ᑭᔅᑫᓕᑖᑯᑖᑫᐎᓐ 20:3 - ᐅᔅᑭ ᑎᔅᑌᒥᓐᑦ

³ ᑮ ᐌᐱᓀᐤ ᒫᑲ ᐊᓐᑕ ᐁᑳ ᐁ ᒥᓴᔅᑫᔮᒃ ᐙᑎᑳᓂᒃ, ᑮ ᑭᐸᐌᐤ ᒫᑲ, ᓀᔥᑕ ᑮ ᐊᑯᔅᑭᐙᓶᐤ, ᐁᑳᐎᔅᑳᑦ ᒥᓇ ᑭᒋ ᐙᔦᔑᐋᓕᒋ ᑳ ᑕᑐᔅᑳᓀᓱᓕᒋ ᐃᓕᓕᐗ, ᐹᑎᒫ ᑮ ᑎᐱᐸᓕᑾᐌ ᑭᒋᒥᑖᑐᒥᑕᓇᐤ ᐱᐴᓋ: ᐁᑯᔅᐱ ᒫᑲ ᐊᒋᓚᐤ ᑭᒋ ᐋᐸᐙᑲᓂᐎᓕᒋ᙮

ᑭᔅᑫᓕᑖᑯᑖᑫᐎᓐ 20:3 Iomraidhean Croise

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒫᑎᐤ 27:66

ᐁᑯ ᒫᑲ ᑫᑐᑌᒋᒃ, ᐁ ᐋᔨᒋ ᑲᓇᐌᓕᑕᑫᒃ ᒋᐹᔨᑲᒥᑯᓕᐤ, ᐁ ᐊᑯᔅᑭᐗᔂᒋᒃ ᐊᓯᓂᔭ, ᓀᔥᑕ ᐁ ᐸᑭᑎᓈᒋᒃ ᐊᓂᐃ ᑫ ᐊᔕᐙᐱᓕᒋ᙮

ᐅᐸᓓᑭᔅ ᒫᕐᒃ 4:15

ᐅᑯ ᒫᑲ ᐁᐗᑾᓂᑭ ᐅᐱᒣ ᒣᔅᑲᓈᒃ, ᐃᑕ ᐋᔭᒥᐎᓐ ᑳ ᐗᓴᓶᐱᓂᑳᑌᒃ, ᒫᑲ, ᐃᔅᐱ ᑳ ᐯᑕᑭᒃ, ᑣᔦᒃ ᐯᒋ ᐃᑐᑌᐤ ᓭᑖᓐ ᒪᔅᑲᒣᐤ ᒫᑲ ᐋᔭᒥᐎᓂᓕᐤ ᑳ ᑮ ᐸᑭᑎᓂᑳᑌᓕᒃ ᐅᑌᐃᐙᒃ᙮

ᐅᐸᓓᑭᔅ ᓘᒃ 8:31

ᑮ ᓇᑐᑕᒪᐌᐗᒃ ᒫᑲ ᐁᑳ ᑭᒋ ᐃᑎᔕᐙᑎᑯᒋᒃ ᑭᒋ ᓇᑕᐎ ᐃᑐᑌᒋᒃ ᐁ ᑎᒪᓕᒃ᙮

ᓂᔓ ᑯᕆᓐᑎᐊᓇ 11:3

ᒫᑳ ᓂ ᑯᔅᑖᒋᓐ, ᓈᓐᑕᐤ ᐃᔑ, ᑖᐱᔅᑯᒡ ᒥᔑᑭᓀᐱᒃ ᑳ ᑮ ᐃᔑ ᐙᔦᔑᐋᑦ ᐃᐸ ᐅ ᑲᑳᔦᓕᓯᐎᓂᒃ ᐅᒋ, ᐁᑯ ᑖᐱᔅᑯᒡ ᑭ ᒥᑐᓀᓕᒋᑲᓂᐗᐗ ᑭᒋ ᐙᔦᔑᑖᓂᐗᑭ ᐸᓓᑭᑌᓕᑕᒧᐎᓂᐤ ᐅᒋ ᙭ᑎᒃ ᑳ ᐃᑕᑾᓂᓕᒃ᙮

ᓂᔓ ᐱᑕᕐ 3:8

ᒫᑲ, ᓯᐋᑭᐃᑕᑾᒃ, ᑭᔅᑫᓕᑕᒧᒃ ᐅᒪ ᐯᔭᒃ ᑫᒀᓐ, ᐯᔭᑾᐤ ᐁ ᑭᔑᑳᓕᒃ ᐃᑕᑭᑕᒻ ᐅᑎᐯᓕᒋᑫᐤ ᑖᐱᔅᑯᒡ ᑭᒋᒥᑖᑐᒥᑕᓇᐤ ᐱᐴᓋ, ᓀᔥᑕ ᑭᒋᒥᑖᑐᒥᑕᓇᐤ ᐱᐴᓋ ᑖᐱᔅᑯᒡ ᐯᔭᑯ ᑭᔑᑲᐤ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 13:14

ᐙᔦᔑᐁᐤ ᒫᑲ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᐊᓂᐃ ᒫᒪᔅᑳᒋ ᐃᔑᒋᑫᐎᓇ ᐅᒋ ᑳ ᑲᔥᑭᑖᑦ ᑭᒋ ᑐᑕᒃ ᐁ ᑲᓇᐙᐸᒥᑯᑦ ᐊᓂᐃ ᐊᐌᓯᓴ; ᐁ ᐃᑖᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᑭᒋ ᒪᓯᓕᓕᑲᐙᓕᒋ ᐊᐌᓯᓴ, ᐊᓇ ᑳ ᑭ ᒥᔣᑲᓂᐎᑦ ᔑᒫᑲᓂᓕᐤ ᐅᒋ, ᐁᓕᐌᒃ ᒫᑲ ᐁ ᑮ ᐱᒫᑎᓰᑦ᙮

ᑭᔅᑫᓕᑖᑯᑖᑫᐎᓐ 17:2

ᐊᓇ ᑳ ᑮ ᐎᒋᐱᔑᒀᑎᓯᒥᑯᑦ ᑭᒋᐅᑭᒪᐗ ᐅᑕ ᐊᔅᑮᒃ, ᓀᔥᑕ ᐊᓂᐃ ᑳ ᑕᔑᑫᓕᒋ ᐊᔅᑮᒃ ᑮ ᑮᔥᑴᐯᔅᑳᑯᓕᑭ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 17:8

ᐊᓇ ᐊᐌᓯᔅ ᑳ ᑮ ᐙᐸᒪᑦ ᑮ ᐃᑖᐤ, ᓇᒪ ᐃᑖᐤ ᒫᑲ; ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᒫᑲ ᑲᑕ ᐅᒋ ᐅᐱᔅᑲᐤ, ᑲᑕ ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ: ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒫᒫᔅᑳᑕᒶᒃ, (ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᑮ ᒪᓯᓇᐃᑳᑌᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ ᐊᔅᐱᓐ ᑳ ᒫᒋ ᐊᔅᑮᐗᒃ,) ᐃᔅᐱ ᐙᐸᒫᑡᐌ ᐊᓂᐃ ᐊᐌᓯᓴ ᑳ ᑮ ᐃᑖᓕᒋ, ᐁᑳ ᒫᑲ ᐁ ᐃᑖᓕᒋ, ᐁᓕᐌᒃ ᒫᑲ ᐁ ᐃᑕᓕᒋ᙮

ᑭᔅᑫᓕᑖᑯᑖᑫᐎᓐ 20:1

ᓂ ᑮ ᐙᐸᒪᐤ ᒫᑲ ᐁᓐᒐᓪ ᑭᒋᑭᔑᑯᒃ ᐁ ᐅᒋ ᐯᒋ ᓛᔑᑦ ᐁ ᐋᔮᑦ ᐎᑯᑕᐃᑲᓐ ᐁᑳ ᑳ ᒥᓴᔅᑫᔮᓕᒃ ᐙᑎᑳᓂᓕᐤ, ᓀᔥᑕ ᐱᐙᐱᔅᑴᔭᐱ ᐅᒌᒌᒃ;