ᑭᔅᑫᓕᑖᑯᑖᑫᐎᓐ 21:2 - ᐅᔅᑭ ᑎᔅᑌᒥᓐᑦ

² ᓂᓚ ᒑᓐ ᒫᑲ ᓂ ᑮ ᐙᐸᑌᓐ ᐸᓓᑭ ᐃᑖᐎᓐ, ᐅᔥᑭ ᒋᕉᓴᓚᒻ, ᐁ ᐯᒋ ᐅᒋ ᓛᔑᐸᓕᒃ ᑭᒋᒪᓂᑐ ᑭᒋᑭᔑᑯᒃ, ᐁ ᐋᔦᔅᑲᐎᑖᓂᐗᒃ ᑖᐱᔅᑯᒡ ᐅᔥᑭᔅᑴᐙᓐ ᐁ ᐙᐌᔑᐅᑦ ᐅ ᓈᐯᒪ ᐅᒋ᙮

ᑭᔅᑫᓕᑖᑯᑖᑫᐎᓐ 21:2 Iomraidhean Croise

ᐅᐸᓓᑭᔅ ᒑᓐ 3:29

ᐊᓇ ᑳ ᐋᔭᐙᑦ ᐅᔥᑭᔅᑴᐙᓇ, ᐁᐗᑯ ᐅᔥᑭᔅᑴᐌᐤ: ᒫᑲ ᐅᔥᑭᔅᑴᐌᐤ ᐅᑐᑌᒪ ᑳ ᓂᐸᐎᓕᒋ ᓀᔥᑕ ᑳ ᐯᑖᑯᑦ, ᓈᔅᐱᒡ ᒥᓜᓕᑕᒥᓕᐗ ᐁ ᐯᑕᐙᓕᒋ ᐅᔥᑭᔅᑴᐌᐗ: ᐁᐗᑯ ᐅᒪ ᒫᑲ ᓂ ᒥᓚᐙᑕᒧᐎᓐ ᑎᐱᐸᓕᐤ᙮

ᓂᔓ ᑯᕆᓐᑎᐊᓇ 11:2

ᐌᓴ ᑭ ᑲᑴᓕᑕᒫᑎᓇᐗᐤ ᒪᓂᑐᐎ ᑲᑴᓕᑕᒧᐎᓂᒃ; ᐌᓴ ᑭ ᑮ ᐸᑭᑎᓂᑎᓇᐗᐤ ᑭᒋ ᐎᑭᒣᒃ ᐯᔭᒃ ᑳ ᐅᑦ ᐃᔅᑴᐎᑦ, ᑭᒋ ᐸᑭᑎᓂᑕᑾᒃ ᑖᐱᔅᑯᒡ ᐯᓓᑭᓯᑦ ᐅᔥᑭᓂᑭᔅᑴᐤ ᙭ ᐅᒋᒋᒃ᙮

ᐦᐃᑉᕉᐗ 11:10

ᐌᓴ ᑮ ᐊᔕᐙᐸᑕᒻ ᐃᑖᐎᓂᓕᐤ ᑳ ᒪᔥᑲᐗᔅᑭᑌᓕᒃ, ᑳ ᑮ ᒋᒪᑖᑦ ᓀᔥᑕ ᑳ ᑮ ᐅᔑᑖᑦ ᑭᒋᒪᓂᑐ᙮

ᐦᐃᑉᕉᐗ 11:16

ᒫᑲ ᐁᑯ ᓀᑕᐌᓕᑕᑭᒃ ᓇᐗᒡ ᑳ ᒥᓨᔑᓂᓕᒃ ᐊᔅᑭᓕᐤ, ᐁᐗᑴᓕᐤ, ᑳ ᑭᒋᑭᔑᑳᐗᓂᓕᒃ: ᐁᐗᑯ ᒫᑲ ᐅᒋ ᑭᒋᒪᓂᑐ ᓇᒪᐎᓚ ᓇᓀᐯᐎᓯᐤ ᐅ ᑭᒋᒪᓂᑐᒥᐗᐗ ᑭᒋ ᐃᔑᓂᑳᓱᑦ; ᐌᓴ ᑮ ᐋᔦᔅᑲᐎᑕᒪᐌᐤ ᐃᑖᐎᓂᓕᐤ᙮

ᐦᐃᑉᕉᐗ 12:22

ᒫᑲ ᑭ ᑮ ᐯᒋ ᓈᑌᓇᐗᐤ ᓵᐃᐊᓐ ᐗᒋ, ᓀᔥᑕ ᐯᒫᑎᓰᑦ ᑭᒋᒪᓂᑐ ᐅᑦ ᐃᑖᐎᓐ, ᑭᒋᑭᔑᑳᐎ ᒋᕉᓴᓕᒻ, ᓀᔥᑕ ᐁᑳ ᑫ ᑮ ᑌᐸᑭᒫᑲᓂᐎᒋᒃ ᐁᓐᒐᓚᒃ,

ᐦᐃᑉᕉᐗ 13:14

ᐌᓴ ᐅᑕ ᓇᒪᐎᓚ ᑭᑦ ᐋᔮᓈᓇᐤ ᑳᑭᑫ ᐃᑖᐎᓐ, ᒫᑲ ᑭ ᓈᓇᑕᐌᓕᑌᓈᓇᐤ ᐯᔭᒃ ᑫ ᐹᐸᓕᒃ᙮

ᑭᔅᑫᓕᑖᑯᑖᑫᐎᓐ 1:1

ᐅ ᑭᔅᑫᓕᑖᑯᑖᑫᐎᓐ ᒋᓴᔅ ᙭, ᑳ ᑮ ᒥᓕᑯᑦ ᑭᒋᒪᓂᑐᐗ, ᑭᒋ ᐙᐸᑎᓛᑦ ᐅᑦ ᐊᑑᔅᑫᓛᑲᓂᒪ ᑫᒀᓇ ᐎᐸᒡ ᑫ ᐯᒋ ᐅᑎᒋᐸᓕᑭ; ᑮ ᐃᔑᑎᔕᐊᒪᐌᐤ ᒫᑲ, ᓀᔥᑕ ᑮ ᐋᓕᒧᑕᒪᐌᐤ ᐅᑦ ᐊᑑᔅᑫᓚᑲᓂᒪ ᒑᓇ, ᐅᑦ ᐁᓐᒐᓕᒪ ᐅᒋ;

ᑭᔅᑫᓕᑖᑯᑖᑫᐎᓐ 1:4

ᒑᓐ ᐁ ᒪᓯᓇᐊᒪᐙᑦ ᐊᓂᐃ ᓂᔂᔅ ᒫᒪᐎᐋᔭᒥᐋᐗ ᐁᔕᐃᒃ ᑳ ᐃᑖᓕᒋ: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᐊᓇ ᐅᒋ ᑳ ᐃᑖᑦ, ᓀᔥᑕ ᑳ ᑮ ᐃᑖᑦ, ᓀᔥᑕ ᑫ ᑕᑯᔑᒃ; ᓀᔥᑕ ᐊᓂᑭ ᓂᔂᔅ ᐊᒑᑾᒃ ᐅᒋ ᐅᑎᔥᑲᐤ ᐅᑦ ᐅᑭᒪᐗᐱᐎᓂᒃ ᑳ ᐃᑖᒋᒃ;

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮

ᑭᔅᑫᓕᑖᑯᑖᑫᐎᓐ 11:2

ᒫᑲ ᐊᓂᒪ ᒪᐗᒋᐃᑐᐎᑲᒥᒃ ᑳ ᐃᑕᑾᒃ ᐗᓚᐎᑎᒥᒃ ᑭᒋᐋᔭᒥᐁᐎᑲᒥᑯᒃ ᑭ ᑳ ᒥᔮᔥᑫᓐ, ᓇᒪ ᒫᑲ ᑭ ᑳ ᑎᐸᐁᓐ; ᐌᓴ ᑮ ᒥᓛᐗᒃ ᒉᓐᑖᐃᓚᒃ: ᐸᓓᑭ ᐃᑖᐎᓐ ᒫᑲ ᑲᑕ ᑕᑕᑯᔥᑳᑕᒶᒃ ᐃᔥᐱᔥ ᓀᒥᑕᓇ ᓂᔓᔖᑉ ᓀᔥᑕ ᐱᓯᒶ᙮

ᑭᔅᑫᓕᑖᑯᑖᑫᐎᓐ 21:10

ᓂ ᑮ ᐃᑐᑕᐃᒃ ᒫᑲ ᐊᒑᑯᒃ ᑭᒋ ᓀᔥᑕ ᐁ ᐃᔅᐸᑎᓈᒃ ᐗᒌᒃ, ᐁᑯ ᐎᐋᐸᑎᓕᑦ ᐊᓂᒪ ᑭᒋ ᐃᑖᐎᓐ, ᐸᓓᑭ ᒋᕉᓴᓚᒻ, ᐁ ᐅᒋ ᓛᔑᐸᓕᒃ ᑭᒋᒪᓂᑐ ᑭᒋᑭᔑᑯᒃ;

ᑭᔅᑫᓕᑖᑯᑖᑫᐎᓐ 21:9

ᓂ ᑮ ᐯᒋ ᓈᑎᒃ ᒫᑲ ᐯᔭᒃ ᐁ ᐃᑕᓯᒋᒃ ᐊᓂᑭ ᓂᔂᔅ ᐁᓐᒐᓚᒃ, ᑳ ᑮ ᐋᔮᒋᒃ ᐊᓂᐃ ᓂᔂᔅ ᐅᓛᑲᓂᔕ ᐁ ᓵᑲᔅᑭᓀᓕᑭ ᐊᓂᐃ ᓂᔂᔅ ᒫᒋᒡ ᐋᑯᐃᑖᔅᐱᓀᐎᓇ, ᐁ ᐃᑗᑦ, ᐅᑕ ᐯᒋ ᐃᑐᑌ, ᑭ ᑳ ᐙᐸᑎᓕᑎᓐ ᒫᑲ ᐅᔥᑭᔅᑴᐙᓐ, ᒫᓂᔥᒑᓂᔑᔥ ᐎᐗ᙮

ᑭᔅᑫᓕᑖᑯᑖᑫᐎᓐ 22:17

ᐊᒑᒃ ᒫᑲ ᓀᔥᑕ ᐅᔥᑭᑴᐙᓐ ᐃᑗᐗᒃ, ᐋᔅᑕᒻ᙮ ᐊᓇ ᒫᑲ ᑳ ᐯᑕᒃ ᐁᑯᔑ ᑲᑕ ᐃᑗᐤ, ᐋᔅᑕᒻ᙮ ᐊᓇ ᓀᔥᑕ ᑳ ᓄᑌᔮᐸᑴᑦ ᐁᑯᔑ ᑲᑕ ᐯᒋ ᐃᑐᑌᐤ: ᐊᐌᓇ ᒫᑲ ᐁᑌᓕᑕᒧᑴ, ᐁᑯᔑ ᒧᔐ ᑲᑕ ᐅᑎᓇᒻ ᐱᒫᑎᓯᐎᓂ ᓂᐱᓕᐤ᙮

ᑭᔅᑫᓕᑖᑯᑖᑫᐎᓐ 22:19

ᑮᔥᐱᓐ ᒫᑲ ᐊᐌᓇ ᐃᓕᓕᐤ ᑫ ᐃᑲᑌᓇᒧᑴ ᑳ ᐃᑗᒪᑲᓂᓕᒃ ᐅᒪ ᑭᔅᑭᐙᐃᑫᐎ ᐋᔭᒥᐎᓐ ᒪᓯᓇᐃᑲᓂᒃ, ᑭᒋᒪᓂᑐ ᑲᑕ ᐃᑲᑌᓇᒬᐤ ᐅ ᑎᐯᓕᑖᑯᓯᐎᓂᓕᐤ ᐱᒫᑎᓯᐎᓂ ᒪᓯᓇᐃᑲᓂᒃ ᐅᒋ, ᓀᔥᑕ ᐸᓓᑭ ᐃᑖᐎᓂᒃ ᐅᒋ, ᓀᔥᑕ ᐊᓂᐃ ᑫᒀᓇ ᐅᒋ ᑳ ᒪᓯᓇᐃᑳᑌᑭ ᐅᒪ ᒪᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 3:12

ᐊᓇ ᑳ ᔖᑯᒋᐃᐌᑦ, ᓯᑣᔅᑯᐃᑲᓐ ᓂ ᑳ ᐃᔑᐊᐤ ᐁ ᑭᒋᐋᔭᒥᐁᐎᑲᒥᑯᒃ ᓂ ᑭᒋᒪᓂᑐᒻ, ᓇᒪᐎᔅᑳᑦ ᒥᓇ ᒫᑲ ᑲᑕ ᐗᓚᐎᐤ: ᓂ ᑳ ᒪᓯᓇᐗᐤ ᒫᑲ ᐅᑦ ᐃᔑᓂᑳᓱᐎᓐ ᓂ ᑭᒋᒪᓂᑐᒻ, ᓀᔥᑕ ᐁ ᐃᔑᓂᑳᑌᓕᒃ ᐅᑦ ᐃᑖᐎᓐ ᓂ ᑭᒋᒪᓂᑐᒻ, ᐁᐗᑯ ᐅᔥᑭ ᒋᕉᓴᓚᒻ ᑭᒋᑭᔑᑯᒃ ᑳ ᐅᒋ ᓛᔑᐸᓕᑖᑦ ᓂ ᑭᒋᒪᓂᑐᒻ: ᓂ ᑳ ᒪᓯᓇᐗᐤ ᒫᑲ ᓂᑦ ᐅᔥᑭ ᐃᔑᓂᑳᓱᐎᓐ᙮