ᑭᔅᑫᓕᑖᑯᑖᑫᐎᓐ 14:2 - ᐅᔅᑭ ᑎᔅᑌᒥᓐᑦ

² ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᑖᐱᔅᑯᒡ ᐁ ᑭᔗᐌᔮᑲᒪᐊᑭ ᒥᒉᑦ ᓂᐱᐊ, ᓀᔥᑕ ᑖᐱᔅᑯᒡ ᐁ ᓄᑖᑯᓯᑦ ᑭᒋ ᐅᓂᒥᔅᑭᐤ: ᓂ ᑮ ᐯᑕᒸᓐ ᓀᔥᑕ ᐅᑭᑐᒋᑫᐗᒃ ᐅ ᐯᑖᑯᓯᐎᓂᐗᐤ ᐁ ᑭᑐᑖᒋᒃ ᐅ ᑭᑐᒋᑲᓂᐙᐗ:

ᑭᔅᑫᓕᑖᑯᑖᑫᐎᓐ 14:2 Iomraidhean Croise

ᓂᔥᑕᒻ ᑯᕆᓐᑎᐊᓇ 13:1

ᐋᑕ ᐁ ᐋᔭᒥᔮᓐ ᐃᓕᓕᐗᒃ ᓀᔥᑕ ᐁᓐᒐᓚᒃ ᐅᑦ ᐃᔑᑭᔗᐎᓂᐙᒃ, ᑮᔥᐱᓐ ᐁᑳ ᐋᔮᔮᓐ ᓵᑭᐃᐌᐎᓐ, ᑖᐱᔅᑯᒡ ᐅᓵᐙᐱᔉ ᐁ ᒫᑗᑎᒃ, ᓀᔥᑕᐱᑯ ᑭᑐᒋᑲᓐ ᐁ ᓄᑖᑯᓯᒪᑲᒃ ᓂᑦ ᐃᑌᓕᑖᑯᓯᓐ᙮

ᑭᔅᑫᓕᑖᑯᑖᑫᐎᓐ 1:10

ᐊᒑᑯᒃ ᓂ ᑮ ᐃᑖᓐ ᐅᑎᐯᓕᒋᑫᐤ ᐅ ᑭᔑᑳᒥᒃ, ᓀᔥᑕ ᓂᔅᐱᔅᑾᓂᒃ ᓂ ᑮ ᐯᑌᓐ ᑭᒋ ᐯᑖᑯᓯᐎᓐ, ᑖᐱᔅᑯᒡ ᐳᑖᒋᑲᓐ,

ᑭᔅᑫᓕᑖᑯᑖᑫᐎᓐ 1:15

ᐅᓯᑕ ᓀᔥᑕ ᑖᐱᔅᑯᒡ ᐁ ᒥᓨᔑᒃ ᐅᓵᐙᐱᔉ, ᒫᓇ ᐱᑯ ᐁ ᐃᔅᒀᓯᑳᑌᓕᑭ ᑎᑳᐱᔅᑭᓯᑲᓂᒃ; ᓀᔥᑕ ᐅ ᐯᑖᑯᓯᐎᓐ ᑖᐱᔅᑯᒡ ᐁ ᐃᑎᑖᑯᓯᒪᑲᑭ ᒥᒉᑦ ᓂᐱᔭ᙮

ᑭᔅᑫᓕᑖᑯᑖᑫᐎᓐ 11:12

ᑮ ᐯᑕᒶᒃ ᒫᑲ ᑭᒋ ᐯᑖᑯᓯᐎᓂᓕᐤ ᑭᒋᑭᔑᑯᒃ ᐅᒋ, ᐁ ᐃᑎᑯᒋᒃ, ᐅᑕ ᐯᒋ ᐃᑐᑌᒃ, ᐗᔅᑯᒃ ᒫᑲ ᑮ ᐃᔑ ᐅᐱᔅᑲᐗᒃ ᑭᒋᑭᔑᑯᒃ; ᑮ ᐙᐸᒥᑯᐗᒃ ᒫᑲ ᐊᓂᐃ ᑳ ᐸᒀᑎᑯᒋᒃ᙮

ᑭᔅᑫᓕᑖᑯᑖᑫᐎᓐ 11:15

ᐊᓇ ᓂᔂᔅ ᐁᓐᒐᓪ ᒫᑲ ᑮ ᑭᑐᑕᐤ: ᑮ ᐃᑕᑾᓋ ᒫᑲ ᑭᒋ ᐯᑖᑯᓯᐎᓇ ᑭᒋᑭᔑᑯᒃ, ᐁ ᐃᑗᒪᑲᑭ, ᐊᓂᐃ ᐅᑭᒪᐎᐎᓇ ᐅᑕ ᐊᔅᑮᒃ ᑳ ᐃᑕᑾᑭ ᐋᔕᔾ ᑎᐯᓕᑕᒻ ᑭ ᑎᐯᓕᒋᑫᒥᓇᐤ, ᓀᔥᑕ ᐅ ᙭ᑎᒪ; ᑲᑕ ᑎᐯᓕᒋᑫᐤ ᒫᑲ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 15:2

ᓂ ᑮ ᐙᐸᑌᓐ ᒫᑲ, ᒫᓇ ᐱᑯ ᑭᒋᑲᒥ ᐁᑯᑕ ᐁ ᐃᑕᑾᒃ ᐙᓭᓂᑖᑲᓐ ᐁ ᑭᓕᑲᐎᓂᑳᑌᒃ ᐃᔥᑯᑌᒃ: ᐊᓂᑭ ᒫᑲ ᑳ ᑭ ᔖᑯᒋᐋᒋᒃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᓀᔥᑕ ᐅ ᑭᔅᑭᓄᐙᒋᐅᓂᓕᐤ, ᓀᔥᑕ ᐁ ᑕᑡᑭᒋᑳᑌᓕᒃ ᐅᑦ ᐃᔑᓂᑳᓱᐎᓐ, ᓂᐸᐎᐗᒃ ᐙᓭᓂᑖᑲᓂ ᑭᒋᑲᒥᒃ, ᐁ ᐊᔭᐙᒋᒃ ᑭᒋᒪᓂᑐᐗ ᐅ ᑭᑐᒋᑲᓂᓕᐗ᙮

ᑭᔅᑫᓕᑖᑯᑖᑫᐎᓐ 18:22

ᓀᔥᑕ ᐁ ᐃᑎᑖᑯᓯᒋᒃ ᐅᑭᑐᒋᑫᐗᒃ ᓀᔥᑕ ᐅᓂᑲᒧᐗᒃ, ᓀᔥᑕ ᐅᐱᐱᑴᐗᒃ ᓀᔥᑕ ᐅᐳᑖᒋᑫᐗᒃ, ᓇᒪᐐᔅᑳᑦ ᒥᓇ ᑲᑕ ᐯᑖᑯᓯᐗᒃ ᐃᑕ ᐁ ᐃᑖᔭᓐ; ᓇᒪ ᓀᔥᑕ ᐊᐌᓇ ᐁ ᐅᔑᒋᑫᑦ ᐱᑯ ᑐᐎ ᐁ ᐃᑖᐸᑎᓯᑦ, ᑲᑕ ᒥᔅᑲᐗᐤ ᐃᑕ ᐁ ᐃᑖᔭᓐ; ᓀᔥᑕ ᐁ ᐃᑎᑖᑯᓯᑦ ᐱᓂᐳᒋᑲᓇᓯᓂ ᓇᒪᐐᔅᑳᑦ ᑲᑕ ᐯᑖᑯᓯᐤ ᐃᑕ ᐁ ᐃᑖᔭᓐ;

ᑭᔅᑫᓕᑖᑯᑖᑫᐎᓐ 5:8

ᐃᔅᐱ ᒫᑲ ᐌᑎᓇᒃ ᒪᓯᓇᐃᑲᓂᓕᐤ, ᐊᓂᑭ ᓀᐤ ᐅᐱᒫᑎᓴᒃ ᓀᔥᑕ ᐊᓂᑭ ᓂᔑᑕᓇ ᓀᔥᑕ ᓀᐅᔖᑉ ᑳ ᓂᑲᓀᓕᑖᑯᓯᒋᒃ ᑮ ᐸᑭᔑᓂᔅᑕᐌᐗᒃ ᒫᓂᔥᒑᓂᔑᔕ, ᑕᑐ ᐁ ᐃᑕᓯᒋᒃ ᐁ ᐋᔭᐙᒋᒃ ᔖᑲᓈᐱᑭᑐᒋᑲᓇ, ᓀᔥᑕ ᐅᓴᐎᔔᓕᐋᓈᐱᔉ ᐊᓱᐗᒋᑲᓇ ᐁ ᓵᑲᔅᑭᓀᑭ ᐎᑭᒫᓯᑲᓐ, ᐁᐗᒀᓂᒪ ᐅᑦ ᐋᔭᒥᐋᐎᓂᐗᐗ ᐅᐸᓓᑭᓴᒃ᙮

ᑭᔅᑫᓕᑖᑯᑖᑫᐎᓐ 6:1

ᓂ ᑮ ᐙᐸᑌᓐ ᒫᑲ ᐃᔅᐱ ᒫᓂᔥᒑᓂᔑᔥ ᐃᐋᐸᐊᒃ ᐯᔭᒃ ᐊᑯᔅᑭᐗᓯᑲᓂᓕᐤ, ᓂ ᑮ ᐯᑌᓐ ᒫᑲ ᑖᐱᔅᑯᒡ ᐁ ᐅᓂᒥᔅᑭᑦ ᐁ ᓄᑖᑯᓯᑦ, ᐯᔭᒃ ᐁ ᐃᑕᓯᑭᒃ ᐅᐱᒫᑎᓴᒃ ᐁ ᐃᑗᑦ, ᐯᒋ ᐙᐸᑕ᙮

ᑭᔅᑫᓕᑖᑯᑖᑫᐎᓐ 8:7

ᐊᓇ ᓃᔥᑕᒻ ᐁᓐᒐᓐ ᒫᑲ ᑮ ᑭᑐᑕᐤ, ᐁᑯ ᒫᑲ ᐱᐁᒋᐸᓕᒃ ᓭᓭᑲᓐ ᓀᔥᑕ ᐃᔥᑯᑌᐤ ᑭᓕᑲᐤ ᒥᑯᒃ, ᐊᔅᑮᒃ ᒫᑲ ᑮ ᐃᔑ ᐌᐱᓂᑳᑌᐗ: ᓂᔅᑡᐤ ᐃᓕᑯᒃ ᒫᑲ ᒥᔅᑎᑾᒃ ᑮ ᒑᑳᔅᑭᓱᐗᒃ, ᓀᔥᑕ ᒥᓯᐌ ᐅᓵᐗᔅᑯᔑᔭ ᑮ ᒑᑳᔅᑭᑌᐗ᙮