ᑭᔅᑫᓕᑖᑯᑖᑫᐎᓐ 2:25 - ᐅᔅᑭ ᑎᔅᑌᒥᓐᑦ

²⁵ ᒫᑲ ᐊᓂᒪ ᐋᔕᔾ ᑳ ᐋᔮᔦᒃ, ᒪᔥᑲᐎ ᒥᒋᒥᓇᒧᒃ ᐃᓕᑯᒃ ᑫ ᐯᒋ ᑕᑯᔑᓈᓐ᙮

ᑭᔅᑫᓕᑖᑯᑖᑫᐎᓐ 2:25 Iomraidhean Croise

ᐅᐸᓓᑭᔅ ᒑᓐ 14:3

ᑮᔥᐱᓐ ᓀᔥᑕ ᓇᑕᐎ ᐋᔦᔅᑲᐎᑕᒫᑕᑾᑫ ᐃᑕ ᑫ ᐃᑖᔦᒃ, ᒥᓇ ᓂ ᑳ ᐯᒋ ᐃᑐᑖᓐ, ᓀᔥᑕ ᑭ ᑳ ᐅᑎᓂᑎᓇᐗᐤ; ᐁᑕ ᐁ ᐁᑖᔮᓐ ᓂᓚ, ᐁᑯᑕ ᓀᔥᑕ ᑭᓚᐗᐤ ᑭᒋ ᐃᑖᔦᒃ᙮

ᐊᐸᔅᑕᓚᒃ 11:28

ᑭ ᐸᓯᑯ ᒫᑲ ᐯᔭᒃ ᐁ ᐃᑕᓯᒋᒃ ᐋᑲᐸᔅ ᑳ ᐃᔑᓂᑳᓱᑦ, ᑮ ᐎᑕᒻ ᒫᑲ ᐊᒑᑾ ᐅᒋ, ᓈᔅᐱᒡ ᑭᒋ ᑲᐗᑲᑖᓂᐗᓂᓕᒃ ᒥᓯᐌ ᐁ ᐃᔥᐱᔖᒃ ᐊᔅᑭᒃ: ᐊᓂᒪ ᑳ ᑮ ᐃᑭᓂᓕᒃ ᒣᒀᒡ ᐅ ᑭᔑᑳᒪ ᒃᓚᑎᐊᔅ ᓯᓴᕐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:9

ᐁᑯᔑ ᓵᑭᐃᐌᐎᓐ ᐁᑳᐎᓚ ᑲᑕ ᑭᓕᑳᐎᓂᑳᑌᐤ ᑲᑳᔦᓕᓯᐎᓂᒃ᙮ ᐸᒀᑕᒧᒃ ᐊᓂᒪ ᑳ ᒫᓛᑕᒃ; ᒥᒋᒥᓇᒧᒃ ᐊᓂᒪ ᑳ ᒥᓨᔑᒃ᙮

ᓂᔥᑕᒻ ᑯᕆᓐᑎᐊᓇ 11:26

ᐌᓴ ᑕᑡᐤ ᒥᔪᐌᑯ ᐊᐗ ᐊᓚᑯᓇᐤ, ᓀᔥᑕ ᒣᓂᑴᔦᑯ ᐅᒪ ᒥᓂᒀᑲᓐ, ᑭ ᐙᐸᑎᓕᐌᐙᓇᐗᐤ ᐅᑎᐯᓕᒋᑫᐤ ᐅ ᓂᐱᐎᓐ ᐹᑎᒫ ᑕᑯᔑᑫ᙮

ᓂᔥᑕᒻ ᑯᕆᓐᑎᐊᓇ 4:5

ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔥᑕᒻ ᑌᓴᓗᓂᔭᓇ 5:21

ᑲᑴᒋᑖᒃ ᒥᓯᐌ ᑫᒀᓇ: ᒥᒋᒥᓇᒧᒃ ᐊᓂᒪ ᑳ ᒥᓨᔑᒃ᙮

ᐦᐃᑉᕉᐗ 10:23

ᐁᑯᔑ ᒥᒋᒥᓈᑕᐤ ᐁ ᐙᐎᑕᒪᒃ ᑭ ᑖᐺᔦᓕᑕᒧᐎᓂᓇᐤ ᐁᑳ ᐁ ᑳᑭᐁᔦᓕᑕᒪᒃ; ᐌᓴ ᒀᔭᔅᑭᑎᐤ ᐊᓇ ᑳ ᑮ ᐊᔓᑕᒫᑫᑦ:

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 4:14

ᐁ ᓄᑾᒃ ᒫᑲ ᐁ ᐋᔭᐗᒃ ᑫᔅᑎᓯᑦ ᑭᒋ ᓵᓵᑭᐎᓕᐌᐎᓕᓕᐤ, ᐊᓇ ᑭᒋᑭᔑᑯᒃ ᑳ ᐃᑐᑌᑦ, ᒋᓴᔅ ᑭᒋᒪᓂᑐ ᐅᑯᓯᓴ, ᐁᑯᔑ ᒥᒋᒥᓈᑕᐤ ᑭᑦ ᐃᑣᓱᐎᓂᓇᐤ᙮

ᓂᔓ ᐱᑕᕐ 3:10

ᒫᑲ ᐅᑎᐯᓕᒋᑫᐤ ᐅ ᑭᔑᑳᒻ ᑲᑕ ᐹᐸᓕᓕᐤ ᑖᐱᔅᑯᒡ ᑭᒧᑎᔉ ᐁ ᑎᐱᔅᑳᓕᒃ; ᐁᑯᔅᐱ ᑭᔑᑾ ᑫ ᐌᐱᐸᓕᑭ ᐁ ᑭᒋ ᓄᑖᑾᒃ, ᓀᔥᑕ ᑭᔑᑯᒃ ᑳ ᐊᑯᑎᑭ ᑲᑕ ᑎᑭᑌᐗ ᐁ ᐃᔅᐱᒋ ᑭᔑᑌᒃ; ᐊᔅᑭ ᓀᔥᑕ ᓀᔥᑕ ᒥᓯᐌ ᐊᑐᔅᑫᐎᓇ ᐁᑯᑕ ᑳ ᐃᑕᑾᑭ ᑲᑕ ᒑᑳᔅᑭᑌᐗ᙮

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 22:20

ᐊᓇ ᑳ ᑎᐹᑐᑕᒃ ᐅᐅ ᑫᒀᓇ ᐃᑗᐤ, ᑫᒋᓈᔥ ᐎᐸᒡ ᓂ ᑕᑯᔑᓂᓐ᙮ ᐁᒣᓐ: ᐁᑯᔑ ᐃᔑ ᑕᑯᔑᓐ, ᑌᐯᓕᒋᑫᔭᓐ ᒋᓴᔅ᙮

ᑭᔅᑫᓕᑖᑯᑖᑫᐎᓐ 22:7

ᒫᑎᑲ, ᐎᐸᒡ ᓂ ᑕᑯᔑᓂᓐ: ᔕᐌᓕᑖᑯᓯᐤ ᐊᓇ ᑳ ᑲᓇᐌᓕᑕᒃ ᑳ ᐃᑗᒫᑲᓂᓕᒃ ᑫᔅᑭᐙᐃᑫᐎᓐ ᐅᑕ ᒪᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 3:11

ᒫᑎᑲ, ᐎᐸᒡ ᓂ ᑕᑯᔑᓂᓐ: ᐊᓂᒪ ᑳ ᐋᔮᔭᓐ ᒪᔥᑲᐎ ᒥᒋᒥᓇ, ᐁᑳ ᐊᐌᓇ ᐃᓕᓕᐤ ᑭᒋ ᐅᑌᓇᒃ ᑭᑦ ᐅᑭᒪᐗᔅᑐᑎᓂᓕᐤ᙮

ᑭᔅᑫᓕᑖᑯᑖᑫᐎᓐ 3:3

ᑭᔅᑭᓯ ᒫᑲ ᑳ ᑭ ᐃᔑ ᐅᑎᓇᒪᓐ ᓀᔥᑕ ᐯᑕᒪᓐ, ᒪᔥᑲᐎ ᒥᒋᒥᓇ ᒫᑲ ᓀᔥᑕ ᒥᒋᓚᐌᔦᓕᑕ᙮ ᑭᔥᐱᓐ ᒫᑲ ᐁᑳ ᐊᔕᐙᐱᔭᓀ, ᑭ ᑳ ᐯᒋ ᓈᑎᑎᓐ ᑖᐱᔅᑯᒡ ᑭᒧᑎᔉ, ᓇᒪᐎᓚ ᒫᑲ ᑭ ᑳ ᑭᔅᑫᓕᑌᓐ ᑫᑯ ᑎᐹᔨᑲᓂᒃ ᐃᔅᐱ ᑫ ᐯᒋ ᓈᑎᑖᓐ᙮