ᑭᔅᑫᓕᑖᑯᑖᑫᐎᓐ 13:10 - ᐅᔅᑭ ᑎᔅᑌᒥᓐᑦ

¹⁰ ᐊᓇ ᐊᐗᑳᔑᐌᐎᓂᒃ ᑳ ᐃᑐᑕᐃᐌᑦ, ᐊᐗᑳᔑᐌᐎᓂᒃ ᑲᑕ ᐃᑐᑌᐤ; ᐊᓇ ᔑᒫᑲᓂᓕᐤ ᑳ ᐅᒋ ᓂᐹᔨᐌᑦ ᔑᒫᑳᓂᓕᐤ ᑲᑕ ᐅᒋ ᓂᐸᐋᐤ᙮ ᐅᑕ ᐃᑕᑾᓂᓕᐤ ᐅ ᔑᐱᓚᐌᓯᐎᓂᐗᐤ ᓀᔥᑕ ᐅ ᑖᐺᔦᓕᑕᒧᐎᓂᐗᐤ ᐅᐸᓓᑭᓴᒃ᙮

ᑭᔅᑫᓕᑖᑯᑖᑫᐎᓐ 13:10 Iomraidhean Croise

ᐅᐸᓓᑭᔅ ᒫᑎᐤ 26:52

ᐁᑯ ᒋᓴᔅ ᐁᑖᑦ, ᐱᑕᐊ ᑭ ᔑᒫᑲᓐ ᐃᑕ ᑫ ᐃᔑ ᐊᔅᑌᑭᐸᓐ: ᐌᓴ ᒥᓯᐌ ᑳ ᐅᑎᓇᑭᒃ ᔑᒫᑲᓂᓕᐤ, ᑲᑕ ᐅᒋ ᓂᔑᐗᓈᑎᓯᐗᒃ ᔑᒫᑲᓂᓕᐤ᙮

ᐅᐸᓓᑭᔅ ᒫᑎᐤ 7:2

ᐁᑯ ᐊᓂᒪ ᑎᐹᔅᑯᓂᑫᐎᒃ ᑫ ᐃᔑ ᑎᐹᔅᑯᓂᑫᔦᒃ, ᐁᑯ ᓀᔥᑕ ᑭᓚᐗᐤ ᑫ ᐃᔑ ᑎᐹᔅᑯᓂᑲᐎᔦᒃ: ᐊᓂᒪ ᑎᐹᔨᑲᓐ ᓀᔥᑕ ᑫ ᐃᔑ ᑎᐹᔨᑫᔦᒃ, ᐁᑯ ᓀᔥᑕ ᑭᓚᐗᐤ ᑫ ᐃᔑ ᑎᐸᐊᒫᑲᐎᔦᒃ᙮

ᐅᐸᓓᑭᔅ ᓘᒃ 21:19

ᐁ ᔑᐱᓚᐌᓯᔦᒃ ᑲᓇᐌᓕᒥᑯᒃ ᑭᑦ ᐊᒑᑯᐙᐗᒃ᙮

ᑯᓚᔑᔭᓇ 1:11

ᐁ ᒪᔥᑲᐎᓯᔅᑳᑯᔦᒃ ᒥᓯᐌ ᓱᑳᑎᓯᐎᓐ, ᑳ ᐃᑕᔅᑌᓕᒃ ᐅ ᑭᒋ ᑲᔥᑭᐅᐎᓐ ᒥᓯᐌ ᔑᐱᓚᐌᓯᐎᓂᒃ ᐃᔑ ᓀᔥᑕ ᔑᐯᓕᑕᒧᐎᓂᒃ ᑭᑭ ᒥᓚᐙᑕᒧᐎᓐ;

ᐦᐃᑉᕉᐗ 6:12

ᐁᑳ ᑭᒋ ᑭᑎᒥᔦᒃ, ᒫᑲ ᐁ ᓄᔅᐱᓇᑌᑾᒃ ᐊᓂᑭ, ᑖᐺᔦᓕᑕᒧᐎᓐ ᐅᒋ ᓀᔥᑕ ᔑᐱᓚᐌᓯᐎᓐ ᑳ ᐊᑎ ᐋᔮᒋᒃ ᐊᓂᐃ ᐊᔓᑕᒫᑫᐎᓇ᙮

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮

ᑭᔅᑫᓕᑖᑯᑖᑫᐎᓐ 11:18

ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᒫᑲ ᑮ ᑭᓯᐙᓯᐗᒃ, ᑭᑦ ᐋᑯᓚᐌᓯᐎᓐ ᓀᔥᑕ ᐅᑎᒋᐸᓕᐤ, ᓀᔥᑕ ᐅᑎᒋᐸᓕᓕᐤ ᐅᓂᐱᐗᒃ ᑭᒋ ᑎᐹᔅᑯᓈᑲᓂᐎᒋᒃ, ᓀᔥᑕ ᑭᒋ ᑎᐸᐊᒪᐗᒋᒃ ᑭᑦ ᐊᑑᔅᑫᓛᑲᓇᒃ ᐅᑭᔅᑭᐙᐃᑫᐗᒃ, ᓀᔥᑕ ᐅᐸᓓᑭᓴᒃ, ᐊᓂᑭ ᓀᔥᑕ ᑳ ᑯᔅᐸᓀᓕᑕᑭᒃ ᑭᑦ ᐃᔑᓂᑳᓱᐎᓂᓕᐤ, ᐁ ᐋᐱᔅᑌᓕᑖᑯᓯᒋᒃ ᓀᔥᑕ ᐁ ᑭᔅᑎᓯᒋᒃ; ᓀᔥᑕ ᑭᒋ ᓂᔑᐗᓈᒋᐊᒋᒃ ᐊᓂᑭ ᑳ ᓂᔑᐗᓈᒋᑖᒋᒃ ᐊᔅᑭᓕᐤ᙮

ᑭᔅᑫᓕᑖᑯᑖᑫᐎᓐ 14:12

ᐅᑕ ᐃᑕᑾᓂᓕᐤ ᐅ ᔑᐱᓚᐌᓯᐎᓂᐗᐤ ᐅᐸᓓᑭᓴᒃ: ᐅᑕ ᐃᑖᐗᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑲᑫᔅᑴᐎᓂᓕᐗ ᑭᒋᒪᓂᑐᐗ, ᓀᔥᑕ ᐅ ᑖᐺᔦᓕᑕᒧᐎᓂᓕᐤ ᒋᓴᓴ᙮

ᑭᔅᑫᓕᑖᑯᑖᑫᐎᓐ 16:6

ᐌᓴ ᑮ ᓯᑭᓇᒬᐗᒃ ᐅ ᒥᑯᓕᐤ ᐅᐸᓓᑭᓴ ᓂᔥᑕ ᐅᑭᔅᑭᐙᐃᑫᐗ, ᒥᑯᓕᐤ ᓀᔥᑕ ᑭ ᑮ ᒥᓇᐋᐗᒃ; ᐌᓴ ᑌᐸᑫᓕᑖᑯᓯᐗᒃ᙮

ᑭᔅᑫᓕᑖᑯᑖᑫᐎᓐ 17:11

ᐊᓇ ᐊᐌᓯᔅ ᒫᑲ ᑳ ᑮ ᐃᑖᑦ, ᐁᑳ ᒫᑲ ᑳ ᐃᑖᑦ, ᐁᐗᒀᓇ ᔭᓈᓀᐤ ᑳ ᐃᑕᑭᓱᑦ, ᓀᔥᑕ ᐊᓯᒋᐸᓕᐤ ᐊᓂᐃ ᓂᔂᔅ, ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ᙮

ᑭᔅᑫᓕᑖᑯᑖᑫᐎᓐ 17:8

ᐊᓇ ᐊᐌᓯᔅ ᑳ ᑮ ᐙᐸᒪᑦ ᑮ ᐃᑖᐤ, ᓇᒪ ᐃᑖᐤ ᒫᑲ; ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᒫᑲ ᑲᑕ ᐅᒋ ᐅᐱᔅᑲᐤ, ᑲᑕ ᐃᑐᑌᐤ ᒫᑲ ᓂᔑᐗᓈᑎᓯᐎᓂᒃ: ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒫᒫᔅᑳᑕᒶᒃ, (ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᑮ ᒪᓯᓇᐃᑳᑌᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ ᐊᔅᐱᓐ ᑳ ᒫᒋ ᐊᔅᑮᐗᒃ,) ᐃᔅᐱ ᐙᐸᒫᑡᐌ ᐊᓂᐃ ᐊᐌᓯᓴ ᑳ ᑮ ᐃᑖᓕᒋ, ᐁᑳ ᒫᑲ ᐁ ᐃᑖᓕᒋ, ᐁᓕᐌᒃ ᒫᑲ ᐁ ᐃᑕᓕᒋ᙮

ᑭᔅᑫᓕᑖᑯᑖᑫᐎᓐ 2:19

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭ ᓵᑭᐃᐌᐎᓐ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᑖᐺᔦᓕᑕᒧᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᑭᑦ ᐊᑑᔅᑫᐎᓇ; ᓀᔥᑕ ᐊᓂᐃ ᒫᒋᒡ ᐊᐙᓯᑌ ᐁ ᑭᔅᑕᑭᑖᑾᑭ ᐃᔥᐱᔥ ᐊᓂᐃ ᓃᔥᑕᒻ᙮

ᑭᔅᑫᓕᑖᑯᑖᑫᐎᓐ 2:2

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᐁᑳ ᐁ ᑮ ᔑᐯᓕᒪᒋᒃ ᐊᓂᑭ ᑳ ᒪᒋᑣᒋᒃ: ᑭ ᑮ ᑲᑴᒋᐋᐗᒃ ᒫᑲ ᐊᓂᑭ ᓂᑦ ᐊᐸᔅᑕᓕᐎᓂᓈᓐ ᑳ ᐃᑗᒋᒃ, ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᑭ ᑮ ᒥᔅᑲᐙᐗᒃ ᒫᑲ ᐁ ᑭᓛᔅᑭᔅᑭᒋᒃ:

ᑭᔅᑫᓕᑖᑯᑖᑫᐎᓐ 3:10

ᐁ ᑮ ᑲᓇᐌᓕᑕᒪᓐ ᓂ ᔑᐱᓚᐌᓯᐎᓂ ᐋᔭᒥᐎᓐ, ᓂᓚ ᓀᔥᑕ ᑭ ᑳ ᑲᓇᐌᓕᒥᑎᓐ ᐃᔅᐱ ᐅᑎᒋᐸᓕᑫ ᑭᒋ ᑲᑴᒋᐃᐌᐎᓂᐗᒃ, ᑫ ᐯᒋ ᐱᒥᐸᓕᒃ ᒥᓯᐌ ᐊᔅᑮᒃ, ᑭᒋ ᑲᑴᒋᐃᑯᒋᒃ ᐊᓂᑭ ᐊᔅᑮᒃ ᑳ ᑕᔑᑫᒋᒃ᙮

ᑭᔅᑫᓕᑖᑯᑖᑫᐎᓐ 3:3

ᑭᔅᑭᓯ ᒫᑲ ᑳ ᑭ ᐃᔑ ᐅᑎᓇᒪᓐ ᓀᔥᑕ ᐯᑕᒪᓐ, ᒪᔥᑲᐎ ᒥᒋᒥᓇ ᒫᑲ ᓀᔥᑕ ᒥᒋᓚᐌᔦᓕᑕ᙮ ᑭᔥᐱᓐ ᒫᑲ ᐁᑳ ᐊᔕᐙᐱᔭᓀ, ᑭ ᑳ ᐯᒋ ᓈᑎᑎᓐ ᑖᐱᔅᑯᒡ ᑭᒧᑎᔉ, ᓇᒪᐎᓚ ᒫᑲ ᑭ ᑳ ᑭᔅᑫᓕᑌᓐ ᑫᑯ ᑎᐹᔨᑲᓂᒃ ᐃᔅᐱ ᑫ ᐯᒋ ᓈᑎᑖᓐ᙮