ᑭᔅᑫᓕᑖᑯᑖᑫᐎᓐ 19:2 - ᐅᔅᑭ ᑎᔅᑌᒥᓐᑦ

² ᐌᓴ ᑖᐺᒪᑲᓂᓕᐗ ᓀᔥᑕ ᒀᔭᔅᑭᑖᑎᓯᒪᑲᓂᓕᐗ ᐅ ᑎᐹᔅᑯᓂᑫᐎᓇ: ᐌᓴ ᑭ ᑎᐹᔅᑯᓀᐤ ᑭᒋ ᐱᔑᒀᑎᓰᔅᑴᐗ, ᐊᓂᐃ ᑳ ᑮ ᒪᒉᓕᑖᑯᑖᓕᑭ ᐊᔅᑭᓕᐤ ᐅ ᐱᔑᒀᑎᓯᐎᓐ ᐅᒋ, ᓀᔥᑕ ᑭ ᐋᔅᑯᒋᐁᐤ ᐅ ᒥᑯᓕᐤ ᐅᒋ ᐅᑦ ᐊᑑᔅᑫᓛᑲᓂᒪ᙮

ᑭᔅᑫᓕᑖᑯᑖᑫᐎᓐ 19:2 Iomraidhean Croise

ᑭᔅᑫᓕᑖᑯᑖᑫᐎᓐ 15:3

ᓂᑲᒧᐗᒃ ᒫᑲ ᐅ ᓂᑲᒧᐎᓐ ᒧᓯᔅ ᐅᑦ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᐅ ᓂᑲᒧᐎᓐ ᒫᓂᔥᒑᓂᔑᔥ, ᐁ ᐃᑗᒋᒃ: ᑭᒋᐃᑌᓕᑖᑾᓋ ᓀᔥᑕ ᒫᒪᔅᑳᑌᓕᑖᑾᓋ ᑭᑦ ᐊᑑᔅᑫᐎᓇ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔭᑳᑎᓯᔭᓐ; ᒀᔭᔅᑾᓋ ᓀᔥᑕ ᑕᐺᐗᓋ ᑭᑦ ᐃᔑᑣᐎᓇ ᑳ ᐅ ᑭᒋᐅᑭᒫᒥᒥᔅᑭᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 18:20

ᒥᓚᐙᑎᒃ, ᑭᓚᐗᐤ ᑭᒋᑭᔑᑯᒃ, ᓀᔥᑕ ᐯᓓᑭᓯᔦᒃ ᐊᐸᔅᑕᓕᑐᒃ ᓀᔥᑕ ᐅᑭᔅᑭᐙᐃᑫᑐᒃ; ᐌᓴ ᑭᒋᒪᓂᑐ ᑮ ᐋᔅᑯᒋᐁᐤ ᑳ ᑮ ᑐᑕᒫᑲᐎᔦᒃ᙮

ᑭᔅᑫᓕᑖᑯᑖᑫᐎᓐ 18:3

ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᒥᓂᒀᑕᒶᒃ ᐊᑯᓚᐌᓯᐎᓂ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ, ᓀᔥᑕ ᑭᒋᐅᑭᒫᐗᒃ ᐅᑕ ᐊᔅᑮᒃ ᑮ ᐎᒋᐱᔑᒀᑎᓯᒣᐗᒃ, ᓀᔥᑕ ᐊᑖᐌᐎᓕᓕᐗᒃ ᐅᑕ ᐊᔅᑮᒃ ᑮ ᐊᑎ ᒥᔕᑭᓯᐗᒃ ᐁ ᐃᔅᐱᒋ ᒥᒉᑎᓂᓕᑭ ᐅ ᐌᓗᑎᓯᐎᓇ᙮

ᑭᔅᑫᓕᑖᑯᑖᑫᐎᓐ 6:10

ᑮ ᑌᐺᐗᒃ ᒫᑲ ᐁ ᑭᔗᐌᒋᒃ, ᐁ ᐃᑗᒋᒃ, ᑖᓀᓕᑯᒃ, ᐅ ᑌᐯᓕᒋᑫᔭᓐ, ᑳ ᐸᓓᑭᓯᔭᓐ ᓀᔥᑕ ᑳ ᑖᐺᐎᔭᓐ, ᓇᒪ ᓈ ᑮ ᑎᐹᔅᑯᓇᐗᒃ ᓀᔥᑕ ᑭᑦ ᐋᔅᑯᒋᐋᐗᒃ ᓂ ᒥᑯᒥᓈᓐ ᐅᒋ ᐊᓂᑭ ᑳ ᑕᔑᑫᒋᒃ ᐊᔅᑮᒃ?