ᑭᔅᑫᓕᑖᑯᑖᑫᐎᓐ 18:2 - ᐅᔅᑭ ᑎᔅᑌᒥᓐᑦ

² ᐁᓕᑯᒃ ᒫᑲ ᑮ ᑌᐺᐤ ᐁ ᑭᔗᐌᑦ, ᐁ ᐃᑗᑦ, ᐹᐱᓚᓐ ᑳ ᑭᒋᐃᑌᓕᑖᑾᒃ ᐸᑭᑎᓐ, ᐸᑭᑎᓐ, ᐁᑯᑕ ᒫᑲ ᐅᑦ ᐃᑖᐎᓂᐙᒃ ᒪᒋᒪᓂᑐᐗᒃ, ᓀᔥᑕ ᐃᑕ ᐁ ᑕᔑᑫᑦ ᒥᓯᐌ ᑕᑐ ᒪᒋ ᐊᒑᒃ, ᓀᔥᑕ ᐁ ᐃᔑ ᐎᑭᑦ ᒥᓯᐌ ᑕᑐ ᑳ ᐎᓂᓯᑦ ᓀᔥᑕ ᑳ ᐸᒀᑎᑯᓯᑦ ᐱᓓᔑᔥ᙮

ᑭᔅᑫᓕᑖᑯᑖᑫᐎᓐ 18:2 Iomraidhean Croise

ᑭᔅᑫᓕᑖᑯᑖᑫᐎᓐ 1:15

ᐅᓯᑕ ᓀᔥᑕ ᑖᐱᔅᑯᒡ ᐁ ᒥᓨᔑᒃ ᐅᓵᐙᐱᔉ, ᒫᓇ ᐱᑯ ᐁ ᐃᔅᒀᓯᑳᑌᓕᑭ ᑎᑳᐱᔅᑭᓯᑲᓂᒃ; ᓀᔥᑕ ᐅ ᐯᑖᑯᓯᐎᓐ ᑖᐱᔅᑯᒡ ᐁ ᐃᑎᑖᑯᓯᒪᑲᑭ ᒥᒉᑦ ᓂᐱᔭ᙮

ᑭᔅᑫᓕᑖᑯᑖᑫᐎᓐ 10:3

ᑮ ᑌᐺᐤ ᒫᑲ ᐁ ᑭᔗᐌᑦ, ᑖᐱᔅᑯᒡ ᒥᔑᐱᔑᐤ ᐁ ᐅᓗᑦ: ᐃᔅᐱ ᒫᑲ ᑳ ᑭ ᑌᐺᑦ, ᓂᔀᔅ ᐅ ᓂᒥᔅᑭᐗᒃ ᑮ ᑭᑐᐗᒃ᙮

ᑭᔅᑫᓕᑖᑯᑖᑫᐎᓐ 11:8

ᐎᔮᐗᐗ ᒫᑲ ᑲᑕ ᐱᒥᑎᓂᓕᐗ ᐱᒧᑌᔅᑲᓈᒃ ᑭᒋ ᐃᑖᐎᓂᒃ, ᑳ ᐊᒑᑯᐎ ᐃᔑᓂᑳᑌᒃ ᓴᑕᒻ, ᓀᔥᑕ ᐃᒋᑉᑦ, ᐃᑕ ᓀᔥᑕ ᑳ ᐃᔑ ᒋᔅᑖᔅᑾᐙᑲᓂᐎᑦ ᑭ ᑎᐯᓕᒋᑫᒥᓇᐤ᙮

ᑭᔅᑫᓕᑖᑯᑖᑫᐎᓐ 14:15

ᑯᑕᒃ ᐁᓐᒐᓪ ᒫᑲ ᑭᒋᐋᔭᒥᐁᐎᑲᒥᑯᒃ ᑮ ᐅᒋ ᐯᒋ ᐗᓚᐎᐤ, ᐁ ᑌᑆᑖᑦ ᐁ ᑭᔗᐌᑦ ᐊᓂᐃ ᑳ ᐊᐱᓕᑭ ᐗᔅᑯᒃ, ᐃᔑ ᐸᑭᑎᓇ ᑮ ᑭᔥᑭᔑᑲᓐ, ᑮᔥᑭᔑᑫ ᒫᑲ; ᐌᓴ ᐋᔕᔾ ᐅᑎᒋᐸᓕᐤ ᑭᒋ ᑮᔥᑭᔑᑫᔮᓐ; ᐌᓴ ᑳ ᓂᑖᐎᑭᑭ ᐊᔅᑮᒃ ᐋᔕᔾ ᐊᑎᑌᐗ᙮

ᑭᔅᑫᓕᑖᑯᑖᑫᐎᓐ 14:8

ᑮ ᐱᒥᓄᔅᐱᓇᔑᐌᐤ ᒫᑲ ᑯᑕᒃ ᐁᓐᒐᓪ, ᐁ ᐃᑗᑦ, ᐹᐱᓚᓐ ᐸᑭᑎᓐ, ᐸᑭᑎᓐ, ᐊᓂᒪ ᑭᒋ ᐃᑖᐎᓐ, ᐁ ᑮ ᑐᑕᐙᑦ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ ᑭᒋ ᒥᓂᑴᓕᒋ ᐊᑯᓚᐌᓯᐎᓂ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 16:13

ᓂ ᑮ ᐙᐸᒫᐗᒃ ᒫᑲ ᓂᔅᑐ ᑳ ᐎᓕᐱᑖᑎᓯᒋᒃ ᐊᒑᑾᒃ ᑖᐱᔅᑯᒡ ᐊᓕᑭᔕᒃ ᐁ ᐯᒋ ᐙᓚᐎᒋᒃ ᒥᔑᑭᓀᐱᒃ ᐅᑐᓂᒃ, ᓀᔥᑕ ᐅᑐᓂᒃ ᐊᓇ ᐊᐌᓯᔅ, ᓀᔥᑕ ᐅᑐᓂᒃ ᐊᓇ ᓇᔅᐹᒡ ᐅᑭᔅᑭᐙᐃᑫᐤ᙮

ᑭᔅᑫᓕᑖᑯᑖᑫᐎᓐ 16:19

ᐊᓂᒪ ᑭᒋ ᐃᑖᐎᓐ ᒫᑲ ᓂᔅᑣᔭᒃ ᑮ ᐃᔑ ᓀᓇᐎᓂᑳᑌᐤ, ᓀᔥᑕ ᐅᑦ ᐃᑖᐎᓂᐗᐗ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᐸᑭᑎᓂᓕᐗ: ᑭᒋ ᐹᐱᓚᓐ ᓀᔥᑕ ᑮ ᐯᒋ ᑭᔅᑭᓯᑐᒋᑳᑌᐤ ᐁᑖᔅᑕᒪᐱᑦ ᑭᒋᒪᓂᑐ, ᑭᒋ ᒥᓇᐋᑦ ᒥᓂᑳᑲᓂᓕᐤ ᐁ ᓵᑲᔅᑭᓀᓕᒃ ᔓᒥᓈᐳᓕᐤ ᐅᑦ ᐊᒀᑎᓯᐎ ᐊᑯᓚᐌᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 17:18

ᐊᓇ ᐃᔅᑴᐤ ᒫᑲ ᑳ ᐙᐸᒪᑦ ᐁᐗᒀᓂᒪ ᑭᒋ ᐃᑖᐎᓐ ᑳ ᑎᐯᓕᒥᑯᒋᒃ ᑭᒋᐅᑭᒪᐗᒃ ᐅᑕ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 17:5

ᐅᔅᑲᑎᑯᒃ ᒫᑲ ᐎᓗᐎᓐ ᑮ ᒪᓯᓇᐃᑳᑌᓕᐤ, ᒥᐹᒥᔅᑳᒋᐃᑎᑦ, ᐹᐱᓚᓐ ᑳ ᑭᒋᐃᑌᓂᑖᑯᓯᑦ, ᐅᑳᐎᐙᐗ ᐅᐱᔑᒀᑎᓯᐗᒃ, ᓀᔥᑕ ᑳ ᓂᐹᓯᓈᑾᑭ ᐅᑕ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 18:10

ᐗᓚᐤ ᐁ ᓂᐸᐎᒋᒃ, ᐁ ᐃᔅᐱᒋ ᑯᔅᑕᒸᒋᒃ ᐅ ᑲᒀᑕᑭᓯᐎᓂᓕᐤ, ᐁ ᐃᑗᒋᒃ, ᒀᒋᔅᑕᒃ, ᒀᒋᔅᑕᒃ, ᐊᓂᒪ ᑭᒋ ᐃᑖᐎᓐ ᐹᐱᓚᓐ, ᐊᓂᒪ ᑭᒋᐃᑌᓕᑖᑾᒃ ᐃᑖᐎᓐ! ᐌᓴ ᒣᒀᒡ ᐯᔭᒃ ᑎᐸᐃᑲᓐ ᐱᓯᒧᑳᓂᒃ ᐅᑎᒋᐸᓕᐤ ᑭ ᑎᐹᔅᑯᓂᑯᓯᐎᓐ᙮

ᑭᔅᑫᓕᑖᑯᑖᑫᐎᓐ 18:21

ᓯᔪᑳᑎᓰᑦ ᐁᓐᒐᓪ ᒫᑲ ᑮ ᐅᑎᓀᐤ ᐊᓯᓂᔭ ᑖᐱᔅᑯᒡ ᑭᒋ ᐱᓂᐳᒋᑲᓇᓯᓂᒃ ᐁ ᐃᔑᓈᑯᓯᓕᒋ, ᑭᒋᑲᒥᒃ ᒫᑲ ᑮ ᐃᔑ ᐌᐱᓀᐤ, ᐁ ᐃᑗᑦ, ᐅᒪ ᐃᔑ ᑭᒋᑭᓯᐙᓯᐎᓂᒃ ᐊᓂᒪ ᑭᒋ ᐃᑖᐎᓐ ᐹᐱᓚᓐ ᑲᑕ ᓂᒋᐌᐱᓂᑲᑎᐤ, ᓇᒪᐙᔅᑳᑦ ᒥᓇ ᑲᑕ ᒥᔅᑭᑳᑌᐤ ᒫᑲ᙮

ᑭᔅᑫᓕᑖᑯᑖᑫᐎᓐ 5:2

ᓂ ᑮ ᐙᐸᒪᐤ ᒫᑲ ᐁ ᒪᔥᑲᐎᓰᑦ ᐁᓐᒐᓪ ᐁ ᐃᑗᑦ ᐁ ᑭᔗᐌᑦ, ᐊᐌᓇ ᑎᐁᐸᑌᓕᑖᑯᓯᑦ ᑭᒋ ᐋᐸᐊᒃ ᒪᓯᓇᐃᑲᓂᓕᐤ, ᓀᔥᑕ ᑭᒋ ᐋᐸᐙᑦ ᐊᑯᔅᑭᐗᓯᑲᓇ?