ᑭᔅᑫᓕᑖᑯᑖᑫᐎᓐ 11:15 - ᐅᔅᑭ ᑎᔅᑌᒥᓐᑦ

¹⁵ ᐊᓇ ᓂᔂᔅ ᐁᓐᒐᓪ ᒫᑲ ᑮ ᑭᑐᑕᐤ: ᑮ ᐃᑕᑾᓋ ᒫᑲ ᑭᒋ ᐯᑖᑯᓯᐎᓇ ᑭᒋᑭᔑᑯᒃ, ᐁ ᐃᑗᒪᑲᑭ, ᐊᓂᐃ ᐅᑭᒪᐎᐎᓇ ᐅᑕ ᐊᔅᑮᒃ ᑳ ᐃᑕᑾᑭ ᐋᔕᔾ ᑎᐯᓕᑕᒻ ᑭ ᑎᐯᓕᒋᑫᒥᓇᐤ, ᓀᔥᑕ ᐅ ᙭ᑎᒪ; ᑲᑕ ᑎᐯᓕᒋᑫᐤ ᒫᑲ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 11:15 Iomraidhean Croise

ᐅᐸᓓᑭᔅ ᒫᑎᐤ 24:31

ᑲᑕ ᐃᔑᑎᔕᐌᐤ ᒫᑲ ᐅᑦ ᐁᓐᒐᓕᒪ ᓈᔅᐱᒡ ᐁ ᑭᔗᐌᒪᑲᒃ ᐳᑖᒋᑲᓐ, ᑲᑕ ᒪᐗᒋᐁᓕᐗ ᒫᑲ ᐊᓂᐃ ᑳ ᐙᐌᓛᐸᒥᒥᒋ ᓀᐤ ᐁ ᐅᒋᓚᐌᒃ ᐅᒋ, ᓀᔥᑕ ᒥᓯᐌ ᐁᔅᐱᔖᒃ ᐊᑖᒥᒃ ᑭᔑᑯᒃ᙮

ᐅᐸᓓᑭᔅ ᒫᑎᐤ 6:13

ᐁᑳᐎᓚ ᒫᑲ ᐃᑐᑕᐃᓈᓐ ᑫ ᐃᔑ ᑲᑴᒋᐃᑲᐎᔮᒃ; ᒫᑲ ᒥᑖᑴᓇᒪᐎᓈᓐ ᒪᒋ ᑫᒀᓇ: ᐌᓴ ᑭᓚ ᑭ ᑎᐱᓚᐌᐎᓯᓐ ᐅᑭᒪᐎᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᑭᔅᑌᓖᑖᑯᓯᐎᓐ, ᑳᑭᑫ᙮ ᐁᒣᓐ᙮

ᐅᐸᓓᑭᔅ ᓘᒃ 1:33

ᑲᑕ ᑎᐯᓕᑕᒬᐤ ᒫᑲ ᒉᑲᐸ ᐎᑭᓕᐤ ᑳᑭᑫ: ᐅᑦ ᐅᑭᒫᐎᐎᓐ ᒫᑲ ᓇᒪᐙᔅᑳᑦ ᑲᑕ ᐃᔥᒀᐸᓕᓕᐤ᙮

ᐅᐸᓓᑭᔅ ᓘᒃ 15:10

ᐁᑯ ᑖᐱᔅᑯᒡ, ᑭᑦ ᐃᑎᓇᐗᐤ, ᐃᑕᑾᓐ ᒥᓚᐙᑕᒧᐎᓐ ᐃᑕ ᐁ ᐃᑖᓕᒋ ᑭᒋᒪᓂᑐ ᐁᓐᒐᓕᒪ ᐯᔭᒃ ᐅᒪᒋᑣᐤ ᐅᒋ ᐁ ᑴᔅᑳᑎᓯᑦ᙮

ᐅᐸᓓᑭᔅ ᓘᒃ 15:6

ᐃᔅᐱ ᒫᑲ ᐱᐁᒋ ᑕᑯᔑᑭ ᐎᑭᒃ, ᒫᒪᐎ ᓇᑐᒣᐤ ᐅ ᑐᑌᒪ ᓀᔥᑕ ᐎᒋᐃᓕᓕᐗ, ᐁ ᐃᑗᑦ, ᐎᒋᒥᓚᐙᑕᒧᒥᒃ; ᐌᓴ ᓂ ᑮ ᒥᔅᑲᐗᐤ ᓂ ᒫᓂᔥᒑᓂᔒᒻ ᑳ ᑮ ᐗᓂᔑᒃ᙮

ᐊᐸᔅᑕᓚᒃ 4:26

ᑭᒋᐅᑭᒫᐗᒃ ᐅᑕ ᐊᔅᑭᒃ ᑮ ᓂᐸᐎᐗᒃ, ᓀᔥᑕ ᐅᑎᐯᓕᒋᑫᐗᒃ ᑮ ᒫᐗᒋᐃᑐᐗᒃ ᐁ ᐎ ᓄᑎᓈᒋᒃ ᑌᐯᓕᒋᑫᓕᒋ, ᓀᔥᑕ ᐅ ᙭ᑎᒥᓕᐗ᙮

ᐦᐃᑉᕉᐗ 1:8

ᒫᑲ ᐅᑯᓯᓯᒪᐗ ᐃᑌᐤ, ᑭᑦ ᐅᑭᒪᐗᐱᐎᓐ, ᐅ ᑭᒋᒪᓂᑐ, ᑳᑭᑫ ᓀᔥᑕ ᑳᑭᑫ ᑲᑕ ᐃᑕᑾᓐ: ᒀᔭᔅᑭᑖᑎᓯᐎᓂ ᓭᑉᑕᕐ ᐁᐗᑯ ᑭᑦ ᐅᑭᒪᐎᐎᓂ ᓭᑉᑕᕐ᙮

ᑭᔅᑫᓕᑖᑯᑖᑫᐎᓐ 10:7

ᒫᑲ ᒣᒀᒡ ᐊᓂᐃ ᐁ ᑭᔑᑳᑭ ᐁ ᐯᑖᑯᓯᑦ ᐊᓇ ᓃᔂᔅ ᐁᓐᒐᓪ, ᐃᔅᐱ ᒫᒋ ᑭᑐᑖᑦ ᐁᑯ ᑭᒋ ᑭᔑᑖᓂᐗᓂᓕᒃ ᑭᒋᒪᓂᑐ ᐅ ᒪᒪᔅᑳᑎᐎᓐ, ᒬᒋ ᑳ ᑭ ᐃᔑ ᐎᑕᒪᐙᑦ ᐅᑦ ᐊᑑᔅᑫᓛᑲᓇ ᐅᑭᔅᑭᐙᐃᑫᐗ᙮

ᑭᔅᑫᓕᑖᑯᑖᑫᐎᓐ 12:10

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᐁ ᑭᔗᐌᒪᑲᒃ, ᐁ ᐃᑗᒪᑲᒃ ᑭᒋᑭᔑᑯᒃ, ᐁᑯ ᐌᑎᒋᐸᓕᒃ ᐱᒫᒋᐃᐌᐎᓐ, ᓀᔥᑕ ᒪᔥᑲᐎᓯᐎᓐ, ᓀᔥᑕ ᑭ ᑭᒋᒪᓂᑐᒥᓇᐤ ᐅᑦ ᐅᑭᒫᐎᐎᓐ, ᓀᔥᑕ ᐅ ᙭ᑎᒪ ᐅ ᑲᔥᑭᐅᐎᓂᓕᐤ; ᐌᓴ ᐊᓇ ᑳ ᒪᒥᔑᒫᑦ ᑭᒋᔖᓂᓇᐗ ᓂᒋ ᐌᐱᓈᑲᓂᐎᐤ ᐅᑎᔥᑲᐤ ᑭ ᑭᒋᒪᓂᑐᒥᓇᐗ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ᙮

ᑭᔅᑫᓕᑖᑯᑖᑫᐎᓐ 15:4

ᐊᐌᓇ ᐁᑳ ᑫ ᓇᓂᒌᔅᑖᔉ, ᐅ ᑌᐯᓕᒋᑫᔭᓐ, ᓀᔥᑕ ᑭᔅᑖᒋᑕᒃ ᑭᑦ ᐃᔑᓂᑳᓱᐎᓂᓕᐤ? ᐌᓴ ᑭᓚ ᐱᑯ ᑮ ᐸᓓᑭᓯᓐ: ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᑳ ᐯᒋ ᓇᐗᑮᔅᑖᑾᒃ; ᐌᓴ ᑮ ᑎᐹᔅᑯᓂᑫᐎᓇ ᐹᔭᑌ ᓄᑯᑖᓂᐗᓋ᙮

ᑭᔅᑫᓕᑖᑯᑖᑫᐎᓐ 16:17

ᐊᓇ ᓂᔂᔅ ᐁᓐᒐᓪ ᒫᑲ ᐅᑦ ᐅᓛᑲᓂᔕ ᒧᔐᑭᔑᑯᒃ ᑮ ᐃᔑ ᓯᑭᓇᒻ: ᑮ ᐯᒋ ᓄᑕᑾᓐ ᒫᑲ ᑭᒋ ᐯᑖᑯᓯᐎᓐ ᑭᒋᐋᔭᒥᐁᐎᑲᒥᑯᒃ ᐅᒋ ᑭᒋᑭᔑᑯᒃ, ᐅᑭᒫᐗᐱᐎᓂᒃ ᐅᒋ ᐁ ᐃᑗᒪᑲᒃ, ᑮ ᑐᒋᑳᑌᐤ,

ᑭᔅᑫᓕᑖᑯᑖᑫᐎᓐ 17:14

ᐅᑯ ᑲᑕ ᓇᑐᐸᓖᔅᑕᐌᐗᒃ ᒫᓂᔥᒑᓂᔑᔕ, ᑲᑕ ᔖᑯᒋᐃᑯᐗᒃ ᒫᑲ ᒫᓂᔥᒑᓂᔑᔕ; ᐌᓴ ᐎᓚ ᑎᐯᓕᒣᐤ ᐅᑎᐯᓕᒋᑫᐗ, ᓀᔥᑕ ᐅ ᑭᒋᐅᑭᒫᒥᐙᐗ ᑭᒋᐅᑭᒫᐗᒃ:

ᑭᔅᑫᓕᑖᑯᑖᑫᐎᓐ 19:1

ᑳ ᐳᓂᐸᓕᑭ ᐅᐅ, ᓂ ᑮ ᐯᑌᓐ ᐁ ᑭᒋ ᐯᑖᑯᓯᒋᒃ ᒥᒉᑦ ᐃᓕᓕᐗᒃ ᑭᒋᑭᔑᑯᒃ, ᐁ ᐃᑗᒋᒃ, ᐋᓕᓘᔭ; ᐱᒫᒋᐃᐌᐎᓐ, ᓀᔥᑕ ᑭᔅᑌᓕᑖᑯᓯᐎᓐ, ᓀᔥᑕ ᑭᔅᑎᓯᐎᓐ, ᓀᔥᑕ ᑲᔥᑭᐅᐎᓐ ᑲᑕ ᐎ ᐋᔭᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒥᓇᐤ:

ᑭᔅᑫᓕᑖᑯᑖᑫᐎᓐ 19:6

ᓂ ᑮ ᐯᑌᓐ ᒫᑲ, ᒫᓇ ᐱᑯ ᐁ ᐯᑖᑯᓯᒋᒃ ᐁ ᒫᒪᐎᒥᒉᑎᒋᒃ, ᓀᔥᑕ ᑖᐱᔅᑯᒡ ᐁ ᐃᑎᑖᑾᑭ ᒥᒉᑦ ᓂᐱᔭ, ᓀᔥᑕ ᐁ ᐯᑖᑯᓯᒋᒃ ᑭᒋ ᐅᓂᒥᔅᑭᐗᒃ, ᐁ ᐃᑗᒋᒃ, ᐋᓕᓘᔭ: ᐌᓴ ᐅᑎᐯᓕᒋᑫᐤ ᑭᒋᒪᓂᑐ ᒥᓯᐌ ᓯᔪᑳᑎᓯᑦ ᑎᐯᓕᒋᑫᐤ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 8:12

ᐊᓇ ᓀᐤ ᐁᓐᒐᓚ ᒫᑲ ᑮ ᑭᑐᑕᐤ, ᓂᔅᑡᐤ ᐃᓕᑯᒃ ᐱᓯᒻ ᒫᑲ ᑮ ᐸᑲᒪᐗᐤ, ᓀᔥᑕ ᓂᔅᑡᐤ ᐃᓕᑯᒃ ᑎᐱᔅᑭᐱᓯᒻ, ᓀᔥᑕ ᓂᔅᑡᐤ ᐃᓕᑯᒃ ᐁ ᐃᑕᓯᒋᒃ ᐊᒐᑯᔑᒃ; ᓂᔅᑡᐤ ᐃᓕᑯᒃ ᒫᑳ ᑮ ᐗᓂᑎᐱᔅᑭᓯᐗᒃ; ᐁ ᑭᔑᑳᒃ ᒫᑲ ᓂᔅᑡᐤ ᐃᓕᑯᒃ ᓇᒪᐎᓚ ᑮ ᐙᔅᑌᐤ, ᐁᑯ ᑖᐱᔅᑯᒡ ᓀᔥᑕ ᑳ ᐃᔑᓈᑾᒃ ᐁ ᑎᐱᔅᑳᒃ᙮

ᑭᔅᑫᓕᑖᑯᑖᑫᐎᓐ 9:1

ᐊᓇ ᒫᑲ ᓂᔮᓕᓪ ᐁᓐᒐᓪ ᑮ ᑭᑐᑕᐤ, ᓂ ᑮ ᐙᐸᒪᐤ ᒫᑲ ᐊᒐᑯᔥ ᑭᔑᑯᒃ ᐁ ᐅᒋ ᐸᑭᔑᒃ ᐊᔅᑮᒃ ᐃᔑ: ᐊᐗ ᒫᑲ ᑮ ᒥᓚᐤ ᐎᑯᑕᐃᑲᓂᓕᐤ ᐁᑳ ᑳ ᒥᓴᔅᑫᔮᒃ ᐙᑎᑳᓐ᙮

ᑭᔅᑫᓕᑖᑯᑖᑫᐎᓐ 9:13

ᐊᓇ ᓂᑯᑣᔅ ᐁᓐᒐᓪ ᒫᑲ ᑮ ᑭᑐᑕᐤ, ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᐊᓐᑕ ᐅᒋ ᐁ ᓀᐅᑌᔥᑲᓀᒪᑲᒃ ᐅᓵᐎᔔᓕᐊᓈᐱᔉ ᐸᑭᒋᑲᓈᐱᔉ ᑳ ᐃᑕᑾᒃ ᐅᑎᔥᑲᐤ ᑭᒋᒪᓂᑐᐗ᙮