ᑭᔅᑫᓕᑖᑯᑖᑫᐎᓐ 12:3 - ᐅᔅᑭ ᑎᔅᑌᒥᓐᑦ

³ ᑮ ᓄᑾᓐ ᒫᑲ ᑯᑕᒃ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ; ᒫᑎᑲ ᒫᑲ ᐁ ᒥᑯᓯᑦ ᑭᒋ ᒥᔑᑭᓀᐱᒃ, ᓂᔂᔅ ᐁ ᑕᑐᔅᑎᑾᓀᑦ ᓀᔥᑕ ᐁ ᒥᑖᑐᑌᔥᑲᓄᑦ, ᓀᔥᑕ ᓂᔂᔅ ᐅᑭᒪᐗᔅᑐᑎᓋ ᑕᑯᒡ ᐅᔅᑎᒀᓇ᙮

ᑭᔅᑫᓕᑖᑯᑖᑫᐎᓐ 12:3 Iomraidhean Croise

ᑭᔅᑫᓕᑖᑯᑖᑫᐎᓐ 12:1

ᑮ ᓄᑾᓐ ᒫᑲ ᑭᒋ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ; ᐃᔅᑴᐤ ᐁ ᑭᑭᔥᑲᐙᑦ ᐱᓯᒶ, ᓀᔥᑕ ᑎᐱᔅᑭᐱᓯᒶ ᔑᐹ ᐅᓯᑎᒃ, ᓀᔥᑕ ᐅᔅᑎᒀᓂᒃ ᐁ ᐅᑭᒪᐗᔅᑐᑎᓂᑦ ᓂᔓᔖᑉ ᐊᒐᑯᔕ;

ᑭᔅᑫᓕᑖᑯᑖᑫᐎᓐ 12:13

ᐃᔅᐱ ᒫᑲ ᒥᔑᑭᓀᐱᒃ ᐎᐋᐸᑕᒃ ᐊᔅᑮᒃ ᐁ ᑮ ᐃᔑ ᐌᐱᓈᑲᓂᐎᑦ, ᑮ ᑲᒀᑕᑭᐁᐤ ᐊᓂᐃ ᐃᔅᑴᐗ ᑳ ᑭ ᓂᑕᐎᑭᐋᓕᒋ ᓈᐯ ᐊᐙᔑᔕ᙮

ᑭᔅᑫᓕᑖᑯᑖᑫᐎᓐ 12:17

ᒥᔑᑭᓀᐱᒃ ᒫᑲ ᑮ ᑭᓯᐙᓰᔅᑕᐌᐤ ᐃᔅᑴᐗ, ᓀᔥᑕ ᑮ ᓇᑕᐎ ᓇᑐᐸᓕᔅᑕᐅᒫᑦ ᑳ ᐃᔥᑯᐸᓕᓕᒋ ᐅᑦ ᐊᐙᔑᒥᔕ, ᐊᓂᑭ ᑳ ᑲᓇᐌᓕᑕᒸᒋᒃ ᑭᒋᒪᓂᑐᐗ ᐅ ᑲᑫᔅᑴᐎᓂᓕᐗ, ᓀᔥᑕ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᔅ ᙭ᑕ᙮

ᑭᔅᑫᓕᑖᑯᑖᑫᐎᓐ 12:4

ᐅᓱ ᒫᑲ ᑮ ᐅᒋ ᓂᒋᐸᓕᐁᐤ ᓂᔅᑡᐤ ᐃᓕᑯᒃ ᐊᒐᑾ ᑭᔑᑯᒃ, ᐊᔅᑮᒃ ᒫᑲ ᑮ ᐃᔑ ᐌᐱᓀᐤ: ᐊᓇ ᒥᔑᑭᓀᐱᒃ ᒫᑲ ᑮ ᐅᑎᔥᑲᐎᑳᐸᐎᔅᑕᐌᐤ ᐊᓂᐃ ᐃᔅᑴᐗ ᑳ ᐎ ᐋᐱᒪᐗᓱᓕᒋ, ᑭᒋ ᒧᐃᒫᑦ ᐅᑦ ᐊᐙᔑᒥᔕ ᑭᔖᒡ ᓂᑕᐎᑭᓕᒋ᙮

ᑭᔅᑫᓕᑖᑯᑖᑫᐎᓐ 12:7

ᑮ ᓇᑐᐸᓕᓈᓂᐗᓐ ᒫᑲ ᑭᒋᑭᔑᑯᒃ: ᒫᐃᑫᐃᓐ ᓀᔥᑕ ᐅᑦ ᐁᓐᒐᓕᒪ ᑮ ᓄᑎᓀᐗᒃ ᒥᔑᑭᓀᐱᑾ: ᒥᔑᑭᓀᐱᒃ ᒫᑲ ᑮ ᓄᑎᓂᑫᐤ ᓀᔥᑕ ᐅᑦ ᐁᓐᒐᓕᒪ,

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 13:1

ᓂ ᑮ ᓂᐸᐎᓐ ᒫᑲ ᓓᑳᒃ ᔑᔓᒡ ᑭᒋᑲᒦᒃ, ᓂ ᑮ ᐙᐸᒪᐤ ᒫᑲ ᐊᐌᓯᔅ ᑭᒋᑲᒥᒃ ᐁ ᐅᒋ ᐸᓯᑯᑦ, ᓂᔂᔅ ᐁ ᑕᑐᔅᑎᒀᓀᑦ ᓀᔥᑕ ᐁ ᒥᑖᑐᑌᔥᑲᓄᑦ, ᓀᔥᑕ ᑕᑯᒡ ᐅᑦ ᐁᔥᑲᓂᒃ ᒥᑖᑦ ᐅᑭᒪᐗᔅᑐᑎᓋ, ᓀᔥᑕ ᐅᔅᑎᒀᓂᒃ ᐹᔅᑖᒧᐎ ᐃᔑᓂᑳᓱᐎᓇ᙮

ᑭᔅᑫᓕᑖᑯᑖᑫᐎᓐ 13:2

ᐊᓇ ᐊᐌᓯᔅ ᒫᑲ ᑳ ᐙᐸᒪᒃ ᑖᐱᔅᑯᒡ ᐹᐹᑌᐱᔑᐤ ᑮ ᐃᔑᓈᑯᓯᐤ, ᓀᔥᑕ ᐅᓯᑕ ᑖᐱᔅᑯᒡ ᒪᔅᑾ ᐅᓯᑕ ᑮ ᐃᔑᓈᑾᓂᓕᐗ, ᓀᔥᑕ ᐅᑐᓐ ᑖᐱᔅᑯᒡ ᒥᔑᐱᔑᐤ ᐅᑐᓐ: ᑮ ᒥᓕᑯ ᒫᑲ ᒥᔑᑭᓀᐱᑾ ᑲᔥᑭᐅᐎᓂᓕᐤ ᓀᔥᑕ ᐅ ᑌᑕᐱᐎᓐ, ᓀᔥᑕ ᑭᒋ ᑎᐯᓕᒋᑫᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 13:4

ᑮ ᓇ ᐊᑮᔅᑕᐌᐗᒃ ᒫᑲ ᒥᔑᑭᓀᐱᑾ ᑲᔅᑭᐅᐎᓂᓕᐤ ᑳ ᑭ ᒥᓛᓕᒋ ᐊᓂᐃ ᐊᐌᓯᓴ: ᓀᔥᑕ ᒫᑲ ᑮ ᓇᐗᑮᔅᑕᐌᐗᒃ ᐊᓂᐃ ᐊᐌᓯᓴ, ᐁ ᐃᑗᒋᒃ, ᐊᐌᓇ ᓀᔅᐱᑕᐗᑦ ᐊᐌᓯᓴ? ᐊᐌᓇ ᑫᔥᑭᑖᑦ ᑭᒋ ᓇᑐᐸᓖᔅᑕᐙᑦ?

ᑭᔅᑫᓕᑖᑯᑖᑫᐎᓐ 15:1

ᓂ ᑮ ᐙᐸᑌᓐ ᒫᑲ ᑯᑕᒃ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ, ᐁ ᑭᒋᐃᑌᓕᑖᑾᒃ ᓀᔥᑕ ᐁ ᒫᒪᔅᑳᑌᓕᑖᑾᒃ, ᓂᔂᔅ ᐁᓐᒐᓚᒃ ᐁ ᐋᔮᒋᒃ ᐊᓂᐃ ᓂᔂᔅ ᒫᒋᒡ ᐋᑯᐃᑖᔅᐱᓀᐎᓇ; ᐌᓴ ᐁᑯ ᐁ ᑭᔑᑖᓂᐗᓂᓕᒃ ᑭᒋᒪᓂᑐ ᐅᑦ ᐋᑯᓚᐌᓯᐎᓐ᙮

ᑭᔅᑫᓕᑖᑯᑖᑫᐎᓐ 16:13

ᓂ ᑮ ᐙᐸᒫᐗᒃ ᒫᑲ ᓂᔅᑐ ᑳ ᐎᓕᐱᑖᑎᓯᒋᒃ ᐊᒑᑾᒃ ᑖᐱᔅᑯᒡ ᐊᓕᑭᔕᒃ ᐁ ᐯᒋ ᐙᓚᐎᒋᒃ ᒥᔑᑭᓀᐱᒃ ᐅᑐᓂᒃ, ᓀᔥᑕ ᐅᑐᓂᒃ ᐊᓇ ᐊᐌᓯᔅ, ᓀᔥᑕ ᐅᑐᓂᒃ ᐊᓇ ᓇᔅᐹᒡ ᐅᑭᔅᑭᐙᐃᑫᐤ᙮

ᑭᔅᑫᓕᑖᑯᑖᑫᐎᓐ 17:12

ᐊᓂᑭ ᓀᔥᑕ ᒥᑖᑦ ᐁᔥᑲᓇᒃ ᑳ ᐙᐸᒪᒋᒃ, ᐁᐗᒀᓂᑭ ᒥᑖᑦ ᑭᒋᐅᑭᒫᐗᒃ, ᐁᑳ ᐁᔥᑾ ᑳ ᒥᓛᑲᓂᐎᒋᒃ ᐅᑭᒫᐎᐎᓂᓕᐤ; ᒫᑲ ᒥᓛᐗᒃ ᑲᔥᑭᐅᐎᓂᓕᐤ ᑖᐱᔅᑯᒡ ᑭᒋᐅᑭᒫᐗᒃ ᐃᔥᐱᔥ ᐯᔭᒃ ᑎᐸᔨᑲᓐ ᐱᓯᒧᑳᓂᒃ ᐊᓯᒋ ᐊᓂᐃ ᐊᐌᓯᓴ᙮

ᑭᔅᑫᓕᑖᑯᑖᑫᐎᓐ 17:16

ᐊᓂᑭ ᒫᑲ ᒥᑖᑦ ᐁᔥᑲᓇᒃ ᑳ ᐗᐸᒪᒋᒃ ᐁᐗᑯ ᑭᔥᑲᐙᑦ ᐊᓇ ᐊᐌᓯᔅ, ᐅᑯ ᑲᑕ ᐸᒀᑌᐗᒃ ᐊᓂᐃ ᐱᔑᒀᑎᔅᑴᐗ, ᑲᑕ ᑭᑎᑳᑭᐁᐗᒃ ᒫᑲ, ᓀᔥᑕ ᑲᑕ ᒧᔐᔥᑲᑌᐁᐗᒃ, ᓀᔥᑕ ᑲᑕ ᒥᒋᐌᐗᒃ ᐅ ᐎᔮᓯᓕᐤ, ᓀᔥᑕ ᐃᔥᑯᑌᓕᐤ ᑲᑕ ᐅᒋ ᐃᔅᒀᓶᐗᒃ᙮

ᑭᔅᑫᓕᑖᑯᑖᑫᐎᓐ 17:7

ᐁᓐᒐᓪ ᒫᑲ ᓂ ᑮ ᐃᑎᒃ, ᑖᓀᑭ ᐌᒋ ᒫᒪᔅᑳᑕᒪᓐ? ᑭ ᑳ ᐎᑕᒫᑎᓐ ᐅ ᒫᒪᔅᑳᑌᓕᑖᑯᓯᐎᓐ ᐊᓇ ᐃᔅᑴᐤ, ᓀᔥᑕ ᐊᓇ ᐊᐌᓯᔅ ᑳ ᑌᑕᐱᑐᑕᐙᑦ, ᐊᓇ ᓃᔀᔅ ᑳ ᑕᑐᔅᑎᒀᓀᑦ, ᓀᔥᑕ ᑳ ᒥᑕᑌᔥᑲᓄᑦ᙮

ᑭᔅᑫᓕᑖᑯᑖᑫᐎᓐ 19:12

ᐅᔅᑭᔑᑾ ᑖᐱᔅᑯᒡ ᐁ ᐗᓚᑌᒃ ᐃᔥᑯᑌᐤ ᑭ ᐃᔑᓈᑾᓂᓕᐗ, ᓀᔥᑕ ᐅᔅᑎᒀᓂᒃ ᑭ ᑭᑭᔥᑲᒻ ᒥᒋᑦ ᐅᑭᒪᐗᔅᑐᑎᓋ; ᑭ ᐋᔭᐤ ᒫᑲ ᐎᓗᐎᓂᓕᐤ ᐁ ᒪᓯᓇᐃᑳᑌᓕᒃ, ᐁᑳ ᐊᐌᓇ ᑳ ᑭᔅᑫᓕᑕᒃ, ᐎᓚ ᑫᒋᐙᒃ ᐱᑯ᙮

ᑭᔅᑫᓕᑖᑯᑖᑫᐎᓐ 20:2

ᑮ ᐅᑎᑎᓀᐤ ᒫᑲ ᒥᔑᑭᓀᐱᑾ, ᐊᓂᐃ ᑭᔐ ᒥᔑᑭᓀᐱᑾ, ᐁᐗᑯ ᒪᒋᒪᓂᑐ ᓀᔥᑕ ᓭᑖᓐ, ᑮ ᒫᒫᒋᒀᐱᑌᐤ ᒫᑲ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ,