ᑭᔅᑫᓕᑖᑯᑖᑫᐎᓐ 2:9 - ᐅᔅᑭ ᑎᔅᑌᒥᓐᑦ

⁹ ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐊᓕᒥᓯᐎᓐ, ᓀᔥᑕ ᑭ ᒪᓀᓯᐎᓐ, (ᒫᑲ ᑮ ᒥᔕᑭᓯᓐ,) ᓂ ᑭᔅᑫᓕᑕᒸᓐ ᐅ ᐹᔅᑕᒧᐎᓂᐙᐗ ᐊᓂᑭ ᓂ ᒎᐎᓈᓐ ᑳ ᐃᑗᒋᒃ ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᐅᑦ ᐋᔭᒥᐁᐎᑲᒥᒥᑯᒋᒃ ᓭᑕᓇ᙮

ᑭᔅᑫᓕᑖᑯᑖᑫᐎᓐ 2:9 Iomraidhean Croise

ᐅᐸᓓᑭᔅ ᒫᑎᐤ 4:10

ᐁᑯ ᒋᓴᔅ ᐁᑖᑦ, ᐊᐗᔅ ᒫᒑ, ᓭᑖᓐ: ᐌᓴ ᐃᑕᓯᓇᐃᑳᑌᐤ, ᑭ ᑳ ᓇᐗᑮᔅᑕᐗᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ, ᐎᓚ ᓀᔥᑕ ᐱᑯ ᑭ ᑳ ᐊᑑᔅᑫᔅᑕᐗᐤ᙮

ᐅᐸᓓᑭᔅ ᓘᒃ 12:21

ᐁᑯ ᑖᐱᔅᑯᒡ ᐁᑎᑦ ᐊᓇ ᑳ ᓇᐊᔅᑣᓱᑦ ᒥᔕᑭᓯᐎᓇ, ᐁᑳ ᒫᑲ ᑳ ᒥᔕᑭᓰᑦ ᐁ ᐃᑌᓕᒥᑯᑦ ᑭᒋᒪᓂᑐᐗ᙮

ᐅᐸᓓᑭᔅ ᓘᒃ 22:65

ᒥᒉᑦ ᑯᑕᑭᔭ ᑫᒀᓇ ᒫᑲ ᑫ ᐹᔅᑕᒧᐎ ᐃᑌᐗᒃ᙮

ᐅᐸᓓᑭᔅ ᓘᒃ 4:18

ᐅᑎᐯᓕᒋᑫᐤ ᐅᑦ ᐊᒑᑾ ᓂ ᑭᑭᔥᑳᑯᓕᐗ, ᐌᓴ ᓂ ᑮ ᑕᒪᔅᑯᓂᒃ ᑭᒋ ᑎᐹᒋᒧᔅᑕᐗᑭᒃ ᒥᓗᐋᒋᒧᐎᓂᓕᐤ ᐊᓂᑭ ᑳ ᑭᑎᒫᑭᓯᒋᒃ; ᓂ ᑮ ᐯᒋᑎᔕᐅᒃ ᑭᒋ ᒥᓇᐋᒋᐊᑭᒃ ᐊᓂᑭ ᑳ ᐱᑯᑌᐁᒋᒃ, ᑭᒋ ᑎᐹᒋᒧᔅᑕᐗᑭᒃ ᐋᐸᐊᒫᑫᐎᓂᓕᐤ ᐊᓂᑭ ᑳ ᐋᐗᑳᓂᐎᒋᒃ, ᓀᔥᑕ ᐙᐱᐎᓂᓕᐤ ᐊᓂᑭ ᐁᑳ ᑳ ᐙᐱᒋᒃ, ᑭᒋ ᐋᐸᐗᑭᒃ ᐊᓂᑭ ᑳ ᐅᑐᑭᓯᒋᒃ,

ᐅᐸᓓᑭᔅ ᓘᒃ 6:20

ᐁᑯ ᑌᔅᑕᓵᐸᒫᑦ ᐅ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ, ᑭ ᔕᐌᓕᑖᑯᓯᓇᐗᐤ ᐁ ᑭᑎᒫᑭᓯᔦᒃ; ᐌᓴ ᑭᑦ ᐋᔭᐙᓇᐗᐤ ᑭᒋᒪᓂᑐ ᐅᑦ ᐅᑭᒫᐎᐎᓐ᙮

ᐅᐸᓓᑭᔅ ᒑᓐ 16:33

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮

ᐊᐸᔅᑕᓚᒃ 14:22

ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 26:11

ᓀᔥᑕ ᒥᓯᐌ ᑕᑐ ᐋᔭᒥᐁᐎᑲᒥᑯᒃ ᒥᒉᑡᐤ ᓂ ᑮ ᑲᒀᑕᑭᐋᐗᒃ, ᓀᔥᑕ ᓂ ᑮ ᔖᑯᒋᒫᐗᒃ ᑭᒋ ᐸᐹᔅᑕᒧᒋᒃ; ᓀᔥᑕ ᓈᔅᐱᒡ ᐁ ᐋᑯᓚᐌᓯᔅᑕᐗᑭᒃ, ᓂ ᑮ ᑲᒀᑕᑭᐋᐗᒃ ᐙᐙᒡ ᐹᐱᑐᔥ ᐃᑖᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:12

ᐁ ᒥᓚᐙᑕᒣᒃ ᐊᔅᐯᓕᒧᐎᓂᒃ; ᐁ ᔑᐱᓚᐌᓯᔦᒃ ᐊᓕᒥᓯᐎᓂᒃ; ᐁ ᐸᑳᔅᑭᔦᒃ ᐋᔭᒥᐋᐎᓂᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:17

ᒫᑎᑲ, ᒎ ᑭᑦ ᐃᔑᓂᑳᑎᑳᐎᓐ, ᓀᔥᑕ ᑭᑦ ᐊᔅᐯᓕᒧᑌᓐ ᐅᓚᔓᐌᐎᓐ, ᓀᔥᑕ ᑭᒋᒪᓂᑐ ᑭᑦ ᐅᒋ ᑲᑮᒋᒧᓐ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:3

ᓇᒪᐎᓚ ᓀᔥᑕ ᐅᒪ ᐱᑯ, ᒫᑲ ᑭ ᒥᓚᐙᓈᓇᐤ ᓀᔥᑕ ᐊᓕᒥᓯᐎᓂᒃ; ᐁ ᑭᔅᑫᓕᑕᒪᒃ ᐊᓕᒥᓯᐎᓐ ᐁ ᐃᔅᐸᓕᒃ ᔑᐱᓚᐌᓯᐎᓂᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:35

ᐊᐌᓇ ᑫ ᐹᑲᓂᐃᑕᒃ ᙭ ᐅ ᓵᑭᐃᐌᐎᓂᒃ ᐅᒋ? ᑲᒀᑕᑭᓯᐎᓐ ᓈ, ᓀᔥᑕᐱᑯ ᐊᓕᒥᓯᐎᓐ, ᓀᔥᑕᐱᑯ ᓇᓀᑳᒋᐃᑯᓯᐎᓐ, ᓀᔥᑕᐱᑯ ᑲᐗᑲᑌᐎᓐ, ᓀᔥᑕᐱᑯ ᒧᔐᔥᑲᑌᐎᓐ, ᓀᔥᑕᐱᑯ ᓈᓂᓵᓂᓯᐎᓐ, ᓀᔥᑕᐱᑯ ᔑᒫᑲᓐ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:6

ᓇᒪᐎᓚ ᒫᑲ ᑖᐱᔅᑯᒡ ᐁᑳ ᐙᔦᔥ ᐁ ᑮ ᐃᔅᐸᓕᓕᑯᐸᓐ ᑭᒋᒪᓂᑐ ᐅᑦ ᐋᔭᒥᐎᓐ᙮ ᐌᓴ ᓇᒪᐎᓚ ᐃᔅᕃᐃᓕᐃᑕᒃ, ᐊᓂᑭ ᐃᔅᕃᐃᓕᒃ ᑳ ᐅᒋᒋᒃ;

ᓂᔓ ᑯᕆᓐᑎᐊᓇ 6:10

ᑖᐱᔅᑯᒡ ᐁ ᒫᒥᔕᒣᓕᑕᑭᒃ, ᐁᓕᐌᒃ ᒫᑲ ᒧᔕᒃ ᐁ ᒧᒋᑫᓕᑕᒫᒃ; ᑖᐱᔅᑯᒡ ᐁ ᒪᓀᓯᒋᒃ, ᐁᓕᐌᒃ ᒫᑲ ᒥᒉᑦ ᐁ ᒥᔕᑭᐊᑭᒋᒃ, ᑖᐱᔅᑯᒡ ᐁᑳ ᑫᒀᓕᐤ ᐁ ᐋᔮᒋᒃ, ᐁᓕᐌᒃ ᒫᑲ ᒥᓯᐌ ᑫᒀᓇ ᐁ ᐋᔮᔮᒃ᙮

ᓂᔓ ᑯᕆᓐᑎᐊᓇ 8:2

ᑳ ᑮ ᐃᑎᒋᒃ, ᑭᒋ ᑲᑴᒋᐃᑯᐎ ᑲᒀᑕᑭᓯᐎᓂᒃ, ᐁ ᒥᔖᓕᒃ ᐅ ᒥᓚᐙᑕᒧᐎᓂᐗᐤ ᓀᔥᑕ ᐅ ᑭᒋ ᑭᑎᒫᑭᓯᐎᓂᐗᐤ ᐁ ᑮ ᐅᒋ ᐌᓗᒋᐸᓕᓕᒃ ᑳ ᐃᔑ ᒥᔅᑕᐃ ᒥᓕᐌᒋᒃ᙮

ᓂᔓ ᑯᕆᓐᑎᐊᓇ 8:9

ᐌᓴ ᑭ ᑭᔅᑫᓕᑕᒸᓇᐗᐤ ᐅ ᔕᐌᓕᒋᑫᐄᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐋᑕ ᐁ ᑮ ᒥᔕᑭᓯᑦ, ᐁᓕᐌᒃ ᑭᓚᐗᐤ ᐅᒋ ᑮ ᐊᑎ ᑭᑎᒫᑭᓯᐤ, ᑭᓚᐗᐤ ᐅ ᑭᑎᒫᑭᓯᐎᓂᒃ ᐅᒋ ᑭᒋ ᒥᔕᑭᓯᔦᒃ᙮

ᓂᔥᑕᒻ ᑌᓴᓗᓂᔭᓇ 3:4

ᐌᓴ ᑖᐺ, ᐃᔅᐱ ᒣᒀᒡ ᐁ ᐎᒉᐎᑖᑭᐸᓐ, ᑭ ᑮ ᐎᑕᒫᑎᓈᓐ ᐁ ᐃᑌᓕᑖᑯᓯᔭᒃ ᑭᒋ ᑲᒀᑕᑭᐃᑲᐎᔭᒃ; ᑖᐱᔅᑯᒡ ᑳ ᐃᑭᑯᐸᓐ, ᓀᔥᑕ ᑳ ᑭᔅᑫᓕᑕᒣᒃ᙮

ᓂᔥᑕᒻ ᑎᒧᑎ 1:13

ᓂᓚ ᑳᔮᔥ ᑳ ᑮ ᐹᔅᑖᒥᐌᔅᑭᔮᓐ, ᓀᔥᑕ ᑳ ᑮ ᑲᒀᑕᑭᐃᐌᔮᓐ, ᓀᔥᑕ ᑳ ᑮ ᒪᒋᑐᑖᑫᔮᓐ; ᒫᑲ ᓂ ᑮ ᒥᓕᑲᐎᓐ ᔕᐌᓕᒋᑫᐎᓐ, ᐋᓉᔦᓕᑕᒧᐎᓂᒃ ᐁ ᑮ ᑐᑕᒫᓐ ᐁᑳ ᐁ ᑮ ᑭᔅᑫᓕᑕᒫᓐ᙮

ᓂᔥᑕᒻ ᑎᒧᑎ 6:18

ᑭᒋ ᒥᓗ ᑐᑖᑫᒋᒃ, ᑭᒋ ᐌᓗᑎᓯᒋᒃ ᒥᓗ ᐊᑑᔅᑫᐎᓂᒃ, ᑭᒋ ᒥᓜᓕᑕᑭᒃ ᐁ ᒫᑎᓇᒫᑫᒋᒃ, ᑭᒋ ᓯᑭᓓᓯᒋᒃ ᐁ ᒥᓕᐌᒋᒃ;

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮

ᑭᔅᑫᓕᑖᑯᑖᑫᐎᓐ 2:13

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᐃᑕ ᑳ ᐎᑭᔭᓐ, ᐊᓐᑕ ᐅᑎ ᐁ ᐃᑕᑾᓂᓕᒃ ᓭᑕᓐ ᐅᑦ ᐊᐱᐎᓐ: ᑭ ᒪᔥᑲᐎ ᒥᒋᒥᓀᓐ ᒫᑲ ᓂᑦ ᐃᔑᓂᑳᓱᐎᓐ, ᓇᒪ ᓀᔥᑕ ᑭ ᑮ ᐋᓉᑌᓐ ᓂ ᑖᐺᔦᓕᑕᒧᐎᓐ, ᐊᐳᒋᑲ ᒣᒀᒡ ᐊᓂᐃ ᐁ ᑭᔑᑳᑭ ᐃᔅᐱ ᐋᓐᑎᐹᔅ ᑳ ᒀᔭᔅᑭᑎᑦ ᓂ ᒫᕐᑕᐱᒻ, ᑳ ᑭ ᓂᐸᐋᑲᓂᐎᑦ ᐃᑕ ᐁ ᐃᑖᔦᒃ, ᐃᑕ ᓭᑖᓐ ᑳ ᐎᑭᑦ᙮

ᑭᔅᑫᓕᑖᑯᑖᑫᐎᓐ 2:2

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᐁᑳ ᐁ ᑮ ᔑᐯᓕᒪᒋᒃ ᐊᓂᑭ ᑳ ᒪᒋᑣᒋᒃ: ᑭ ᑮ ᑲᑴᒋᐋᐗᒃ ᒫᑲ ᐊᓂᑭ ᓂᑦ ᐊᐸᔅᑕᓕᐎᓂᓈᓐ ᑳ ᐃᑗᒋᒃ, ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᑭ ᑮ ᒥᔅᑲᐙᐗᒃ ᒫᑲ ᐁ ᑭᓛᔅᑭᔅᑭᒋᒃ:

ᑭᔅᑫᓕᑖᑯᑖᑫᐎᓐ 2:24

ᒫᑲ ᑭᓚᐗᐤ ᑭᑦ ᐃᑎᓈᐗᐤ, ᓀᔥᑕ ᒥᓯᐌ ᐊᓂᑭ ᑕᐃᔭᑖᐃᕋᐃᒃ ᑳ ᐃᑖᒋᒃ, ᒥᓯᐌ ᐊᓂᑭ ᐁᑳ ᑳ ᐋᔮᒋᒃ ᐅᒣᓕᐤ ᑭᔅᑭᓄᐊᒫᑫᐎᓂᓕᐤ, ᐁᑳ ᓀᔥᑕ ᑳ ᑭᔅᑫᓕᑕᒸᒋᒃ ᓭᑕᓇ ᐅ ᑎᒥᐋᒥᓕᐗ, ᐁ ᐃᔑᓂᑳᑕᑭᒃ; ᓇᒪᐎᓚ ᑯᑕᒃ ᓇᔭᒋᑲᓐ ᑭ ᑳ ᐸᑭᑎᓇᒫᑎᓈᐗᐤ:

ᑭᔅᑫᓕᑖᑯᑖᑫᐎᓐ 3:9

ᒫᑎᑲ, ᓂ ᑳ ᐃᔑᐋᐗᒃ ᑭᒋ ᐅᑖᔭᒥᐁᐎᑲᒥᒥᑯᒋᒃ ᓭᑕᓇ, ᓂ ᒎᐎᓈᓐ ᑳ ᐃᑗᒋᒃ, ᒫᑲ ᐁᑳ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᑭᓛᔅᑭᒋᒃ; ᒫᑎᑲ, ᓂ ᑳ ᑐᑕᐙᐗᒃ ᑭᒋ ᐯᒋ ᓇᐗᑮᔅᑖᑫᒋᒃ ᑭᓯᑎᒃ, ᓀᔥᑕ ᑭᒋ ᑭᔅᑫᓕᑕᑭᒃ ᐁ ᑮ ᓵᑭᐃᑖᓐ᙮

ᑭᔅᑫᓕᑖᑯᑖᑫᐎᓐ 7:14

ᓂ ᑮ ᐃᑕᐤ ᒫᑲ, ᐅᑭᒪᐤ, ᑭᓚ ᑭ ᑭᔅᑫᓕᑌᓐ᙮ ᓂ ᑮ ᐃᑎᒃ ᒫᑲ, ᐅᑯ ᐁᐗᒀᓂᑭ ᑭᒋ ᐊᓕᒥᓯᐎᓂᒃ ᑳ ᑮ ᐯᒋ ᐅᑐᑌᒋᒃ, ᑮ ᑭᒋᔅᑕᐸᐎᑖᐗᒃ ᒫᑲ ᐅᑦ ᐊᑯᐅᓂᐙᐗ, ᓀᔥᑕ ᑮ ᐙᐱᑖᐗᒃ ᐅ ᒥᑯᒥᓕᒃ ᒫᓂᔥᒑᓂᔑᔕ᙮