ᑭᔅᑫᓕᑖᑯᑖᑫᐎᓐ 16:13 - ᐅᔅᑭ ᑎᔅᑌᒥᓐᑦ

¹³ ᓂ ᑮ ᐙᐸᒫᐗᒃ ᒫᑲ ᓂᔅᑐ ᑳ ᐎᓕᐱᑖᑎᓯᒋᒃ ᐊᒑᑾᒃ ᑖᐱᔅᑯᒡ ᐊᓕᑭᔕᒃ ᐁ ᐯᒋ ᐙᓚᐎᒋᒃ ᒥᔑᑭᓀᐱᒃ ᐅᑐᓂᒃ, ᓀᔥᑕ ᐅᑐᓂᒃ ᐊᓇ ᐊᐌᓯᔅ, ᓀᔥᑕ ᐅᑐᓂᒃ ᐊᓇ ᓇᔅᐹᒡ ᐅᑭᔅᑭᐙᐃᑫᐤ᙮

ᑭᔅᑫᓕᑖᑯᑖᑫᐎᓐ 16:13 Iomraidhean Croise

ᐅᐸᓓᑭᔅ ᒫᑎᐤ 7:15

ᔮᒀᒥᔅᑖᑯᒃ ᓇᔅᐹᒡ ᐅᑭᔅᑭᐙᐃᑫᐗᒃ ᑳ ᐯᒋ ᓈᑎᑖᑾᒃ ᒫᓂᔥᒑᓂᔑᒃ ᑳ ᐃᔑᐅᒋᒃ, ᐊᑖᒥᒃ ᒫᑲ ᒪᐃᑲᓇᐗᒃ ᑳ ᐅᑳᔑᑭᒥᒋᒃ᙮

ᑭᔅᑫᓕᑖᑯᑖᑫᐎᓐ 16:14

ᐌᓴ ᒪᒋᒪᓂᑐᐎ ᐊᒑᑯᐎᐗᒃ, ᐁ ᒫᒪᔅᑳᒋ ᐃᔑᒋᑫᒋᒃ, ᑳ ᓈᑖᒋᒃ ᑭᒋᐅᑭᒪᐗ ᐅᑕ ᐊᔅᑮᒃ ᓀᔥᑕ ᒥᓯᐌ ᐁᔅᐱᑕᔅᑲᒥᑳᒃ, ᑭᒋ ᒪᐗᒋᐋᒋᒃ ᑭᒋ ᓇᑐᐸᓕᒋᒃ ᒣᑾᒡ ᐅ ᑭᒋ ᑭᔑᑳᒻ ᑭᒋᒪᓂᑐ ᒥᓯᐌ ᓯᔪᑳᑎᓰᑦ᙮

ᑭᔅᑫᓕᑖᑯᑖᑫᐎᓐ 18:2

ᐁᓕᑯᒃ ᒫᑲ ᑮ ᑌᐺᐤ ᐁ ᑭᔗᐌᑦ, ᐁ ᐃᑗᑦ, ᐹᐱᓚᓐ ᑳ ᑭᒋᐃᑌᓕᑖᑾᒃ ᐸᑭᑎᓐ, ᐸᑭᑎᓐ, ᐁᑯᑕ ᒫᑲ ᐅᑦ ᐃᑖᐎᓂᐙᒃ ᒪᒋᒪᓂᑐᐗᒃ, ᓀᔥᑕ ᐃᑕ ᐁ ᑕᔑᑫᑦ ᒥᓯᐌ ᑕᑐ ᒪᒋ ᐊᒑᒃ, ᓀᔥᑕ ᐁ ᐃᔑ ᐎᑭᑦ ᒥᓯᐌ ᑕᑐ ᑳ ᐎᓂᓯᑦ ᓀᔥᑕ ᑳ ᐸᒀᑎᑯᓯᑦ ᐱᓓᔑᔥ᙮

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮