ᑭᔅᑫᓕᑖᑯᑖᑫᐎᓐ 11:9 - ᐅᔅᑭ ᑎᔅᑌᒥᓐᑦ

⁹ ᐋᑎᑦ ᒫᑳ ᐁ ᐃᑕᓯᒋᒃ ᐃᓕᓕᐗᒃ, ᓀᔥᑕ ᐁ ᑕᑐᑌᐎᓯᒋᒃ, ᓀᔥᑕ ᐹᐱᑐᔥ ᐁ ᐃᔑ ᑭᔗᒋᒃ ᓀᔥᑕ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑲᑕ ᐙᐸᑕᒬᐗᒃ ᐎᔭᐎᓕᐗ ᐃᔥᐱᔥ ᓂᔅᑐ ᑭᔑᑳᐗ ᓀᔥᑕ ᐋᐱᑕᐤ, ᓇᒪ ᓀᔥᑕ ᑲᑕ ᐃᓕᓇᒶᒃ ᐎᔭᐎᓕᐗ ᒋᐹᔨᑲᒥᑯᒃ ᑭᒋ ᐃᑕᔅᑖᓂᐗᓂᓕᑭ᙮

ᑭᔅᑫᓕᑖᑯᑖᑫᐎᓐ 11:9 Iomraidhean Croise

ᐅᐸᓓᑭᔅ ᒫᑎᐤ 7:2

ᐁᑯ ᐊᓂᒪ ᑎᐹᔅᑯᓂᑫᐎᒃ ᑫ ᐃᔑ ᑎᐹᔅᑯᓂᑫᔦᒃ, ᐁᑯ ᓀᔥᑕ ᑭᓚᐗᐤ ᑫ ᐃᔑ ᑎᐹᔅᑯᓂᑲᐎᔦᒃ: ᐊᓂᒪ ᑎᐹᔨᑲᓐ ᓀᔥᑕ ᑫ ᐃᔑ ᑎᐹᔨᑫᔦᒃ, ᐁᑯ ᓀᔥᑕ ᑭᓚᐗᐤ ᑫ ᐃᔑ ᑎᐸᐊᒫᑲᐎᔦᒃ᙮

ᑭᔅᑫᓕᑖᑯᑖᑫᐎᓐ 10:11

ᓂ ᑮ ᐃᑎᒃ ᒫᑲ, ᒥᓇ ᑭ ᑳ ᑭᔅᑭᐙᐃᑫᔅᑕᐙᐗᒃ ᒥᒉᑦ ᑐᐎ ᐃᓕᓕᐗᒃ, ᓀᔥᑕ ᐹᐱᑐᔥ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓀᔥᑕ ᓇᓈᑲᐤ ᐁ ᐃᔑ ᑭᔗᒔᒃ, ᓀᔥᑕ ᑭᒋᐅᑭᒫᐗᒃ᙮

ᑭᔅᑫᓕᑖᑯᑖᑫᐎᓐ 11:11

ᑮ ᐳᓂᐸᓕᑾᐌ ᒫᑲ ᓂᔅᑐ ᑭᔑᑳᐗ ᓀᔥᑕ ᐋᐱᑕᐤ, ᐱᒫᑎᓯᐎᓂ ᐊᒑᒃ ᑭᒋᒪᓂᑐ ᐅᒋ ᑮ ᐱᑐᑫᔅᑳᑲᐌᐤ, ᐅ ᓯᑎᓕᒃ ᒫᑲ ᑮ ᐃᔑ ᓂᐸᐎᓕᐗ; ᑭᒋ ᓭᑭᓯᐎᓂᓕᐤ ᒫᑲ ᑮ ᐅᑎᑎᑯᐗᒃ ᒥᓯᐌ ᐊᓂᑭ ᑳ ᑭ ᐙᐸᒫᒋᒃ᙮

ᑭᔅᑫᓕᑖᑯᑖᑫᐎᓐ 13:7

ᑮ ᒥᓚᐤ ᒫᑲ ᑭᒋ ᓇᑐᐸᓖᔅᑕᐙᑦ ᐅᐸᓓᑭᓴ, ᓀᔥᑕ ᑭᒋ ᔖᑯᒋᐋᑦ: ᑲᔥᑭᐅᐎᓂᓕᐤ ᓀᔥᑕ ᑮ ᒥᓚᐤ ᑭᒋ ᑎᐯᓕᒫᑦ ᒥᓯᐌ ᑳ ᑕᑐᑌᐎᓯᓕᒋ ᐃᓕᓕᐗ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᑳ ᑕᑐᔅᑳᓀᓯᓕᒋ ᐃᓕᓕᐗ᙮

ᑭᔅᑫᓕᑖᑯᑖᑫᐎᓐ 17:15

ᓂ ᑮ ᐃᑎᒃ ᒫᑲ, ᐊᓂᐃ ᓂᐱᔭ ᑳ ᐙᐸᑕᒪᓐ, ᐃᑕ ᑳ ᐊᐱᑦ ᐱᔑᒀᑎᔅᑴᐤ, ᐁᐗᒀᓂᑭ ᐹᐱᑐᔥ ᐃᓕᓕᐗᒃ, ᓀᔥᑕ ᑳ ᒫᒪᐎ ᒥᒉᑎᒋᒃ, ᓀᔥᑕ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᓀᔥᑕ ᓇᓈᑲᐤ ᐁ ᐃᔑᑭᔗᒋᒃ᙮

ᑭᔅᑫᓕᑖᑯᑖᑫᐎᓐ 5:8

ᐃᔅᐱ ᒫᑲ ᐌᑎᓇᒃ ᒪᓯᓇᐃᑲᓂᓕᐤ, ᐊᓂᑭ ᓀᐤ ᐅᐱᒫᑎᓴᒃ ᓀᔥᑕ ᐊᓂᑭ ᓂᔑᑕᓇ ᓀᔥᑕ ᓀᐅᔖᑉ ᑳ ᓂᑲᓀᓕᑖᑯᓯᒋᒃ ᑮ ᐸᑭᔑᓂᔅᑕᐌᐗᒃ ᒫᓂᔥᒑᓂᔑᔕ, ᑕᑐ ᐁ ᐃᑕᓯᒋᒃ ᐁ ᐋᔭᐙᒋᒃ ᔖᑲᓈᐱᑭᑐᒋᑲᓇ, ᓀᔥᑕ ᐅᓴᐎᔔᓕᐋᓈᐱᔉ ᐊᓱᐗᒋᑲᓇ ᐁ ᓵᑲᔅᑭᓀᑭ ᐎᑭᒫᓯᑲᓐ, ᐁᐗᒀᓂᒪ ᐅᑦ ᐋᔭᒥᐋᐎᓂᐗᐗ ᐅᐸᓓᑭᓴᒃ᙮

ᑭᔅᑫᓕᑖᑯᑖᑫᐎᓐ 5:9

ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;