ᑭᔅᑫᓕᑖᑯᑖᑫᐎᓐ 11:13 - ᐅᔅᑭ ᑎᔅᑌᒥᓐᑦ

¹³ ᐁᐗᑯ ᑫᔮᐸᒡ ᑎᐹᔨᑲᓂᒃ ᐱᓯᒧᑳᓂᒃ ᑮ ᑭᒋ ᑶᑾᓐ, ᒥᑖᑡᐤ ᐃᓕᑯᒃ ᐃᑖᐎᓐ ᒫᑲ ᑮ ᐸᑭᑎᓐ, ᐊᓐᑕ ᒫᑲ ᐁ ᑶᑾᒃ ᑮ ᓂᐸᐋᐗᒃ ᓂᔂᔀᐤ ᑭᒋᒥᑖᑐᒥᑕᓇᐤ ᐃᓕᓕᐗᒃ: ᑯᑕᑭᔭᒃ ᒫᑲ ᑮ ᓭᑭᐋᐗᒃ, ᑮ ᒫᒥᒋᒣᐗᒃ ᒫᑲ ᑭᒋᒪᓂᑐᐗ ᑭᒋᑭᔑᑯᒃ ᑳ ᐃᑖᓕᒋ᙮

ᑭᔅᑫᓕᑖᑯᑖᑫᐎᓐ 11:13 Iomraidhean Croise

ᐅᐸᓓᑭᔅ ᒑᓐ 9:24

ᐁᑯ ᒥᓇ ᓀᑐᒫᒋᒃ ᐊᓂᐃ ᐃᓕᓕᐗ ᐁᑳ ᑳ ᑮ ᐙᐱᓕᒋ, ᓀᔥᑕ ᑮ ᐃᑌᐗᒃ, ᒦᓐ ᑭᒋᒪᓂᑐ ᒫᒥᒋᒥᑯᓯᐎᓕᓕᐤ: ᓂ ᑭᔅᑫᓕᑌᓈᓐ ᐊᐗ ᐃᓕᓕᐤ ᐁ ᒪᒋᑣᑦ᙮

ᐊᐸᔅᑕᓚᒃ 1:15

ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᑭᔅᑫᓕᑖᑯᑖᑫᐎᓐ 11:11

ᑮ ᐳᓂᐸᓕᑾᐌ ᒫᑲ ᓂᔅᑐ ᑭᔑᑳᐗ ᓀᔥᑕ ᐋᐱᑕᐤ, ᐱᒫᑎᓯᐎᓂ ᐊᒑᒃ ᑭᒋᒪᓂᑐ ᐅᒋ ᑮ ᐱᑐᑫᔅᑳᑲᐌᐤ, ᐅ ᓯᑎᓕᒃ ᒫᑲ ᑮ ᐃᔑ ᓂᐸᐎᓕᐗ; ᑭᒋ ᓭᑭᓯᐎᓂᓕᐤ ᒫᑲ ᑮ ᐅᑎᑎᑯᐗᒃ ᒥᓯᐌ ᐊᓂᑭ ᑳ ᑭ ᐙᐸᒫᒋᒃ᙮

ᑭᔅᑫᓕᑖᑯᑖᑫᐎᓐ 11:19

ᑭᒋᒪᓂᑐ ᐅ ᑭᒋᐋᔭᒥᐁᐎᑲᒥᒃ ᒫᑲ ᑮ ᐹᔅᑭᑌᓂᑳᑌᓕᐤ ᑭᒋᑭᔑᑯᒃ, ᑮ ᓄᑾᓂᓕᐤ ᒫᑲ ᐅ ᑭᒋᐋᔭᒥᐁᐎᑲᒥᑯᒃ ᐅ ᓇᔅᑯᒥᑐᐎᓂ ᐋᕐᒃ: ᑮ ᐙᐙᔅᑌᐸᓕᐤ ᒫᑲ, ᓀᔥᑕ ᑮ ᐯᐯᑖᑯᓯᓈᓂᐗᓐ, ᓀᔥᑕ ᑮ ᑶᑾᓐ, ᓀᔥᑕ ᑮ ᑭᒋ ᓭᓭᑲᓐ᙮

ᑭᔅᑫᓕᑖᑯᑖᑫᐎᓐ 14:7

ᐁ ᐃᑗᑦ, ᐁ ᑭᔗᐌᑦ, ᓇᓂᒋᔅᑕᐎᒃ ᑭᒋᒪᓂᑐ, ᑭᔅᑖᒋᒥᒃ ᒫᑲ; ᐌᓴ ᑎᐹᔅᑯᓂᑫᐎᓂ ᑎᐹᔨᑲᓐ ᐋᔕᔾ ᐅᑎᒋᐸᓕᐤ: ᓇᐗᑮᔅᑕᐎᒃ ᒫᑲ ᐊᓇ ᑳ ᑭ ᐅᔑᑖᑦ ᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒧᔅᑭᒋᐗᓂᐯᑾ᙮

ᑭᔅᑫᓕᑖᑯᑖᑫᐎᓐ 15:4

ᐊᐌᓇ ᐁᑳ ᑫ ᓇᓂᒌᔅᑖᔉ, ᐅ ᑌᐯᓕᒋᑫᔭᓐ, ᓀᔥᑕ ᑭᔅᑖᒋᑕᒃ ᑭᑦ ᐃᔑᓂᑳᓱᐎᓂᓕᐤ? ᐌᓴ ᑭᓚ ᐱᑯ ᑮ ᐸᓓᑭᓯᓐ: ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᑳ ᐯᒋ ᓇᐗᑮᔅᑖᑾᒃ; ᐌᓴ ᑮ ᑎᐹᔅᑯᓂᑫᐎᓇ ᐹᔭᑌ ᓄᑯᑖᓂᐗᓋ᙮

ᑭᔅᑫᓕᑖᑯᑖᑫᐎᓐ 19:7

ᐁᑯᔑ ᓯᑭᓓᓯᑕᐤ ᓀᔥᑕ ᒧᒋᑫᓕᑖᑕᐤ, ᓀᔥᑕ ᑭᔅᑌᓕᒫᑕᐤ: ᐌᓴ ᐅ ᐎᑭᑐᐎᓐ ᒫᓂᔥᒑᓂᔑᔥ ᐅᑎᒋᐸᓕᓕᐤ, ᐎᐗ ᓀᔥᑕ ᐊᔕᔾ ᑭ ᐙᐌᔑᐅᓕᐗ᙮

ᑭᔅᑫᓕᑖᑯᑖᑫᐎᓐ 3:4

ᑭᑦ ᐋᔮᓐ ᐋᑎᑦ ᐃᔑᓂᑳᓱᐎᓇ ᐊᐳᒋᑲ ᓵᕐᑎᓯᒃ, ᐁᑳ ᑳ ᑭ ᐎᓕᐱᑖᒋᒃ ᐅ ᐎᓛᒋᑲᓂᐙᐗ: ᓂ ᑳ ᐎᒋᐱᒧᑌᒥᑾᒃ ᒫᑲ ᐁ ᐙᐱᐅᒋᒃ; ᐌᓴ ᑌᐸᑫᓕᑖᑯᓯᐗᒃ᙮

ᑭᔅᑫᓕᑖᑯᑖᑫᐎᓐ 6:12

ᓂ ᑮ ᐙᐸᑌᓐ ᒫᑲ ᐃᔅᐱ ᑳ ᑭ ᐋᐸᐊᒃ ᓂᑯᑣᔅ ᐊᔅᑯᔅᑭᐗᓯᑲᓂᓕᐤ, ᒫᑎᑲ, ᒫᑲ ᑮ ᑭᒋ ᑶᑾᓐ; ᐱᓯᒻ ᒫᑲ ᑖᐱᔅᑯᒡ ᒫᑲᑌᐎᐱᐌ ᓱᑫᑭᓐ ᑮ ᐊᑎ ᐃᔑᓈᑯᓯᐤ, ᓀᔥᑕ ᑖᐱᔅᑯᒡ ᒥᑯ ᑮ ᐊᑎ ᐃᔑᓈᑯᓯᐤ ᑎᐱᔅᑭᐱᓯᒻ;

ᑭᔅᑫᓕᑖᑯᑖᑫᐎᓐ 8:5

ᐊᓇ ᐁᓐᒐᓪ ᒫᑲ ᑮ ᐅᑎᓇᒻ ᐸᑭᒋᑫᐎᓛᑲᓂᓕᐤ, ᑮ ᓵᑲᔅᑭᓇᑕᐤ ᒫᑲ ᐃᔥᑯᑌᓕᐤ ᐸᑭᒋᑲᓈᐱᔅᑯᒃ ᐅᒋ, ᐊᔅᑮᒃ ᒫᑲ ᑮ ᐃᔑ ᐌᐱᓇᒻ: ᑮ ᐯᑖᑯᓯᓈᓂᐗᓐ ᒫᑲ, ᓀᔥᑕ ᐅᓂᒥᔅᑭᐗᒃ, ᓀᔥᑕ ᐁ ᐙᐙᔅᑌᐸᓕᒃ, ᓀᔥᑕ ᑮ ᑶᑾᓐ᙮