ᑭᔅᑫᓕᑖᑯᑖᑫᐎᓐ 12:9 - ᐅᔅᑭ ᑎᔅᑌᒥᓐᑦ

⁹ ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 12:9 Iomraidhean Croise

ᐅᐸᓓᑭᔅ ᒫᑎᐤ 13:39

ᑳ ᐸᒀᔑᐃᐌᑦ ᑳ ᐗᓴᓶᐱᓇᒃ ᐁᐗᑯ ᒪᒋᒪᓂᑐ; ᐁ ᒫᐗᒋᒋᑳᓂᐗᒃ ᐁᐗᑯ ᐁ ᐃᔥᒀᐸᓕᒃ ᐊᔅᑭ; ᐅᒪᓂᔑᑫᐗᒃ ᓀᔥᑕ ᐁᐗᒀᓂᑭ ᐁᓐᒐᓚᒃ᙮

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᒫᑎᐤ 4:1

ᐁᑯ ᒫᑲ ᒋᓴᔅ ᑳ ᐃᑐᑕᐃᑯᑦ ᐊᒑᑾ ᐸᑾᑕᔅᑲᒥᑳᒃ ᑭᒋ ᑲᑴᒋᐃᑯᑦ ᒪᒋᒪᓂᑐᐗ᙮

ᐅᐸᓓᑭᔅ ᒫᑎᐤ 4:10

ᐁᑯ ᒋᓴᔅ ᐁᑖᑦ, ᐊᐗᔅ ᒫᒑ, ᓭᑖᓐ: ᐌᓴ ᐃᑕᓯᓇᐃᑳᑌᐤ, ᑭ ᑳ ᓇᐗᑮᔅᑕᐗᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ, ᐎᓚ ᓀᔥᑕ ᐱᑯ ᑭ ᑳ ᐊᑑᔅᑫᔅᑕᐗᐤ᙮

ᐅᐸᓓᑭᔅ ᒫᑎᐤ 4:5

ᐁᑯ ᒫᑲ ᒪᒋᒪᓂᑐ ᐁᑐᑕᐋᑦ ᐸᓓᑭ ᐃᑖᐎᓂᒃ, ᑮ ᑌᑕᓓᐤ ᒫᑲ ᑕᑯᒡ ᐃᑕ ᐁ ᐃᔥᐹᓕᒃ ᑭᒋᐋᔭᒥᐁᐎᑲᒥᑯᒃ,

ᐅᐸᓓᑭᔅ ᒫᑎᐤ 4:8

ᒥᓇ ᒪᒋᒪᓂᑐ ᐃᑐᑕᐁᐤ ᐗᒋᒃ ᓈᔅᐱᒡ ᐁ ᐃᔅᐸᑎᓈᓕᒃ, ᐙᐸᑎᓓᐤ ᒫᑲ ᒥᓯᐌ ᐅᑭᒫᐎᐎᓇ ᐅᑕ ᐊᔅᑮᒃ, ᓀᔥᑕ ᐁᔅᐱᒋ ᒥᓗᓈᑾᓂᓕᑭ;

ᐅᐸᓓᑭᔅ ᓘᒃ 10:18

ᑮ ᐃᑌᐤ ᒫᑲ, ᓂ ᑮ ᐙᐸᒪᐤ ᓭᑖᓐ ᑖᐱᔅᑯᒡ ᐁ ᐙᔅᑌᐸᓕᒃ ᑭᒋᑭᔑᑯᒃ ᐁ ᐅᒋ ᐸᑭᔑᒃ᙮

ᐅᐸᓓᑭᔅ ᓘᒃ 13:16

ᐊᐗ ᐃᔅᑴᐤ ᒫᑲ, ᐁ ᐅᑖᓂᓯᒥᑯᑦ ᐁᑉᕃᐊᒪ, ᑳ ᒫᒫᒋᑯᐱᑎᑯᑦ ᓭᑕᓇ, ᒫᑎᑲ, ᐃᔥᐱᔥ ᔭᓈᓀᐅᔖᑉ ᐱᐴᓋ, ᓇᒪ ᓈ ᑲᑕ ᐋᐸᐙᑲᓂᐎᐸᓐ ᐅᒣᓕᐤ ᒫᒫᒋᑯᐱᒋᑲᓂᓕᐤ ᐅᒋ ᐁ ᐋᔭᒥᐁᑭᔑᑳᓕᒃ?

ᐅᐸᓓᑭᔅ ᓘᒃ 22:3

ᐁᑯ ᓭᑖᓐ ᐹᑐᑫᔅᑳᑯᐙᑦ ᒎᑕᓴ ᑳ ᐊᔅᐱᓂᑳᓱᓕᒋ ᐃᔅᑳᕆᔭᑦ, ᐁ ᐊᔑᑕᑭᒫᑲᓂᐎᓕᒋ ᐊᓂᐃ ᓂᔓᔖᑉ᙮

ᐅᐸᓓᑭᔅ ᓘᒃ 22:31

ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᓵᐃᒪᓐ, ᓵᐃᒪᓐ, ᒫᑎᑲ, ᓭᑖᓐ ᑭ ᑮ ᓇᑕᐌᓕᒥᑯᐗᐤ ᑭᒋ ᓯᑳᐌᐸᓕᐃᑖᒃ ᑖᐱᔅᑯᒡ ᐸᑴᔑᑲᓂᒥᓇ᙮

ᐅᐸᓓᑭᔅ ᓘᒃ 8:12

ᐊᓂᑭ ᐅᐱᒣ ᒣᔅᑲᓈᒃ ᐁᐗᒀᓂᑭ ᑳ ᐯᑕᑭᒃ: ᐁᑯ ᐱᐁᒋ ᒪᔅᑲᒥᑯᒋᒃ ᒪᒋᒪᓂᑐᐗ ᐋᔭᒥᐎᓂᓕᐤ ᐅᑌᐃᐙᒃ ᐅᒋ, ᐁᑳ ᑭᒋ ᑖᐺᑕᑭᒃ ᓀᔥᑕ ᑭᒋ ᐱᒫᒋᐋᑲᓂᐎᒋᒃ᙮

ᐅᐸᓓᑭᔅ ᒑᓐ 12:31

ᐊᓄᒡ ᑎᐹᔅᑯᓂᑳᑌᐤ ᐅᒪ ᐊᔅᑭ: ᐊᓄᒡ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ ᑲᑕ ᐗᓚᐎᐌᐱᓈᑲᓂᐎᐤ᙮

ᐅᐸᓓᑭᔅ ᒑᓐ 14:30

ᐊᓄᒡ ᐅᒋ ᓇᒪᐎᓚ ᒥᔅᑕᐃ ᑭ ᑳ ᐎᒋᐋᔭᒥᒥᑎᓇᐗᐤ: ᐌᓴ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑭᓕᐤ ᐯᒋ ᐃᑐᑌᐤ, ᓇᒪ ᓀᔥᑕ ᑫᒀᓕᐤ ᐋᔭᐤ ᑳ ᐱᒋᔅᑲᑯᐗᒃ᙮

ᐅᐸᓓᑭᔅ ᒑᓐ 16:11

ᑎᐹᔅᑯᓂᑫᐎᓂᓕᐤ ᐅᒋ, ᐁ ᑎᐹᔅᑯᓈᑲᓂᐎᑦ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ᙮

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᐊᐸᔅᑕᓚᒃ 5:3

ᒫᑲ ᐱᑕᕐ ᑮ ᐃᑌᐤ ᐋᓇᓈᐃᐊᓴ, ᑕᓀᑭ ᐌᒋ ᓭᑕᓐ ᑮ ᓵᑲᔅᑭᓇᑖᑦ ᑭᑌᐃᓕᐤ ᑭᒋ ᑭᓛᔅᑭᒪ ᑳ ᐸᓓᑭᓯᑦ ᐊᒑᒃ, ᓀᔥᑕ ᑭᒋ ᓇᑳᓇᒪᓐ ᐸᔅᑭ ᐊᓂᒪ ᑳ ᐃᑕᑭᒋᑳᑌᒃ ᐊᔅᑭ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:18

ᐌᓴ ᐁᐗᒀᓂᑭ ᑐᐎᑳᓇᒃ ᐁᑳ ᑳ ᐊᑑᔅᑫᔅᑕᐙᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ, ᒫᑲ ᑎᐱᓚᐌ ᐙᑖᐗᐤ; ᓀᔥᑕ ᐁ ᒥᓗᐋᔭᒥᒋᒃ ᓀᔥᑕ ᐁ ᓱᔅᒀᒋ ᐋᔭᒥᒋᒃ ᑳ ᐙᔦᔑᑕᒸᒋᒃ ᐅᑌᐃᓕᐗ ᐊᓂᐃ ᐁᑳ ᑳ ᓕᑆᑳᓂᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:20

ᑭᒋᒪᓂᑐ ᒫᑲ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᐎᐸᒡ ᑲᑕ ᐊᐱᑕᐌᐤ ᓭᑕᓇ ᔑᐹ ᑭᓯᑎᐙᒃ᙮ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ᙮ ᐁᒣᓐ᙮

ᓂᔓ ᑯᕆᓐᑎᐊᓇ 11:14

ᓇᒪᐎᓚ ᒫᑲ ᒫᒪᔅᑳᒡ: ᐌᓴ ᓭᑖᓐ ᑫᒋᐙᒃ ᑴᔅᑭᓈᑯᐃᑎᓱ ᑖᐱᔅᑯᒡ ᐙᔅᑌᐎᓂ ᐁᓐᒐᓪ᙮

ᓂᔓ ᑯᕆᓐᑎᐊᓇ 11:3

ᒫᑳ ᓂ ᑯᔅᑖᒋᓐ, ᓈᓐᑕᐤ ᐃᔑ, ᑖᐱᔅᑯᒡ ᒥᔑᑭᓀᐱᒃ ᑳ ᑮ ᐃᔑ ᐙᔦᔑᐋᑦ ᐃᐸ ᐅ ᑲᑳᔦᓕᓯᐎᓂᒃ ᐅᒋ, ᐁᑯ ᑖᐱᔅᑯᒡ ᑭ ᒥᑐᓀᓕᒋᑲᓂᐗᐗ ᑭᒋ ᐙᔦᔑᑖᓂᐗᑭ ᐸᓓᑭᑌᓕᑕᒧᐎᓂᐤ ᐅᒋ ᙭ᑎᒃ ᑳ ᐃᑕᑾᓂᓕᒃ᙮

ᓂᔓ ᑯᕆᓐᑎᐊᓇ 12:7

ᓀᔥᑕ ᒫᑲ ᐁᑳ ᐋᓕᐙᒃ ᑭᒋ ᐃᔑ ᐃᔥᐯᓕᒥᑎᓯᔮᓐ, ᐁ ᒥᒉᑎᑭ ᑭᔅᑫᓕᑖᑯᑖᑫᐎᓇ ᐅᒋ, ᓂ ᑮ ᒥᓕᑲᐎᓐ ᒥᔑᑲᐎᒥᓇᑯᔑ ᓂ ᐎᔮᓯᒃ, ᐅᑦ ᐃᔑᑎᔕᐙᑲᓇ ᓭᑖᓐ ᑭᒋ ᐸᐸᑲᒥᐅᓕᒋ, ᐁᑳ ᐋᓕᐙᒃ ᑭᒋ ᐃᔥᐯᓕᒥᑎᓱᔮᓐ᙮

ᓂᔓ ᑯᕆᓐᑎᐊᓇ 2:11

ᓭᑕᓐ ᐁᑳ ᑭᒋ ᐙᔦᔑᐃᑕᒃ: ᐌᓴ ᑭ ᑭᔅᑫᓕᑕᒸᓈᓇᐤ ᐅ ᑲᑳᔦᓕᓯᐎᓇ᙮

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᐃᐱᓯᔭᓇ 4:14

ᐁᑳ ᑫᔮᐸᒡ ᑭᒋ ᐊᐙᔑᔑᐎᔭᒃ ᐁ ᒫᒦᔅᑯᒋᐸᓕᔭᒃ ᐸᐹᐌᐹᔅᑎᒥᑯᔭᒃ ᒥᓯᐌ ᐹᐱᑐᔥ ᑭᔅᑭᓄᐊᒫᑫᐎᓐ, ᐁ ᒋᔑᐃᑕᑾᒃ ᐙᔦᔑᐃᐌᐎᓕᓕᐗᒃ, ᓀᔥᑕ ᐅ ᒪᒋ ᑲᑳᔦᓕᓯᐎᓂᐗᐤ, ᐃᑕ ᑳ ᐅᒋ ᐊᔣᐃᑫᒋᒃ ᑭᒋ ᐙᔦᔑᐃᐌᒋᒃ;

ᓂᔓ ᑌᓴᓗᓂᔭᓇ 2:3

ᐁᑳᐎᓚ ᐊᐌᓇ ᑭ ᑳ ᐙᔦᔑᐃᑯᐗᐤ ᓈᓐᑕᐤ ᐃᔑ: ᐌᓴ ᐊᓂᒪ ᐁ ᑭᔑᑳᒃ ᓇᒪᐎᓚ ᑲᑕ ᐅᑎᒋᐸᓕᐤ ᐹᑎᒫ ᐱᑯ ᑮ ᑕᑯᔑᓄᒪᑲᑫ ᐸᑭᔑᓂᐎᓐ, ᓀᔥᑕ ᐊᓇ ᒪᒋᑣᐎᓂ ᐃᓕᓕᐤ ᑮ ᓄᑯᓯᑌ, ᐊᓇ ᑳ ᐅᑯᓯᓯᒥᑯᑦ ᓂᔑᐗᓈᑎᓯᐎᓂᓕᐤ;

ᓂᔥᑕᒻ ᑎᒧᑎ 2:14

ᐋᑕᒻ ᒫᑲ ᓇᒪᐎᓚ ᑮ ᐙᔦᔑᐊᐤ, ᒫᑲ ᐃᔅᑴᐤ ᐁ ᑮ ᐙᔦᔑᐋᑲᓂᐎᑦ ᑮ ᐗᓂᑐᑕᒻ᙮

ᓂᔓ ᑎᒧᑎ 3:13

ᒫᑲ ᒪᒋ ᐃᓕᓕᐗᒃ ᓀᔥᑕ ᐅᐙᔦᔑᐃᐌᐗᒃ ᐋᒋᐱᑯ ᐋᒋᐱᑯ ᑲᑕ ᒪᒋᑣᐗᒃ, ᐁ ᐙᔦᔑᐃᐌᒋᒃ ᓀᔥᑕ ᐁ ᐙᔦᔑᐋᑲᓂᐎᒋᒃ᙮

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᓂᔥᑕᒻ ᐱᑕᕐ 5:8

ᐯᑳᒡ ᐃᑕᑎᓰᒃ, ᔮᒀᒥᓯᒃ; ᐌᓴ ᑳ ᐎ ᒪᒋᑐᑖᑖᒃ ᒪᒋᒪᓂᑐ, ᑖᐱᔅᑯᒡ ᐁ ᐅᓗᑦ ᒥᔑᐱᔑᐤ ᐸᐹᒧᑌᐤ ᐁ ᓈᓇᑕᐙᐸᒫᑦ ᐊᐌᓕᐗ ᑫ ᑯᒋᐸᓕᐋᑦ:

ᓂᔥᑕᒻ ᒑᓐ 5:19

ᑭ ᑭᔅᑫᓕᑌᓈᓇᐤ ᒫᑲ ᐁ ᑎᐯᓕᒥᑕᒃ ᑭᒋᒪᓂᑐ, ᓀᔥᑕ ᒥᓯᐌ ᐊᔅᑭ ᐁ ᐱᒥᑎᒃ ᒪᒑᑎᓯᐎᓂᒃ᙮

ᒎᑦ 1:9

ᐁᓕᐌᒃ ᒫᑳ ᒫᐃᑫᓪ ᐊᓇ ᑭᒋᐁᓐᒐᓪ, ᐃᔅᐱ ᐃᐋᔑᑌᒫᑦ ᒪᒋᒪᓂᑐᐗ, ᑮ ᐙᔦᔥ ᐃᑗᐤ, ᒧᓯᓴ ᐎᔭᐎᓕᐤ ᐅᒋ, ᓇᒪᐎᓚ ᑮ ᐃᑌᓕᑕᒻ ᑭᒋ ᑭᑳᒫᑦ, ᒫᑲ ᑮ ᐃᑗᐤ, ᐅᑎᐯᓕᒋᑫᐤ ᑭ ᑳ ᐎ ᑭᑕᐊᒫᒃ᙮

ᑭᔅᑫᓕᑖᑯᑖᑫᐎᓐ 12:12

ᐁᐗᑯ ᐅᒋ ᒥᓚᐙᑕᒧᒃ ᑭᓚᐗᐤ ᑭᒋᑭᔑᑾ, ᑭᓚᐗᐤ ᓀᔥᑕ ᐁᑯᑕ ᑳ ᑕᔑᑫᔦᒃ᙮ ᑭ ᑲᒀᑕᑭᓯᓇᐗᐤ ᑭᓚᐗᐤ ᑳ ᑕᔑᑫᔦᒃ ᐊᔅᑮᒃ, ᓀᔥᑕ ᑭᒋᑲᒦᒃ, ᐌᓴ ᒪᒋᒪᓂᑐ ᐁ ᓛᔑᑦ ᑭᑦ ᐅᑎᑎᑯᐗᐤ, ᐁ ᐋᔮᑦ ᑭᒋ ᑭᓯᐙᓯᐎᓂᓕᐤ, ᐁ ᑭᔅᑫᓕᑕᒃ ᐎᓕᐱᔉ ᐱᑯ ᐁ ᐋᔮᑦ᙮

ᑭᔅᑫᓕᑖᑯᑖᑫᐎᓐ 12:3

ᑮ ᓄᑾᓐ ᒫᑲ ᑯᑕᒃ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ; ᒫᑎᑲ ᒫᑲ ᐁ ᒥᑯᓯᑦ ᑭᒋ ᒥᔑᑭᓀᐱᒃ, ᓂᔂᔅ ᐁ ᑕᑐᔅᑎᑾᓀᑦ ᓀᔥᑕ ᐁ ᒥᑖᑐᑌᔥᑲᓄᑦ, ᓀᔥᑕ ᓂᔂᔅ ᐅᑭᒪᐗᔅᑐᑎᓋ ᑕᑯᒡ ᐅᔅᑎᒀᓇ᙮

ᑭᔅᑫᓕᑖᑯᑖᑫᐎᓐ 12:7

ᑮ ᓇᑐᐸᓕᓈᓂᐗᓐ ᒫᑲ ᑭᒋᑭᔑᑯᒃ: ᒫᐃᑫᐃᓐ ᓀᔥᑕ ᐅᑦ ᐁᓐᒐᓕᒪ ᑮ ᓄᑎᓀᐗᒃ ᒥᔑᑭᓀᐱᑾ: ᒥᔑᑭᓀᐱᒃ ᒫᑲ ᑮ ᓄᑎᓂᑫᐤ ᓀᔥᑕ ᐅᑦ ᐁᓐᒐᓕᒪ,

ᑭᔅᑫᓕᑖᑯᑖᑫᐎᓐ 12:8

ᓇᒪᐎᓚ ᒫᑲ ᑮ ᐸᔅᑭᓛᑫᐗᒃ; ᓇᒪ ᓀᔥᑕ ᑫᔮᐸᒡ ᑮ ᒥᔅᑭᑳᑌᓕᐤ ᐃᑕ ᑭᒋ ᐃᑖᒋᒃ ᑭᒋᑭᔑᑯᒃ᙮

ᑭᔅᑫᓕᑖᑯᑖᑫᐎᓐ 13:14

ᐙᔦᔑᐁᐤ ᒫᑲ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᐊᓂᐃ ᒫᒪᔅᑳᒋ ᐃᔑᒋᑫᐎᓇ ᐅᒋ ᑳ ᑲᔥᑭᑖᑦ ᑭᒋ ᑐᑕᒃ ᐁ ᑲᓇᐙᐸᒥᑯᑦ ᐊᓂᐃ ᐊᐌᓯᓴ; ᐁ ᐃᑖᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᑭᒋ ᒪᓯᓕᓕᑲᐙᓕᒋ ᐊᐌᓯᓴ, ᐊᓇ ᑳ ᑭ ᒥᔣᑲᓂᐎᑦ ᔑᒫᑲᓂᓕᐤ ᐅᒋ, ᐁᓕᐌᒃ ᒫᑲ ᐁ ᑮ ᐱᒫᑎᓰᑦ᙮

ᑭᔅᑫᓕᑖᑯᑖᑫᐎᓐ 16:14

ᐌᓴ ᒪᒋᒪᓂᑐᐎ ᐊᒑᑯᐎᐗᒃ, ᐁ ᒫᒪᔅᑳᒋ ᐃᔑᒋᑫᒋᒃ, ᑳ ᓈᑖᒋᒃ ᑭᒋᐅᑭᒪᐗ ᐅᑕ ᐊᔅᑮᒃ ᓀᔥᑕ ᒥᓯᐌ ᐁᔅᐱᑕᔅᑲᒥᑳᒃ, ᑭᒋ ᒪᐗᒋᐋᒋᒃ ᑭᒋ ᓇᑐᐸᓕᒋᒃ ᒣᑾᒡ ᐅ ᑭᒋ ᑭᔑᑳᒻ ᑭᒋᒪᓂᑐ ᒥᓯᐌ ᓯᔪᑳᑎᓰᑦ᙮

ᑭᔅᑫᓕᑖᑯᑖᑫᐎᓐ 18:2

ᐁᓕᑯᒃ ᒫᑲ ᑮ ᑌᐺᐤ ᐁ ᑭᔗᐌᑦ, ᐁ ᐃᑗᑦ, ᐹᐱᓚᓐ ᑳ ᑭᒋᐃᑌᓕᑖᑾᒃ ᐸᑭᑎᓐ, ᐸᑭᑎᓐ, ᐁᑯᑕ ᒫᑲ ᐅᑦ ᐃᑖᐎᓂᐙᒃ ᒪᒋᒪᓂᑐᐗᒃ, ᓀᔥᑕ ᐃᑕ ᐁ ᑕᔑᑫᑦ ᒥᓯᐌ ᑕᑐ ᒪᒋ ᐊᒑᒃ, ᓀᔥᑕ ᐁ ᐃᔑ ᐎᑭᑦ ᒥᓯᐌ ᑕᑐ ᑳ ᐎᓂᓯᑦ ᓀᔥᑕ ᑳ ᐸᒀᑎᑯᓯᑦ ᐱᓓᔑᔥ᙮

ᑭᔅᑫᓕᑖᑯᑖᑫᐎᓐ 18:23

ᓀᔥᑕ ᐁ ᐙᔅᑌᒃ ᐙᔅᑌᓇᒫᑲᓐ ᓇᒪᐎᔅᑳᑦ ᒥᓇ ᐙᔅᑌᐤ ᐃᑕ ᐁ ᐃᑖᔭᓐ; ᓀᔥᑕ ᐅ ᐯᑖᑯᓯᐎᓐ ᐅᔥᑭᓈᐯᐙᓐ ᓀᔥᑕ ᐅᔥᑭᔅᑴᐙᓐ ᓇᒪᐐᔅᑳᑦ ᒥᓇ ᑲᑕ ᓄᑖᑾᓂᓕᐤ ᐃᑕ ᐁ ᐃᑖᔭᓐ; ᐌᓴ ᑭᑦ ᐊᑖᐌᐎᓕᓕᒪᒃ ᑭ ᑭᒋᐃᓕᓕᐎᐗᒃ ᐅᑕ ᐊᔅᑮᒃ; ᐌᓴ ᑭ ᒥᑌᐃᐎᓇ ᑮ ᐅᒋ ᐙᔦᔑᐋᐗᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 2:13

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᐃᑕ ᑳ ᐎᑭᔭᓐ, ᐊᓐᑕ ᐅᑎ ᐁ ᐃᑕᑾᓂᓕᒃ ᓭᑕᓐ ᐅᑦ ᐊᐱᐎᓐ: ᑭ ᒪᔥᑲᐎ ᒥᒋᒥᓀᓐ ᒫᑲ ᓂᑦ ᐃᔑᓂᑳᓱᐎᓐ, ᓇᒪ ᓀᔥᑕ ᑭ ᑮ ᐋᓉᑌᓐ ᓂ ᑖᐺᔦᓕᑕᒧᐎᓐ, ᐊᐳᒋᑲ ᒣᒀᒡ ᐊᓂᐃ ᐁ ᑭᔑᑳᑭ ᐃᔅᐱ ᐋᓐᑎᐹᔅ ᑳ ᒀᔭᔅᑭᑎᑦ ᓂ ᒫᕐᑕᐱᒻ, ᑳ ᑭ ᓂᐸᐋᑲᓂᐎᑦ ᐃᑕ ᐁ ᐃᑖᔦᒃ, ᐃᑕ ᓭᑖᓐ ᑳ ᐎᑭᑦ᙮

ᑭᔅᑫᓕᑖᑯᑖᑫᐎᓐ 2:24

ᒫᑲ ᑭᓚᐗᐤ ᑭᑦ ᐃᑎᓈᐗᐤ, ᓀᔥᑕ ᒥᓯᐌ ᐊᓂᑭ ᑕᐃᔭᑖᐃᕋᐃᒃ ᑳ ᐃᑖᒋᒃ, ᒥᓯᐌ ᐊᓂᑭ ᐁᑳ ᑳ ᐋᔮᒋᒃ ᐅᒣᓕᐤ ᑭᔅᑭᓄᐊᒫᑫᐎᓂᓕᐤ, ᐁᑳ ᓀᔥᑕ ᑳ ᑭᔅᑫᓕᑕᒸᒋᒃ ᓭᑕᓇ ᐅ ᑎᒥᐋᒥᓕᐗ, ᐁ ᐃᔑᓂᑳᑕᑭᒃ; ᓇᒪᐎᓚ ᑯᑕᒃ ᓇᔭᒋᑲᓐ ᑭ ᑳ ᐸᑭᑎᓇᒫᑎᓈᐗᐤ:

ᑭᔅᑫᓕᑖᑯᑖᑫᐎᓐ 2:9

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐊᓕᒥᓯᐎᓐ, ᓀᔥᑕ ᑭ ᒪᓀᓯᐎᓐ, (ᒫᑲ ᑮ ᒥᔕᑭᓯᓐ,) ᓂ ᑭᔅᑫᓕᑕᒸᓐ ᐅ ᐹᔅᑕᒧᐎᓂᐙᐗ ᐊᓂᑭ ᓂ ᒎᐎᓈᓐ ᑳ ᐃᑗᒋᒃ ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᐅᑦ ᐋᔭᒥᐁᐎᑲᒥᒥᑯᒋᒃ ᓭᑕᓇ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 20:8

ᑲᑕ ᐗᓚᐎᐤ ᒫᑲ ᑭᒋ ᐙᔦᔑᐋᑦ ᑳ ᑕᑐᔅᑳᓀᓯᓕᒋ ᐃᓕᓕᐗ ᐁ ᓀᐗᐤ ᑭᑫᔮᑭ ᐊᔅᑮᒃ, ᑲᒃ ᓀᔥᑕ ᒣᑲᒃ, ᑭᒋ ᒪᐗᒋᐋᑦ ᑭᒋ ᓇᑐᐸᓕᓕᒋ; ᐃᑕᓯᓕᐗ ᒫᑲ ᐃᔥᐱᔥ ᓓᑲᐤ ᑭᒋᑲᒦᒃ᙮

ᑭᔅᑫᓕᑖᑯᑖᑫᐎᓐ 3:9

ᒫᑎᑲ, ᓂ ᑳ ᐃᔑᐋᐗᒃ ᑭᒋ ᐅᑖᔭᒥᐁᐎᑲᒥᒥᑯᒋᒃ ᓭᑕᓇ, ᓂ ᒎᐎᓈᓐ ᑳ ᐃᑗᒋᒃ, ᒫᑲ ᐁᑳ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᑭᓛᔅᑭᒋᒃ; ᒫᑎᑲ, ᓂ ᑳ ᑐᑕᐙᐗᒃ ᑭᒋ ᐯᒋ ᓇᐗᑮᔅᑖᑫᒋᒃ ᑭᓯᑎᒃ, ᓀᔥᑕ ᑭᒋ ᑭᔅᑫᓕᑕᑭᒃ ᐁ ᑮ ᓵᑭᐃᑖᓐ᙮

ᑭᔅᑫᓕᑖᑯᑖᑫᐎᓐ 9:1

ᐊᓇ ᒫᑲ ᓂᔮᓕᓪ ᐁᓐᒐᓪ ᑮ ᑭᑐᑕᐤ, ᓂ ᑮ ᐙᐸᒪᐤ ᒫᑲ ᐊᒐᑯᔥ ᑭᔑᑯᒃ ᐁ ᐅᒋ ᐸᑭᔑᒃ ᐊᔅᑮᒃ ᐃᔑ: ᐊᐗ ᒫᑲ ᑮ ᒥᓚᐤ ᐎᑯᑕᐃᑲᓂᓕᐤ ᐁᑳ ᑳ ᒥᓴᔅᑫᔮᒃ ᐙᑎᑳᓐ᙮

ᑭᔅᑫᓕᑖᑯᑖᑫᐎᓐ 9:20

ᒥᓯᐌ ᒫᑲ ᐃᓕᓕᐗᒃ ᐁᑳ ᑳ ᑮ ᓂᐹᐃᑯᒋᒃ ᐅᐅ ᐋᑯᐃᑖᔅᐱᓀᐎᓇ, ᐁᓕᐌᒃ ᒫᑲ ᑫᔮᐸᒡ ᓇᒪᐎᓚ ᑮ ᒥᒋᓚᐌᔦᓕᑕᒶᒃ ᑳ ᑭ ᐊᔨᐊᑑᔅᑫᒋᒃ ᐅᒋᒋᐙᒃ, ᐁᑳ ᑭᒋ ᓇᐙᑭᔅᑕᐙᒋᒃ ᒪᒋᒪᓂᑐᐗ, ᓀᔥᑕ ᐅᓵᐎᔔᓕᐋᓇᐱᔉ, ᒪᓂᑐᑳᓇ, ᓀᔥᑕ ᔔᓕᐊᓈᐱᔉ, ᓀᔥᑕ ᐅᓵᐙᐱᔉ, ᓀᔥᑕ ᐊᓯᓂ, ᓀᔥᑕ ᒥᔅᑎᒃ, ᐊᓂᐃ ᐁᑳ ᑳ ᐙᐱᓕᒋ, ᓀᔥᑕ ᐅᓯᑌᓕᒋ, ᓀᔥᑕ ᐱᒧᑌᓕᒋ,