ᑭᔅᑫᓕᑖᑯᑖᑫᐎᓐ 20:14 - ᐅᔅᑭ ᑎᔅᑌᒥᓐᑦ

¹⁴ ᓂᐱᐎᓐ ᒫᑲ ᓀᔥᑕ ᒋᐸᐃᐊᔅᑭ ᑮ ᐃᔑ ᐌᐱᓂᑳᑌᐗ ᐃᔥᑯᑌᐎ ᓵᑲᐃᑲᓂᒃ᙮ ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 20:14 Iomraidhean Croise

ᓂᔥᑕᒻ ᑯᕆᓐᑎᐊᓇ 15:26

ᐊᓇ ᒫᒋᒡ ᐸᒀᑖᑲᓐ ᑫ ᓂᔑᐗᓈᒋᐋᑲᓂᐎᑦ ᐁᐗᑯ ᓂᐱᐎᓐ᙮

ᓂᔥᑕᒻ ᑯᕆᓐᑎᐊᓇ 15:53

ᐌᓴ ᐅᒪ ᑫ ᓂᔑᐗᓈᑕᒃ ᑲᑕ ᐳᔅᑎᔥᑲᒧᒪᑲᓐ ᐊᓂᒪ ᐁᑳ ᑫ ᓂᔑᐗᓈᑕᒃ, ᓀᔥᑕ ᐅᒪ ᑫ ᓂᐱᒪᑲᒃ ᑲᑕ ᐳᔅᑎᔥᑲᒧᒪᑲᓐ ᐊᓂᒪ ᐁᑳ ᑫ ᓂᐱᒪᑲᒃ᙮

ᑭᔅᑫᓕᑖᑯᑖᑫᐎᓐ 1:18

ᓂᓚ ᐁᐗᑯ ᑳ ᐱᒫᑎᓯᔮᓐ, ᓀᔥᑕ ᑳ ᑭ ᓂᐱᔮᓐ; ᒫᑎᑲ, ᒫᑲ, ᓂ ᓈᔅᐱᒋ ᐱᒫᑎᓰᓐ, ᐁᒣᓐ; ᓂᑦ ᐋᔮᓐ ᒫᑲ ᑳᑭᑫ ᐃᔥᑯᑌᐤ ᓀᔥᑕ ᓂᐱᐎᓐ ᐎᑯᑕᐃᑲᓇ᙮

ᑭᔅᑫᓕᑖᑯᑖᑫᐎᓐ 14:10

ᐁᐗᒀᓇ ᑫ ᒥᓂᑴᑦ ᔓᒥᓈᐳᓕᐤ ᑭᒋᒪᓂᑐ ᐅᑦ ᐊᑯᓚᐌᓯᐎᓂᒃ ᑳ ᐅᒋᐸᓕᓕᒃ, ᑳ ᓯᑭᐌᐱᓂᑳᑌᓕᒃ ᐁᑳ ᐁ ᑭᓕᑲᐤᐃᓂᑳᑌᓕᒃ ᐅ ᑭᓯᐙᓯᐎᓂ ᒥᓂᒀᑲᓂᒃ: ᐃᔥᑯᑌᓕᐤ ᒫᑲ ᓀᔥᑕ ᐅᓵᐙᐱᔅᑯᓯᓂᔭ ᑮ ᐅᒋ ᑲᒀᑕᑭᓯᐗᒃ ᐁ ᑲᓇᐙᐸᒥᑯᒋᒃ ᐸᓓᑭ ᐁᓐᒐᓚ, ᐁ ᑲᓇᐙᐸᒥᑯᒋᒃ ᓀᔥᑕ ᒫᓂᔥᒑᓂᔑᔕ:

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 2:11

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ; ᐊᓇ ᑳ ᔖᑯᒋᐃᐌᑦ ᓇᒪᐎᓚ ᑲᑕ ᐊᑯᐃᑯ ᐊᓂᐁᓕᐤ ᓂᔓ ᓂᐱᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 20:13

ᑭᒋᑲᒥ ᓀᔥᑕ ᑮ ᐸᑭᑎᓀᐤ ᑳ ᓂᐱᓕᒋ ᐁᑯᑕ ᑳ ᐃᑖᓕᒋ; ᓀᔥᑕ ᓂᐱᐎᓐ ᓀᔥᑕ ᒋᐸᐃᐊᔅᑭ ᑮ ᐸᑭᑎᓀᐗᒃ ᑳ ᓂᐱᓕᒋ ᐁᑯᑕ ᑳ ᐃᑖᓕᒋ: ᑮ ᑎᐹᔅᑯᓇᐗᒃ ᒫᑲ ᒥᓯᐌ ᐊᐌᓂᑭ ᒬᒋ ᑳ ᑮ ᐃᔑ ᐊᑑᔅᑫᒋᒃ᙮

ᑭᔅᑫᓕᑖᑯᑖᑫᐎᓐ 20:15

ᒥᓯᐌ ᑕᑐ ᐊᐌᓇ ᒫᑲ ᐁᑳ ᑳ ᒥᔅᑲᐙᑲᓂᐎᑦ ᐁ ᒪᓯᓇᐃᑳᓱᑦ ᐱᒫᑎᓯᐎᓂ ᒪᓯᓇᐃᑲᓂᒃ ᐃᔥᑯᑌᐎ ᓵᑲᐃᑲᓂᒃ ᑮ ᐃᔑ ᐌᐱᓇᐤ᙮

ᑭᔅᑫᓕᑖᑯᑖᑫᐎᓐ 20:6

ᔕᐌᓕᑖᑯᓯᐤ ᓀᔥᑕ ᐸᓓᑭᓯᐤ ᐊᓇ ᑳ ᐎᒋᐃᐌᑦ ᓂᔥᑕᒻ ᐗᓂᔥᑲᐎᓂᒃ: ᐅᑯ ᑐᐎ ᓂᔓ ᓂᐱᐎᓂᓕᐤ ᓇᒪᐎᓚ ᑎᐯᓕᒥᑯᐗᒃ, ᒫᑲ ᑲᑕ ᐋᐎᐗᒃ ᑭᒋᒪᓂᑐ ᐅ ᓵᓵᑭᐎᓕᐌᐎᓕᓕᒪ, ᓀᔥᑕ ᙭, ᓀᔥᑕ ᑲᑕ ᐎᒋᑎᐯᓕᒋᑫᒣᐗᒃ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 21:4

ᑭᒋᒪᓂᑐ ᒫᑲ ᑲᑕ ᑳᓯᐊᒬᐤ ᒥᓯᐌ ᑳ ᐅᒋᑲᐙᐱᓕᒋ ᐅᔅᑭᔑᑯᓕᒃ; ᓇᒪᐎᔅᑳᑦ ᒥᓇ ᒫᑲ ᑲᑕ ᐃᑕᑾᓐ ᓂᐱᐎᓐ, ᓇᒪ ᓀᔥᑕ ᒥᔕᒣᓕᑕᒧᐎᓐ, ᓇᒪ ᓀᔥᑕ ᒫᑐᐎᓐ, ᓇᒪ ᓀᔥᑕ ᒥᓇ ᑲᑕ ᐃᑕᑾᓐ ᐎᓴᑫᓕᑕᒧᐎᓐ: ᐌᓴ ᑳᔮᔥ ᑫᒀᓇ ᑮ ᐌᐱᐸᓕᐗ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 6:8

ᓂ ᑮ ᐃᑖᐱᓐ ᒫᑲ, ᒫᑎᑲ ᒫᑲ, ᐁ ᐙᐱᓀᐎᓯᑦ ᒥᔅᑕᑎᒻ: ᐊᓇ ᒫᑲ ᑳ ᑌᑕᐱᑐᑕᐙᑦ ᓂᐱᐎᓐ ᑮ ᐃᔑᓂᑳᑕᐤ, ᑮ ᐱᒥᐎᒉᐅᑯ ᒫᑲ ᒋᐸᐃᐊᔅᑭᓕᐤ᙮ ᑲᔥᑭᐅᐎᓂᓕᐤ ᒫᑲ ᑮ ᒥᓛᐗᒃ ᑭᒋ ᑎᐯᓕᑕᑭᒃ ᓀᐗᔭᒃ ᐃᓕᑯᒃ ᐊᔅᑭᓕᐤ, ᔑᒫᑲᓐ ᑭᒋ ᐅᒋ ᓂᐹᔨᐌᒋᒃ, ᓀᔥᑕ ᑲᐗᑲᑌᐎᓐ ᐅᒋ, ᓀᔥᑕ ᓂᐱᐎᓐ ᐅᒋ, ᓀᔥᑕ ᐊᐌᓯᓴ ᐅᒋ ᐊᔅᑮᒃ ᑳ ᐃᑖᓕᒋ᙮