ᑭᔅᑫᓕᑖᑯᑖᑫᐎᓐ 14:10 - ᐅᔅᑭ ᑎᔅᑌᒥᓐᑦ

¹⁰ ᐁᐗᒀᓇ ᑫ ᒥᓂᑴᑦ ᔓᒥᓈᐳᓕᐤ ᑭᒋᒪᓂᑐ ᐅᑦ ᐊᑯᓚᐌᓯᐎᓂᒃ ᑳ ᐅᒋᐸᓕᓕᒃ, ᑳ ᓯᑭᐌᐱᓂᑳᑌᓕᒃ ᐁᑳ ᐁ ᑭᓕᑲᐤᐃᓂᑳᑌᓕᒃ ᐅ ᑭᓯᐙᓯᐎᓂ ᒥᓂᒀᑲᓂᒃ: ᐃᔥᑯᑌᓕᐤ ᒫᑲ ᓀᔥᑕ ᐅᓵᐙᐱᔅᑯᓯᓂᔭ ᑮ ᐅᒋ ᑲᒀᑕᑭᓯᐗᒃ ᐁ ᑲᓇᐙᐸᒥᑯᒋᒃ ᐸᓓᑭ ᐁᓐᒐᓚ, ᐁ ᑲᓇᐙᐸᒥᑯᒋᒃ ᓀᔥᑕ ᒫᓂᔥᒑᓂᔑᔕ:

ᑭᔅᑫᓕᑖᑯᑖᑫᐎᓐ 14:10 Iomraidhean Croise

ᐅᐸᓓᑭᔅ ᒫᑎᐤ 20:22

ᒋᓴᔅ ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᓇᒪᐎᓚ ᑭ ᑭᔅᑫᓕᑌᓈᐗᐤ ᑳ ᓇᑐᑕᒫᔦᒃ᙮ ᑭ ᑲᔥᑭᑖᓇᐗᐤ ᓈ ᑭᒋᐅᒋ ᒥᓂᑴᔦᒃ ᐊᓂᒪ ᒥᓂᒀᑲᓐ ᑫ ᐅᒋ ᒥᓂᑴᔮᓐ, ᓀᔥᑕ ᑭᒋ ᐅᒋ ᓯᑲᐋᑖᑲᐎᔦᒃ ᐊᓂᒪ ᓯᑲᐋᑖᑫᐎᓐ ᑫ ᐅᒋ ᓯᑲᐋᑖᑳᐎᔮᓐ? ᐃᑌᐗᒃ, ᓂ ᑲᔥᑭᑖᓈᓐ᙮

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᒫᑎᐤ 26:39

ᐊᐙᓯᑌᔑᔥ ᒫᑲ ᑮ ᐃᑐᑌᐤ, ᑮ ᐅᑎᑕᐱᐸᓕᐅ ᒫᑲ, ᑮ ᐋᔭᒥᐊᐤ ᒫᑲ, ᐁ ᐃᑗᑦ, ᐅ ᓄᑖ ᑮᔥᐱᓐ ᑮ ᑐᒋᑳᑌᒃ, ᐁᑯᔑ ᓂ ᑳ ᒥᔮᔥᑳᑯᓐ ᐅᒪ ᒥᓂᒀᑲᓐ: ᐁᓕᐌᒃ ᒫᑲ ᓇᒪᐎᓚ ᓂᓚ ᐁ ᐃᑌᓕᑕᒫᓐ, ᒫᑲ ᐁ ᐃᑌᓕᑕᒪᓐ ᑭᓚ᙮

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐅᐸᓓᑭᔅ ᒫᕐᒃ 9:44

ᐃᑕ ᐅ ᒪᓂᒍᔑᒥᐙᐗ ᐁᑳ ᑫ ᓂᐱᓕᒋ, ᓀᔥᑕ ᐃᔥᑯᑌᐤ ᐁᑳ ᑫ ᐋᔅᑕᐌᒃ᙮

ᐊᐸᔅᑕᓚᒃ 10:22

ᑮ ᐃᑗᐗᒃ ᒫᑲ, ᑳᕐᓂᓕᔭᔅ ᑳ ᓇᑐᐸᓕᐎ ᐅᑭᒫᐎᑦ, ᒀᔭᔉ ᑳ ᐃᑎᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒋᔅᑕᐙᑦ ᑭᒋᒪᓂᑐᐗ, ᓀᔥᑕ ᑳ ᒥᓨᒋᒥᑯᑦ ᒥᓯᐌ ᒫᒪᐤ ᐁ ᑕᑐᔅᑲᓀᓯᓕᒋ ᐊᓂᐃ ᒎᐗ, ᑮ ᐎᑕᒫᑯ ᑭᒋᒪᓂᑐᐗ ᐸᓓᑭ ᐁᓐᒐᓚ ᐅᒋ, ᑭᒋ ᓇᑐᒥᔉ ᐊᓐᑕ ᐅ ᐎᑭᓕᒃ, ᑭᒋ ᐯᑕᒃ ᒫᑲ ᐋᔭᒥᐎᓇ ᑭᓚ ᐅᒋ᙮

ᓂᔓ ᑌᓴᓗᓂᔭᓇ 1:7

ᑭᓚᐗᐤ ᓀᔥᑕ ᑳ ᐊᓕᒥᐃᑲᐎᔦᒃ ᑭ ᐎᒋᐋᓜᐱᒥᓈᓐ, ᐃᔅᐱ ᐅᑎᐯᓕᒋᑫᐤ ᒋᓴᔅ ᑭᒋᑭᔑᑯᒃ ᑫ ᐅᒋ ᐯᒋ ᓄᑯᓯᑦ, ᐊᓯᒋ ᑳ ᓱᑳᑎᓯᓕᑭ ᐅᑦ ᐁᓐᒐᓕᒪ,

ᒎᑦ 1:7

ᑖᐱᔅᑯᒡ ᓴᑕᒻ ᓀᔥᑕ ᑯᒪᕋ, ᓀᔥᑕ ᐊᓂᐃ ᐃᑖᐎᓇ ᐙᔅᑲ ᑖᐱᔅᑯᒡ ᐃᔑ, ᐁ ᐸᑭᑎᓂᑎᓱᒋᒃ ᐱᔑᒀᑎᓯᐎᓂᒃ, ᐁ ᓈᓇᑕᐌᓕᑕᑭᒃ ᐋᔭᒡ ᐎᔮᓯᓕᐤ, ᐸᑭᑎᓇᐗᒃ ᑭᒋ ᑭᔅᑭᓄᐙᐸᒫᑲᓂᐎᒋᒃ, ᐁ ᑎᐸᒪᒋᑖᒋᒃ ᑲᒀᑕᑭᓯᐎᓂᓕᐤ ᑳᑭᑫ ᐃᔥᑯᑌᒃ᙮

ᑭᔅᑫᓕᑖᑯᑖᑫᐎᓐ 15:7

ᐯᔭᒃ ᒫᑲ ᐊᓂᑭ ᓀᐤ ᐊᐌᓯᓴᒃ ᑮ ᒥᓓᐤ ᐊᓂᐃ ᓂᔂᔅ ᐁᓐᒐᓚ ᓂᔂᔅ ᐅᓵᐎᔔᓕᐋᓈᐱᔉ ᐅᓛᑲᓂᔕ ᐁ ᓵᑲᔅᑭᓀᑭ ᐅᑦ ᐋᑯᓚᐌᓯᐎᓐ ᑭᒋᒪᓂᑐ ᑳ ᐱᒫᑎᓰᑦ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 16:19

ᐊᓂᒪ ᑭᒋ ᐃᑖᐎᓐ ᒫᑲ ᓂᔅᑣᔭᒃ ᑮ ᐃᔑ ᓀᓇᐎᓂᑳᑌᐤ, ᓀᔥᑕ ᐅᑦ ᐃᑖᐎᓂᐗᐗ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᐸᑭᑎᓂᓕᐗ: ᑭᒋ ᐹᐱᓚᓐ ᓀᔥᑕ ᑮ ᐯᒋ ᑭᔅᑭᓯᑐᒋᑳᑌᐤ ᐁᑖᔅᑕᒪᐱᑦ ᑭᒋᒪᓂᑐ, ᑭᒋ ᒥᓇᐋᑦ ᒥᓂᑳᑲᓂᓕᐤ ᐁ ᓵᑲᔅᑭᓀᓕᒃ ᔓᒥᓈᐳᓕᐤ ᐅᑦ ᐊᒀᑎᓯᐎ ᐊᑯᓚᐌᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 18:3

ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᒥᓂᒀᑕᒶᒃ ᐊᑯᓚᐌᓯᐎᓂ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ, ᓀᔥᑕ ᑭᒋᐅᑭᒫᐗᒃ ᐅᑕ ᐊᔅᑮᒃ ᑮ ᐎᒋᐱᔑᒀᑎᓯᒣᐗᒃ, ᓀᔥᑕ ᐊᑖᐌᐎᓕᓕᐗᒃ ᐅᑕ ᐊᔅᑮᒃ ᑮ ᐊᑎ ᒥᔕᑭᓯᐗᒃ ᐁ ᐃᔅᐱᒋ ᒥᒉᑎᓂᓕᑭ ᐅ ᐌᓗᑎᓯᐎᓇ᙮

ᑭᔅᑫᓕᑖᑯᑖᑫᐎᓐ 18:6

ᑎᐸᐊᒫᒃ ᒬᒋ ᑳ ᑮ ᐃᔑ ᑎᐸᐊᒫᑖᒃ, ᓀᔥᑕ ᓂᔂᔅ ᐃᓕᑯᒃ ᒥᓕᒃ ᐊᓂᒪ ᓂᔂᐤ ᐃᓕᑯᒃ ᑳ ᑮ ᐃᔑ ᐊᑑᔅᑫᑦ: ᐊᓂᒪ ᒥᓂᒀᑲᓂᒃ ᑳ ᑮ ᓵᑲᔅᑭᓇᑖᑦ, ᓂᔂᐤ ᐃᓕᑯᒃ ᓵᑲᔅᑭᓇᒫᒃ᙮

ᑭᔅᑫᓕᑖᑯᑖᑫᐎᓐ 19:15

ᐅᑐᓂᒃ ᒫᑲ ᐅᒋᐸᓕᐤ ᐁ ᑳᔖᒃ ᔑᒫᑲᓐ, ᐁᐗᑴᓕᐤ ᑭᒋ ᐅᒋ ᓂᐸᐋᑦ ᑳ ᑕᑐᔅᑳᓀᓯᓕᒋ ᐃᓕᓕᐗ: ᐱᐙᐱᔅᑯᓕᐤ ᒫᑲ ᑲᑕ ᐅᒋ ᑎᐯᓕᒣᐤ: ᑕᑕᑯᔅᑳᑕᒻ ᒫᑲ ᔓᒥᓈᐳ ᒫᑾᐃᑲᓂᓕᐤ ᑳ ᐅᒋᒪᑲᓂᓕᒃ ᐅᑦ ᐊᒀᑎᓯᐎᓂᒃ ᓀᔥᑕ ᐅᑦ ᐋᑯᓚᐌᓯᐎᓂᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 20:14

ᓂᐱᐎᓐ ᒫᑲ ᓀᔥᑕ ᒋᐸᐃᐊᔅᑭ ᑮ ᐃᔑ ᐌᐱᓂᑳᑌᐗ ᐃᔥᑯᑌᐎ ᓵᑲᐃᑲᓂᒃ᙮ ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮