋᐃᐌᑦ ᑲᑕ ᐊᑎ ᐋᔭᐤ ᐅᐅ ᑫᒀᓇ; ᓂ ᑳ ᐅ ᑭᒋᒪᓂᑐᒥᒥᒃ ᒫᑲ, ᓂᓚ ᓀᔥᑕ ᓂ ᑳ ᐅᑯᓯᓯᒪᐤ᙮

ᑭᔅᑫᓕᑖᑯᑖᑫᐎᓐ 22:3

ᓇᒪᐎᔅᑳᑦ ᒫᑲ ᒥᓇ ᑲᑕ ᐃᑕᑾᓐ ᒪᒐᑭᒥᐌᐎᓐ: ᒫᑲ ᐅᑦ ᐅᑭᒪᐗᐱᐎᓐ ᑭᒋᒪᓂᑐ ᓀᔥᑕ ᒫᓂᔥᒑᓂᔑᔥ ᐁᑯᑕ ᑫ ᐃᑕᑾᓂᓕᒃ; ᑲᑕ ᐊᑑᔅᑫᔅᑖᑯ ᒫᑲ ᐅᑦ ᐊᑑᔅᑫᓛᑲᓇ:

ᑭᔅᑫᓕᑖᑯᑖᑫᐎᓐ 7:15

ᐁᐗᑯ ᐌᒋ ᐃᑖᒋᒃ ᐅᑎᔥᑲᐤ ᑭᒋᒪᓂᑐ ᐅᑦ ᐊᑭᒪᐗᐱᐎᓂᒃ, ᓀᔥᑕ ᐊᑑᔅᑫᔅᑕᐙᒋᒃ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ ᐅ ᑭᒋᐋᔭᒥᐁᐎᑲᒥᑯᒃ; ᐊᓇ ᒫᑲ ᑳ ᐊᐱᑦ ᐅᑭᒪᐗᐱᐎᓂᒃ ᑲᑕ ᐎᒋᑕᔑᑫᒣᐤ᙮