ᑭᔅᑫᓕᑖᑯᑖᑫᐎᓐ 13:15 - ᐅᔅᑭ ᑎᔅᑌᒥᓐᑦ

¹⁵ ᐋᔭᐤ ᓀᔥᑕ ᑲᔥᑭᐅᐎᓂᓕᐤ ᑭᒋ ᒥᓛᑦ ᐱᒫᑎᓯᐎᓂᓕᐤ ᐅ ᒪᓯᓕᓕᒥᓕᐗ ᐊᓂᐃ ᐊᐌᓯᓴ, ᐅ ᒪᓯᓕᓕᒪ ᐊᓇ ᐊᐌᓯᔅ ᑭᒋ ᐋᔭᒥᓕᒋ, ᓀᔥᑕ ᑭᒋ ᐃᑐᑕᒥᓕᒋ ᒥᓯᐌ ᐊᓂᑭ ᐁᑳ ᑳ ᐎ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ ᐊᐌᓯᔅ ᑭᒋ ᓂᐸᐋᑲᓂᐎᒋᒃ᙮

ᑭᔅᑫᓕᑖᑯᑖᑫᐎᓐ 13:15 Iomraidhean Croise

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:26

ᐌᓴ ᑖᐱᔅᑯᒡ ᒥᔭᐤ ᐁᑳ ᐁ ᐊᓯᒋᐸᓕᒃ ᐊᒑᒃ ᓂᐱᒫᑲᓐ, ᐁᑯ ᑖᐱᔅᑯᒡ ᑖᐺᔦᓕᑕᒧᐎᓐ ᐁᑳ ᐁ ᐊᓯᒋᐸᓕᒃ ᐊᑑᔅᑫᐎᓇ ᓂᐱᒫᑲᓐ ᓀᔥᑕ᙮

ᑭᔅᑫᓕᑖᑯᑖᑫᐎᓐ 13:1

ᓂ ᑮ ᓂᐸᐎᓐ ᒫᑲ ᓓᑳᒃ ᔑᔓᒡ ᑭᒋᑲᒦᒃ, ᓂ ᑮ ᐙᐸᒪᐤ ᒫᑲ ᐊᐌᓯᔅ ᑭᒋᑲᒥᒃ ᐁ ᐅᒋ ᐸᓯᑯᑦ, ᓂᔂᔅ ᐁ ᑕᑐᔅᑎᒀᓀᑦ ᓀᔥᑕ ᐁ ᒥᑖᑐᑌᔥᑲᓄᑦ, ᓀᔥᑕ ᑕᑯᒡ ᐅᑦ ᐁᔥᑲᓂᒃ ᒥᑖᑦ ᐅᑭᒪᐗᔅᑐᑎᓋ, ᓀᔥᑕ ᐅᔅᑎᒀᓂᒃ ᐹᔅᑖᒧᐎ ᐃᔑᓂᑳᓱᐎᓇ᙮

ᑭᔅᑫᓕᑖᑯᑖᑫᐎᓐ 13:12

ᐋᐸᒋᑕᐌᐤ ᒫᑲ ᒥᓯᐌ ᐅ ᑲᔥᑭᐅᐎᓂᓕᐤ ᐊᓂᐃ ᓃᔥᑕᒻ ᐊᐌᓯᓴ ᐁ ᑳᓇᐙᐸᒥᑯᑦ, ᓀᔥᑕ ᐃᑐᑕᒻ ᐊᔅᑭ ᓀᔥᑕ ᒥᓯᐌ ᐁᑯᑕ ᑳ ᑕᔑᑫᓕᒋ, ᑭᒋ ᓇᐗᑮᔅᑕᐙᓕᒋ ᐊᓂᐃ ᓃᔥᑕᒻ ᐊᐌᓯᓴ, ᐊᓇ ᐁ ᓂᐱᐎᓂ ᒥᔣᑲᓂᐎᑦ ᑳ ᒥᓇᐙᒋᑖᓂᐗᓂᓕᒃ᙮

ᑭᔅᑫᓕᑖᑯᑖᑫᐎᓐ 13:14

ᐙᔦᔑᐁᐤ ᒫᑲ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᐊᓂᐃ ᒫᒪᔅᑳᒋ ᐃᔑᒋᑫᐎᓇ ᐅᒋ ᑳ ᑲᔥᑭᑖᑦ ᑭᒋ ᑐᑕᒃ ᐁ ᑲᓇᐙᐸᒥᑯᑦ ᐊᓂᐃ ᐊᐌᓯᓴ; ᐁ ᐃᑖᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᑭᒋ ᒪᓯᓕᓕᑲᐙᓕᒋ ᐊᐌᓯᓴ, ᐊᓇ ᑳ ᑭ ᒥᔣᑲᓂᐎᑦ ᔑᒫᑲᓂᓕᐤ ᐅᒋ, ᐁᓕᐌᒃ ᒫᑲ ᐁ ᑮ ᐱᒫᑎᓰᑦ᙮

ᑭᔅᑫᓕᑖᑯᑖᑫᐎᓐ 14:11

ᐁ ᑲᔥᑳᐸᑌᓕᒃ ᒫᑲ ᐅ ᑲᒀᑕᑭᓯᐎᓂᐗᐤ ᐅᐱᐸᓕᓕᐤ ᑳᑭᑫ ᓀᔥᑕ ᑳᑭᑫ; ᓇᒪ ᓀᔥᑕ ᐋᓜᐱᐗᒃ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᐊᓂᑭ ᑳ ᓇᐗᑮᔅᑕᐙᒋᒃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᐊᓇ ᓀᔥᑕ ᑳ ᑭᔅᑭᓄᐙᒋᐋᑲᓂᐎᑦ ᐁ ᐃᔑᓂᑳᓱᓕᒋ᙮

ᑭᔅᑫᓕᑖᑯᑖᑫᐎᓐ 14:9

ᐊᓇ ᓂᔅᑐ ᐁᓐᒐᓪ ᓀᔥᑕ ᑮ ᐱᒥᓄᔅᐱᓇᔑᐌᐤ, ᐁ ᐃᑗᑦ, ᐁ ᑭᔗᐌᑦ, ᑮᔥᐱᓐ ᐊᐌᓇ ᓇᐗᑮᔅᑕᐙᑌ ᐊᓂᐃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᓀᔥᑕ ᐅᑎᓇᒸᑌ ᐅ ᑭᔅᑭᓄᐙᒋᐅᐎᓂᓕᐤ ᐅᔅᑲᑎᑯᒃ, ᓀᔥᑕᐱᑯ ᐅᒌᒌᒃ,

ᑭᔅᑫᓕᑖᑯᑖᑫᐎᓐ 16:2

ᐊᓇ ᓃᔥᑕᒻ ᒫᑲ ᑮ ᑭᑐᑌᐤ, ᐅᑦ ᐅᓛᑲᓂᔕ ᒫᑲ ᐗᑭᑕᔅᑲᒥᒃ ᑮ ᐃᔑ ᓯᑭᓇᒻ; ᑮ ᐅᑎᑎᑯᐗᒃ ᒫᑲ ᐁ ᒫᓛᑕᓂᓕᒃ ᓀᔥᑕ ᐋᑾᓂᓕᒃ ᐎᓴᑭᓯᐎᓂᓕᐤ ᐊᓂᑭ ᐃᓕᓕᐗᒃ ᑳ ᐋᔭᐙᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐊᓂᐃ ᐊᐌᓯᓴ, ᐊᓂᑭ ᓀᔥᑕ ᓇᐗᑭᔅᑕᐃᒫᒋᒃ ᐅ ᒪᓯᓕᓕᒪ᙮

ᑭᔅᑫᓕᑖᑯᑖᑫᐎᓐ 16:5

ᓂ ᑮ ᐯᑕᐗᐤ ᒫᑲ ᐊᓇ ᐁᓐᒐᓪ ᑳ ᑎᐯᓕᑕᒃ ᓂᐱᔭ ᐁ ᐃᑗᑦ, ᑮ ᒀᔭᔅᑭᑖᑎᓰᓐ, ᐅ ᑌᐯᓕᒋᑫᔭᓐ, ᑳ ᐃᑖᔭᓐ, ᓀᔥᑕ ᑳ ᑭ ᐃᑖᔭᓐ, ᓀᔥᑕ ᑫ ᐃᑖᔭᓐ, ᐅᒪ ᐃᔑ ᐁ ᑮ ᑎᐹᔅᑯᓂᑫᔭᓐ᙮

ᑭᔅᑫᓕᑖᑯᑖᑫᐎᓐ 17:14

ᐅᑯ ᑲᑕ ᓇᑐᐸᓖᔅᑕᐌᐗᒃ ᒫᓂᔥᒑᓂᔑᔕ, ᑲᑕ ᔖᑯᒋᐃᑯᐗᒃ ᒫᑲ ᒫᓂᔥᒑᓂᔑᔕ; ᐌᓴ ᐎᓚ ᑎᐯᓕᒣᐤ ᐅᑎᐯᓕᒋᑫᐗ, ᓀᔥᑕ ᐅ ᑭᒋᐅᑭᒫᒥᐙᐗ ᑭᒋᐅᑭᒫᐗᒃ:

ᑭᔅᑫᓕᑖᑯᑖᑫᐎᓐ 17:17

ᐌᓴ ᑭᒋᒪᓂᑐ ᑮ ᐊᔅᑖᐌᐤ ᐅᑌᐃᓕᒃ ᑭᒋ ᑎᐱᑐᑕᒥᓕᒋ ᐅᑦ ᐃᑌᓕᑕᒧᐎᓐ, ᓀᔥᑕ ᑖᐱᔅᑯᒡ ᑭᒋ ᐃᑌᓕᑕᒥᓕᒋ ᑭᒋ ᒥᓛᓕᒋ ᐊᓂᐃ ᐊᐌᓯᓴ ᐅᑦ ᐅᑭᒫᐎᐎᓂᐗᐤ, ᐹᑎᒫ ᑎᐱᐸᓕᓕᑳᐌ ᐅᑦ ᐋᔭᒥᐎᓇ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 17:6

ᓂ ᑮ ᐙᐸᒪᐤ ᒫᑲ ᐃᔅᑴᐤ ᐁ ᑮᔥᑴᐯᔅᑳᑯᓕᒋ ᐅ ᒥᑯᓕᐤ ᐅᐸᓓᑫᓴ ᓀᔥᑕ ᐅᒥᑯᓕᐤ ᐅ ᒫᕐᑕᓕᒪ ᒋᓴᔅ: ᐃᔅᐱ ᒫᑲ ᐎᐋᐸᒪᒃ, ᓂ ᑮ ᒫᒪᔅᑳᑌᓐ ᓈᔅᐱᒡ ᐁ ᒫᒪᔅᑳᑌᓕᑕᒫᓐ᙮

ᑭᔅᑫᓕᑖᑯᑖᑫᐎᓐ 18:20

ᒥᓚᐙᑎᒃ, ᑭᓚᐗᐤ ᑭᒋᑭᔑᑯᒃ, ᓀᔥᑕ ᐯᓓᑭᓯᔦᒃ ᐊᐸᔅᑕᓕᑐᒃ ᓀᔥᑕ ᐅᑭᔅᑭᐙᐃᑫᑐᒃ; ᐌᓴ ᑭᒋᒪᓂᑐ ᑮ ᐋᔅᑯᒋᐁᐤ ᑳ ᑮ ᑐᑕᒫᑲᐎᔦᒃ᙮

ᑭᔅᑫᓕᑖᑯᑖᑫᐎᓐ 18:24

ᐱᒋ ᒫᑲ ᐁ ᐃᑖᑦ ᑮ ᒥᔅᑭᑳᑌᓕᐤ ᐅᒥᑯᐗᐤ ᐅᑭᔅᑭᐙᐃᑫᐗᒃ, ᓀᔥᑕ ᐅᐸᓓᑭᓴᒃ, ᓀᔥᑕ ᒥᓯᐌ ᐊᓂᑭ ᐅᑦ ᐊᔅᑮᒃ ᑳ ᑮ ᓂᐸᐋᑲᓂᐎᒋᒃ᙮

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮