ᑭᔅᑫᓕᑖᑯᑖᑫᐎᓐ 17:2 - ᐅᔅᑭ ᑎᔅᑌᒥᓐᑦ

² ᐊᓇ ᑳ ᑮ ᐎᒋᐱᔑᒀᑎᓯᒥᑯᑦ ᑭᒋᐅᑭᒪᐗ ᐅᑕ ᐊᔅᑮᒃ, ᓀᔥᑕ ᐊᓂᐃ ᑳ ᑕᔑᑫᓕᒋ ᐊᔅᑮᒃ ᑮ ᑮᔥᑴᐯᔅᑳᑯᓕᑭ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 17:2 Iomraidhean Croise

ᐅᐸᓓᑭᔅ ᒑᓐ 2:10

ᐃᑌᐤ ᒫᑲ, ᒥᓯᐌ ᑕᑐ ᐃᓕᓕᐤ ᓃᔥᑕᒻ ᐅᓚᔅᑣᑫᐤ ᐁ ᒥᓨᔑᓂᓕᒃ ᔓᒥᓈᐳᓕᐤ; ᐃᔅᐱ ᒫᑲ ᐃᓕᓕᐗ ᒥᔅᑕᐃ ᑳ ᒥᓂᑴᓕᑡᐌ, ᐁᑯ ᐊᓂᐁᓕᐤ ᐁᑳ ᑳ ᐃᔥᐱᔥ ᒥᓨᔑᓂᓕᒃ: ᒫᑲ ᑭᓚ ᑭ ᑮ ᑲᓇᐌᓕᑌᓐ ᐁ ᒥᓨᔑᒃ ᔓᒥᓈᐳ ᐊᓄᒡ ᐃᔅᑯ᙮

ᑭᔅᑫᓕᑖᑯᑖᑫᐎᓐ 14:8

ᑮ ᐱᒥᓄᔅᐱᓇᔑᐌᐤ ᒫᑲ ᑯᑕᒃ ᐁᓐᒐᓪ, ᐁ ᐃᑗᑦ, ᐹᐱᓚᓐ ᐸᑭᑎᓐ, ᐸᑭᑎᓐ, ᐊᓂᒪ ᑭᒋ ᐃᑖᐎᓐ, ᐁ ᑮ ᑐᑕᐙᑦ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ ᑭᒋ ᒥᓂᑴᓕᒋ ᐊᑯᓚᐌᓯᐎᓂ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 17:13

ᐅᑯ ᐯᔭᑾᓂᓕᐤ ᐅ ᒥᑐᓀᓕᒋᑲᓂᐗᐤ, ᐅ ᑲᔥᑭᐅᐎᓂᐗᐤ ᒫᑲ ᓀᔥᑕ ᐅ ᒪᔥᑲᐎᓯᐎᓂᐗᐤ ᑲᑕ ᒥᓓᐗᒃ ᐊᓂᐃ ᐊᐌᓯᓴ᙮

ᑭᔅᑫᓕᑖᑯᑖᑫᐎᓐ 17:17

ᐌᓴ ᑭᒋᒪᓂᑐ ᑮ ᐊᔅᑖᐌᐤ ᐅᑌᐃᓕᒃ ᑭᒋ ᑎᐱᑐᑕᒥᓕᒋ ᐅᑦ ᐃᑌᓕᑕᒧᐎᓐ, ᓀᔥᑕ ᑖᐱᔅᑯᒡ ᑭᒋ ᐃᑌᓕᑕᒥᓕᒋ ᑭᒋ ᒥᓛᓕᒋ ᐊᓂᐃ ᐊᐌᓯᓴ ᐅᑦ ᐅᑭᒫᐎᐎᓂᐗᐤ, ᐹᑎᒫ ᑎᐱᐸᓕᓕᑳᐌ ᐅᑦ ᐋᔭᒥᐎᓇ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 17:5

ᐅᔅᑲᑎᑯᒃ ᒫᑲ ᐎᓗᐎᓐ ᑮ ᒪᓯᓇᐃᑳᑌᓕᐤ, ᒥᐹᒥᔅᑳᒋᐃᑎᑦ, ᐹᐱᓚᓐ ᑳ ᑭᒋᐃᑌᓂᑖᑯᓯᑦ, ᐅᑳᐎᐙᐗ ᐅᐱᔑᒀᑎᓯᐗᒃ, ᓀᔥᑕ ᑳ ᓂᐹᓯᓈᑾᑭ ᐅᑕ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 17:8

ᐊᓇ ᐊᐌᓯᔅ ᑳ ᑮ ᐙᐸᒪᑦ ᑮ ᐃᑖᐤ, ᓇᒪ ᐃᑖᐤ ᒫᑲ; ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᒫᑲ ᑲᑕ ᐅᒋ ᐅᐱᔅᑲᐤ, ᑲᑕ ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ: ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒫᒫᔅᑳᑕᒶᒃ, (ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᑮ ᒪᓯᓇᐃᑳᑌᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ ᐊᔅᐱᓐ ᑳ ᒫᒋ ᐊᔅᑮᐗᒃ,) ᐃᔅᐱ ᐙᐸᒫᑡᐌ ᐊᓂᐃ ᐊᐌᓯᓴ ᑳ ᑮ ᐃᑖᓕᒋ, ᐁᑳ ᒫᑲ ᐁ ᐃᑖᓕᒋ, ᐁᓕᐌᒃ ᒫᑲ ᐁ ᐃᑕᓕᒋ᙮

ᑭᔅᑫᓕᑖᑯᑖᑫᐎᓐ 18:23

ᓀᔥᑕ ᐁ ᐙᔅᑌᒃ ᐙᔅᑌᓇᒫᑲᓐ ᓇᒪᐎᔅᑳᑦ ᒥᓇ ᐙᔅᑌᐤ ᐃᑕ ᐁ ᐃᑖᔭᓐ; ᓀᔥᑕ ᐅ ᐯᑖᑯᓯᐎᓐ ᐅᔥᑭᓈᐯᐙᓐ ᓀᔥᑕ ᐅᔥᑭᔅᑴᐙᓐ ᓇᒪᐐᔅᑳᑦ ᒥᓇ ᑲᑕ ᓄᑖᑾᓂᓕᐤ ᐃᑕ ᐁ ᐃᑖᔭᓐ; ᐌᓴ ᑭᑦ ᐊᑖᐌᐎᓕᓕᒪᒃ ᑭ ᑭᒋᐃᓕᓕᐎᐗᒃ ᐅᑕ ᐊᔅᑮᒃ; ᐌᓴ ᑭ ᒥᑌᐃᐎᓇ ᑮ ᐅᒋ ᐙᔦᔑᐋᐗᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 18:3

ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᒥᓂᒀᑕᒶᒃ ᐊᑯᓚᐌᓯᐎᓂ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ, ᓀᔥᑕ ᑭᒋᐅᑭᒫᐗᒃ ᐅᑕ ᐊᔅᑮᒃ ᑮ ᐎᒋᐱᔑᒀᑎᓯᒣᐗᒃ, ᓀᔥᑕ ᐊᑖᐌᐎᓕᓕᐗᒃ ᐅᑕ ᐊᔅᑮᒃ ᑮ ᐊᑎ ᒥᔕᑭᓯᐗᒃ ᐁ ᐃᔅᐱᒋ ᒥᒉᑎᓂᓕᑭ ᐅ ᐌᓗᑎᓯᐎᓇ᙮

ᑭᔅᑫᓕᑖᑯᑖᑫᐎᓐ 18:9

ᓀᔥᑕ ᑭᒋᐅᑭᒫᐗᒃ ᐅᑕ ᐊᔅᑮᒃ ᑳ ᑮ ᐎᒋᐱᔑᒀᑎᓯᒫᒋᒃ, ᓀᔥᑕ ᑳ ᑮ ᐎᒋᒥᓗᐳᒫᒋᒃ, ᑲᑕ ᐎᑳᑌᐗᒃ ᓀᔥᑕ ᑲᑕ ᒫᑐᑐᑕᐌᐗᒃ, ᐃᔅᐱ ᐗᐸᑕᑾᐌ ᐁ ᑲᔥᑳᐸᑌᓕᒃ ᐁ ᐃᔅᒀᓱᓕᒋ,

ᑭᔅᑫᓕᑖᑯᑖᑫᐎᓐ 2:22

ᒫᑎᑲ, ᓂᐯᐎᓂᒃ ᓂ ᑳ ᐃᔑ ᐌᐱᓇᐤ, ᐊᓂᐃ ᓀᔥᑕ ᑳ ᐎᒋᐱᔑᒀᑎᓯᒥᑯᑦ ᑭᒋ ᐊᓕᒥᓯᐎᓂᒃ, ᑮᔥᐱᓐ ᐁᑳ ᒥᒋᓚᐌᔦᓕᑕᑾᐌ ᐅᑦ ᐃᓯᒋᑫᐎᓂᐙᐗ᙮

ᑭᔅᑫᓕᑖᑯᑖᑫᐎᓐ 3:10

ᐁ ᑮ ᑲᓇᐌᓕᑕᒪᓐ ᓂ ᔑᐱᓚᐌᓯᐎᓂ ᐋᔭᒥᐎᓐ, ᓂᓚ ᓀᔥᑕ ᑭ ᑳ ᑲᓇᐌᓕᒥᑎᓐ ᐃᔅᐱ ᐅᑎᒋᐸᓕᑫ ᑭᒋ ᑲᑴᒋᐃᐌᐎᓂᐗᒃ, ᑫ ᐯᒋ ᐱᒥᐸᓕᒃ ᒥᓯᐌ ᐊᔅᑮᒃ, ᑭᒋ ᑲᑴᒋᐃᑯᒋᒃ ᐊᓂᑭ ᐊᔅᑮᒃ ᑳ ᑕᔑᑫᒋᒃ᙮

ᑭᔅᑫᓕᑖᑯᑖᑫᐎᓐ 9:21

ᓇᒪ ᓀᔥᑕ ᑮ ᒥᒋᓚᐌᔦᓕᑕᒶᒃ ᐅ ᓂᐹᔨᐌᐎᓂᐙᐗ, ᓀᔥᑕ ᐅ ᒥᑌᐃᐎᓂᐙᐗ, ᓀᔥᑕ ᐅ ᐱᔑᒀᑎᓯᐎᓂᐙᐗ, ᓀᔥᑕ ᐅ ᑭᒧᑎᔅᑭᐎᓂᐙᐗ᙮