ᑭᔅᑫᓕᑖᑯᑖᑫᐎᓐ 2:10 - ᐅᔅᑭ ᑎᔅᑌᒥᓐᑦ

¹⁰ ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮

ᑭᔅᑫᓕᑖᑯᑖᑫᐎᓐ 2:10 Iomraidhean Croise

ᐅᐸᓓᑭᔅ ᒫᑎᐤ 10:22

ᑭ ᑳ ᐸᒀᑎᑯᐙᐗᒃ ᒫᑲ ᒥᓯᐌ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ; ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᐸᓓᑭᔅ ᒫᑎᐤ 10:28

ᐁᑳᐎᓚ ᓀᔥᑕ ᑯᔅᑎᑯᒃ ᐊᓂᑭ ᑳ ᓂᐸᑖᒋᒃ ᒥᔭᐎᓕᐤ, ᒫᑲ ᐁᑳ ᑳ ᑲᔥᑭᑖᒋᒃ ᑭᒋ ᓂᐸᐋᒋᒃ ᐊᒑᑾ: ᒫᑲ ᐊᐙᓯᑌ ᑯᔅᑎᒃ ᐊᓇ ᑳ ᑲᔥᑭᑖᑦ ᑭᒋ ᓂᔑᐗᓈᒋᐋᑦ ᐊᒑᑾ ᓀᔥᑕ ᒥᔭᐎᓕᐤ ᒪᒋ ᐃᔥᑯᑌᒃ᙮

ᐅᐸᓓᑭᔅ ᒫᑎᐤ 24:13

ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ, ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᐸᓓᑭᔅ ᒫᕐᒃ 13:13

ᑭ ᑳ ᐸᒀᑎᑯᐙᐗᒃ ᒫᑲ ᒥᓯᐌ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ: ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ ᐃᔥᒀᔭᒡ ᐃᔅᑯ, ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᐸᓓᑭᔅ ᒫᕐᒃ 8:35

ᐌᓴ ᐊᐌᓇ ᐙ ᐱᒫᒋᑖᑴ ᐅ ᐱᒫᑎᓯᐎᓐ ᑲᑕ ᐗᓂᑕᐤ; ᒫᑲ ᐊᐌᓇ ᑫ ᐗᓂᑖᑴ ᐅ ᐱᒫᑎᓯᐎᓐ ᓂᓚ ᐅᒋ, ᓀᔥᑕ ᒥᓗᐋᒋᒧᐎᓂᓕᐤ, ᐁᐗᒀᓇ ᑫ ᐱᒫᒋᑖᑦ᙮

ᐅᐸᓓᑭᔅ ᓘᒃ 21:12

ᒫᑲ ᐸᒧᔑ ᒥᓯᐌ ᐅᐅ, ᑭ ᑳ ᒫᑯᓂᑯᐙᐗᒃ, ᓀᔥᑕ ᑭ ᑳ ᑲᒀᑕᑭᐃᑯᐙᐗᒃ, ᐁ ᐸᑭᑎᓂᑖᑾᒃ ᐋᔭᒥᐁᐎᑲᒥᑯᒃ, ᓀᔥᑕ ᑭᐸᐅᑐᐎᑲᒥᑯᒃ, ᐁ ᐃᑐᑕᐃᑲᐎᔦᒃ ᐅᑎᔥᑳᐤ ᑭᒋᐅᑭᒫᐗᒃ ᓀᔥᑕ ᐅᑎᐯᓕᒋᑫᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒑᓐ 12:25

ᐊᓇ ᑳ ᓵᑭᑖᑦ ᐅ ᐱᒫᑎᓯᐎᓐ ᑲᑕ ᐗᓂᑕᐤ; ᐊᓇ ᒫᑲ ᑳ ᐸᒀᑕᒃ ᐅ ᐱᒫᑎᓯᐎᓐ ᐅᑕ ᐊᔅᑮᒃ, ᑲᑕ ᑲᓇᐌᓕᑕᒻ ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᒃ᙮

ᐅᐸᓓᑭᔅ ᒑᓐ 13:2

ᐁᑯ ᑳ ᑭᔑ ᓂᐯᒀᓂᐗᒃ, ᒪᒋᒪᓂᑐ ᐁ ᑮ ᐸᑭᑎᓇᒸᑦ ᐅᑌᐃᓕᒃ ᒎᑕᔅ ᐃᔅᑳᕆᔭᑕ ᓵᐃᒪᓐ ᐅᑯᓯᓴ, ᑭᒋ ᐙᔦᔑᐸᑭᑎᓈᓕᒋ;

ᐅᐸᓓᑭᔅ ᒑᓐ 13:27

ᐃᔅᐱ ᑳ ᒥᓛᑲᓂᐎᑦ ᓴᔅᑲᒧᐎᓂᓕᐤ, ᒪᒋᒪᓂᑐᐗ ᑮ ᐱᑐᑫᔅᑳᑯ᙮ ᐁᑯ ᐁᑎᑯᑦ ᒋᓴᔅ, ᐊᓂᒪ ᑫ ᑐᑕᒪᓐ, ᑭᓕᐱ ᑐᑕ᙮

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᐊᐸᔅᑕᓚᒃ 21:13

ᐁᑯ ᐹᓪ ᓀᔥᑴᐗᔑᐃᐌᑦ, ᑫᒀᓐ ᑭᑦ ᐃᑌᓕᑌᓈᐗᐤ ᓈ ᑭᒋ ᒫᑐᔦᒃ ᓀᔥᑕ ᑭᒋ ᐱᑯᐸᓕᑖᔦᒃ ᓂᑌᐃ? ᐌᓴ ᓂᑦ ᐋᔦᔅᑯᓯᓐ ᓇᒪᐎᓚ ᐱᑯ ᑭᒋ ᒫᒪᒋᑯᐱᑎᑲᐎᔮᓐ, ᒫᑲ ᐊᓯᒋ ᑭᒋ ᓂᐱᔮᓐ ᒋᕉᓴᓚᒥᒃ ᐅᑦ ᐃᔑᓂᑳᓱᐎᓐ ᐅᒋ ᐅᑎᐯᓕᒋᑫᐤ ᒋᓴᔅ᙮

ᓂᔥᑕᒻ ᑯᕆᓐᑎᐊᓇ 9:25

ᓀᔥᑕ ᒥᓯᐌ ᑕᑐ ᐊᐌᓇ ᑳ ᑯᒋᐸᔅᑭᓛᑫᑦ ᒥᓯᐌ ᑫᒀᓕᐤ ᐯᑳᒡ ᐊᐸᒋᑕᐤ᙮ ᐎᓚᐗᐤ ᒫᑲ ᑐᑕᒶᒃ ᑭᒋ ᐅᑎᓇᑭᒃ ᐸᔅᑭᓚᐌᐎ ᐊᔅᑐᑎᓂᓕᐤ ᑫ ᓂᔑᐗᓈᑕᓂᓕᒃ; ᒫᑲ ᑭᓚᓈᓇᐤ ᐊᓂᒪ ᐁᑳ ᑫ ᓂᔑᐗᓈᑕᒃ᙮

ᐃᐱᓯᔭᓇ 2:2

ᐃᑕ ᑲᔮᔥ ᑳ ᑮ ᐃᔑ ᐱᒧᑌᔦᒃ, ᐁ ᐃᔑᑡᒪᑲᒃ ᐅᒪ ᐊᔅᑭ, ᐁ ᐃᔑᑣᑦ ᐊᓇ ᑳ ᐅᑭᒫᑲᑕᒃ ᑭᔑᑯᓕᐤ, ᐊᓇ ᐊᒑᒃ ᐊᓄᒡ ᑳ ᐊᑑᔅᑫᑦ ᐁ ᐱᒋᔅᑲᐙᑦ ᐊᓂᐃ ᑳ ᐅᑦ ᐊᐙᔑᒥᔑᒥᑯᓕᒋ ᔑᐱᑕᒧᐎᓂᓕᐤ:

ᐃᐱᓯᔭᓇ 6:12

ᐌᓴ ᓇᒪᐎᓚ ᑭ ᒫᔑᑖᓈᓇᐤ ᐎᔮᔅ ᓀᔥᑕ ᒥᑯ, ᒫᑲ ᑎᐯᓕᒋᑫᐎᓇ, ᓀᔥᑕ ᓱᑳᑎᓯᐎᓇ, ᐊᓂᑭ ᓀᔥᑕ ᑳ ᑎᐯᓕᑕᑭᒃ ᐗᓂᑎᐱᔅᑭᓯᐎᓂᓕᐤ ᐅᑕ ᐊᔅᑮᒃ, ᐊᒑᑯᐎ ᒪᒋᑣᐎᓐ ᐃᑕ ᐁ ᐃᔅᐯᓕᑖᑾᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:12

ᔕᐌᓕᑖᑯᓯᐤ ᐊᓇ ᐃᓕᓕᐤ ᑳ ᑎᐸᒪᒋᑖᑦ ᑲᑴᒋᐃᑯᓯᐎᓂᓕᐤ: ᐌᓴ ᐃᔅᐱ ᑮ ᑲᑴᒋᐋᑲᓂᐎᑌ, ᑲᑕ ᒥᓚᐤ ᐱᒫᑎᓯᐎᓂ ᑭᒋᐅᑭᒪᐗᔅᑐᑎᓂᓕᐤ, ᐅᑎᐯᓕᒋᑫᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᓂᔥᑕᒻ ᐱᑕᕐ 5:4

ᐃᔅᐱ ᒫᑲ ᐯᒋ ᓄᑯᓯᑌ ᒫᐗᒋ ᑳ ᓂᑳᓀᓕᑖᑯᓯᑦ ᒫᓂᔥᒑᓂᔑᐎᓕᓕᐤ, ᑭ ᑳ ᒥᓕᑲᐎᓇᐗᐤ ᑭᔅᑌᓕᑖᑯᓯᐎ ᐅᑭᒪᐗᔅᑐᑎᓐ ᐁᑳ ᑳ ᐊᑎ ᓂᐳᐎᓈᑾᒃ᙮

ᓂᔥᑕᒻ ᐱᑕᕐ 5:8

ᐯᑳᒡ ᐃᑕᑎᓰᒃ, ᔮᒀᒥᓯᒃ; ᐌᓴ ᑳ ᐎ ᒪᒋᑐᑖᑖᒃ ᒪᒋᒪᓂᑐ, ᑖᐱᔅᑯᒡ ᐁ ᐅᓗᑦ ᒥᔑᐱᔑᐤ ᐸᐹᒧᑌᐤ ᐁ ᓈᓇᑕᐙᐸᒫᑦ ᐊᐌᓕᐗ ᑫ ᑯᒋᐸᓕᐋᑦ:

ᑭᔅᑫᓕᑖᑯᑖᑫᐎᓐ 13:14

ᐙᔦᔑᐁᐤ ᒫᑲ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᐊᓂᐃ ᒫᒪᔅᑳᒋ ᐃᔑᒋᑫᐎᓇ ᐅᒋ ᑳ ᑲᔥᑭᑖᑦ ᑭᒋ ᑐᑕᒃ ᐁ ᑲᓇᐙᐸᒥᑯᑦ ᐊᓂᐃ ᐊᐌᓯᓴ; ᐁ ᐃᑖᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᑭᒋ ᒪᓯᓕᓕᑲᐙᓕᒋ ᐊᐌᓯᓴ, ᐊᓇ ᑳ ᑭ ᒥᔣᑲᓂᐎᑦ ᔑᒫᑲᓂᓕᐤ ᐅᒋ, ᐁᓕᐌᒃ ᒫᑲ ᐁ ᑮ ᐱᒫᑎᓰᑦ᙮

ᑭᔅᑫᓕᑖᑯᑖᑫᐎᓐ 13:2

ᐊᓇ ᐊᐌᓯᔅ ᒫᑲ ᑳ ᐙᐸᒪᒃ ᑖᐱᔅᑯᒡ ᐹᐹᑌᐱᔑᐤ ᑮ ᐃᔑᓈᑯᓯᐤ, ᓀᔥᑕ ᐅᓯᑕ ᑖᐱᔅᑯᒡ ᒪᔅᑾ ᐅᓯᑕ ᑮ ᐃᔑᓈᑾᓂᓕᐗ, ᓀᔥᑕ ᐅᑐᓐ ᑖᐱᔅᑯᒡ ᒥᔑᐱᔑᐤ ᐅᑐᓐ: ᑮ ᒥᓕᑯ ᒫᑲ ᒥᔑᑭᓀᐱᑾ ᑲᔥᑭᐅᐎᓂᓕᐤ ᓀᔥᑕ ᐅ ᑌᑕᐱᐎᓐ, ᓀᔥᑕ ᑭᒋ ᑎᐯᓕᒋᑫᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 13:7

ᑮ ᒥᓚᐤ ᒫᑲ ᑭᒋ ᓇᑐᐸᓖᔅᑕᐙᑦ ᐅᐸᓓᑭᓴ, ᓀᔥᑕ ᑭᒋ ᔖᑯᒋᐋᑦ: ᑲᔥᑭᐅᐎᓂᓕᐤ ᓀᔥᑕ ᑮ ᒥᓚᐤ ᑭᒋ ᑎᐯᓕᒫᑦ ᒥᓯᐌ ᑳ ᑕᑐᑌᐎᓯᓕᒋ ᐃᓕᓕᐗ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᑳ ᑕᑐᔅᑳᓀᓯᓕᒋ ᐃᓕᓕᐗ᙮

ᑭᔅᑫᓕᑖᑯᑖᑫᐎᓐ 17:14

ᐅᑯ ᑲᑕ ᓇᑐᐸᓖᔅᑕᐌᐗᒃ ᒫᓂᔥᒑᓂᔑᔕ, ᑲᑕ ᔖᑯᒋᐃᑯᐗᒃ ᒫᑲ ᒫᓂᔥᒑᓂᔑᔕ; ᐌᓴ ᐎᓚ ᑎᐯᓕᒣᐤ ᐅᑎᐯᓕᒋᑫᐗ, ᓀᔥᑕ ᐅ ᑭᒋᐅᑭᒫᒥᐙᐗ ᑭᒋᐅᑭᒫᐗᒃ:

ᑭᔅᑫᓕᑖᑯᑖᑫᐎᓐ 2:13

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᐃᑕ ᑳ ᐎᑭᔭᓐ, ᐊᓐᑕ ᐅᑎ ᐁ ᐃᑕᑾᓂᓕᒃ ᓭᑕᓐ ᐅᑦ ᐊᐱᐎᓐ: ᑭ ᒪᔥᑲᐎ ᒥᒋᒥᓀᓐ ᒫᑲ ᓂᑦ ᐃᔑᓂᑳᓱᐎᓐ, ᓇᒪ ᓀᔥᑕ ᑭ ᑮ ᐋᓉᑌᓐ ᓂ ᑖᐺᔦᓕᑕᒧᐎᓐ, ᐊᐳᒋᑲ ᒣᒀᒡ ᐊᓂᐃ ᐁ ᑭᔑᑳᑭ ᐃᔅᐱ ᐋᓐᑎᐹᔅ ᑳ ᒀᔭᔅᑭᑎᑦ ᓂ ᒫᕐᑕᐱᒻ, ᑳ ᑭ ᓂᐸᐋᑲᓂᐎᑦ ᐃᑕ ᐁ ᐃᑖᔦᒃ, ᐃᑕ ᓭᑖᓐ ᑳ ᐎᑭᑦ᙮

ᑭᔅᑫᓕᑖᑯᑖᑫᐎᓐ 2:9

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐊᓕᒥᓯᐎᓐ, ᓀᔥᑕ ᑭ ᒪᓀᓯᐎᓐ, (ᒫᑲ ᑮ ᒥᔕᑭᓯᓐ,) ᓂ ᑭᔅᑫᓕᑕᒸᓐ ᐅ ᐹᔅᑕᒧᐎᓂᐙᐗ ᐊᓂᑭ ᓂ ᒎᐎᓈᓐ ᑳ ᐃᑗᒋᒃ ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᐅᑦ ᐋᔭᒥᐁᐎᑲᒥᒥᑯᒋᒃ ᓭᑕᓇ᙮