ᑭᔅᑫᓕᑖᑯᑖᑫᐎᓐ 16:10 - ᐅᔅᑭ ᑎᔅᑌᒥᓐᑦ

¹⁰ ᐊᓇ ᓂᔮᓕᓪ ᐁᓐᒐᓪ ᒫᑲ ᐅᑦ ᐅᓛᑲᓂᔕ ᐅ ᑌᑕᐱᐎᓂᓕᒃ ᐊᓂᐃ ᐊᐌᓯᓴ ᑮ ᐃᔑ ᓯᑭᓇᒻ; ᐅᑦ ᐅᑭᒫᐎᐎᓐ ᒫᑲ ᑮ ᓵᑲᔅᑭᓀᓕᐤ ᐁ ᐗᓂᑎᐱᔅᑳᓕᒃ; ᐅᑌᓚᓕᐙᐗ ᒫᑲ ᑮ ᒫᒫᑯᑕᒶᒃ ᑳ ᐃᔅᐱᒋ ᐎᓴᑫᓕᑕᑭᒃ,

ᑭᔅᑫᓕᑖᑯᑖᑫᐎᓐ 16:10 Iomraidhean Croise

ᐅᐸᓓᑭᔅ ᒫᑎᐤ 13:42

ᑲᑕ ᐃᔑ ᐌᐱᓀᐗᒃ ᒫᑲ ᐃᔥᑯᑌᐎᑲᒥᑯᒃ: ᐁᑯᑕ ᑫ ᐃᑕᑾᒃ ᒫᑐᐎᓐ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᒫᑎᐤ 13:50

ᐃᔥᑯᑌᐎᑲᒥᑯᒃ ᒫᑲ ᑲᑕ ᐃᔑ ᐌᐱᓀᐗᒃ: ᐁᑯᑕ ᑫ ᐃᑕᑾᒃ ᒫᑐᐎᓐ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᒫᑎᐤ 22:13

ᐁᑯ ᑭᒋᐅᑭᒪᐤ ᐁᑖᑦ ᐊᑑᔅᑫᓛᑲᓇ, ᒫᒫᒋᑯᐱᑎᒃ ᐅᒋᒋᒃ ᓀᔥᑕ ᐅᓯᑎᒃ, ᑭᑐᑕᐃᒃ ᒫᑲ, ᐌᐱᓂᒃ ᒫᑲ ᐗᓚᐎᑎᒥᒃ ᐁ ᐃᔑ ᐗᓂᑎᐱᔅᑳᓕᒃ: ᐁᑯᑕ ᑫ ᐃᑕᑾᒃ ᒫᑐᐎᓐ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᒫᑎᐤ 24:51

ᑲᑕ ᑮᔥᑭᔓᑯ ᒫᑲ, ᓀᔥᑕ ᑲᑕ ᐃᑎᔕᐅᑯ ᒫᑲ ᑭᒋ ᐎᒉᐙᑦ ᐅᑕᔭᒥᐁᑳᓱᐗ; ᐁᑯᑕ ᑫ ᐃᑕᑾᒃ ᒫᑐᐎᓐ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᒫᑎᐤ 8:12

ᒫᑲ ᐊᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐊᓂᐁᓕᐤ ᐅᑭᒪᐎᐎᓂᓕᐤ, ᑲᑕ ᐗᓚᐎᐌᐱᓇᐗᒃ ᐊᓐᑕ ᐁ ᐃᔑ ᐗᓂᑎᐱᔅᑳᓕᒃ: ᐁᑯᑕ ᑫ ᐃᑕᑾᒃ ᒫᑐᐎᒃ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᓘᒃ 13:28

ᐁᑯ ᑫ ᐃᑕᑾᒃ ᒫᑐᐎᓐ, ᓀᔥᑕ ᐁ ᒫᑗᐋᐱᑌᔑᓂᓈᓂᐗᒃ, ᐃᔅᐱ ᐙᐸᒣᑾᐌ ᐁᑉᕃᐋᒻ, ᓀᔥᑕ ᐋᐃᓯᒃ, ᓀᔥᑕ ᒉᑲᑉ, ᓀᔥᑕ ᒥᓯᐌ ᐅᑭᔅᑭᐙᐃᑫᐗᒃ, ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᒃ, ᓀᔥᑕ ᑭᓚᐗᐤ ᑫᒋᐙᒃ ᐁ ᐗᓚᐎᑎᔑᓂᑲᐎᔦᒃ᙮

ᓂᔥᑕᒻ ᐱᑕᕐ 2:17

ᑭᔅᑌᓕᒥᑯᒃ ᒥᓯᐌ ᐃᓕᓕᐗᒃ᙮ ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ᙮ ᓇᓂᒌᔅᑖᒃ ᑭᒋᒪᓂᑐ᙮ ᑭᔅᑌᓕᒥᒃ ᑭᒋᐅᑭᒪᐤ᙮

ᑭᔅᑫᓕᑖᑯᑖᑫᐎᓐ 11:10

ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒥᓚᐙᑕᒶᒃ, ᓀᔥᑕ ᑲᑕ ᒧᒋᑫᓕᑕᒶᒃ, ᓀᔥᑕ ᒥᓕᐌᐎᓇ ᑲᑕ ᐃᔑᑎᔕᐊᒫᑐᐗᒃ; ᐌᓴ ᐅᑯ ᓂᔓ ᐅᑭᔅᑭᐙᐃᑫᐗᒃ ᑮ ᑲᑾᑕᑭᐁᐗᒃ ᐊᓂᐃ ᐊᔅᑮᒃ ᑳ ᑕᔑᑫᓕᒋ᙮

ᑭᔅᑫᓕᑖᑯᑖᑫᐎᓐ 11:2

ᒫᑲ ᐊᓂᒪ ᒪᐗᒋᐃᑐᐎᑲᒥᒃ ᑳ ᐃᑕᑾᒃ ᐗᓚᐎᑎᒥᒃ ᑭᒋᐋᔭᒥᐁᐎᑲᒥᑯᒃ ᑭ ᑳ ᒥᔮᔥᑫᓐ, ᓇᒪ ᒫᑲ ᑭ ᑳ ᑎᐸᐁᓐ; ᐌᓴ ᑮ ᒥᓛᐗᒃ ᒉᓐᑖᐃᓚᒃ: ᐸᓓᑭ ᐃᑖᐎᓐ ᒫᑲ ᑲᑕ ᑕᑕᑯᔥᑳᑕᒶᒃ ᐃᔥᐱᔥ ᓀᒥᑕᓇ ᓂᔓᔖᑉ ᓀᔥᑕ ᐱᓯᒶ᙮

ᑭᔅᑫᓕᑖᑯᑖᑫᐎᓐ 11:8

ᐎᔮᐗᐗ ᒫᑲ ᑲᑕ ᐱᒥᑎᓂᓕᐗ ᐱᒧᑌᔅᑲᓈᒃ ᑭᒋ ᐃᑖᐎᓂᒃ, ᑳ ᐊᒑᑯᐎ ᐃᔑᓂᑳᑌᒃ ᓴᑕᒻ, ᓀᔥᑕ ᐃᒋᑉᑦ, ᐃᑕ ᓀᔥᑕ ᑳ ᐃᔑ ᒋᔅᑖᔅᑾᐙᑲᓂᐎᑦ ᑭ ᑎᐯᓕᒋᑫᒥᓇᐤ᙮

ᑭᔅᑫᓕᑖᑯᑖᑫᐎᓐ 17:17

ᐌᓴ ᑭᒋᒪᓂᑐ ᑮ ᐊᔅᑖᐌᐤ ᐅᑌᐃᓕᒃ ᑭᒋ ᑎᐱᑐᑕᒥᓕᒋ ᐅᑦ ᐃᑌᓕᑕᒧᐎᓐ, ᓀᔥᑕ ᑖᐱᔅᑯᒡ ᑭᒋ ᐃᑌᓕᑕᒥᓕᒋ ᑭᒋ ᒥᓛᓕᒋ ᐊᓂᐃ ᐊᐌᓯᓴ ᐅᑦ ᐅᑭᒫᐎᐎᓂᐗᐤ, ᐹᑎᒫ ᑎᐱᐸᓕᓕᑳᐌ ᐅᑦ ᐋᔭᒥᐎᓇ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 17:9

ᐅᑕ ᐃᑕᑾᓐ ᒥᑐᓀᓕᒋᑲᓐ ᑳ ᑲᑫᑕᐌᓕᑕᒧᒪᑲᒃ᙮ ᐊᓂᐃ ᓃᔀᔅ ᒥᔅᑎᑾᓇ ᐁᐗᒀᓂᐃ ᓂᔂᔅ ᐗᒋᔭ, ᐊᓂᐃ ᑳ ᑌᑕᐱᑦ ᐃᔅᑴᐤ᙮

ᑭᔅᑫᓕᑖᑯᑖᑫᐎᓐ 18:2

ᐁᓕᑯᒃ ᒫᑲ ᑮ ᑌᐺᐤ ᐁ ᑭᔗᐌᑦ, ᐁ ᐃᑗᑦ, ᐹᐱᓚᓐ ᑳ ᑭᒋᐃᑌᓕᑖᑾᒃ ᐸᑭᑎᓐ, ᐸᑭᑎᓐ, ᐁᑯᑕ ᒫᑲ ᐅᑦ ᐃᑖᐎᓂᐙᒃ ᒪᒋᒪᓂᑐᐗᒃ, ᓀᔥᑕ ᐃᑕ ᐁ ᑕᔑᑫᑦ ᒥᓯᐌ ᑕᑐ ᒪᒋ ᐊᒑᒃ, ᓀᔥᑕ ᐁ ᐃᔑ ᐎᑭᑦ ᒥᓯᐌ ᑕᑐ ᑳ ᐎᓂᓯᑦ ᓀᔥᑕ ᑳ ᐸᒀᑎᑯᓯᑦ ᐱᓓᔑᔥ᙮

ᑭᔅᑫᓕᑖᑯᑖᑫᐎᓐ 18:21

ᓯᔪᑳᑎᓰᑦ ᐁᓐᒐᓪ ᒫᑲ ᑮ ᐅᑎᓀᐤ ᐊᓯᓂᔭ ᑖᐱᔅᑯᒡ ᑭᒋ ᐱᓂᐳᒋᑲᓇᓯᓂᒃ ᐁ ᐃᔑᓈᑯᓯᓕᒋ, ᑭᒋᑲᒥᒃ ᒫᑲ ᑮ ᐃᔑ ᐌᐱᓀᐤ, ᐁ ᐃᑗᑦ, ᐅᒪ ᐃᔑ ᑭᒋᑭᓯᐙᓯᐎᓂᒃ ᐊᓂᒪ ᑭᒋ ᐃᑖᐎᓐ ᐹᐱᓚᓐ ᑲᑕ ᓂᒋᐌᐱᓂᑲᑎᐤ, ᓇᒪᐙᔅᑳᑦ ᒥᓇ ᑲᑕ ᒥᔅᑭᑳᑌᐤ ᒫᑲ᙮

ᑭᔅᑫᓕᑖᑯᑖᑫᐎᓐ 18:23

ᓀᔥᑕ ᐁ ᐙᔅᑌᒃ ᐙᔅᑌᓇᒫᑲᓐ ᓇᒪᐎᔅᑳᑦ ᒥᓇ ᐙᔅᑌᐤ ᐃᑕ ᐁ ᐃᑖᔭᓐ; ᓀᔥᑕ ᐅ ᐯᑖᑯᓯᐎᓐ ᐅᔥᑭᓈᐯᐙᓐ ᓀᔥᑕ ᐅᔥᑭᔅᑴᐙᓐ ᓇᒪᐐᔅᑳᑦ ᒥᓇ ᑲᑕ ᓄᑖᑾᓂᓕᐤ ᐃᑕ ᐁ ᐃᑖᔭᓐ; ᐌᓴ ᑭᑦ ᐊᑖᐌᐎᓕᓕᒪᒃ ᑭ ᑭᒋᐃᓕᓕᐎᐗᒃ ᐅᑕ ᐊᔅᑮᒃ; ᐌᓴ ᑭ ᒥᑌᐃᐎᓇ ᑮ ᐅᒋ ᐙᔦᔑᐋᐗᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 8:12

ᐊᓇ ᓀᐤ ᐁᓐᒐᓚ ᒫᑲ ᑮ ᑭᑐᑕᐤ, ᓂᔅᑡᐤ ᐃᓕᑯᒃ ᐱᓯᒻ ᒫᑲ ᑮ ᐸᑲᒪᐗᐤ, ᓀᔥᑕ ᓂᔅᑡᐤ ᐃᓕᑯᒃ ᑎᐱᔅᑭᐱᓯᒻ, ᓀᔥᑕ ᓂᔅᑡᐤ ᐃᓕᑯᒃ ᐁ ᐃᑕᓯᒋᒃ ᐊᒐᑯᔑᒃ; ᓂᔅᑡᐤ ᐃᓕᑯᒃ ᒫᑳ ᑮ ᐗᓂᑎᐱᔅᑭᓯᐗᒃ; ᐁ ᑭᔑᑳᒃ ᒫᑲ ᓂᔅᑡᐤ ᐃᓕᑯᒃ ᓇᒪᐎᓚ ᑮ ᐙᔅᑌᐤ, ᐁᑯ ᑖᐱᔅᑯᒡ ᓀᔥᑕ ᑳ ᐃᔑᓈᑾᒃ ᐁ ᑎᐱᔅᑳᒃ᙮

ᑭᔅᑫᓕᑖᑯᑖᑫᐎᓐ 9:2

ᑮ ᐹᔅᑭᑌᓇᒻ ᒫᑲ ᐁᑳ ᑳ ᒥᓴᔅᑫᔮᓕᒃ ᐙᑎᑳᓂᓕᐤ; ᐙᑎᑳᓂᒃ ᒫᑲ ᑮ ᐅᒋ ᐅᐱᐸᓕᐤ ᐁ ᐱᐳᑌᒃ, ᑖᐱᔅᑯᒡ ᐁ ᐃᔑ ᐱᐳᑌᒃ ᑭᒋ ᐃᔥᑯᑌᐎᑲᒥᒃ; ᐱᓯᒻ ᒫᑲ ᓀᔥᑕ ᒧᔐᑭᔑᑯᒃ ᑮ ᐗᓂᑎᐱᔅᑲᐤ, ᐁ ᐃᔅᐱᒋ ᑲᔥᑳᐸᑌᒃ ᐙᑎᑳᓐ ᐅᒋ᙮