ᑭᔅᑫᓕᑖᑯᑖᑫᐎᓐ 14:7 - ᐅᔅᑭ ᑎᔅᑌᒥᓐᑦ

⁷ ᐁ ᐃᑗᑦ, ᐁ ᑭᔗᐌᑦ, ᓇᓂᒋᔅᑕᐎᒃ ᑭᒋᒪᓂᑐ, ᑭᔅᑖᒋᒥᒃ ᒫᑲ; ᐌᓴ ᑎᐹᔅᑯᓂᑫᐎᓂ ᑎᐹᔨᑲᓐ ᐋᔕᔾ ᐅᑎᒋᐸᓕᐤ: ᓇᐗᑮᔅᑕᐎᒃ ᒫᑲ ᐊᓇ ᑳ ᑭ ᐅᔑᑖᑦ ᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒧᔅᑭᒋᐗᓂᐯᑾ᙮

ᑭᔅᑫᓕᑖᑯᑖᑫᐎᓐ 14:7 Iomraidhean Croise

ᐅᐸᓓᑭᔅ ᒫᑎᐤ 25:13

ᐁᐗᑯ ᐅᒋ ᐊᔕᐙᐱᒃ, ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᐊᓂᒪ ᐁ ᑭᔑᑳᒃ ᓀᔥᑕᐱᑯ ᑫᑯ ᑎᐹᔨᑲᓐ ᐱᓯᒧᑳᓂᒃ, ᒣᒀᒡ ᑫ ᐯᒋ ᐃᑐᑌᑦ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᓘᒃ 17:18

ᓇᒪᐎᓚ ᒥᔅᑲᐙᐗᒃ ᐁ ᑭᐌᒋᒃ ᑭᒋ ᑭᔅᑖᒋᒫᒋᒃ ᑭᒋᒪᓂᑐᐗ, ᐱᑯ ᐊᐗ ᒫᓐᑌᐤ᙮

ᐊᐸᔅᑕᓚᒃ 14:15

ᐁ ᐃᑗᒋᒃ ᒫᑲ, ᐅᑭᒫᑐᒃ, ᑖᓀᑭ ᐌᒋ ᑐᑕᒣᒃ ᐅᐅ ᑫᒀᓇ? ᓂᓚᓈᓐ ᓀᔥᑕ ᓂᑦ ᐃᓕᓕᐎᓈᓐ ᐁ ᐃᔑᓈᑯᓯᔮᒃ ᑖᐱᔅᑯᒡ ᑭᓚᐙᐤ, ᑭ ᑲᑫᔅᑭᒥᑎᓈᓐ ᒫᑲ, ᑭᒋ ᑮ ᓇᑲᑕᒣᒃ ᐅᐅ ᐸᑾᓐᑕᐤ ᑫᒀᓇ, ᑭᒋ ᑴᔅᑭᔅᑕᐌᒃ ᑳ ᐱᒫᑎᓯᑦ ᑭᒋᒪᓂᑐ, ᑳ ᑮ ᐅᔑᑖᑦ ᑭᒋᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒥᓯᐌ ᑫᒀᓇ ᐊᓐᑕ ᑳ ᐃᑕᑾᓂᓕᑭ;

ᓂᔥᑕᒻ ᐱᑕᕐ 4:7

ᒫᑲ ᐯᔓᓈᑾᒃ ᑭᒋ ᐃᔥᒀᐸᓕᑭ ᒥᓯᐌ ᑫᒀᓇ: ᐁᐗᑯ ᐌᒋ ᐯᑳᒡ ᐃᑖᑎᓰᒃ, ᐊᔕᐙᐱᒃ ᒫᑲ ᐁ ᐋᔭᒥᐊᔦᒃ᙮

ᑭᔅᑫᓕᑖᑯᑖᑫᐎᓐ 11:13

ᐁᐗᑯ ᑫᔮᐸᒡ ᑎᐹᔨᑲᓂᒃ ᐱᓯᒧᑳᓂᒃ ᑮ ᑭᒋ ᑶᑾᓐ, ᒥᑖᑡᐤ ᐃᓕᑯᒃ ᐃᑖᐎᓐ ᒫᑲ ᑮ ᐸᑭᑎᓐ, ᐊᓐᑕ ᒫᑲ ᐁ ᑶᑾᒃ ᑮ ᓂᐸᐋᐗᒃ ᓂᔂᔀᐤ ᑭᒋᒥᑖᑐᒥᑕᓇᐤ ᐃᓕᓕᐗᒃ: ᑯᑕᑭᔭᒃ ᒫᑲ ᑮ ᓭᑭᐋᐗᒃ, ᑮ ᒫᒥᒋᒣᐗᒃ ᒫᑲ ᑭᒋᒪᓂᑐᐗ ᑭᒋᑭᔑᑯᒃ ᑳ ᐃᑖᓕᒋ᙮

ᑭᔅᑫᓕᑖᑯᑖᑫᐎᓐ 11:18

ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᒫᑲ ᑮ ᑭᓯᐙᓯᐗᒃ, ᑭᑦ ᐋᑯᓚᐌᓯᐎᓐ ᓀᔥᑕ ᐅᑎᒋᐸᓕᐤ, ᓀᔥᑕ ᐅᑎᒋᐸᓕᓕᐤ ᐅᓂᐱᐗᒃ ᑭᒋ ᑎᐹᔅᑯᓈᑲᓂᐎᒋᒃ, ᓀᔥᑕ ᑭᒋ ᑎᐸᐊᒪᐗᒋᒃ ᑭᑦ ᐊᑑᔅᑫᓛᑲᓇᒃ ᐅᑭᔅᑭᐙᐃᑫᐗᒃ, ᓀᔥᑕ ᐅᐸᓓᑭᓴᒃ, ᐊᓂᑭ ᓀᔥᑕ ᑳ ᑯᔅᐸᓀᓕᑕᑭᒃ ᑭᑦ ᐃᔑᓂᑳᓱᐎᓂᓕᐤ, ᐁ ᐋᐱᔅᑌᓕᑖᑯᓯᒋᒃ ᓀᔥᑕ ᐁ ᑭᔅᑎᓯᒋᒃ; ᓀᔥᑕ ᑭᒋ ᓂᔑᐗᓈᒋᐊᒋᒃ ᐊᓂᑭ ᑳ ᓂᔑᐗᓈᒋᑖᒋᒃ ᐊᔅᑭᓕᐤ᙮

ᑭᔅᑫᓕᑖᑯᑖᑫᐎᓐ 15:4

ᐊᐌᓇ ᐁᑳ ᑫ ᓇᓂᒌᔅᑖᔉ, ᐅ ᑌᐯᓕᒋᑫᔭᓐ, ᓀᔥᑕ ᑭᔅᑖᒋᑕᒃ ᑭᑦ ᐃᔑᓂᑳᓱᐎᓂᓕᐤ? ᐌᓴ ᑭᓚ ᐱᑯ ᑮ ᐸᓓᑭᓯᓐ: ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᑳ ᐯᒋ ᓇᐗᑮᔅᑖᑾᒃ; ᐌᓴ ᑮ ᑎᐹᔅᑯᓂᑫᐎᓇ ᐹᔭᑌ ᓄᑯᑖᓂᐗᓋ᙮

ᑭᔅᑫᓕᑖᑯᑖᑫᐎᓐ 16:9

ᐃᓕᓕᐗᒃ ᒫᑲ ᑮ ᐃᔅᒀᓱᐗᒃ ᓈᔅᐱᒡ ᐁ ᑭᔑᑌᓕᒃ, ᓀᔥᑕ ᑮ ᐹᔅᑕᒧᑕᒬᐗᒃ ᑭᒋᒪᓂᑐᐗ ᐅᑦ ᐃᔑᓂᑳᓱᐎᓂᓕᐤ, ᐊᓇ ᑳ ᑎᐯᓕᑕᒃ ᐅᐅ ᐋᑯᐃᑖᔅᐱᓀᐎᓇ: ᓇᒪᐎᓚ ᒫᑲ ᑮ ᒥᒋᓚᐌᔦᓕᑕᒶᒃ ᑭᒋ ᒫᒥᒋᒫᒋᒃ᙮

ᑭᔅᑫᓕᑖᑯᑖᑫᐎᓐ 18:10

ᐗᓚᐤ ᐁ ᓂᐸᐎᒋᒃ, ᐁ ᐃᔅᐱᒋ ᑯᔅᑕᒸᒋᒃ ᐅ ᑲᒀᑕᑭᓯᐎᓂᓕᐤ, ᐁ ᐃᑗᒋᒃ, ᒀᒋᔅᑕᒃ, ᒀᒋᔅᑕᒃ, ᐊᓂᒪ ᑭᒋ ᐃᑖᐎᓐ ᐹᐱᓚᓐ, ᐊᓂᒪ ᑭᒋᐃᑌᓕᑖᑾᒃ ᐃᑖᐎᓐ! ᐌᓴ ᒣᒀᒡ ᐯᔭᒃ ᑎᐸᐃᑲᓐ ᐱᓯᒧᑳᓂᒃ ᐅᑎᒋᐸᓕᐤ ᑭ ᑎᐹᔅᑯᓂᑯᓯᐎᓐ᙮

ᑭᔅᑫᓕᑖᑯᑖᑫᐎᓐ 18:17

ᐌᓴ ᐯᔭᒃ ᑎᐹᔨᑲᓐ ᐱᓯᒧᑳᓂᒃ ᐃᔥᐱᔥ ᐁᔅᐱᒋ ᑭᒋ ᒥᔕᑭᓯᐎᓇ ᑮ ᒫᒑᒪᑲᓋ᙮ ᓂᔥᑕ ᒥᓯᐌ ᑕᑐ ᓈᐱᒀᓄᑭᒪᐤ, ᓀᔥᑕ ᒥᓯᐌ ᑳ ᐎᒋᐃᐌᒋᒃ ᓈᐱᒀᓂᒃ, ᓀᔥᑕ ᐅᐹᐸᒫᔑᐗᒃ, ᓀᔥᑕ ᒥᓯᐌ ᑳ ᐊᑖᐌᒋᒃ ᑭᒋᑲᒦᒃ, ᐗᓚᐤ ᑮ ᓂᐸᐎᐙᒃ᙮

ᑭᔅᑫᓕᑖᑯᑖᑫᐎᓐ 18:19

ᒪᒋᑾᓛᔕ ᒫᑲ ᑮ ᐃᔑ ᐌᐱᓇᒶᔉ ᐅᔅᑎᒀᓂᐙᑳ, ᑮ ᑌᐺᐗᒃ ᒪᑲ, ᐁ ᒫᑐᒋᒃ ᓀᔥᑕ ᐁ ᑲᒀᑕᑭᑗᒧᒋᒃ, ᐁ ᐃᑗᒋᒃ, ᒀᒋᔅᑕᒃ, ᒀᒋᔅᑕᒃ, ᐊᓂᒪ ᑭᒋ ᐃᑖᐎᓐ, ᐁᑯᑕ ᑳ ᐃᔑ ᒥᔕᑭᐋᑲᓂᐎᒋᒃ ᒥᓯᐌ ᐊᓂᑭ ᑳ ᑮ ᐅᓈᐱᒀᓂᒋᒃ ᑭᒋᑲᒦᒃ, ᐁ ᐃᔅᐱᒋ ᐌᓗᑎᓯᓕᒋ ᐅᒋ! ᐌᓴ ᒣᒀᒡ ᐯᔭᒃ ᑎᐹᔨᑲᓐ ᐱᓯᒧᑳᓂᒃ ᑭᐗᔑᐊᐤ᙮

ᑭᔅᑫᓕᑖᑯᑖᑫᐎᓐ 19:5

ᐯᑖᑯᓯᐎᓐ ᒫᑲ ᐅᑭᒫᐗᐱᐎᓂᒃ, ᑭ ᐅᒋᐸᓕᐤ, ᐁ ᐃᑗᒪᑲᒃ, ᒫᒥᒋᒥᒃ ᑭ ᑭᒋᒪᓂᑐᒥᓇᐤ ᒥᓯᐌ ᑭᓚᐗᐤ ᐅᑦ ᐊᑑᔅᑫᓛᑲᓇ, ᑭᓚᐗᐤ ᓀᔥᑕ ᑳ ᓇᓂᒌᔅᑕᐌᒃ, ᑳ ᐋᐱᔑᔑᔑᔦᒃ ᓀᔥᑕ ᑳ ᒥᔑᑭᑎᔦᒃ᙮

ᑭᔅᑫᓕᑖᑯᑖᑫᐎᓐ 4:11

ᑮ ᑌᐸᑫᓕᑖᑯᓯᓐ, ᐅ ᑌᐯᓕᒋᑫᔭᓐ, ᑭᒋ ᒥᓕᑲᐎᔭᓐ ᒫᒥᒋᒥᑯᓯᐎᓈ ᓀᔥᑕ ᑭᔅᑖᒋᒥᑯᓯᐎᐤ ᓀᔥᑕ ᑲᔥᑭᐅᐎᓐ: ᐌᓴ ᑭ ᑮ ᐅᔑᑖᓐ ᒥᓯᐌ ᑫᒀᓇ, ᓀᔥᑕ ᐁ ᐃᔑ ᒥᓜᓕᑕᒪᓐ ᐅᒋ ᐃᑕᑾᓋ ᓀᔥᑕ ᑮ ᐅᔑᒋᑳᑌᐗ᙮

ᑭᔅᑫᓕᑖᑯᑖᑫᐎᓐ 4:9

ᐃᔅᐱ ᒫᑲ ᐅᑯ ᐅᐱᒫᑎᓴᒃ ᑮ ᒫᒥᒋᒫᒋᒃ ᓀᔥᑕ ᑭᔅᑖᒋᒫᒋᒃ ᓀᔥᑕ ᓇᓈᔅᑯᒫᒋᒃ ᐊᓂᐃ ᑳ ᐊᐱᓕᒋ ᐅᑭᒪᐗᐱᐎᓂᒃ, ᑳ ᐱᒫᑎᓯᓕᒋ ᑳᑭᑫ ᓀᔥᑕ ᑳᑭᑫ;

ᑭᔅᑫᓕᑖᑯᑖᑫᐎᓐ 8:10

ᐊᓇ ᓂᔅᑐ ᐁᓐᒐᓪ ᒫᑲ ᑮ ᑭᑐᑕᐤ, ᑭᒋ ᐊᒐᒃ ᒫᑲ ᑭᔑᑯᒃ ᑮ ᐅᒋ ᐸᑭᔑᓐ, ᐁ ᐸᓯᓱᑦ ᑖᐱᔅᑯᒡ ᐙᔅᑌᓇᒫᑲᓐ, ᑮ ᐸᑭᔑᓐ ᒫᑲ ᓂᔅᑡᐤ ᐃᓕᑯᒃ ᓯᐱᔭ, ᓀᔥᑕ ᐁ ᒫᒧᔅᑭᒋᐗᑭ ᓂᐱᔭ᙮