ᑭᔅᑫᓕᑖᑯᑖᑫᐎᓐ 13:16 - ᐅᔅᑭ ᑎᔅᑌᒥᓐᑦ

¹⁶ ᐃᑐᑕᐌᐤ ᓀᔥᑕ ᒥᓯᐌ, ᑳ ᐋᐱᔑᔑᓕᒋ ᓀᔥᑕ ᑳ ᒥᔑᑭᑎᓕᒋ, ᑳ ᒥᔕᑭᓯᓕᒋ ᓀᔥᑕ ᑳ ᑭᑎᒫᑭᓯᓕᒋ, ᑳ ᑎᐯᓕᒥᑎᓯᓕᒋ ᓀᔥᑕ ᑳ ᐊᐗᑳᓂᐎᓕᒋ, ᑭᒋ ᐅᑎᓇᒥᓕᒋ ᑭᔅᑭᓄᐙᒋᐅᐎᓂᓕᐤ ᐅ ᑭᒋᓂᔅᑭᓕᒃ ᓀᔥᑕᐱᑯ ᐅᔅᑲᑎᑯᓕᒃ:

ᑭᔅᑫᓕᑖᑯᑖᑫᐎᓐ 13:16 Iomraidhean Croise

ᐊᐸᔅᑕᓚᒃ 26:22

ᐁ ᑮ ᐎᒋᐃᑦ ᒫᑲ ᑭᒋᒪᓂᑐ, ᐱᓕᔥ ᐊᓄᒡ ᐁ ᑭᔑᑳᒃ ᓂᑦ ᐃᑎᓐ, ᐁ ᑎᐹᒋᒧᔅᑕᐗᑭᒃ ᑳ ᐋᐱᔅᑌᓕᑖᑯᓯᒋᒃ ᓀᔥᑕ ᑳ ᑭᔅᑌᓕᑖᑯᓯᒋᒃ, ᐁᑳ ᐱᑐᔥ ᑫᒀᓐ ᐁ ᐃᑗᔮᓐ ᐱᑯ ᐊᓂᐃ ᑳ ᑮ ᐃᑗᒋᒃ ᐅᑭᔅᑭᐙᐃᑫᐗᒃ ᓀᔥᑕ ᒧᓯᔅ ᑭᒋ ᐅᑎᒋᐸᓕᑭ:

ᓂᔥᑕᒻ ᑯᕆᓐᑎᐊᓇ 12:13

ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᑲᓓᔕᐊᓇ 6:17

ᐊᓄᒃ ᐅᒋ ᐁᑳᐎᓚ ᐊᐌᓇ ᐃᓕᓕᐤ ᓂ ᑳ ᒥᑯᔥᑳᒋᐃᒃ: ᐌᓴ ᓂ ᑭᑭᔥᑫᓐ ᓂᔭᐎ ᐅᒋᓯᓯᐎᓇ ᑳ ᐅᒋ ᑭᔅᑫᓕᑖᑯᓯᔮᓐ ᐁ ᑎᐯᓕᒥᑦ ᒋᓴᔅ ᐅᑎᐯᓕᒋᑫᐤ᙮

ᐃᐱᓯᔭᓇ 6:8

ᐁ ᑭᔅᑫᓕᑕᒣᒃ ᐱᑯ ᑫᒀᓐ ᐁ ᒥᓨᔑᒃ ᐊᐌᓇ ᐃᓕᓕᐤ ᐁ ᑐᑕᒃ, ᐁᐗᑴᓕᐤ ᑫ ᒥᓕᑯᑦ ᐅᑎᐯᓕᒋᑫᐗ, ᐃᐊᐗᒀᓂᐎᑴ ᓀᔥᑕᐱᑯ ᑌᐯᓕᒥᑎᓱᑴ᙮

ᑯᓚᔑᔭᓇ 3:11

ᐃᑕ ᐁᑳ ᐁ ᐃᑖᑦ ᒃᕆᒃ, ᐁᑳ ᓀᔥᑕ ᒎ, ᑭᔅᑭᓄᐙᒋᔓᐎᓐ, ᓇᒪ ᓀᔥᑕ ᓇᒪᑭᔅᑭᓄᐗᒋᔓᐎᓐ, ᐹᕐᐯᕆᔭᓐ, ᓯᑎᔭᓐ, ᐊᐗᑳᓐ, ᓇᒪ ᓀᔥᑕ ᑳ ᑎᐯᓕᒥᑎᓱᑦ: ᒫᑲ ᙭ ᒥᓯᐌ ᐁ ᑎᐯᓕᒫᑦ, ᓀᔥᑕ ᒥᓯᐌ ᐁ ᐱᒋᔅᑲᐙᑦ᙮

ᓂᔓ ᑎᒧᑎ 3:8

ᑖᐱᔅᑯᒡ ᒫᑲ ᒑᓃᔅ ᓀᔥᑕ ᒑᒻᑉᕇᔅ ᑳ ᑮ ᐃᔑ ᓇᔅᑯᔅᑕᐙᒋᒃ ᒧᓯᓴ, ᐁᑯ ᑖᐱᔅᑯᒡ ᐅᑯ ᐁ ᐃᔑ ᓇᔅᑯᔅᑕᑭᒃ ᑖᐺᐎᓂᓕᐤ; ᐃᓕᓕᐗᒃ ᐁ ᒪᒋ ᒥᑐᓀᓕᒋᑲᓂᒋᒃ, ᐁᑳ ᐙᔦᔥ ᐁ ᐃᑖᐸᑎᓯᒋᒃ ᐊᓂᒪ ᑖᐺᔦᓕᑕᒧᐎᓐ ᐅᒋ᙮

ᑭᔅᑫᓕᑖᑯᑖᑫᐎᓐ 11:18

ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᒫᑲ ᑮ ᑭᓯᐙᓯᐗᒃ, ᑭᑦ ᐋᑯᓚᐌᓯᐎᓐ ᓀᔥᑕ ᐅᑎᒋᐸᓕᐤ, ᓀᔥᑕ ᐅᑎᒋᐸᓕᓕᐤ ᐅᓂᐱᐗᒃ ᑭᒋ ᑎᐹᔅᑯᓈᑲᓂᐎᒋᒃ, ᓀᔥᑕ ᑭᒋ ᑎᐸᐊᒪᐗᒋᒃ ᑭᑦ ᐊᑑᔅᑫᓛᑲᓇᒃ ᐅᑭᔅᑭᐙᐃᑫᐗᒃ, ᓀᔥᑕ ᐅᐸᓓᑭᓴᒃ, ᐊᓂᑭ ᓀᔥᑕ ᑳ ᑯᔅᐸᓀᓕᑕᑭᒃ ᑭᑦ ᐃᔑᓂᑳᓱᐎᓂᓕᐤ, ᐁ ᐋᐱᔅᑌᓕᑖᑯᓯᒋᒃ ᓀᔥᑕ ᐁ ᑭᔅᑎᓯᒋᒃ; ᓀᔥᑕ ᑭᒋ ᓂᔑᐗᓈᒋᐊᒋᒃ ᐊᓂᑭ ᑳ ᓂᔑᐗᓈᒋᑖᒋᒃ ᐊᔅᑭᓕᐤ᙮

ᑭᔅᑫᓕᑖᑯᑖᑫᐎᓐ 15:2

ᓂ ᑮ ᐙᐸᑌᓐ ᒫᑲ, ᒫᓇ ᐱᑯ ᑭᒋᑲᒥ ᐁᑯᑕ ᐁ ᐃᑕᑾᒃ ᐙᓭᓂᑖᑲᓐ ᐁ ᑭᓕᑲᐎᓂᑳᑌᒃ ᐃᔥᑯᑌᒃ: ᐊᓂᑭ ᒫᑲ ᑳ ᑭ ᔖᑯᒋᐋᒋᒃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᓀᔥᑕ ᐅ ᑭᔅᑭᓄᐙᒋᐅᓂᓕᐤ, ᓀᔥᑕ ᐁ ᑕᑡᑭᒋᑳᑌᓕᒃ ᐅᑦ ᐃᔑᓂᑳᓱᐎᓐ, ᓂᐸᐎᐗᒃ ᐙᓭᓂᑖᑲᓂ ᑭᒋᑲᒥᒃ, ᐁ ᐊᔭᐙᒋᒃ ᑭᒋᒪᓂᑐᐗ ᐅ ᑭᑐᒋᑲᓂᓕᐗ᙮

ᑭᔅᑫᓕᑖᑯᑖᑫᐎᓐ 19:18

ᑭᒋ ᒥᒋᐌᒃ ᐅ ᐎᔮᓯᐗᐤ ᑭᒋᐅᑭᒪᐗᒃ, ᓀᔥᑕ ᐅ ᐎᔮᓯᐗᐤ ᓇᑐᐸᓕᐎᑭᒫᐗᒃ, ᓀᔥᑕ ᐅ ᐎᔮᓯᐗᐤ ᓯᔪᑳᑎᓯᒋᒃ ᐃᓕᓕᐗᒃ, ᓀᔥᑕ ᐅ ᐎᔮᓯᐗᐤ ᒥᔅᑕᑎᒶᒃ, ᐊᓂᑭ ᓀᔥᑕ ᑳ ᑌᑕᐱᑐᑕᐙᒋᒃ, ᓀᔥᑕ ᐅ ᐎᔮᓯᐗᐤ ᒥᓯᐌ ᐃᓕᓕᐗᒃ, ᑳ ᑎᐯᓕᒥᑎᓱᒋᒃ ᓀᔥᑕ ᐊᐗᑳᓇᒃ, ᑳ ᐋᐱᔑᔑᒋᒃ ᓀᔥᑕ ᑳ ᒥᔑᑭᑎᒋᒃ᙮

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 19:5

ᐯᑖᑯᓯᐎᓐ ᒫᑲ ᐅᑭᒫᐗᐱᐎᓂᒃ, ᑭ ᐅᒋᐸᓕᐤ, ᐁ ᐃᑗᒪᑲᒃ, ᒫᒥᒋᒥᒃ ᑭ ᑭᒋᒪᓂᑐᒥᓇᐤ ᒥᓯᐌ ᑭᓚᐗᐤ ᐅᑦ ᐊᑑᔅᑫᓛᑲᓇ, ᑭᓚᐗᐤ ᓀᔥᑕ ᑳ ᓇᓂᒌᔅᑕᐌᒃ, ᑳ ᐋᐱᔑᔑᔑᔦᒃ ᓀᔥᑕ ᑳ ᒥᔑᑭᑎᔦᒃ᙮

ᑭᔅᑫᓕᑖᑯᑖᑫᐎᓐ 20:12

ᓂ ᑮ ᐙᐸᒫᐗᒃ ᒫᑲ ᑳ ᓂᐱᒋᒃ, ᐁ ᐋᐱᔑᔑᔑᒋᒃ ᓀᔥᑕ ᐁ ᒥᔑᑭᑎᒋᒃ, ᐁ ᐅᑎᔥᑲᐎᑳᐸᐐᔅᑕᐙᒋᒃ ᑭᒋᒪᓂᑐᐗ: ᒪᓯᓇᐃᑲᓇ ᒫᑲ ᑮ ᐋᐸᐃᑳᑌᐗ; ᑯᑕᒃ ᒪᓯᓇᐃᑲᓐ ᓀᔥᑕ ᑮ ᐋᐸᐃᑳᑌᐤ, ᐁᐗᑯ ᐱᒫᑎᓯᐎᓂ ᒪᓯᓇᐃᑲᓐ; ᑳ ᓂᐱᒋᒃ ᒫᑲ ᑮ ᐅᒋ ᑎᐹᔅᑯᓇᐗᒃ ᐊᓂᐃ ᒪᓯᓇᐃᑲᓂᒃ ᑳ ᒪᓯᓇᐃᑳᑌᓕᑭ, ᒬᒋ ᑳ ᑮ ᐃᔑ ᐊᑑᔅᑫᒋᒃ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 6:15

ᑭᒋᐅᑭᒪᐗᒃ ᒫᑲ ᐊᓐᑕ ᐊᔅᑮᒃ, ᓀᔥᑕ ᑭᒋ ᐃᓕᓕᐗᒃ, ᓀᔥᑕ ᒥᔕᑭᓯᐎᓕᓕᐗᒃ, ᓀᔥᑕ ᑭᒋ ᓇᑐᐸᓕᐎᑭᒪᐗᒃ, ᓀᔥᑕ ᓯᑳᔪᑎᓯᒋᒃ ᐃᓕᓕᐗᒃ, ᓀᔥᑕ ᒥᓯᐌ ᑕᑐ ᐊᐙᑲᓂᐎᓕᓕᐤ, ᓀᔥᑕ ᒥᓯᐌ ᑕᑐ ᑎᐯᓕᒥᑎᓱᐎᓕᓕᐤ, ᑮ ᑳᓱᐗᒃ ᐙᑎᒃ, ᓀᔥᑕ ᐁ ᑲᑭᔅᑖᐱᔅᑳᓕᒃ ᐗᒌᒃ;

ᑭᔅᑫᓕᑖᑯᑖᑫᐎᓐ 7:3

ᐁ ᐃᑗᑦ, ᐁᑳᐎᓚ ᐅᔑᑯᑖᒃ ᐊᔅᑭ, ᐁᑳ ᓀᔥᑕ ᑭᒋᑲᒥ, ᐁᑳ ᓀᔥᑕ ᒥᔅᑎᑾᒃ, ᐹᑎᒫ ᑮ ᑭᔅᑭᓄᐙᒋᐃᒪᑭᑡᐌ ᓂ ᑭᒋᒪᓂᑐᒥᓈᓐ ᐅᑦ ᐊᑑᔅᑫᓛᑲᓂᒪ ᐅᔅᑲᑎᑯᐙᒃ᙮