ᑭᔅᑫᓕᑖᑯᑖᑫᐎᓐ 14:4 - ᐅᔅᑭ ᑎᔅᑌᒥᓐᑦ

⁴ ᐅᑯ ᐁᐗᒀᓂᑭ ᐁᑳ ᑳ ᑮ ᐎᓂᐃᑯᒋᒃ ᐃᔅᑴᐗ; ᐌᓴ ᐅᔥᑭᓂᑭᐗᒃ; ᐅᑯ ᐁᐗᒀᓂᑭ ᑳ ᓄᔅᐱᓇᑖᒋᒃ ᒫᓂᔥᒑᓂᔑᔕ ᐱᑯ ᐃᑌ ᐁᑐᑌᓕᒋ᙮ ᐅᑯ ᑮ ᐅᒋ ᐱᒫᒋᐋᐗᒃ ᐃᓕᓕᓍᒃ, ᐁ ᐋᐎᓕᒋ ᓂᔥᑕᒻ ᐅ ᓂᑕᐎᑭᑖᑲᓇ ᑭᒋᒪᓂᑐ ᓀᔥᑕ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 14:4 Iomraidhean Croise

ᐅᐸᓓᑭᔅ ᒫᑎᐤ 19:12

ᐌᓴ ᐃᑖᐗᒃ ᐋᑎᑦ ᔫᓇᑲᒃ, ᐁ ᑮ ᐃᔑ ᓂᑖᐎᑭᒋᒃ ᐅᑳᐎᐙᐗ ᐅᔻᓕ ᐅᒋ; ᐃᑖᐗᒃ ᓀᔥᑕ ᐋᑎᑦ ᔫᓇᑲᒃ, ᐁ ᑮ ᐃᔑᐃᑯᒋᒃ ᐃᓕᓕᐗ; ᐃᑖᐗᒃ ᓀᔥᑕ ᔫᓇᑲᒃ ᐅᒋᑕᐤ ᐁ ᑮ ᐃᔑᐃᑎᓱᒋᒃ ᑭᒋᑭᔑᑳᐎ ᐅᑭᒫᐎᐎᓂᓕᐤ ᐅᒋ᙮ ᐊᓇ ᑳ ᑲᔥᑭᑖᑦ ᑭᒋ ᐅᑎᓇᒃ, ᐁᑯᔑ ᑲᑕ ᐅᑎᓇᒻ᙮

ᐅᐸᓓᑭᔅ ᒫᑎᐤ 25:1

ᐁᑯ ᑭᒋᑭᔑᑳᐎ ᐅᑭᒫᐎᐎᓐ ᑫ ᐃᑌᓕᑖᑾᒃ ᑖᐱᔅᑯᒡ ᒥᑖᑦ ᐅᔥᑭᓂᑭᔅᑴᐗᒃ ᑳ ᐅᑎᓇᑭᒃ ᐅ ᐙᔅᑌᓇᒫᑲᓂᐙᐗ, ᑳ ᓇᑕᐎ ᓇᑭᔥᑲᐙᒋᒃ ᐅᔥᑭᓈᐯᐙᓇ ᒫᑲ᙮

ᐅᐸᓓᑭᔅ ᒫᑎᐤ 8:19

ᐯᔭᒃ ᒫᑲ ᐅᒪᓯᓇᐃᑫᐗ ᑮ ᐯᒋ ᓈᑎᑯ, ᐁ ᐃᑎᑯᑦ, ᐅᑭᔅᑭᓄᐊᒫᑫᐤ, ᑭ ᑳ ᓄᔅᐱᓇᑎᑎᓐ ᐱᑯ ᐃᑕ ᑫ ᐃᑐᑌᐗᓂ᙮

ᐅᐸᓓᑭᔅ ᒑᓐ 10:27

ᓂ ᒫᓂᔥᒑᓂᔑᒪᒃ ᓇᑐᑕᒶᒃ ᓂ ᐯᑖᑯᓯᐎᓂᓕᐤ, ᓀᔥᑕ ᓂ ᑭᔅᑫᓕᒪᐗᒃ ᓂ ᓄᔅᐱᓈᑎᑾᒃ ᓀᔥᑕ᙮

ᐅᐸᓓᑭᔅ ᒑᓐ 12:26

ᑮᔥᐱᓐ ᐊᐌᓇ ᐁᑑᔅᑲᐎᑴ ᐁᑯᔑ ᓂ ᑳ ᓄᔅᐱᓇᑎᒃ; ᓀᔥᑕ ᐃᑕ ᐁ ᐃᑖᔮᓐ, ᐁᑯᑕ ᐊᓯᒋ ᓂᑦ ᐊᑑᔅᑫᓛᑲᓐ ᑫ ᐃᑖᑦ: ᑮᔥᐱᓐ ᐊᐌᓇ ᐁᑑᔅᑲᐎᑴ, ᐁᐗᒀᓇ ᑫ ᑭᔅᑌᓕᒥᑯᑦ ᓄᑖᐎᔭ᙮

ᐅᐸᓓᑭᔅ ᒑᓐ 13:37

ᐱᑕᕐ ᑮ ᐃᑌᐤ, ᑌᐯᓕᒋᑫᔭᓐ, ᑖᓀᑭ ᐌᒋ ᐁᑳ ᑭ ᓄᔅᐱᓈᑎᑖᓐ ᐊᓄᒡ? ᓂ ᑳ ᐱᒥᑎᑖᓐ ᓂ ᐱᒫᑎᓯᐎᓐ ᑭᓚ ᐅᒋ᙮

ᐅᐸᓓᑭᔅ ᒑᓐ 8:12

ᐁᑯ ᒋᓴᔅ ᒥᓇ ᐁᔭᒥᐋᑦ, ᐁ ᐃᑗᑦ, ᓂᓚ ᐁᐗᑯ ᑳ ᐅᒋ ᐋᔅᑌᒃ ᐊᔅᑭ: ᐊᓇ ᑳ ᓄᔅᐱᓇᔑᑦ ᓇᒪᐎᓚ ᑲᑕ ᐱᒧᑌᐤ ᐗᓂᑎᐱᔅᑭᓯᐎᓂᒃ, ᒫᑲ ᑲᑕ ᐊᔮᐤ ᐱᒫᑎᓯᐎᓂ ᐙᓭᔮᓯᐎᓂᓕᐤ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᓂᔥᑕᒻ ᑯᕆᓐᑎᐊᓇ 16:15

ᑭ ᓇᑕᐌᓕᑕᒫᑎᓇᐗᐤ, ᓂᒋᔖᓂᑐᒃ, ᑭ ᑭᔅᑫᓕᑌᓇᐗᐤ ᔅᑎᐸᓇᔅ ᑳ ᑐᑕᑫᑦ, ᐁᐗᒀᓂᑭ ᓂᑳᓐ ᑳ ᒥᓂᔑᐎᒋᒃ ᐊᑳᔭᐃᒃ, ᓀᔥᑕ ᐁ ᑮ ᐸᑭᑎᓂᑎᓱᒋᒃ ᑭᒋ ᐸᒦᔅᑕᐙᒋᒃ ᐅᐸᓓᑭᓴ,

ᓂᔥᑕᒻ ᑯᕆᓐᑎᐊᓇ 6:20

ᐌᓴ ᑭ ᑮ ᐅᑎᓂᑲᐎᓇᐗᐤ ᐁ ᑮ ᑎᐸᐅᑲᐎᔦᒃ: ᐁᐗᑯ ᐅᒋ ᑭᔅᑌᓕᒥᒃ ᑭᒋᒪᓂᑐ ᑭᔭᐎᐗᒃ, ᓀᔥᑕ ᑭᑦ ᐊᒑᑯᐙᒃ, ᑳ ᑎᐯᓕᑕᒃ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 7:28

ᒫᑲ ᑮᔥᐱᓐ ᐎᐎᔭᓀ, ᓇᒪᐎᓚ ᑭ ᑮ ᒪᒋᑐᑌᓐ; ᑮᔥᐱᓐ ᓀᔥᑕ ᐅᔥᑭᓂᑭᔅᑴᐤ ᐅ ᓈᐯᒥᑌ, ᓇᒪᐎᓚ ᑮ ᒪᒋᑐᑕᒻ᙮ ᐁᓕᐌᒃ ᒫᑲ ᐅᑯ ᑐᐎᑳᓇᒃ ᑲᑕ ᐋᔭᐗᒃ ᐊᓕᒥᓯᐎᓂᓕᐤ ᐃᔮᓯᐎᓂᒃ: ᒫᑲ ᑭ ᒪᓈᒋᐃᑎᓇᐗᐤ᙮

ᓂᔓ ᑯᕆᓐᑎᐊᓇ 11:2

ᐌᓴ ᑭ ᑲᑴᓕᑕᒫᑎᓇᐗᐤ ᒪᓂᑐᐎ ᑲᑴᓕᑕᒧᐎᓂᒃ; ᐌᓴ ᑭ ᑮ ᐸᑭᑎᓂᑎᓇᐗᐤ ᑭᒋ ᐎᑭᒣᒃ ᐯᔭᒃ ᑳ ᐅᑦ ᐃᔅᑴᐎᑦ, ᑭᒋ ᐸᑭᑎᓂᑕᑾᒃ ᑖᐱᔅᑯᒡ ᐯᓓᑭᓯᑦ ᐅᔥᑭᓂᑭᔅᑴᐤ ᙭ ᐅᒋᒋᒃ᙮

ᐃᐱᓯᔭᓇ 1:14

ᐁᐗᑯ ᑫᒋᓇᐅᐎᓐ ᑭᒋ ᐋᔮᔭᒃ ᑭ ᑎᐱᓚᐌᐎᓯᐎᓂᓇᐤ ᐱᓕᔥ ᑎᐸᐊᒫᑫᔅᒋᑳᑌᒃ ᐊᓂᒪ ᐌᑎᓂᑳᑌᒃ ᑎᐯᓕᑕᒧᐎᓐ, ᑫ ᐅᒋ ᒫᒥᒋᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ᙮

ᐃᐱᓯᔭᓇ 5:27

ᑭᒋ ᑮ ᐸᑭᑎᓇᒫᓱᑦ ᐁ ᑭᔅᑖᑎᓯᓕᒋ ᒫᒪᐎᐋᔭᒥᐊᐗ, ᐁᑳ ᐁ ᐸᐸᑌᐎᓯᓕᒋ, ᐁᑳ ᓀᔥᑕ ᐁ ᐅᓯᑭᓯᓕᒋ, ᐁᑳ ᓀᔥᑕ ᐁ ᐋᔮᓕᒋ ᐅᒪ ᑐᐎ ᑫᒀᓕᐤ; ᒫᑲ ᑭᒋ ᐸᓓᑭᓯᓕᒋ ᓀᔥᑕ ᐁᑳ ᑭᒋ ᒪᔅᑭᓯᓕᒋ᙮

ᓂᔥᑕᒻ ᑎᒧᑎ 4:3

ᐁ ᑭᑕᐊᒫᑫᒋᒃ ᑭᒋ ᐎᑭᑐᓈᓂᐗᒃ, ᓀᔥᑕ ᐁ ᔑᑭᑫᒧᒋᒃ ᐁᑳ ᑭᒋ ᒥᒋᓈᓂᐗᑭ ᒥᒋᒪ, ᑭᒋᒪᓂᑐ ᑳ ᑮ ᐅᔑᑖᑦ ᓇᓈᔅᑯᒧᐎᓂᒃ ᑭᒋ ᐅᑎᓇᑭᒃ ᐊᓂᑭ ᑳ ᑖᐺᑕᑭᒃ ᓀᔥᑕ ᑳ ᑭᔅᑫᓕᑕᑭᒃ ᑖᐺᐎᓂᓕᐤ᙮

ᐦᐃᑉᕉᐗ 12:23

ᐊᓂᒪ ᒫᒪᐎ ᒪᐗᒋᐃᑐᐎᓐ ᓀᔥᑕ ᐅ ᒫᒪᐎᐋᔭᒥᐊᒥᐗᐗ ᓃᔥᑕᒧᔖᓇᒃ, ᑭᒋᑭᔑᑯᒃ ᑳ ᒪᓯᓇᐃᑳᓱᒋᒃ, ᓀᔥᑕ ᑭᒋᒪᓂᑐ ᒥᓯᐌ ᑳ ᑎᐹᔅᑯᓈᑦ, ᓀᔥᑕ ᐅᑦ ᐊᒑᑯᐗᐗ ᑳ ᒀᔭᔅᑭᑎᒋᒃ ᐃᓕᓕᐗᒃ ᐁ ᒥᑐᓂᐋᑲᓂᐎᒋᒃ,

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:18

ᑎᐱᓚᐌ ᐅᑦ ᐃᑌᓕᑕᒧᐎᓂᒃ ᑭ ᑮ ᓂᑕᐎᑭᐃᑯᓇᐤ ᑖᐺᐎᓂ ᐋᔭᒥᐎᓂᓕᐤ ᐅᒋ, ᑭᓚᓈᓇᐤ ᑭᒋ ᓂᑳᓄᑕᐗᑯᒃ ᐅᑦ ᐅᔑᐋᑲᓇ᙮

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᑭᔅᑫᓕᑖᑯᑖᑫᐎᓐ 17:14

ᐅᑯ ᑲᑕ ᓇᑐᐸᓖᔅᑕᐌᐗᒃ ᒫᓂᔥᒑᓂᔑᔕ, ᑲᑕ ᔖᑯᒋᐃᑯᐗᒃ ᒫᑲ ᒫᓂᔥᒑᓂᔑᔕ; ᐌᓴ ᐎᓚ ᑎᐯᓕᒣᐤ ᐅᑎᐯᓕᒋᑫᐗ, ᓀᔥᑕ ᐅ ᑭᒋᐅᑭᒫᒥᐙᐗ ᑭᒋᐅᑭᒫᐗᒃ:

ᑭᔅᑫᓕᑖᑯᑖᑫᐎᓐ 21:22

ᓇᒪᐎᓚ ᒫᑲ ᓂ ᑮ ᐙᐸᑌᓐ ᑭᒋᐋᔭᒥᐁᐎᑲᒥᒃ ᐊᓐᑕ; ᐌᓴ ᐅᑎᐯᓕᒋᑫᐤ ᑭᒋᒪᓂᑐ ᒥᓯᐌ ᓯᔪᑳᑎᓰᑦ ᓀᔥᑕ ᒫᓂᔥᒑᓂᔑᔥ ᑭᒋᐋᔭᒥᐁᐎᑲᒥᑯᐎᐗᒃ ᐁᑯᑕ᙮

ᑭᔅᑫᓕᑖᑯᑖᑫᐎᓐ 21:23

ᐊᓐᑕ ᒫᑲ ᐃᑖᐎᓂᒃ ᐱᓯᒻ ᓇᒪᐎᓚ ᑭ ᓇᑕᐌᓕᒪᐤ, ᓇᒪ ᓀᔥᑕ ᑎᐱᔅᑭᐱᓯᒻ ᑭᒋ ᒐᑳᓯᑫᒋᒃ; ᐌᓴ ᑮ ᐅᒋ ᐙᔅᑌᓂᑳᑌᐤ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ, ᓀᔥᑕ ᒫᓂᔥᒑᓂᔑᔥ ᐙᓭᔮᓯᐎᓂᐎᐤ ᐁᑯᑕ᙮

ᑭᔅᑫᓕᑖᑯᑖᑫᐎᓐ 3:4

ᑭᑦ ᐋᔮᓐ ᐋᑎᑦ ᐃᔑᓂᑳᓱᐎᓇ ᐊᐳᒋᑲ ᓵᕐᑎᓯᒃ, ᐁᑳ ᑳ ᑭ ᐎᓕᐱᑖᒋᒃ ᐅ ᐎᓛᒋᑲᓂᐙᐗ: ᓂ ᑳ ᐎᒋᐱᒧᑌᒥᑾᒃ ᒫᑲ ᐁ ᐙᐱᐅᒋᒃ; ᐌᓴ ᑌᐸᑫᓕᑖᑯᓯᐗᒃ᙮

ᑭᔅᑫᓕᑖᑯᑖᑫᐎᓐ 5:9

ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;