ᑭᔅᑫᓕᑖᑯᑖᑫᐎᓐ 20:2 - ᐅᔅᑭ ᑎᔅᑌᒥᓐᑦ

² ᑮ ᐅᑎᑎᓀᐤ ᒫᑲ ᒥᔑᑭᓀᐱᑾ, ᐊᓂᐃ ᑭᔐ ᒥᔑᑭᓀᐱᑾ, ᐁᐗᑯ ᒪᒋᒪᓂᑐ ᓀᔥᑕ ᓭᑖᓐ, ᑮ ᒫᒫᒋᒀᐱᑌᐤ ᒫᑲ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ,

ᑭᔅᑫᓕᑖᑯᑖᑫᐎᓐ 20:2 Iomraidhean Croise

ᐅᐸᓓᑭᔅ ᒫᑎᐤ 19:29

ᒥᓯᐌ ᑕᑐ ᐊᐌᓇ ᒫᑲ ᑳ ᑮ ᓇᑲᑕᒃ ᐙᔅᑳᔨᑲᓇ, ᓀᔥᑕᐱᑯ ᐎᒋᔖᓇ, ᓀᔥᑕᐱᑯ ᐎᒋᔖᓂᔅᑴᒪ, ᓀᔥᑕᐱᑯ ᐅᑖᐎᔭ, ᓀᔥᑕᐱᑯ ᐅᑳᐎᔭ, ᓀᔥᑕᐱᑯ ᐅᑦ ᐊᐙᔑᒥᔕ, ᓀᔥᑕᐱᑯ ᐅᑦ ᐊᔅᑭ, ᓂᑦ ᐃᔑᓂᑲᓱᐎᓂᓕᐤ ᐅᒋ, ᑲᑕ ᒥᓚᐤ ᒥᑖᑐᒥᑕᓇᐗᐤ ᐃᔥᐱᔥ, ᑲᑕ ᐋᔭᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒫᑎᐤ 8:29

ᒫᑎᑲ, ᒫᑲ, ᑮ ᑌᐺᓕᐗ, ᐁ ᐃᑎᑯᑦ, ᑫᒀᓐ ᑫ ᑐᑖᑖᒃ, ᒋᓴᔅ, ᑭᒋᒪᓂᑐ ᐌᑯᓯᓯᒥᔉ? ᑭ ᑮ ᐯᒋ ᐃᑐᑖᓐ ᓈ ᑭᒋ ᑲᒀᑕᑭᐃᔮᒃ ᐸᒧᔑ ᐅᑎᒋᐸᓕᒃ?

ᐅᐸᓓᑭᔅ ᒫᕐᒃ 4:15

ᐅᑯ ᒫᑲ ᐁᐗᑾᓂᑭ ᐅᐱᒣ ᒣᔅᑲᓈᒃ, ᐃᑕ ᐋᔭᒥᐎᓐ ᑳ ᐗᓴᓶᐱᓂᑳᑌᒃ, ᒫᑲ, ᐃᔅᐱ ᑳ ᐯᑕᑭᒃ, ᑣᔦᒃ ᐯᒋ ᐃᑐᑌᐤ ᓭᑖᓐ ᒪᔅᑲᒣᐤ ᒫᑲ ᐋᔭᒥᐎᓂᓕᐤ ᑳ ᑮ ᐸᑭᑎᓂᑳᑌᓕᒃ ᐅᑌᐃᐙᒃ᙮

ᐅᐸᓓᑭᔅ ᒫᕐᒃ 5:7

ᑮ ᑌᐺᐤ ᒫᑲ ᐁ ᑭᔗᐌᑦ, ᓀᔥᑕ ᑮ ᐃᑗᐤ, ᑖᓂ ᑭᓚ ᑫ ᐃᑖᐸᒋᐃᑖᓐ, ᒋᓴᔅ ᑭᓚ ᐌᑯᓯᓯᒥᔉ ᒫᐗᒡ ᐁᔅᐯᓕᑖᑯᓯᑦ ᑭᒋᒪᓂᑐ? ᑭ ᑭᒋᐃᑗᐃᑎᓐ ᑭᒋᒪᓂᑐ ᐅᒋ, ᐁᑳ ᑭᒋ ᑲᒀᑕᑭᐃᔭᓐ᙮

ᐅᐸᓓᑭᔅ ᒑᓐ 12:31

ᐊᓄᒡ ᑎᐹᔅᑯᓂᑳᑌᐤ ᐅᒪ ᐊᔅᑭ: ᐊᓄᒡ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ ᑲᑕ ᐗᓚᐎᐌᐱᓈᑲᓂᐎᐤ᙮

ᐅᐸᓓᑭᔅ ᒑᓐ 16:11

ᑎᐹᔅᑯᓂᑫᐎᓂᓕᐤ ᐅᒋ, ᐁ ᑎᐹᔅᑯᓈᑲᓂᐎᑦ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:20

ᑭᒋᒪᓂᑐ ᒫᑲ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᐎᐸᒡ ᑲᑕ ᐊᐱᑕᐌᐤ ᓭᑕᓇ ᔑᐹ ᑭᓯᑎᐙᒃ᙮ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ᙮ ᐁᒣᓐ᙮

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᓂᔥᑕᒻ ᐱᑕᕐ 5:8

ᐯᑳᒡ ᐃᑕᑎᓰᒃ, ᔮᒀᒥᓯᒃ; ᐌᓴ ᑳ ᐎ ᒪᒋᑐᑖᑖᒃ ᒪᒋᒪᓂᑐ, ᑖᐱᔅᑯᒡ ᐁ ᐅᓗᑦ ᒥᔑᐱᔑᐤ ᐸᐹᒧᑌᐤ ᐁ ᓈᓇᑕᐙᐸᒫᑦ ᐊᐌᓕᐗ ᑫ ᑯᒋᐸᓕᐋᑦ:

ᓂᔓ ᐱᑕᕐ 2:4

ᐌᓴ ᑮᔥᐱᓐ ᑭᒋᒪᓂᑐ ᐁᑳ ᒣᓈᒋᐋᑦ ᐊᓂᐃ ᐁᓐᒐᓚ, ᒫᑲ ᒪᒋ ᐃᔥᑯᑌᐤ ᐁ ᑮ ᐃᔑ ᓂᒋᐌᐃᓈᑦ, ᓀᔥᑕ ᐁ ᑮ ᐸᑭᑎᓈᑦ ᑭᒋ ᒫᒫᒋᒀᐱᓱᓕᑭ ᐃᑕ ᐁ ᐗᓂᑎᔅᑳᓕᒃ, ᐁᑯᑕ ᑭᒋ ᐃᑖᓕᒋ ᑭᒋ ᑎᐹᔅᑯᓈᑲᓂᐎᓕᒋ;

ᒎᑦ 1:6

ᐊᓂᑭ ᐁᓐᒐᓚᒃ ᓀᔥᑕ ᐁᑳ ᑳ ᑮ ᑲᓇᐌᓕᑕᑭᒃ ᐅ ᑎᐯᓕᒋᑫᐎᓂᐗᐤ, ᑳ ᑮ ᓇᑲᑕᑭᒃ ᒫᑲ ᑎᐱᓚᐌ ᐅ ᑕᔑᑫᐎᓂᐗᐤ, ᑲᓇᐌᓕᒥᑯᐗᒃ ᐁ ᒫᒫᒋᒀᐱᓱᒋᒃ ᑳᑭᑫ ᐱᐙᐱᔅᑴᐋᐱᐊ ᐃᑕ ᐁ ᐗᓂᑎᐱᔅᑳᓕᒃ ᐱᓕᔥ ᑎᐹᔅᑯᓂᑳᓂᐗᑫ ᑭᒋ ᑭᔑᑳᑫ᙮

ᑭᔅᑫᓕᑖᑯᑖᑫᐎᓐ 12:13

ᐃᔅᐱ ᒫᑲ ᒥᔑᑭᓀᐱᒃ ᐎᐋᐸᑕᒃ ᐊᔅᑮᒃ ᐁ ᑮ ᐃᔑ ᐌᐱᓈᑲᓂᐎᑦ, ᑮ ᑲᒀᑕᑭᐁᐤ ᐊᓂᐃ ᐃᔅᑴᐗ ᑳ ᑭ ᓂᑕᐎᑭᐋᓕᒋ ᓈᐯ ᐊᐙᔑᔕ᙮

ᑭᔅᑫᓕᑖᑯᑖᑫᐎᓐ 12:15

ᒥᔑᑭᓀᐱᒃ ᒫᑲ ᐅᑐᓂᒃ ᑮ ᐅᒋ ᐗᓚᐎᐌᐱᓇᒪᐌᐤ ᓂᐱᓕᐤ ᐊᓂᐃ ᐃᔅᑴᐗ ᑖᐱᔅᑯᒡ ᓯᐱᓕᐤ, ᐃᔅᑴᐤ ᑭᒋ ᑭᒋᐎᓕᑯᑦ ᓯᐱᓕᐤ᙮

ᑭᔅᑫᓕᑖᑯᑖᑫᐎᓐ 12:17

ᒥᔑᑭᓀᐱᒃ ᒫᑲ ᑮ ᑭᓯᐙᓰᔅᑕᐌᐤ ᐃᔅᑴᐗ, ᓀᔥᑕ ᑮ ᓇᑕᐎ ᓇᑐᐸᓕᔅᑕᐅᒫᑦ ᑳ ᐃᔥᑯᐸᓕᓕᒋ ᐅᑦ ᐊᐙᔑᒥᔕ, ᐊᓂᑭ ᑳ ᑲᓇᐌᓕᑕᒸᒋᒃ ᑭᒋᒪᓂᑐᐗ ᐅ ᑲᑫᔅᑴᐎᓂᓕᐗ, ᓀᔥᑕ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᔅ ᙭ᑕ᙮

ᑭᔅᑫᓕᑖᑯᑖᑫᐎᓐ 12:3

ᑮ ᓄᑾᓐ ᒫᑲ ᑯᑕᒃ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ; ᒫᑎᑲ ᒫᑲ ᐁ ᒥᑯᓯᑦ ᑭᒋ ᒥᔑᑭᓀᐱᒃ, ᓂᔂᔅ ᐁ ᑕᑐᔅᑎᑾᓀᑦ ᓀᔥᑕ ᐁ ᒥᑖᑐᑌᔥᑲᓄᑦ, ᓀᔥᑕ ᓂᔂᔅ ᐅᑭᒪᐗᔅᑐᑎᓋ ᑕᑯᒡ ᐅᔅᑎᒀᓇ᙮

ᑭᔅᑫᓕᑖᑯᑖᑫᐎᓐ 12:4

ᐅᓱ ᒫᑲ ᑮ ᐅᒋ ᓂᒋᐸᓕᐁᐤ ᓂᔅᑡᐤ ᐃᓕᑯᒃ ᐊᒐᑾ ᑭᔑᑯᒃ, ᐊᔅᑮᒃ ᒫᑲ ᑮ ᐃᔑ ᐌᐱᓀᐤ: ᐊᓇ ᒥᔑᑭᓀᐱᒃ ᒫᑲ ᑮ ᐅᑎᔥᑲᐎᑳᐸᐎᔅᑕᐌᐤ ᐊᓂᐃ ᐃᔅᑴᐗ ᑳ ᐎ ᐋᐱᒪᐗᓱᓕᒋ, ᑭᒋ ᒧᐃᒫᑦ ᐅᑦ ᐊᐙᔑᒥᔕ ᑭᔖᒡ ᓂᑕᐎᑭᓕᒋ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 13:2

ᐊᓇ ᐊᐌᓯᔅ ᒫᑲ ᑳ ᐙᐸᒪᒃ ᑖᐱᔅᑯᒡ ᐹᐹᑌᐱᔑᐤ ᑮ ᐃᔑᓈᑯᓯᐤ, ᓀᔥᑕ ᐅᓯᑕ ᑖᐱᔅᑯᒡ ᒪᔅᑾ ᐅᓯᑕ ᑮ ᐃᔑᓈᑾᓂᓕᐗ, ᓀᔥᑕ ᐅᑐᓐ ᑖᐱᔅᑯᒡ ᒥᔑᐱᔑᐤ ᐅᑐᓐ: ᑮ ᒥᓕᑯ ᒫᑲ ᒥᔑᑭᓀᐱᑾ ᑲᔥᑭᐅᐎᓂᓕᐤ ᓀᔥᑕ ᐅ ᑌᑕᐱᐎᓐ, ᓀᔥᑕ ᑭᒋ ᑎᐯᓕᒋᑫᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 13:4

ᑮ ᓇ ᐊᑮᔅᑕᐌᐗᒃ ᒫᑲ ᒥᔑᑭᓀᐱᑾ ᑲᔅᑭᐅᐎᓂᓕᐤ ᑳ ᑭ ᒥᓛᓕᒋ ᐊᓂᐃ ᐊᐌᓯᓴ: ᓀᔥᑕ ᒫᑲ ᑮ ᓇᐗᑮᔅᑕᐌᐗᒃ ᐊᓂᐃ ᐊᐌᓯᓴ, ᐁ ᐃᑗᒋᒃ, ᐊᐌᓇ ᓀᔅᐱᑕᐗᑦ ᐊᐌᓯᓴ? ᐊᐌᓇ ᑫᔥᑭᑖᑦ ᑭᒋ ᓇᑐᐸᓖᔅᑕᐙᑦ?

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 20:7

ᐃᔅᐱ ᒫᑲ ᑮ ᑎᐱᐸᓕᑾᐌ ᑭᒋᒥᑖᑐᒥᑕᓇᐤ ᐱᐴᓋ, ᓭᑕᓐ ᑲᑕ ᐋᐸᐗᐤ ᐅ ᑭᐸᐅᑐᐎᑲᒥᑯᒃ ᐅᒋ,

ᑭᔅᑫᓕᑖᑯᑖᑫᐎᓐ 9:11

ᑮ ᐋᔭᐌᐗᒃ ᒫᑲ ᑭᒋᐅᑭᒪᐗ ᐁ ᑎᐯᓕᒥᑯᒋᒃ ᐊᓂᐃ ᐁᓐᒐᓚ ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᑳ ᐅᒋᓕᒋ, ᑳ ᐃᔑᓂᑳᓱᓕᒋ ᐦᐃᑉᕉ ᐃᔑ ᑭᔗᐎᓂᒃ ᐊᐹᑕᓐ, ᒫᑲ ᒃᕆᒃ ᐃᔑᑭᔗᐎᓂᒃ ᐊᐸᓕᔭᓐ ᐃᔑᓂᑳᓱᓕᐗ᙮