ᑭᔅᑫᓕᑖᑯᑖᑫᐎᓐ 17:8 - ᐅᔅᑭ ᑎᔅᑌᒥᓐᑦ

⁸ ᐊᓇ ᐊᐌᓯᔅ ᑳ ᑮ ᐙᐸᒪᑦ ᑮ ᐃᑖᐤ, ᓇᒪ ᐃᑖᐤ ᒫᑲ; ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᒫᑲ ᑲᑕ ᐅᒋ ᐅᐱᔅᑲᐤ, ᑲᑕ ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ: ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒫᒫᔅᑳᑕᒶᒃ, (ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᑮ ᒪᓯᓇᐃᑳᑌᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ ᐊᔅᐱᓐ ᑳ ᒫᒋ ᐊᔅᑮᐗᒃ,) ᐃᔅᐱ ᐙᐸᒫᑡᐌ ᐊᓂᐃ ᐊᐌᓯᓴ ᑳ ᑮ ᐃᑖᓕᒋ, ᐁᑳ ᒫᑲ ᐁ ᐃᑖᓕᒋ, ᐁᓕᐌᒃ ᒫᑲ ᐁ ᐃᑕᓕᒋ᙮

ᑭᔅᑫᓕᑖᑯᑖᑫᐎᓐ 17:8 Iomraidhean Croise

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᓘᒃ 10:20

ᐁᓕᐌᒃ ᒫᑲ, ᐁᑳᐎᓚ ᒧᒋᑫᓕᑕᒧᒃ ᐅᒪ ᐅᒋ, ᐁ ᐱᔑᒋᐃᑖᑾᒃ ᐊᒑᑾᒃ; ᒫᑲ ᐊᐙᓯᑌ ᒧᒋᑫᓕᑕᒧᒃ ᐁ ᒪᓯᓇᐃᑳᑌᑭ ᑭᑦ ᐃᔑᓂᑳᓱᐎᓂᐙᐗ ᑭᒋᑭᔑᑯᒃ᙮

ᐅᐸᓓᑭᔅ ᓘᒃ 8:31

ᑮ ᓇᑐᑕᒪᐌᐗᒃ ᒫᑲ ᐁᑳ ᑭᒋ ᐃᑎᔕᐙᑎᑯᒋᒃ ᑭᒋ ᓇᑕᐎ ᐃᑐᑌᒋᒃ ᐁ ᑎᒪᓕᒃ᙮

ᐅᐸᓓᑭᔅ ᒑᓐ 17:24

ᓄᑖ, ᓂ ᓇᑕᐌᓕᑌᓐ ᐎᓚᐗᐤ ᐊᓯᒋ, ᑳ ᑮ ᒥᓕᔭᓐ, ᐃᑕ ᐁ ᐃᑖᔮᓐ ᑭᒋ ᐎᒉᐎᒋᒃ; ᑭᒋ ᐙᐸᑕᑭᒃ ᓂ ᑭᔅᑌᓕᑖᑯᓯᐎᓂᓕᐤ, ᑳ ᑮ ᒥᓕᔭᓐ: ᐌᓴ ᑭ ᑮ ᓵᑭᐃᓐ ᐸᒧᔑ ᐅᔑᑖᓂᐗᒃ ᐊᔅᑭ᙮

ᐊᐸᔅᑕᓚᒃ 15:18

ᑭᔅᑫᓕᑕᒻ ᑭᒋᒪᓂᑐ ᒥᓯᐌ ᐅᑦ ᐊᑐᔅᑫᐎᓇ, ᒫᐗᒡ ᓃᔥᑕᒻ ᐁ ᐊᔅᑭᐗᒃ ᐅᒋ᙮

ᐃᐱᓯᔭᓇ 1:4

ᑖᐱᔅᑯᒡ ᑳ ᑮ ᐃᔑ ᐙᐌᓛᐸᒫᑕᒃ ᑭᒋ ᐱᒋᔥᑲᐗᑭᑦ ᐸᒧᔑ ᑮ ᒫᒋ ᐅᔑᑖᓂᐗᒃ ᐅᒪ ᐊᔅᑭ, ᑭᒋ ᐸᓓᑭᓯᔭᒃ, ᓀᔥᑕ ᐁᑳ ᑭᒋ ᐊᑖᒣᓕᑕᑯᓯᔭᒃ ᐁᑖᔅᑕᒪᐱᑦ ᓵᑭᐃᐌᐎᓂᒃ:

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᓂᔥᑕᒻ ᐱᑕᕐ 1:20

ᐊᓇ ᑖᐺ ᓂᑳᓐ ᑳ ᑮ ᐹᑲᓂᐋᑲᓂᐎᑦ ᐸᒧᔑ ᑮ ᒫᒋ ᐃᑕᑾᒃ ᐊᔅᑭ, ᒫᑲ ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭᓚᐗᐤ ᑳ ᐅᒋ ᓄᑯᐋᑲᓂᐎᑦ;

ᑭᔅᑫᓕᑖᑯᑖᑫᐎᓐ 11:7

ᐃᔅᐱ ᒫᑲ ᑮ ᑭᔑᑖᑣᐌ ᐅ ᑎᐹᒋᒧᐎᓂᐗᐤ, ᑲᑕ ᓇᑐᐸᓕᔅᑖᑯᐗᒃ ᐊᓂᐃ ᐊᐌᓯᓴ ᐁᑳ ᒥᓴᔅᑫᔮᒃ ᐙᑎᑳᓂᒃ ᑳ ᐯᒋ ᐅᐱᔅᑳᓕᒋ, ᑲᑕ ᔖᑯᒋᐃᑯᐗᒃ ᒫᑲ, ᓀᔥᑕ ᑲᑕ ᓂᐹᐃᑯᐗᒃ᙮

ᑭᔅᑫᓕᑖᑯᑖᑫᐎᓐ 17:11

ᐊᓇ ᐊᐌᓯᔅ ᒫᑲ ᑳ ᑮ ᐃᑖᑦ, ᐁᑳ ᒫᑲ ᑳ ᐃᑖᑦ, ᐁᐗᒀᓇ ᔭᓈᓀᐤ ᑳ ᐃᑕᑭᓱᑦ, ᓀᔥᑕ ᐊᓯᒋᐸᓕᐤ ᐊᓂᐃ ᓂᔂᔅ, ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ᙮

ᑭᔅᑫᓕᑖᑯᑖᑫᐎᓐ 17:2

ᐊᓇ ᑳ ᑮ ᐎᒋᐱᔑᒀᑎᓯᒥᑯᑦ ᑭᒋᐅᑭᒪᐗ ᐅᑕ ᐊᔅᑮᒃ, ᓀᔥᑕ ᐊᓂᐃ ᑳ ᑕᔑᑫᓕᒋ ᐊᔅᑮᒃ ᑮ ᑮᔥᑴᐯᔅᑳᑯᓕᑭ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 20:12

ᓂ ᑮ ᐙᐸᒫᐗᒃ ᒫᑲ ᑳ ᓂᐱᒋᒃ, ᐁ ᐋᐱᔑᔑᔑᒋᒃ ᓀᔥᑕ ᐁ ᒥᔑᑭᑎᒋᒃ, ᐁ ᐅᑎᔥᑲᐎᑳᐸᐐᔅᑕᐙᒋᒃ ᑭᒋᒪᓂᑐᐗ: ᒪᓯᓇᐃᑲᓇ ᒫᑲ ᑮ ᐋᐸᐃᑳᑌᐗ; ᑯᑕᒃ ᒪᓯᓇᐃᑲᓐ ᓀᔥᑕ ᑮ ᐋᐸᐃᑳᑌᐤ, ᐁᐗᑯ ᐱᒫᑎᓯᐎᓂ ᒪᓯᓇᐃᑲᓐ; ᑳ ᓂᐱᒋᒃ ᒫᑲ ᑮ ᐅᒋ ᑎᐹᔅᑯᓇᐗᒃ ᐊᓂᐃ ᒪᓯᓇᐃᑲᓂᒃ ᑳ ᒪᓯᓇᐃᑳᑌᓕᑭ, ᒬᒋ ᑳ ᑮ ᐃᔑ ᐊᑑᔅᑫᒋᒃ᙮

ᑭᔅᑫᓕᑖᑯᑖᑫᐎᓐ 20:15

ᒥᓯᐌ ᑕᑐ ᐊᐌᓇ ᒫᑲ ᐁᑳ ᑳ ᒥᔅᑲᐙᑲᓂᐎᑦ ᐁ ᒪᓯᓇᐃᑳᓱᑦ ᐱᒫᑎᓯᐎᓂ ᒪᓯᓇᐃᑲᓂᒃ ᐃᔥᑯᑌᐎ ᓵᑲᐃᑲᓂᒃ ᑮ ᐃᔑ ᐌᐱᓇᐤ᙮

ᑭᔅᑫᓕᑖᑯᑖᑫᐎᓐ 3:10

ᐁ ᑮ ᑲᓇᐌᓕᑕᒪᓐ ᓂ ᔑᐱᓚᐌᓯᐎᓂ ᐋᔭᒥᐎᓐ, ᓂᓚ ᓀᔥᑕ ᑭ ᑳ ᑲᓇᐌᓕᒥᑎᓐ ᐃᔅᐱ ᐅᑎᒋᐸᓕᑫ ᑭᒋ ᑲᑴᒋᐃᐌᐎᓂᐗᒃ, ᑫ ᐯᒋ ᐱᒥᐸᓕᒃ ᒥᓯᐌ ᐊᔅᑮᒃ, ᑭᒋ ᑲᑴᒋᐃᑯᒋᒃ ᐊᓂᑭ ᐊᔅᑮᒃ ᑳ ᑕᔑᑫᒋᒃ᙮

ᑭᔅᑫᓕᑖᑯᑖᑫᐎᓐ 3:5

ᐊᓇ ᑳ ᔖᑯᒋᐃᐌᑦ, ᐁᐗᒀᓇ ᑫ ᐙᐱᐅᑦ: ᓇᒪᐎᓚ ᒫᑲ ᓂ ᑳ ᑳᓯᐊᒸᓐ ᐅᑦ ᐃᔑᓂᑳᓱᐎᓐ ᐱᒫᑎᓯᐎᓂ ᒪᓯᓇᐃᑲᓂᒃ ᐅᒋ, ᒫᑲ ᓂ ᑳ ᐎᑕᒸᓐ ᐅᑦ ᐃᔑᓂᑳᓱᐎᓐ ᐅᑎᔥᑲᐤ ᓄᑖᐎ, ᓀᔥᑕ ᐅᑎᔥᑲᐤ ᐅᑦ ᐁᓐᒐᓕᒪ᙮