ᑭᔅᑫᓕᑖᑯᑖᑫᐎᓐ 14:11 - ᐅᔅᑭ ᑎᔅᑌᒥᓐᑦ

¹¹ ᐁ ᑲᔥᑳᐸᑌᓕᒃ ᒫᑲ ᐅ ᑲᒀᑕᑭᓯᐎᓂᐗᐤ ᐅᐱᐸᓕᓕᐤ ᑳᑭᑫ ᓀᔥᑕ ᑳᑭᑫ; ᓇᒪ ᓀᔥᑕ ᐋᓜᐱᐗᒃ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᐊᓂᑭ ᑳ ᓇᐗᑮᔅᑕᐙᒋᒃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᐊᓇ ᓀᔥᑕ ᑳ ᑭᔅᑭᓄᐙᒋᐋᑲᓂᐎᑦ ᐁ ᐃᔑᓂᑳᓱᓕᒋ᙮

ᑭᔅᑫᓕᑖᑯᑖᑫᐎᓐ 14:11 Iomraidhean Croise

ᐅᐸᓓᑭᔅ ᒫᑎᐤ 11:28

ᐯᒋ ᓈᔒᒃ, ᒥᓯᐌ ᑭᓚᐗᐤ ᑳ ᐋᑑᔅᑫᔦᒃ, ᓀᔥᑕ ᑳ ᑄᐗᑌᔦᒃ, ᑭ ᑳ ᒥᓕᑎᓇᐗᐤ ᒫᑲ ᑭᒋ ᐋᓜᐱᔦᒃ᙮

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᒫᑎᐤ 25:46

ᐅᑯ ᒫᑲ ᑳᑭᑫ ᑲᒀᑕᑭᓯᐎᓂᒃ ᑲᑕ ᐃᑐᑌᐗᒃ, ᒫᑲ ᐅᒀᔭᔅᑭᑖᑎᓯᐗᒃ ᑳᑭᑫ ᐱᒫᑎᓯᐎᓂᒃ᙮

ᐦᐃᑉᕉᐗ 1:8

ᒫᑲ ᐅᑯᓯᓯᒪᐗ ᐃᑌᐤ, ᑭᑦ ᐅᑭᒪᐗᐱᐎᓐ, ᐅ ᑭᒋᒪᓂᑐ, ᑳᑭᑫ ᓀᔥᑕ ᑳᑭᑫ ᑲᑕ ᐃᑕᑾᓐ: ᒀᔭᔅᑭᑖᑎᓯᐎᓂ ᓭᑉᑕᕐ ᐁᐗᑯ ᑭᑦ ᐅᑭᒪᐎᐎᓂ ᓭᑉᑕᕐ᙮

ᑭᔅᑫᓕᑖᑯᑖᑫᐎᓐ 11:15

ᐊᓇ ᓂᔂᔅ ᐁᓐᒐᓪ ᒫᑲ ᑮ ᑭᑐᑕᐤ: ᑮ ᐃᑕᑾᓋ ᒫᑲ ᑭᒋ ᐯᑖᑯᓯᐎᓇ ᑭᒋᑭᔑᑯᒃ, ᐁ ᐃᑗᒪᑲᑭ, ᐊᓂᐃ ᐅᑭᒪᐎᐎᓇ ᐅᑕ ᐊᔅᑮᒃ ᑳ ᐃᑕᑾᑭ ᐋᔕᔾ ᑎᐯᓕᑕᒻ ᑭ ᑎᐯᓕᒋᑫᒥᓇᐤ, ᓀᔥᑕ ᐅ ᙭ᑎᒪ; ᑲᑕ ᑎᐯᓕᒋᑫᐤ ᒫᑲ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 13:12

ᐋᐸᒋᑕᐌᐤ ᒫᑲ ᒥᓯᐌ ᐅ ᑲᔥᑭᐅᐎᓂᓕᐤ ᐊᓂᐃ ᓃᔥᑕᒻ ᐊᐌᓯᓴ ᐁ ᑳᓇᐙᐸᒥᑯᑦ, ᓀᔥᑕ ᐃᑐᑕᒻ ᐊᔅᑭ ᓀᔥᑕ ᒥᓯᐌ ᐁᑯᑕ ᑳ ᑕᔑᑫᓕᒋ, ᑭᒋ ᓇᐗᑮᔅᑕᐙᓕᒋ ᐊᓂᐃ ᓃᔥᑕᒻ ᐊᐌᓯᓴ, ᐊᓇ ᐁ ᓂᐱᐎᓂ ᒥᔣᑲᓂᐎᑦ ᑳ ᒥᓇᐙᒋᑖᓂᐗᓂᓕᒃ᙮

ᑭᔅᑫᓕᑖᑯᑖᑫᐎᓐ 13:15

ᐋᔭᐤ ᓀᔥᑕ ᑲᔥᑭᐅᐎᓂᓕᐤ ᑭᒋ ᒥᓛᑦ ᐱᒫᑎᓯᐎᓂᓕᐤ ᐅ ᒪᓯᓕᓕᒥᓕᐗ ᐊᓂᐃ ᐊᐌᓯᓴ, ᐅ ᒪᓯᓕᓕᒪ ᐊᓇ ᐊᐌᓯᔅ ᑭᒋ ᐋᔭᒥᓕᒋ, ᓀᔥᑕ ᑭᒋ ᐃᑐᑕᒥᓕᒋ ᒥᓯᐌ ᐊᓂᑭ ᐁᑳ ᑳ ᐎ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ ᐊᐌᓯᔅ ᑭᒋ ᓂᐸᐋᑲᓂᐎᒋᒃ᙮

ᑭᔅᑫᓕᑖᑯᑖᑫᐎᓐ 13:17

ᐁᑳᐎᓚ ᐊᐌᓇ ᓀᔥᑕ ᑭᒋ ᐊᑖᐌᑦ ᓀᔥᑕᐱᑯ ᑭᒋ ᐅᑎᓂᑫᑦ, ᐊᓇ ᐱᑯ ᑳ ᐋᔮᑦ ᑭᔅᑭᓄᐙᒋᐅᐎᓂᓕᐤ, ᓀᔥᑕᐱᑯ ᐅᑦ ᐃᔑᓂᑳᓱᐎᓂᓕᐤ ᐊᐌᓯᓴ, ᓀᔥᑕᐱᑯ ᐁ ᑕᑡᑭᒋᑳᑌᓕᒃ ᐅᑦ ᐃᔑᓂᑳᓱᐎᓐ᙮

ᑭᔅᑫᓕᑖᑯᑖᑫᐎᓐ 14:9

ᐊᓇ ᓂᔅᑐ ᐁᓐᒐᓪ ᓀᔥᑕ ᑮ ᐱᒥᓄᔅᐱᓇᔑᐌᐤ, ᐁ ᐃᑗᑦ, ᐁ ᑭᔗᐌᑦ, ᑮᔥᐱᓐ ᐊᐌᓇ ᓇᐗᑮᔅᑕᐙᑌ ᐊᓂᐃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᓀᔥᑕ ᐅᑎᓇᒸᑌ ᐅ ᑭᔅᑭᓄᐙᒋᐅᐎᓂᓕᐤ ᐅᔅᑲᑎᑯᒃ, ᓀᔥᑕᐱᑯ ᐅᒌᒌᒃ,

ᑭᔅᑫᓕᑖᑯᑖᑫᐎᓐ 18:18

ᑮ ᑌᐺᐗᒃ ᒫᑲ ᐃᔅᐱ ᐎᐋᐸᑕᑭᒃ ᐁ ᑲᔥᑳᐸᑌᓕᒃ ᐁ ᐃᔥᒀᓱᓕᒋ, ᐁ ᐃᑗᒋᒃ, ᑫᑯ ᐃᑖᐎᓐ ᐁᑌᓕᑖᑾᒃ ᑖᐱᔅᑯᒡ ᐅᒪ ᑭᒋ ᐃᑖᐎᓐ!

ᑭᔅᑫᓕᑖᑯᑖᑫᐎᓐ 18:9

ᓀᔥᑕ ᑭᒋᐅᑭᒫᐗᒃ ᐅᑕ ᐊᔅᑮᒃ ᑳ ᑮ ᐎᒋᐱᔑᒀᑎᓯᒫᒋᒃ, ᓀᔥᑕ ᑳ ᑮ ᐎᒋᒥᓗᐳᒫᒋᒃ, ᑲᑕ ᐎᑳᑌᐗᒃ ᓀᔥᑕ ᑲᑕ ᒫᑐᑐᑕᐌᐗᒃ, ᐃᔅᐱ ᐗᐸᑕᑾᐌ ᐁ ᑲᔥᑳᐸᑌᓕᒃ ᐁ ᐃᔅᒀᓱᓕᒋ,

ᑭᔅᑫᓕᑖᑯᑖᑫᐎᓐ 19:3

ᒥᓇ ᒫᑲ ᑮ ᐃᑗᐗᒃ, ᐋᓕᓘᔭ᙮ ᐅ ᑲᔥᑳᐸᓼᐎᓐ ᒫᑲ ᑭ ᐅᐱᐸᓕᓕᐤ ᑳᑭᑫ ᓀᔥᑕ ᑲᑭᑫ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 22:5

ᓇᒪᐎᓚ ᒫᑲ ᐊᓐᑕ ᑲᑕ ᑎᐱᔅᑲᐤ; ᓇᒪ ᓀᔥᑕ ᓇᑕᐌᓕᑕᒶᒃ ᐙᔅᑌᓇᒫᑲᓂᓕᐤ, ᓇᒪ ᓀᔥᑕ ᐱᓯᒻ ᐅ ᐙᔅᑌᐎᓐ; ᐌᓴ ᐙᔅᑌᓇᒫᑯᐗᒃ ᑭᒋᒪᓂᑐᐗ: ᑲᑕ ᑎᐯᓕᒋᑫᐗᒃ ᒫᑲ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 7:12

ᐁ ᐃᑗᒋᒃ, ᐁᒣᓐ: ᒫᒥᒋᒥᑯᓯᐎᓐ, ᓀᔥᑕ ᑭᔅᑌᓕᑖᑯᓯᐎᓐ, ᓀᔥᑕ ᑲᑫᑕᐌᓕᑕᒧᐎᓐ, ᓀᔥᑕ ᓈᓈᔅᑯᒥᑯᓯᐎᓐ, ᓀᔥᑕ ᑭᔅᑖᒋᒥᓯᑯᐎᓐ, ᓀᔥᑕ ᑳᔥᑭᐅᐎᓐ, ᓀᔥᑕ ᓱᑳᑎᓯᐎᓐ ᑲᑕ ᐎ ᐋᔭᐤ ᓂ ᑭᒋᒪᓂᑐᒥᓇᓐ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮