ᑭᔅᑫᓕᑖᑯᑖᑫᐎᓐ 12:1 - ᐅᔅᑭ ᑎᔅᑌᒥᓐᑦ

¹ ᑮ ᓄᑾᓐ ᒫᑲ ᑭᒋ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ; ᐃᔅᑴᐤ ᐁ ᑭᑭᔥᑲᐙᑦ ᐱᓯᒶ, ᓀᔥᑕ ᑎᐱᔅᑭᐱᓯᒶ ᔑᐹ ᐅᓯᑎᒃ, ᓀᔥᑕ ᐅᔅᑎᒀᓂᒃ ᐁ ᐅᑭᒪᐗᔅᑐᑎᓂᑦ ᓂᔓᔖᑉ ᐊᒐᑯᔕ;

ᑭᔅᑫᓕᑖᑯᑖᑫᐎᓐ 12:1 Iomraidhean Croise

ᐅᐸᓓᑭᔅ ᒫᑎᐤ 12:38

ᐁᑯ ᐋᑎᑦ ᐅᒪᓯᓇᐃᑫᐗᒃ ᓀᔥᑕ ᐸᕋᓯᔭᒃ, ᐁ ᓇᔥᑴᐗᔑᐃᐌᒋᒃ, ᑮ ᐃᑗᐗᒃ, ᑫᔅᑭᓄᐊᒫᑭᔭᓐ, ᓂ ᐎ ᐙᐸᑌᓈᓐ ᑭᔅᑭᓄᐙᒋ ᐙᐸᑎᓕᐌᐎᓐ ᐁ ᐃᑐᑕᒪᓐ᙮

ᐅᐸᓓᑭᔅ ᒫᑎᐤ 24:30

ᐁᑯ ᒫᑲ ᑫ ᓄᑾᓂᓕᒃ ᐅ ᑭᔅᑭᓄᐙᒋ ᐙᐸᑎᓕᐌᐎᓐ ᐃᓕᓕᐎᑯᓯᓵᓐ ᑭᔑᑯᒃ: ᐁᑯ ᒫᑲ ᒥᓯᐌ ᐁ ᐃᑕᑐᑌᐎᓯᒋᒃ ᐃᓕᓕᐗᒃ ᐅᑕ ᐊᔅᑮᒃ ᑫ ᓇᓀᑳᑌᓕᒧᒋᒃ, ᑲᑕ ᐙᐸᒣᐗᒃ ᒫᑲ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᑭᒋᑭᔑᑳᐎ ᐗᔅᑯᒃ, ᑲᔥᑭᐅᐎᓂᒃ ᓀᔥᑕ ᑭᒋ ᑭᔅᑌᓕᑖᑯᓯᐎᓂᒃ᙮

ᐅᐸᓓᑭᔅ ᒫᕐᒃ 13:25

ᐊᒐᑯᔕᒃ ᓀᔥᑕ ᑭᔑᑯᒃ ᑳ ᐊᑯᒋᑭᒃ ᑲᑕ ᐸᑭᔑᓋᒃ, ᑲᔥᑭᐅᐎᓇ ᓀᔥᑕ ᑭᔑᑯᒃ ᑳ ᐃᑕᑾᑭ ᑲᑕ ᓇᓂᑭᐸᓕᐗ᙮

ᐅᐸᓓᑭᔅ ᓘᒃ 21:11

ᓈᔅᐱᒡ ᒫᑲ ᑲᑕ ᑶᑾᓐ ᓇᓈᑐᒃ ᐃᔑ, ᑲᑕ ᑲᐗᑲᑖᓂᐗᓐ ᒫᑲ, ᓀᔥᑕ ᑲᑕ ᐋᑯᐃᑖᔅᐱᓈᓂᐗᓐ; ᓀᔥᑕ ᐁ ᑯᔅᑖᓯᓈᑾᑭ ᑫᒀᓇ, ᓀᔥᑕ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᑲᑕ ᓄᑾᓇ ᑭᔑᑯᒃ ᐅᒋ᙮

ᐅᐸᓓᑭᔅ ᓘᒃ 21:25

ᑲᑕ ᐃᑕᑾᓋ ᒫᑲ ᑭᔅᑭᓄᐗᒋ ᐙᐸᑎᓕᐌᐎᓇ ᐱᓯᒧᒃ, ᓀᔥᑕ ᑎᐱᔅᑭᐱᓯᒧᒃ, ᓀᔥᑕ ᐊᒐᑯᔑᒃ; ᓀᔥᑕ ᐅᑕ ᐊᔅᑮᒃ ᐁ ᐹᐱᑐᔥᐃᔅᑳᓀᓯᒋᒃ ᐃᓕᓕᐗᒃ ᑲᑕ ᒥᑯᔥᑳᑌᓕᑕᒶᒃ, ᐁ ᐙᐙᓀᓕᑕᑭᒃ; ᑭᒋᑲᒥ ᐁ ᑭᔗᐌᒪᑲᒃ, ᓀᔥᑕ ᑲᔅᑲᓇᒃ ᐁ ᑭᔗᐌᔮᑲᒪᐊᑭᒃ;

ᐅᐸᓓᑭᔅ ᒑᓐ 3:29

ᐊᓇ ᑳ ᐋᔭᐙᑦ ᐅᔥᑭᔅᑴᐙᓇ, ᐁᐗᑯ ᐅᔥᑭᔅᑴᐌᐤ: ᒫᑲ ᐅᔥᑭᔅᑴᐌᐤ ᐅᑐᑌᒪ ᑳ ᓂᐸᐎᓕᒋ ᓀᔥᑕ ᑳ ᐯᑖᑯᑦ, ᓈᔅᐱᒡ ᒥᓜᓕᑕᒥᓕᐗ ᐁ ᐯᑕᐙᓕᒋ ᐅᔥᑭᔅᑴᐌᐗ: ᐁᐗᑯ ᐅᒪ ᒫᑲ ᓂ ᒥᓚᐙᑕᒧᐎᓐ ᑎᐱᐸᓕᐤ᙮

ᐊᐸᔅᑕᓚᒃ 2:19

ᓀᔥᑕ ᓂ ᑳ ᐙᐸᑎᓕᐙᓐ ᒪᒫᑖᐌᓕᑕᒧᐎᓇ ᐃᔥᐱᒥᒃ ᑭᔑᑯᒃ, ᓀᔥᑕ ᒫᒪᔅᑲᒋ ᑭᔅᑭᓄᐙᒋᒋᑲᓇ ᐊᔅᑭᒃ ᑕᐸᔑᔥ; ᒥᑯ, ᓀᔥᑕ ᐃᔥᑯᑌᐤ, ᓀᔥᑕ ᐁ ᐱᑭᔐᐋᐸᑌᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:14

ᒫᑲ ᐳᔅᑎᔥᑳᒃ ᐅᑎᐯᓕᒋᑫᐤ ᒋᓴᔅ ᙭, ᐁᑳᐎᓚ ᒫᑲ ᐙᔦᔥ ᐃᑌᓕᑕᒧᒃ ᐎᔮᓯᐎᐤ, ᑭᑕ ᑎᐱᑐᑕᒣᒃ ᐁ ᐃᔑ ᓇᑕᐌᓕᑕᒧᒪᑲᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:22

ᐋᐳᒋᑲ ᐅᒀᔭᔅᑭᑖᑎᓯᐎᓐ ᑭᒋᒪᓂᑐ ᐁ ᑖᐺᔦᓕᒫᑲᓂᐎᑦ ᒋᓴᔅ ᙭ ᒥᓯᐌ ᑫ ᐋᔮᒋᒃ ᓀᔥᑕ ᑫ ᓛᔑᐸᓕᔅᑖᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᐌᓴ ᓇᒪᐎᓚ ᐊᐌᓇ ᐱᑐᔐᓕᒪᐤ:

ᓂᔓ ᑯᕆᓐᑎᐊᓇ 11:2

ᐌᓴ ᑭ ᑲᑴᓕᑕᒫᑎᓇᐗᐤ ᒪᓂᑐᐎ ᑲᑴᓕᑕᒧᐎᓂᒃ; ᐌᓴ ᑭ ᑮ ᐸᑭᑎᓂᑎᓇᐗᐤ ᑭᒋ ᐎᑭᒣᒃ ᐯᔭᒃ ᑳ ᐅᑦ ᐃᔅᑴᐎᑦ, ᑭᒋ ᐸᑭᑎᓂᑕᑾᒃ ᑖᐱᔅᑯᒡ ᐯᓓᑭᓯᑦ ᐅᔥᑭᓂᑭᔅᑴᐤ ᙭ ᐅᒋᒋᒃ᙮

ᑲᓓᔕᐊᓇ 3:27

ᐌᓴ ᒥᓯᐌ ᐁ ᐃᑕᔑᔦᒃ ᑳ ᑮ ᓯᑲᐊᑖᑲᐎᔦᒃ ᙭ᑎᒃ ᑭ ᑮ ᐳᔅᑎᔥᑲᐙᐗᐤ ᙭᙮

ᑲᓓᔕᐊᓇ 4:26

ᒫᑲ ᒋᕉᓴᓚᒻ, ᐃᔥᐱᒥᒃ ᑳ ᐃᑕᑾᒃ, ᑎᐯᓕᒥᑎᓱᒪᑲᓐ, ᐁᐗᑯ ᒥᓯᐌ ᐁ ᐃᑕᔑᔭᒃ ᑭᑳᐎᓇᐤ᙮

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮

ᐃᐱᓯᔭᓇ 5:32

ᐅᒪ ᓈᔅᐱᒡ ᒫᒫᑕᐌᓕᑖᑾᓐ: ᒫᑲ ᓂᑦ ᐊᓕᒧᒪᐗᒃ ᙭ ᓀᔥᑕ ᐅ ᒪᒪᐎᐋᔭᒥᐋᒪ᙮

ᑭᔅᑫᓕᑖᑯᑖᑫᐎᓐ 1:20

ᐁ ᐃᔑ ᒫᒪᔅᑳᑌᓕᑖᑯᓯᒋᒃ ᐊᓂᑭ ᓂᔂᔅ ᐊᒐᑾᒃ ᑳ ᑭ ᐙᐸᒪᒋᒃ ᓂ ᑭᒋᓂᔅᑮᒃ, ᓀᔥᑕ ᐊᓂᐃ ᓂᔂᔅ ᐅᓵᐎᔔᓕᐊᓈᐱᔉ ᐙᔅᑌᓇᒫᑲᓈᑎᑾ᙮ ᐊᓂᑭ ᓂᔂᔅ ᐊᒐᑾᒃ ᐁᐗᒀᓂᑭ ᓂᔀ ᐁᓐᒐᓚᒃ ᑳ ᑎᐯᓕᒫᒋᒃ ᐊᓂᐃ ᓂᔂᔅ ᒫᒪᐎᐋᔭᒥᐊᐗ: ᓀᔥᑕ ᐊᓂᐃ ᓂᔂᔅ ᐙᔅᑌᓇᒫᑲᓈᑎᑾ ᐁᐗᒀᓂᐃ ᓂᔂᔅ ᒫᒪᐎᐋᔭᒥᐋᐗᐤ᙮

ᑭᔅᑫᓕᑖᑯᑖᑫᐎᓐ 11:19

ᑭᒋᒪᓂᑐ ᐅ ᑭᒋᐋᔭᒥᐁᐎᑲᒥᒃ ᒫᑲ ᑮ ᐹᔅᑭᑌᓂᑳᑌᓕᐤ ᑭᒋᑭᔑᑯᒃ, ᑮ ᓄᑾᓂᓕᐤ ᒫᑲ ᐅ ᑭᒋᐋᔭᒥᐁᐎᑲᒥᑯᒃ ᐅ ᓇᔅᑯᒥᑐᐎᓂ ᐋᕐᒃ: ᑮ ᐙᐙᔅᑌᐸᓕᐤ ᒫᑲ, ᓀᔥᑕ ᑮ ᐯᐯᑖᑯᓯᓈᓂᐗᓐ, ᓀᔥᑕ ᑮ ᑶᑾᓐ, ᓀᔥᑕ ᑮ ᑭᒋ ᓭᓭᑲᓐ᙮

ᑭᔅᑫᓕᑖᑯᑖᑫᐎᓐ 12:3

ᑮ ᓄᑾᓐ ᒫᑲ ᑯᑕᒃ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ; ᒫᑎᑲ ᒫᑲ ᐁ ᒥᑯᓯᑦ ᑭᒋ ᒥᔑᑭᓀᐱᒃ, ᓂᔂᔅ ᐁ ᑕᑐᔅᑎᑾᓀᑦ ᓀᔥᑕ ᐁ ᒥᑖᑐᑌᔥᑲᓄᑦ, ᓀᔥᑕ ᓂᔂᔅ ᐅᑭᒪᐗᔅᑐᑎᓋ ᑕᑯᒡ ᐅᔅᑎᒀᓇ᙮

ᑭᔅᑫᓕᑖᑯᑖᑫᐎᓐ 15:1

ᓂ ᑮ ᐙᐸᑌᓐ ᒫᑲ ᑯᑕᒃ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ, ᐁ ᑭᒋᐃᑌᓕᑖᑾᒃ ᓀᔥᑕ ᐁ ᒫᒪᔅᑳᑌᓕᑖᑾᒃ, ᓂᔂᔅ ᐁᓐᒐᓚᒃ ᐁ ᐋᔮᒋᒃ ᐊᓂᐃ ᓂᔂᔅ ᒫᒋᒡ ᐋᑯᐃᑖᔅᐱᓀᐎᓇ; ᐌᓴ ᐁᑯ ᐁ ᑭᔑᑖᓂᐗᓂᓕᒃ ᑭᒋᒪᓂᑐ ᐅᑦ ᐋᑯᓚᐌᓯᐎᓐ᙮

ᑭᔅᑫᓕᑖᑯᑖᑫᐎᓐ 21:14

ᐊᓂᒪ ᐃᑖᐎᓂ ᒣᓂᑲᓐ ᒫᑲ ᑮ ᐋᔮᒪᑲᓐ ᓂᔓᔖᑉ ᐅᓚᔅᑕᒋᑫᐎᓇ, ᐁᑯᑕ ᒫᑳ ᐁᑕᑾᓂᓕᑭ ᐅᑦ ᐃᔑᓂᑳᓱᐎᓂᐙᐗ ᓂᔓᔖᑉ ᐅᑦ ᐊᐸᔅᑕᓕᒪ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 21:23

ᐊᓐᑕ ᒫᑲ ᐃᑖᐎᓂᒃ ᐱᓯᒻ ᓇᒪᐎᓚ ᑭ ᓇᑕᐌᓕᒪᐤ, ᓇᒪ ᓀᔥᑕ ᑎᐱᔅᑭᐱᓯᒻ ᑭᒋ ᒐᑳᓯᑫᒋᒃ; ᐌᓴ ᑮ ᐅᒋ ᐙᔅᑌᓂᑳᑌᐤ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ, ᓀᔥᑕ ᒫᓂᔥᒑᓂᔑᔥ ᐙᓭᔮᓯᐎᓂᐎᐤ ᐁᑯᑕ᙮