ᑭᔅᑫᓕᑖᑯᑖᑫᐎᓐ 17:5 - ᐅᔅᑭ ᑎᔅᑌᒥᓐᑦ

⁵ ᐅᔅᑲᑎᑯᒃ ᒫᑲ ᐎᓗᐎᓐ ᑮ ᒪᓯᓇᐃᑳᑌᓕᐤ, ᒥᐹᒥᔅᑳᒋᐃᑎᑦ, ᐹᐱᓚᓐ ᑳ ᑭᒋᐃᑌᓂᑖᑯᓯᑦ, ᐅᑳᐎᐙᐗ ᐅᐱᔑᒀᑎᓯᐗᒃ, ᓀᔥᑕ ᑳ ᓂᐹᓯᓈᑾᑭ ᐅᑕ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 17:5 Iomraidhean Croise

ᐱᓕᐱᔭᓇ 3:19

ᑫ ᐊᑎ ᓂᔑᐗᓈᑎᓯᒋᒃ, ᑳ ᐅ ᒪᓂᑐᒥᒋᒃ ᐗᑕᐗᐤ, ᑳ ᐅᒋ ᒫᒪᑖᑯᒧᒋᒃ ᐊᓂᐃ ᑫ ᐅᒋ ᓇᓀᐯᐎᓯᐙᔅᐸᓐ, ᑳ ᒫᒥᑐᓀᓕᑕᑭᒃ ᐊᔅᑭᐎ ᑫᒀᓇ᙮

ᓂᔓ ᑌᓴᓗᓂᔭᓇ 2:7

ᐌᓴ ᐁ ᐃᔑ ᒫᒪᔅᑳᑌᓕᑖᑾᒃ ᐊᓂᒪ ᒪᒑᑎᓯᐎᓐ ᐊᔕᔾ ᐊᑐᔅᑫᒪᑲᓐ; ᐱᑯ ᐊᓇ ᐊᓄᒡ ᑳ ᐅᑕᒥᐃᐌᑦ ᑲᑕ ᐅᑕᒥᐃᐌᐤ, ᐹᑎᒫ ᐃᑲᑌᓈᑲᓂᐎᑌ᙮

ᑭᔅᑫᓕᑖᑯᑖᑫᐎᓐ 1:20

ᐁ ᐃᔑ ᒫᒪᔅᑳᑌᓕᑖᑯᓯᒋᒃ ᐊᓂᑭ ᓂᔂᔅ ᐊᒐᑾᒃ ᑳ ᑭ ᐙᐸᒪᒋᒃ ᓂ ᑭᒋᓂᔅᑮᒃ, ᓀᔥᑕ ᐊᓂᐃ ᓂᔂᔅ ᐅᓵᐎᔔᓕᐊᓈᐱᔉ ᐙᔅᑌᓇᒫᑲᓈᑎᑾ᙮ ᐊᓂᑭ ᓂᔂᔅ ᐊᒐᑾᒃ ᐁᐗᒀᓂᑭ ᓂᔀ ᐁᓐᒐᓚᒃ ᑳ ᑎᐯᓕᒫᒋᒃ ᐊᓂᐃ ᓂᔂᔅ ᒫᒪᐎᐋᔭᒥᐊᐗ: ᓀᔥᑕ ᐊᓂᐃ ᓂᔂᔅ ᐙᔅᑌᓇᒫᑲᓈᑎᑾ ᐁᐗᒀᓂᐃ ᓂᔂᔅ ᒫᒪᐎᐋᔭᒥᐋᐗᐤ᙮

ᑭᔅᑫᓕᑖᑯᑖᑫᐎᓐ 11:8

ᐎᔮᐗᐗ ᒫᑲ ᑲᑕ ᐱᒥᑎᓂᓕᐗ ᐱᒧᑌᔅᑲᓈᒃ ᑭᒋ ᐃᑖᐎᓂᒃ, ᑳ ᐊᒑᑯᐎ ᐃᔑᓂᑳᑌᒃ ᓴᑕᒻ, ᓀᔥᑕ ᐃᒋᑉᑦ, ᐃᑕ ᓀᔥᑕ ᑳ ᐃᔑ ᒋᔅᑖᔅᑾᐙᑲᓂᐎᑦ ᑭ ᑎᐯᓕᒋᑫᒥᓇᐤ᙮

ᑭᔅᑫᓕᑖᑯᑖᑫᐎᓐ 14:8

ᑮ ᐱᒥᓄᔅᐱᓇᔑᐌᐤ ᒫᑲ ᑯᑕᒃ ᐁᓐᒐᓪ, ᐁ ᐃᑗᑦ, ᐹᐱᓚᓐ ᐸᑭᑎᓐ, ᐸᑭᑎᓐ, ᐊᓂᒪ ᑭᒋ ᐃᑖᐎᓐ, ᐁ ᑮ ᑐᑕᐙᑦ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ ᑭᒋ ᒥᓂᑴᓕᒋ ᐊᑯᓚᐌᓯᐎᓂ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 16:19

ᐊᓂᒪ ᑭᒋ ᐃᑖᐎᓐ ᒫᑲ ᓂᔅᑣᔭᒃ ᑮ ᐃᔑ ᓀᓇᐎᓂᑳᑌᐤ, ᓀᔥᑕ ᐅᑦ ᐃᑖᐎᓂᐗᐗ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᐸᑭᑎᓂᓕᐗ: ᑭᒋ ᐹᐱᓚᓐ ᓀᔥᑕ ᑮ ᐯᒋ ᑭᔅᑭᓯᑐᒋᑳᑌᐤ ᐁᑖᔅᑕᒪᐱᑦ ᑭᒋᒪᓂᑐ, ᑭᒋ ᒥᓇᐋᑦ ᒥᓂᑳᑲᓂᓕᐤ ᐁ ᓵᑲᔅᑭᓀᓕᒃ ᔓᒥᓈᐳᓕᐤ ᐅᑦ ᐊᒀᑎᓯᐎ ᐊᑯᓚᐌᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 17:1

ᑮ ᐯᒋ ᐃᑐᑌᐤ ᒫᑲ ᐯᔭᒃ ᐁ ᐃᑕᓯᒋᒃ ᐊᓂᑭ ᓂᔂᔅ ᐁᓐᒐᓚᒃ ᑳ ᔮᒋᒃ ᐊᓂᐃ ᓂᔂᔅ ᐅᓛᑲᓂᔕ, ᐁ ᐎᒋᐋᔭᒥᒥᑦ ᒫᑲ ᓂ ᑮ ᐃᑎᒃ, ᐯᒋ ᐃᑐᑌ ᐅᑕ; ᑭ ᑳ ᐙᐸᑎᓕᑎᓐ ᐅ ᑎᐹᔅᑯᓂᑯᓯᐎᓐ ᐊᓇ ᑭᒋ ᐱᔑᒀᑎᔅᑴᐤ, ᑳ ᑌᑕᐱᑦ ᒥᒉᑦ ᓂᐱᔭ:

ᑭᔅᑫᓕᑖᑯᑖᑫᐎᓐ 17:2

ᐊᓇ ᑳ ᑮ ᐎᒋᐱᔑᒀᑎᓯᒥᑯᑦ ᑭᒋᐅᑭᒪᐗ ᐅᑕ ᐊᔅᑮᒃ, ᓀᔥᑕ ᐊᓂᐃ ᑳ ᑕᔑᑫᓕᒋ ᐊᔅᑮᒃ ᑮ ᑮᔥᑴᐯᔅᑳᑯᓕᑭ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 17:7

ᐁᓐᒐᓪ ᒫᑲ ᓂ ᑮ ᐃᑎᒃ, ᑖᓀᑭ ᐌᒋ ᒫᒪᔅᑳᑕᒪᓐ? ᑭ ᑳ ᐎᑕᒫᑎᓐ ᐅ ᒫᒪᔅᑳᑌᓕᑖᑯᓯᐎᓐ ᐊᓇ ᐃᔅᑴᐤ, ᓀᔥᑕ ᐊᓇ ᐊᐌᓯᔅ ᑳ ᑌᑕᐱᑐᑕᐙᑦ, ᐊᓇ ᓃᔀᔅ ᑳ ᑕᑐᔅᑎᒀᓀᑦ, ᓀᔥᑕ ᑳ ᒥᑕᑌᔥᑲᓄᑦ᙮

ᑭᔅᑫᓕᑖᑯᑖᑫᐎᓐ 18:2

ᐁᓕᑯᒃ ᒫᑲ ᑮ ᑌᐺᐤ ᐁ ᑭᔗᐌᑦ, ᐁ ᐃᑗᑦ, ᐹᐱᓚᓐ ᑳ ᑭᒋᐃᑌᓕᑖᑾᒃ ᐸᑭᑎᓐ, ᐸᑭᑎᓐ, ᐁᑯᑕ ᒫᑲ ᐅᑦ ᐃᑖᐎᓂᐙᒃ ᒪᒋᒪᓂᑐᐗᒃ, ᓀᔥᑕ ᐃᑕ ᐁ ᑕᔑᑫᑦ ᒥᓯᐌ ᑕᑐ ᒪᒋ ᐊᒑᒃ, ᓀᔥᑕ ᐁ ᐃᔑ ᐎᑭᑦ ᒥᓯᐌ ᑕᑐ ᑳ ᐎᓂᓯᑦ ᓀᔥᑕ ᑳ ᐸᒀᑎᑯᓯᑦ ᐱᓓᔑᔥ᙮

ᑭᔅᑫᓕᑖᑯᑖᑫᐎᓐ 18:21

ᓯᔪᑳᑎᓰᑦ ᐁᓐᒐᓪ ᒫᑲ ᑮ ᐅᑎᓀᐤ ᐊᓯᓂᔭ ᑖᐱᔅᑯᒡ ᑭᒋ ᐱᓂᐳᒋᑲᓇᓯᓂᒃ ᐁ ᐃᔑᓈᑯᓯᓕᒋ, ᑭᒋᑲᒥᒃ ᒫᑲ ᑮ ᐃᔑ ᐌᐱᓀᐤ, ᐁ ᐃᑗᑦ, ᐅᒪ ᐃᔑ ᑭᒋᑭᓯᐙᓯᐎᓂᒃ ᐊᓂᒪ ᑭᒋ ᐃᑖᐎᓐ ᐹᐱᓚᓐ ᑲᑕ ᓂᒋᐌᐱᓂᑲᑎᐤ, ᓇᒪᐙᔅᑳᑦ ᒥᓇ ᑲᑕ ᒥᔅᑭᑳᑌᐤ ᒫᑲ᙮

ᑭᔅᑫᓕᑖᑯᑖᑫᐎᓐ 19:2

ᐌᓴ ᑖᐺᒪᑲᓂᓕᐗ ᓀᔥᑕ ᒀᔭᔅᑭᑖᑎᓯᒪᑲᓂᓕᐗ ᐅ ᑎᐹᔅᑯᓂᑫᐎᓇ: ᐌᓴ ᑭ ᑎᐹᔅᑯᓀᐤ ᑭᒋ ᐱᔑᒀᑎᓰᔅᑴᐗ, ᐊᓂᐃ ᑳ ᑮ ᒪᒉᓕᑖᑯᑖᓕᑭ ᐊᔅᑭᓕᐤ ᐅ ᐱᔑᒀᑎᓯᐎᓐ ᐅᒋ, ᓀᔥᑕ ᑭ ᐋᔅᑯᒋᐁᐤ ᐅ ᒥᑯᓕᐤ ᐅᒋ ᐅᑦ ᐊᑑᔅᑫᓛᑲᓂᒪ᙮

ᑭᔅᑫᓕᑖᑯᑖᑫᐎᓐ 7:3

ᐁ ᐃᑗᑦ, ᐁᑳᐎᓚ ᐅᔑᑯᑖᒃ ᐊᔅᑭ, ᐁᑳ ᓀᔥᑕ ᑭᒋᑲᒥ, ᐁᑳ ᓀᔥᑕ ᒥᔅᑎᑾᒃ, ᐹᑎᒫ ᑮ ᑭᔅᑭᓄᐙᒋᐃᒪᑭᑡᐌ ᓂ ᑭᒋᒪᓂᑐᒥᓈᓐ ᐅᑦ ᐊᑑᔅᑫᓛᑲᓂᒪ ᐅᔅᑲᑎᑯᐙᒃ᙮