ᑭᔅᑫᓕᑖᑯᑖᑫᐎᓐ 12:17 - ᐅᔅᑭ ᑎᔅᑌᒥᓐᑦ

¹⁷ ᒥᔑᑭᓀᐱᒃ ᒫᑲ ᑮ ᑭᓯᐙᓰᔅᑕᐌᐤ ᐃᔅᑴᐗ, ᓀᔥᑕ ᑮ ᓇᑕᐎ ᓇᑐᐸᓕᔅᑕᐅᒫᑦ ᑳ ᐃᔥᑯᐸᓕᓕᒋ ᐅᑦ ᐊᐙᔑᒥᔕ, ᐊᓂᑭ ᑳ ᑲᓇᐌᓕᑕᒸᒋᒃ ᑭᒋᒪᓂᑐᐗ ᐅ ᑲᑫᔅᑴᐎᓂᓕᐗ, ᓀᔥᑕ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᔅ ᙭ᑕ᙮

ᑭᔅᑫᓕᑖᑯᑖᑫᐎᓐ 12:17 Iomraidhean Croise

ᐅᐸᓓᑭᔅ ᒫᑎᐤ 28:20

ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 2:1

ᓂᓚ ᒫᑲ, ᓂᒋᔖᓂᑐᒃ, ᐃᔅᐱ ᐱᐁᒋ ᓈᑎᑖᑾᒃ, ᓇᒪᐎᓚ ᓂ ᑮ ᑕᑯᔑᓂᓐ ᐁ ᐋᐸᒋᑖᔮᓐ ᑳ ᑭᔅᑕᑭᑖᑾᒃ ᐋᔭᒥᐎᓐ ᓀᔥᑕ ᑲᑫᑕᐌᓕᑕᒧᐎᓐ, ᐁ ᐎᑕᒫᑕᑾᒃ ᐅ ᑎᐹᒋᒧᐎᓐ ᑭᒋᒪᓂᑐ᙮

ᓂᔥᑕᒻ ᐱᑕᕐ 5:8

ᐯᑳᒡ ᐃᑕᑎᓰᒃ, ᔮᒀᒥᓯᒃ; ᐌᓴ ᑳ ᐎ ᒪᒋᑐᑖᑖᒃ ᒪᒋᒪᓂᑐ, ᑖᐱᔅᑯᒡ ᐁ ᐅᓗᑦ ᒥᔑᐱᔑᐤ ᐸᐹᒧᑌᐤ ᐁ ᓈᓇᑕᐙᐸᒫᑦ ᐊᐌᓕᐗ ᑫ ᑯᒋᐸᓕᐋᑦ:

ᓂᔥᑕᒻ ᒑᓐ 2:3

ᐁᐗᑯ ᑳ ᐅᒋ ᑭᔅᑫᓕᑕᒪᒃ ᐁ ᑭᔅᑫᓕᒪᒃ, ᑮᔥᐱᓐ ᑲᓇᐌᓕᑕᒶᒃ ᐅ ᑲᑫᔅᑴᐎᓇ᙮

ᓂᔥᑕᒻ ᒑᓐ 5:10

ᐊᓇ ᑳ ᑖᐺᔦᓕᒥᒫᑦ ᑭᒋᒪᓂᑐ ᐅᑯᓯᓴ, ᐋᔭᐤ ᐅᒣᓕᐤ ᑎᐹᒋᒧᐎᓂᓕᐤ ᐁ ᐱᒋᔅᑳᑯᑦ: ᐊᓇ ᐁᑳ ᑳ ᑖᐺᑕᐙᑦ ᑭᒋᒪᓂᑐᐗ, ᑭᓛᔅᑭᔉ ᑮ ᐃᔑᐁᐤ: ᐁᑳ ᐁ ᑖᐺᑕᒸᑦ ᐅ ᑎᐹᒋᒧᐎᓂᓕᐤ ᑭᒋᒪᓂᑐᐗ ᑳ ᑮ ᐃᑖᒋᒫᓕᒋ ᐅᑯᓯᓴ᙮

ᓂᔥᑕᒻ ᒑᓐ 5:2

ᐅᒪ ᑭ ᐅᒋ ᑭᔅᑫᓕᑌᓈᓇᐤ ᐁ ᓵᑭᐃᒪᑭᒃ ᑭᒋᒪᓂᑐ ᐅᑦ ᐊᐙᔑᒥᔕ, ᐃᔅᐱ ᐁ ᓵᑭᐊᒃ ᑭᒋᒪᓂᑐ, ᓀᔥᑕ ᐁ ᑲᓇᐌᓕᑕᒶᒃ ᐅ ᑲᑫᔅᑴᐎᓇ᙮

ᑭᔅᑫᓕᑖᑯᑖᑫᐎᓐ 1:2

ᐊᓇ ᑳ ᑮ ᑎᐹᑐᑕᒸᑦ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ, ᓀᔥᑕ ᐅ ᑎᐹᒋᒧᐎᓂᓕᐤ ᒋᓴᔅ ᙭ᑕ, ᓀᔥᑕ ᒥᓯᐌ ᑫᒀᓇ ᑳ ᑮ ᐙᐸᑕᒃ᙮

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮

ᑭᔅᑫᓕᑖᑯᑖᑫᐎᓐ 11:7

ᐃᔅᐱ ᒫᑲ ᑮ ᑭᔑᑖᑣᐌ ᐅ ᑎᐹᒋᒧᐎᓂᐗᐤ, ᑲᑕ ᓇᑐᐸᓕᔅᑖᑯᐗᒃ ᐊᓂᐃ ᐊᐌᓯᓴ ᐁᑳ ᒥᓴᔅᑫᔮᒃ ᐙᑎᑳᓂᒃ ᑳ ᐯᒋ ᐅᐱᔅᑳᓕᒋ, ᑲᑕ ᔖᑯᒋᐃᑯᐗᒃ ᒫᑲ, ᓀᔥᑕ ᑲᑕ ᓂᐹᐃᑯᐗᒃ᙮

ᑭᔅᑫᓕᑖᑯᑖᑫᐎᓐ 12:16

ᐊᔅᑭ ᒫᑲ ᑮ ᐎᒋᐁᐤ ᐃᔅᑴᐗ, ᐊᔅᑭ ᒫᑲ ᑮ ᑕᐗᑎᐤ, ᓀᔥᑕ ᑮ ᑯᒋᐸᓕᑕᐤ ᐊᓂᐁᓕᐤ ᓯᐱᓕᐤ ᒥᔑᑭᓀᐱᒃ ᑳ ᑭ ᐗᓚᐎᐌᐱᓇᒃ ᐅᑐᓂᒃ ᐅᒋ᙮

ᑭᔅᑫᓕᑖᑯᑖᑫᐎᓐ 13:7

ᑮ ᒥᓚᐤ ᒫᑲ ᑭᒋ ᓇᑐᐸᓖᔅᑕᐙᑦ ᐅᐸᓓᑭᓴ, ᓀᔥᑕ ᑭᒋ ᔖᑯᒋᐋᑦ: ᑲᔥᑭᐅᐎᓂᓕᐤ ᓀᔥᑕ ᑮ ᒥᓚᐤ ᑭᒋ ᑎᐯᓕᒫᑦ ᒥᓯᐌ ᑳ ᑕᑐᑌᐎᓯᓕᒋ ᐃᓕᓕᐗ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᑳ ᑕᑐᔅᑳᓀᓯᓕᒋ ᐃᓕᓕᐗ᙮

ᑭᔅᑫᓕᑖᑯᑖᑫᐎᓐ 14:12

ᐅᑕ ᐃᑕᑾᓂᓕᐤ ᐅ ᔑᐱᓚᐌᓯᐎᓂᐗᐤ ᐅᐸᓓᑭᓴᒃ: ᐅᑕ ᐃᑖᐗᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑲᑫᔅᑴᐎᓂᓕᐗ ᑭᒋᒪᓂᑐᐗ, ᓀᔥᑕ ᐅ ᑖᐺᔦᓕᑕᒧᐎᓂᓕᐤ ᒋᓴᓴ᙮

ᑭᔅᑫᓕᑖᑯᑖᑫᐎᓐ 17:14

ᐅᑯ ᑲᑕ ᓇᑐᐸᓖᔅᑕᐌᐗᒃ ᒫᓂᔥᒑᓂᔑᔕ, ᑲᑕ ᔖᑯᒋᐃᑯᐗᒃ ᒫᑲ ᒫᓂᔥᒑᓂᔑᔕ; ᐌᓴ ᐎᓚ ᑎᐯᓕᒣᐤ ᐅᑎᐯᓕᒋᑫᐗ, ᓀᔥᑕ ᐅ ᑭᒋᐅᑭᒫᒥᐙᐗ ᑭᒋᐅᑭᒫᐗᒃ:

ᑭᔅᑫᓕᑖᑯᑖᑫᐎᓐ 17:6

ᓂ ᑮ ᐙᐸᒪᐤ ᒫᑲ ᐃᔅᑴᐤ ᐁ ᑮᔥᑴᐯᔅᑳᑯᓕᒋ ᐅ ᒥᑯᓕᐤ ᐅᐸᓓᑫᓴ ᓀᔥᑕ ᐅᒥᑯᓕᐤ ᐅ ᒫᕐᑕᓕᒪ ᒋᓴᔅ: ᐃᔅᐱ ᒫᑲ ᐎᐋᐸᒪᒃ, ᓂ ᑮ ᒫᒪᔅᑳᑌᓐ ᓈᔅᐱᒡ ᐁ ᒫᒪᔅᑳᑌᓕᑕᒫᓐ᙮

ᑭᔅᑫᓕᑖᑯᑖᑫᐎᓐ 18:20

ᒥᓚᐙᑎᒃ, ᑭᓚᐗᐤ ᑭᒋᑭᔑᑯᒃ, ᓀᔥᑕ ᐯᓓᑭᓯᔦᒃ ᐊᐸᔅᑕᓕᑐᒃ ᓀᔥᑕ ᐅᑭᔅᑭᐙᐃᑫᑐᒃ; ᐌᓴ ᑭᒋᒪᓂᑐ ᑮ ᐋᔅᑯᒋᐁᐤ ᑳ ᑮ ᑐᑕᒫᑲᐎᔦᒃ᙮

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮

ᑭᔅᑫᓕᑖᑯᑖᑫᐎᓐ 19:19

ᓂ ᑮ ᐙᐸᒪᐤ ᒫᑲ ᐊᓇ ᐊᐌᓯᔅ, ᓀᔥᑕ ᑭᒋᐅᑭᒫᐗᒃ ᐊᔅᑮᒃ, ᓀᔥᑕ ᐅ ᒫᒪᐎᓄᑎᓂᑫᒥᐙᐗ ᐁ ᒫᐗᒋᐃᑐᒋᒃ ᑭᒋ ᓇᑐᐸᓖᔅᑕᐙᒋᒃ ᐊᓂᐃ ᑳ ᑌᑕᐱᑐᑕᐙᓕᒋ ᒥᔅᑕᑎᒶ, ᓀᔥᑕ ᐅ ᒫᒪᐎᓄᑎᓂᑫᒥᓕᐗ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 22:14

ᔕᐌᓕᑖᑯᓯᐗᒃ ᐊᓂᑭ ᑳ ᑐᑕᒸᒋᒃ ᐅ ᑲᑫᔅᑴᐎᓂᓕᐗ, ᒀᔭᔉ ᑭᒋ ᑮ ᐋᔭᐙᒋᒃ ᐱᒫᑎᓯᐎᓂ ᒥᔅᑎᑾ, ᓀᔥᑕ ᔕᐳ ᑭᒋᐃᔥᒀᑌᒥᒃ ᑭᒋ ᐱᑐᑫᒋᒃ ᐃᑖᐎᓂᒃ᙮

ᑭᔅᑫᓕᑖᑯᑖᑫᐎᓐ 6:9

ᐃᔅᐱ ᒫᑲ ᑳ ᑭ ᐋᐸᐊᒃ ᓂᔮᓕᓐ ᐊᔅᑯᔅᑭᐗᓯᑲᓂᓕᐤ, ᓂ ᑮ ᐙᐸᒥᒪᐗ ᔑᐹ ᐸᑭᒋᑲᓈᐱᔅᑯᒃ ᐅᑦ ᐊᒑᑯᐙᐗ ᐊᓂᑭ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑭ ᐅᒋ ᓂᐸᐋᑲᓂᐎᒋᒃ, ᓀᔥᑕ ᐊᓂᒪ ᑎᐹᒋᒧᐎᓐ ᐅᒋ ᑳ ᑮ ᒥᒋᒥᓇᑭᒃ: