ᑭᔅᑫᓕᑖᑯᑖᑫᐎᓐ 2:14 - ᐅᔅᑭ ᑎᔅᑌᒥᓐᑦ

¹⁴ ᒫᑲ ᐋᑎᑦ ᑫᒀᓇ ᓂᑦ ᐋᔮᓐ ᑭᒋ ᒫᒥᔑᒥᑖᓐ, ᐊᓐᑕ ᐁ ᐋᔭᐗᒋᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑭᔅᑭᓄᐊᒫᑫᐎᓂᓕᐤ ᐯᓚᒪ, ᐊᓇ ᑳ ᑮ ᑭᔅᑭᓄᐊᒪᐙᑦ ᐊᓂᐃ ᐯᓛᒃ ᑭᒋ ᐃᔑ ᐌᐱᓇᒥᓕᒋ ᑫ ᐅᒋ ᐱᓱᔑᓂᓕᒋ ᐅᑦ ᐊᐙᔑᒥᔕ ᐃᔅᕃᐃᓪ, ᑭᒋ ᒥᒋᓕᒋ ᐊᓂᐃ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑳᓇ, ᓀᔥᑕ ᑭᒋ ᐱᔑᒀᒋ ᐃᓯᒋᑫᓕᒋ᙮

ᑭᔅᑫᓕᑖᑯᑖᑫᐎᓐ 2:14 Iomraidhean Croise

ᐅᐸᓓᑭᔅ ᒫᑎᐤ 18:7

ᑲᑕ ᑲᒀᑕᑭᓯᒪᑲᓐ ᐊᔅᑭ ᒪᒋ ᐋᔨᑎᐎᓇ ᐅᒋ! ᐌᓴ ᑫᒋᓈᔥ ᒪᒋ ᐋᔨᑎᐎᓇ ᑲᑕ ᐅᑎᒋᐸᓕᐗ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐅᒋ ᐅᑎᒋᐸᓕᒃ ᒪᒋ ᐋᔨᑎᐎᓐ!

ᐊᐸᔅᑕᓚᒃ 15:29

ᑭᒋ ᐌᐱᓇᒣᒃ ᐊᓂᐃ ᒥᒋᒪ ᑳ ᐸᑭᑎᓇᒫᒋᒃ ᒪᓂᑐᑳᓇᒃ, ᓀᔥᑕ ᒥᑯ, ᓀᔥᑕ ᐊᓂᐃ ᑫᒀᓇ ᑳ ᑮ ᑭᐱᑴᐱᒋᑳᑌᑭ, ᓀᔥᑕ ᐱᔑᒀᑎᓯᐎᓐ; ᑮᔅᐱᓐ ᐅᐅ ᐅᒋ ᑲᓇᐌᓕᒥᑎᓱᔦᑴ, ᑾᔮᔉ ᑭ ᑳ ᑐᑌᓈᐗᐤ᙮ ᐙᒋᔭ᙮

ᐊᐸᔅᑕᓚᒃ 21:25

ᐊᓂᑭ ᒉᓐᑖᐃᓚᒃ ᒫᑲ ᐅᒋ ᑳ ᑖᐺᑕᑭᒃ, ᓂ ᑮ ᒥᓯᓇᐁᓈᓐ ᓀᔥᑕ ᓂ ᑮ ᐎᑌᓈᓐ ᐁᑳᐎᓚ ᐊᓂᒣᓕᐤ ᑭᒋ ᓈᑲᒋᑖᒋᒃ, ᐱᑯ ᐁᑳ ᑭᒋ ᐋᐸᒋᑖᒋᒃ ᑫᒀᓕᐤ ᑳ ᑮ ᐸᑭᑎᓇᒫᒥᓕᒋ ᒪᓂᑐᑳᓇ, ᓀᔥᑕ ᒥᑯᓕᐤ, ᓀᔥᑕ ᑳ ᑭᐱᑭᑐᓀᓈᑲᓂᒥᒋ, ᓀᔥᑕ ᐁᑳ ᑭᒋ ᐱᔑᒀᑎᓯᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:9

ᑌᐱᑦ ᓀᔥᑕ ᐃᑗᐤ, ᐁᑯᔑ ᐅ ᒥᒋᓯᓈᑎᑯᐗᐤ ᑲᑕ ᓇᒀᑲᓂᐗᓂᓕᐤ, ᓀᔥᑕ ᐗᓇᐃᑲᓂᐗᓂᓕᐤ, ᓀᔥᑕ ᐱᔓᓯᓄᐎᓂᓕᐤ, ᓀᔥᑕ ᑭᒋ ᑎᐸᐊᒫᑯᓯᐎᒋᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:13

ᐁᐗᑯ ᐅᒋ ᒫᑲ ᐁᑳ ᐎᓚ ᑫᔮᐸᒡ ᑎᐹᔅᑯᓂᑐᑕᐤ: ᒫᑲ ᐅᒪ ᐊᐙᓯᑌ ᑎᐹᔅᑯᓇᒧᒃ, ᐁᑳ ᐊᐌᓇ ᑭᒋ ᐊᔅᑖᑦ ᐱᔓᓯᐎᓂᓕᐤ, ᓀᔥᑕᐱᑯ ᑫᒀᓕᐤ ᑫ ᐅᒋ ᐸᑭᔑᓂᓕᒋ ᐎᒋᔖᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:21

ᒥᓨᔑᓐ ᐁᑳ ᑭᒋ ᒥᒋᓈᓂᐗᒃ ᐎᔮᔅ, ᓀᔥᑕ ᐁᑳ ᑭᒋ ᒥᓂᒀᓂᐗᒃ ᔓᒥᓈᐳ, ᓀᔥᑕ ᓈᓐᑕᐤ ᑫᒀᓐ ᑫ ᐅᒋ ᐱᔓᓯᒃ ᑭᒋᔖᓐ, ᓀᔥᑕᐱᑯ ᑫ ᐅᒋ ᓈᔦᑕᐌᓕᑕᒃ, ᓀᔥᑕᐱᑯ ᑫ ᐅᒋ ᓕᓚᒥᐋᑲᓂᐎᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:32

ᑖᓀᑭ ᐌᒋ? ᐁᑳ ᐁ ᑮ ᓈᓇᑕᐌᓕᑕᑭᒃ ᑖᐺᔦᓕᑕᒧᐎᓂᒃ, ᒫᑲ ᒪᓇ ᐊᑯ ᐅᓚᔓᐌᐎᓂ ᐊᑑᔅᑫᐎᓇ ᐅᒋ᙮ ᐌᓴ ᑮ ᐱᔓᓯᓍᒃ ᐊᓂᒪ ᐱᔓᓯᐎ ᐊᓯᓂᒃ;

ᓂᔥᑕᒻ ᑯᕆᓐᑎᐊᓇ 1:23

ᒫᑲ ᓂ ᑲᑫᔅᑭᒥᐙᓈᓐ ᙭ ᐁ ᒋᔅᑖᔅᑾᐙᑲᓂᐎᑦ, ᒍᐗᒃ ᐁ ᐅ ᐱᔓᓯᓄᐎᓂᒋᒃ, ᓀᔥᑕ ᒃᕆᑲᒃ ᑲᑫᐹᑎᓯᐎᓐ ᑳ ᐃᑌᓕᑕᑭᒃ;

ᓂᔥᑕᒻ ᑯᕆᓐᑎᐊᓇ 7:2

ᐁᓕᐌᒃ ᒫᑲ, ᐁᑳ ᑭᒋ ᐱᔑᒀᑎᓯᓈᓂᐗᒃ, ᐁᑯᔑ ᒥᓯᐌ ᑕᑐ ᐃᓕᓕᐤ ᑲᑕ ᐋᔮᐌᐤ ᑎᐱᓚᐌ ᐎᐗ, ᐁᑯᔑ ᓀᔥᑕ ᒥᓯᐌ ᑕᑐ ᐃᔅᑴᐤ ᑲᑕ ᐋᔭᐌᐤ ᑎᐱᓚᐌ ᐅ ᓈᐯᒪ᙮

ᐦᐃᑉᕉᐗ 13:4

ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 2:8

ᓀᔥᑕ ᐯᓱᔑᓄᐎ ᐊᓯᓂ, ᓀᔥᑕ ᓈᔦᑕᐌᓕᑕᒧᐎ ᑭᔅᑖᐱᔉ ᐊᓂᑭ ᐅᒋ ᑳ ᐱᓱᔅᑲᐊᑭᒃ ᐋᔭᒥᐎᓂᓕᐤ, ᐁ ᔑᐱᑕᑭᒃ; ᐃᑕ ᓀᔥᑕ ᑳ ᑮ ᐃᔑ ᐃᑕᑭᒫᑲᓂᐎᒋᒃ᙮

ᓂᔓ ᐱᑕᕐ 2:15

ᑳ ᑮ ᓇᑲᑕᑭᒃ ᒀᔭᔉ ᒣᔅᑲᓈᓕᐤ, ᓀᔥᑕ ᐁ ᑮ ᐗᓂᔑᑭᒃ, ᐁ ᓄᔅᐱᓈᑕᒸᒋᒃ ᐅᑦ ᐃᔑᑡᐎᓂᓕᐤ ᐯᓚᒪ, ᐅᑯᓯᓴ ᐱᐅᕋ, ᑳ ᑮ ᓵᑭᑖᓕᑭ ᐁ ᐃᔑ ᑎᐸᐃᑳᑌᓕᒃ ᒪᒑᑎᓯᐎᓂᓕᐤ:

ᒎᑦ 1:11

ᑲᒀᑕᑭᓯᐗᒃ! ᐌᓴ ᑮ ᐱᒧᑌᐗᒃ ᐅ ᒣᔅᑲᓈᓕᒃ ᑫᓇ, ᓀᔥᑕ ᑮ ᐱᒥᐸᑕᐗᒃ ᐅ ᐗᓂᔑᓄᐎᓂᓕᒃ ᐯᓚᒪ ᑭᒋ ᐅᑎᓯᒋᒃ, ᑮ ᓂᔑᐗᓈᑎᓯᐗᒃ ᒫᑲ ᐅᑦ ᐋᓉᑕᒧᐎᓂᓕᒃ ᑯᕋᐊ᙮

ᑭᔅᑫᓕᑖᑯᑖᑫᐎᓐ 2:20

ᐁᓕᐌᒃ ᒫᑲ, ᓂᑦ ᐋᔮᓐ ᐋᑎᑦ ᑫᒀᓇ ᑭᒋ ᒫᒥᔑᒥᑖᓐ, ᐁ ᐃᓕᓇᐗᑦ ᐊᓇ ᐎᔅᑴᐤ ᒉᓯᐸᓐ, ᐅᑭᔅᑭᐙᐃᑫᔅᑴᐤ ᑳ ᐃᔑᓂᑲᑎᑎᓱᑦ, ᑭᒋ ᑭᔅᑭᓄᐊᒪᐙᑦ, ᓀᔥᑕ ᑭᒋ ᐙᔦᔑᒫᑦ ᓂᑦ ᐊᑑᔅᑫᓛᑲᓂᒪ ᑭᒋ ᐱᔑᑾᒋ ᐃᓯᒋᑫᓕᒋ, ᓀᔥᑕ ᑭᒋ ᒥᒋᓕᒋ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑲᓇ᙮

ᑭᔅᑫᓕᑖᑯᑖᑫᐎᓐ 2:4

ᐁᓕᐌᒃ ᒫᑲ ᓂᑦ ᐋᔮᓐ ᑫᒀᓐ ᑭᒋ ᒫᒥᔑᒥᑖᑦ, ᐁ ᑮ ᓇᑲᑕᒪᓐ ᑭ ᓃᔥᑕᒻ ᓵᑭᐃᐌᐎᓐ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮