ᑭᔅᑫᓕᑖᑯᑖᑫᐎᓐ 2:2 - ᐅᔅᑭ ᑎᔅᑌᒥᓐᑦ

² ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᐁᑳ ᐁ ᑮ ᔑᐯᓕᒪᒋᒃ ᐊᓂᑭ ᑳ ᒪᒋᑣᒋᒃ: ᑭ ᑮ ᑲᑴᒋᐋᐗᒃ ᒫᑲ ᐊᓂᑭ ᓂᑦ ᐊᐸᔅᑕᓕᐎᓂᓈᓐ ᑳ ᐃᑗᒋᒃ, ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᑭ ᑮ ᒥᔅᑲᐙᐗᒃ ᒫᑲ ᐁ ᑭᓛᔅᑭᔅᑭᒋᒃ:

ᑭᔅᑫᓕᑖᑯᑖᑫᐎᓐ 2:2 Iomraidhean Croise

ᐅᐸᓓᑭᔅ ᒫᑎᐤ 7:23

ᐁᑯ ᒫᑲ ᑫ ᐃᑕᑭᒃ, ᓇᒪᐎᔅᑳᑦ ᑭ ᐅᒋ ᑭᔅᑫᓕᒥᑎᓇᐗᐤ: ᐊᐗᔅ ᓇᑲᔒᒃ ᑭᓚᐗᐤ ᑳ ᒪᒋᑐᑕᒣᒃ᙮

ᐅᐸᓓᑭᔅ ᒑᓐ 6:6

ᐅᒪ ᒫᑲ ᑮ ᐃᑌᐤ ᑭᒋ ᑯᒋᐋᑦ: ᐌᓴ ᐎᓚ ᑫᒋᐙᒃ ᑮ ᑭᔅᑫᓕᑕᒻ ᑖᓂ ᑫ ᑐᑕᒃ᙮

ᑲᓓᔕᐊᓇ 1:7

ᓇᒪᐎᓚ ᒫᑲ ᑯᑕᒃ; ᒫᑲ ᐃᑖᐗᒃ ᐋᑎᑦ ᑳ ᒥᑯᔥᑳᒋᐃᑖᑾᒃ, ᓀᔥᑕ, ᑳ ᐎ ᓂᔑᐗᓈᒋᑕᐙᒋᒃ ᐅ ᒥᓗᐋᒋᒧᐎᓂᓕᐤ ᙭ᑕ᙮

ᐃᐱᓯᔭᓇ 4:14

ᐁᑳ ᑫᔮᐸᒡ ᑭᒋ ᐊᐙᔑᔑᐎᔭᒃ ᐁ ᒫᒦᔅᑯᒋᐸᓕᔭᒃ ᐸᐹᐌᐹᔅᑎᒥᑯᔭᒃ ᒥᓯᐌ ᐹᐱᑐᔥ ᑭᔅᑭᓄᐊᒫᑫᐎᓐ, ᐁ ᒋᔑᐃᑕᑾᒃ ᐙᔦᔑᐃᐌᐎᓕᓕᐗᒃ, ᓀᔥᑕ ᐅ ᒪᒋ ᑲᑳᔦᓕᓯᐎᓂᐗᐤ, ᐃᑕ ᑳ ᐅᒋ ᐊᔣᐃᑫᒋᒃ ᑭᒋ ᐙᔦᔑᐃᐌᒋᒃ;

ᓂᔥᑕᒻ ᑌᓴᓗᓂᔭᓇ 1:3

ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᓂᔥᑕᒻ ᑌᓴᓗᓂᔭᓇ 5:21

ᑲᑴᒋᑖᒃ ᒥᓯᐌ ᑫᒀᓇ: ᒥᒋᒥᓇᒧᒃ ᐊᓂᒪ ᑳ ᒥᓨᔑᒃ᙮

ᓂᔓ ᑎᒧᑎ 2:19

ᐁᓕᐌᒃ ᒫᑲ, ᑭᒋᒪᓂᑐ ᐅᑦ ᐅᓚᔅᑕᒋᑲᓐ ᐊᔨᑕᔅᑌᓕᐤ, ᐅᒪ ᐁ ᐃᔑ ᑭᔅᑭᓄᐙᒋᒋᑳᑌᒃ, ᐅᑎᐯᓕᒋᑫᐤ ᑭᔅᑫᓕᒣᐤ ᐊᓂᐃ ᑳ ᑎᐱᓚᐌᐎᓯᑦ: ᓀᔥᑕ ᐁᑯᔑ ᒥᓯᐌ ᑕᑐ ᐊᐌᓇ ᑳ ᐙᐎᑕᒸᑦ ᐅᑦ ᐃᔑᓂᑳᓱᐎᓂᓕᐤ ᙭ᑕ, ᑲᑕ ᓇᑲᑕᒻ ᒪᒑᑎᓯᐎᓂᓕᐤ᙮

ᐦᐃᑉᕉᐗ 6:10

ᐌᓴ ᑭᒋᒪᓂᑐ ᓇᒪᐎᓚ ᒪᒑᑎᓯᐤ ᑭᒋ ᐗᓂᑭᔅᑭᓯᑐᑕᒃ ᑭᑦ ᐊᑑᔅᑫᐎᓂᐗᐤ ᓀᔥᑕ ᑭ ᓵᑭᐃᐌᐎ ᐋᐸᑎᓯᐎᓂᐗᐤ, ᑳ ᑮ ᐙᐸᑎᓕᐌᔦᒃ ᐅᑦ ᐃᔑᓂᑳᓱᐎᓂᒃ, ᐁ ᑮ ᐅᒋᔅᑕᒪᐌᑾᒃ ᐅᐸᓓᑭᓴᒃ, ᑫᔮᐸᒡ ᓀᔥᑕ ᐁ ᐅᒋᔅᑕᒪᐌᑾᒃ᙮

ᓂᔥᑕᒻ ᒑᓐ 4:1

ᓯᐋᑭᐃᑕᑾᒃ, ᐁᑳᐎᓚ ᒥᓯᐌ ᑕᑐ ᐊᒑᒃ ᑖᐺᑖᒃ, ᒫᑲ ᑲᑴᒋᐃᑯᒃ ᐊᒑᑾᒃ ᑮᔥᐱᓐ ᑭᒋᒪᓂᑐᒃ ᐅᒋᐙᑴ; ᐌᓴ ᒥᒉᑦ ᓇᔅᐹᒡ ᐅᑭᔅᑭᐙᐃᑫᐗᒃ ᐊᔅᑮᒃ ᑮ ᐃᑐᑌᐗᒃ᙮

ᑭᔅᑫᓕᑖᑯᑖᑫᐎᓐ 2:5

ᐁᐗᑯ ᐅᒋ ᑭᔅᑭᓯ, ᑖᓐᑌ ᑳ ᑭ ᐅᒋ ᐸᑭᔑᓂᔭᓐ, ᓀᔥᑕ ᒥᒋᓚᐌᔦᓕᑕ, ᑐᑕ ᒫᑲ ᐊᓂᐃ ᓃᔥᑕᒻ ᐊᑑᔅᑫᐎᓇ; ᑮᔥᐱᓐ ᒫᑲ ᐁᑳ ᐎᐸᒡ ᑭ ᑳ ᐯᒋ ᓈᑎᑎᓐ, ᓂ ᑳ ᐃᑲᑌᓀᓐ ᒫᑲ ᑭ ᐙᔅᑌᓇᒫᑲᓈᑎᒃ ᐃᑕ ᑳ ᐋᔮᒃ ᐅᒋ, ᑮᔥᐱᓐ ᐁᑳ ᒥᒋᓚᐌᔦᓕᑕᒪᓀ᙮

ᑭᔅᑫᓕᑖᑯᑖᑫᐎᓐ 2:6

ᒫᑲ ᐅᒪ ᑭᑦ ᐋᔮᓐ, ᐁ ᐸᒀᑕᒶᒋᒃ ᐅᑦ ᐃᓯᒋᑫᐎᓂᐙᐗ ᐊᓂᑭ ᓂᑯᓚᐃᑖᓇᒃ, ᓂᓚ ᐊᓯᒋ ᑳ ᐸᒀᑕᒫᓐ᙮

ᑭᔅᑫᓕᑖᑯᑖᑫᐎᓐ 2:9

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐊᓕᒥᓯᐎᓐ, ᓀᔥᑕ ᑭ ᒪᓀᓯᐎᓐ, (ᒫᑲ ᑮ ᒥᔕᑭᓯᓐ,) ᓂ ᑭᔅᑫᓕᑕᒸᓐ ᐅ ᐹᔅᑕᒧᐎᓂᐙᐗ ᐊᓂᑭ ᓂ ᒎᐎᓈᓐ ᑳ ᐃᑗᒋᒃ ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᐅᑦ ᐋᔭᒥᐁᐎᑲᒥᒥᑯᒋᒃ ᓭᑕᓇ᙮

ᑭᔅᑫᓕᑖᑯᑖᑫᐎᓐ 3:1

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᓵᕐᑎᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐋᔮᐎᒫᑦ ᑭᒋᒪᓂᑐ ᓂᔂᔅ ᐅᑦ ᐊᒑᑯᒪ, ᓀᔥᑕ ᐊᓂᐃ ᓂᔂᔅ ᐊᒐᑾ: ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᐁ ᐋᔮᔭᓐ ᐃᔑᓂᑳᓱᐎᓐ ᐁ ᐱᒫᑎᓯᔭᓐ, ᒫᑲ ᐁ ᓂᐱᔭᓐ᙮

ᑭᔅᑫᓕᑖᑯᑖᑫᐎᓐ 3:15

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᐁᑳ ᐁ ᑕᑭᓯᔭᓐ ᐁᑳ ᓀᔥᑕ ᐁ ᑭᓯᓱᔭᓐ; ᓇᑕᒫᑕ ᑕᑭᓯᔭᓐ ᓀᔥᑕᐱᑯ ᑭᓯᓱᔭᓐ᙮

ᑭᔅᑫᓕᑖᑯᑖᑫᐎᓐ 3:8

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ: ᒫᑎᑲ, ᑭ ᑮ ᓂᑳᓃᔅᑕᒫᑎᓐ ᐁ ᐋᐸᐋᔅᑌᒃ ᐃᔥᒀᑌᒻ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᑮ ᑭᐸᐊᒻ: ᐌᓴ ᐋᐱᔒᔥ ᑭᑦ ᐋᔮᓐ ᒪᔥᑲᐎᓯᐎᓐ, ᓀᔥᑕ ᑭ ᑮ ᑲᓇᐌᓕᑌᓐ ᓂᑦ ᐋᔭᒥᐎᓐ, ᓇᒪ ᒫᑲ ᑭ ᑮ ᐋᓉᑌᓐ ᓂᑦ ᐃᔑᓂᑳᓱᐎᓐ᙮