ᑭᔅᑫᓕᑖᑯᑖᑫᐎᓐ 16:14 - ᐅᔅᑭ ᑎᔅᑌᒥᓐᑦ

¹⁴ ᐌᓴ ᒪᒋᒪᓂᑐᐎ ᐊᒑᑯᐎᐗᒃ, ᐁ ᒫᒪᔅᑳᒋ ᐃᔑᒋᑫᒋᒃ, ᑳ ᓈᑖᒋᒃ ᑭᒋᐅᑭᒪᐗ ᐅᑕ ᐊᔅᑮᒃ ᓀᔥᑕ ᒥᓯᐌ ᐁᔅᐱᑕᔅᑲᒥᑳᒃ, ᑭᒋ ᒪᐗᒋᐋᒋᒃ ᑭᒋ ᓇᑐᐸᓕᒋᒃ ᒣᑾᒡ ᐅ ᑭᒋ ᑭᔑᑳᒻ ᑭᒋᒪᓂᑐ ᒥᓯᐌ ᓯᔪᑳᑎᓰᑦ᙮

ᑭᔅᑫᓕᑖᑯᑖᑫᐎᓐ 16:14 Iomraidhean Croise

ᐅᐸᓓᑭᔅ ᒫᑎᐤ 24:14

ᐅᒪ ᐅᑭᒫᐎᐎᓂ ᒥᓗᐋᒋᒧᐎᓐ ᒫᑲ ᑲᑕ ᐙᐎᑖᑲᓂᐗᓐ ᒥᓯᐌ ᐊᔅᑮᒃ, ᑭᒋ ᐎᑕᒫᑯᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ; ᐁᑯ ᒫᑲ ᑫ ᐃᔥᒀᐸᓕᒃ᙮

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒫᕐᒃ 13:22

ᐌᓴ ᓇᔅᐹᒡ ᙭ᑕᒃ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ ᑲᑕ ᐃᑖᐗᒃ, ᓀᔥᑕ ᑲᑕ ᐙᐸᑎᓕᐌᐗᒃ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ, ᑫ ᐅᒋ ᐙᔦᔑᐋᒋᒃ ᐋᐳᒋᑲ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᓘᒃ 2:1

ᑮ ᐃᑭᓐ ᒫᑲ ᒣᒀᒡ ᐊᓂᐃ ᐁ ᑭᔑᑳᑭ, ᓯᓴᕐ ᐊᑲᔅᑕᔅ ᑮ ᐃᑕᔓᐌᐤ ᑭᒋ ᒪᓯᓇᐃᑳᑌᓕᑭ ᒥᓯᐌ ᐊᐌᓕᐗ ᐅᑦ ᐃᔑᓂᑳᓱᐎᒥᓕᐗ᙮

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:8

ᓂᔥᑕᒻ, ᓂ ᓇᓈᔅᑯᒪᐤ ᓂ ᑭᒋᒪᓂᑐᒻ ᐎᓚ ᐅᒋ ᒋᓴᔅ ᙭ ᒥᓯᐌ ᑳ ᐃᑕᔑᔦᒃ ᐅᒋ, ᑭ ᑖᐺᔦᓕᑕᒧᐎᓂᐗᐤ ᐁ ᐋᓕᒧᒋᑳᑌᒃ ᒥᓯᐌ ᐊᔅᑮᒃ᙮

ᓂᔓ ᑌᓴᓗᓂᔭᓇ 2:9

ᐊᓇ ᐅᑎ ᑫ ᑕᑯᔑᒃ ᐁ ᓇᔅᐱᑕᐙᑦ ᓭᑕᓇ ᐁ ᐊᑑᔅᑫᓕᒋ, ᒥᓯᐌ ᑲᔥᑭᐅᐎᓂᒃ, ᓀᔥᑕ ᑭᔅᑭᓄᐙᒋᒋᑲᓂᒃ, ᓀᔥᑕ ᑭᓛᔅᑭᐎ ᒫᒪᔅᑳᒋ ᐊᑑᔅᑫᐎᓂᒃ,

ᓂᔥᑕᒻ ᑎᒧᑎ 4:1

ᐊᒑᒃ ᒫᑲ ᐸᔭᑌ ᐃᑗᐤ, ᒫᒋᒡ ᐊᑎ ᑳ ᑭᔑᑳᑭ ᐋᑎᑦ ᑲᑕ ᓇᑲᑕᒶᒃ ᑖᐺᔦᓕᑕᒧᐎᓂᓕᐤ, ᐁ ᐱᔑᒋᐋᒋᒃ ᑲᑳᔦᓕᓯᐃᐌᐎ ᐊᒑᑾ, ᓀᔥᑕ ᐅ ᑭᔅᑭᓄᐊᒫᑫᐎᓂᓕᐤ ᒪᒋᒪᓂᑐᐗ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:15

ᐅᒪ ᑲᑫᑕᐌᓕᑕᒧᐎᓐ ᓇᒪᐎᓚ ᐃᔥᐱᒥᒃ ᐅᒋ ᓛᔑᐸᓕᐤ, ᒫᑲ ᐊᔅᑭᐗᓐ, ᐎᔮᓯᐗᓐ, ᒪᒋᒪᓂᑐᐗᓐ᙮

ᓂᔥᑕᒻ ᒑᓐ 5:19

ᑭ ᑭᔅᑫᓕᑌᓈᓇᐤ ᒫᑲ ᐁ ᑎᐯᓕᒥᑕᒃ ᑭᒋᒪᓂᑐ, ᓀᔥᑕ ᒥᓯᐌ ᐊᔅᑭ ᐁ ᐱᒥᑎᒃ ᒪᒑᑎᓯᐎᓂᒃ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 13:3

ᓂ ᑮ ᐙᐸᑕᒸᓐ ᒫᑲ ᐯᔭᒃ ᐅᔅᑎᒀᓐ ᑖᐱᔅᑯᒡ ᐁ ᓂᐸᑖᓂᐗᓂᓕᒃ ᓂᐱᐎᓂᒃ ᐃᔑ; ᐁ ᓂᐱᐎᓂ ᒥᔣᑲᓂᐎᑦ ᒫᑲ ᑮ ᒥᓇᐙᒋᑖᓂᐗᓂᓕᐤ: ᒥᓯᐌ ᒫᑲ ᐊᔅᑮᒃ ᑳ ᐃᑖᒋᒃ ᑮ ᒫᒪᔅᑳᑌᓕᒣᐗᒃ ᐊᓂᐃ ᐊᐌᓯᓴ᙮

ᑭᔅᑫᓕᑖᑯᑖᑫᐎᓐ 16:16

ᑮ ᒪᐗᒋᐁᐤ ᒫᑲ ᐯᔭᑾᓄᒃ, ᐦᐃᑉᕉ ᐃᔑᑭᔗᐎᓂᒃ ᐋᕐᒪᑫᑕᓐ ᑳ ᐃᔑᓂᑳᑌᒃ᙮

ᑭᔅᑫᓕᑖᑯᑖᑫᐎᓐ 16:7

ᓂ ᑮ ᐯᑕᐗᐤ ᒫᑲ ᑯᑕᒃ ᐸᑭᒋᑲᓈᐱᔅᑯᒃ ᐁ ᐅᒋ ᐃᑗᑦ, ᐁᑯᔑ ᑖᐺ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔪᑳᑎᓯᔭᓐ, ᑖᐺᒪᑲᓋ ᓀᔥᑕ ᒀᔭᔅᑭᑖᑎᓯᒪᑲᓋ ᑭ ᑎᐹᔅᑯᓂᑫᐎᓇ᙮

ᑭᔅᑫᓕᑖᑯᑖᑫᐎᓐ 17:14

ᐅᑯ ᑲᑕ ᓇᑐᐸᓖᔅᑕᐌᐗᒃ ᒫᓂᔥᒑᓂᔑᔕ, ᑲᑕ ᔖᑯᒋᐃᑯᐗᒃ ᒫᑲ ᒫᓂᔥᒑᓂᔑᔕ; ᐌᓴ ᐎᓚ ᑎᐯᓕᒣᐤ ᐅᑎᐯᓕᒋᑫᐗ, ᓀᔥᑕ ᐅ ᑭᒋᐅᑭᒫᒥᐙᐗ ᑭᒋᐅᑭᒫᐗᒃ:

ᑭᔅᑫᓕᑖᑯᑖᑫᐎᓐ 20:8

ᑲᑕ ᐗᓚᐎᐤ ᒫᑲ ᑭᒋ ᐙᔦᔑᐋᑦ ᑳ ᑕᑐᔅᑳᓀᓯᓕᒋ ᐃᓕᓕᐗ ᐁ ᓀᐗᐤ ᑭᑫᔮᑭ ᐊᔅᑮᒃ, ᑲᒃ ᓀᔥᑕ ᒣᑲᒃ, ᑭᒋ ᒪᐗᒋᐋᑦ ᑭᒋ ᓇᑐᐸᓕᓕᒋ; ᐃᑕᓯᓕᐗ ᒫᑲ ᐃᔥᐱᔥ ᓓᑲᐤ ᑭᒋᑲᒦᒃ᙮

ᑭᔅᑫᓕᑖᑯᑖᑫᐎᓐ 3:10

ᐁ ᑮ ᑲᓇᐌᓕᑕᒪᓐ ᓂ ᔑᐱᓚᐌᓯᐎᓂ ᐋᔭᒥᐎᓐ, ᓂᓚ ᓀᔥᑕ ᑭ ᑳ ᑲᓇᐌᓕᒥᑎᓐ ᐃᔅᐱ ᐅᑎᒋᐸᓕᑫ ᑭᒋ ᑲᑴᒋᐃᐌᐎᓂᐗᒃ, ᑫ ᐯᒋ ᐱᒥᐸᓕᒃ ᒥᓯᐌ ᐊᔅᑮᒃ, ᑭᒋ ᑲᑴᒋᐃᑯᒋᒃ ᐊᓂᑭ ᐊᔅᑮᒃ ᑳ ᑕᔑᑫᒋᒃ᙮

ᑭᔅᑫᓕᑖᑯᑖᑫᐎᓐ 6:17

ᐌᓴ ᐅ ᑭᒋ ᐋᑯᓚᐌᓯᐎᓂ ᑯᔑᑳᒻ ᐋᔕᔾ ᐅᑎᒋᐸᓕᓕᐤ; ᐊᐌᓇ ᒫᑲ ᑫ ᑲᔥᑭᑖᑦ ᑭᒋ ᓂᐸᐎᑦ?