ᑭᔅᑫᓕᑖᑯᑖᑫᐎᓐ 1:16 - ᐅᔅᑭ ᑎᔅᑌᒥᓐᑦ

¹⁶ ᑮ ᐋᔭᐌᐤ ᐅ ᑭᒋᓂᔅᑮᒃ ᓂᔂᔅ ᐊᒑᑾ: ᐅᑐᓂᒃ ᓀᔥᑕ ᑮ ᐅᒋᐸᓕᓕᐤ ᐁ ᐃᑕᐎ ᑳᔖᒃ ᔑᒫᑲᓂᓕᐤ: ᓀᔥᑕ ᑮ ᐃᔑᓈᑯᑴᐤ ᑖᐱᔅᑯᒡ ᐱᓯᒻ ᐁ ᒪᔥᑲᐙᓯᑫᑦ᙮

ᑭᔅᑫᓕᑖᑯᑖᑫᐎᓐ 1:16 Iomraidhean Croise

ᐅᐸᓓᑭᔅ ᒫᑎᐤ 17:2

ᑮ ᑴᔅᑭᓈᑯᓯᐤ ᒫᑲ ᐁ ᑲᓇᐙᐸᒥᑯᑦ: ᐅᑖᔅᑕᒥᒃ ᒫᑲ ᑮ ᐙᓯᑌᓕᐤ ᑖᐱᔅᑯᒡ ᐱᓯᒻ, ᓀᔥᑕ ᐅ ᐎᓛᒋᑲᓇ ᑮ ᐙᐹᓕᐗ ᑖᐱᔅᑯᒡ ᐙᓯᔮᓯᐎᓐ᙮

ᐊᐸᔅᑕᓚᒃ 26:13

ᐃᔅᐱ ᐁ ᐋᐱᑕᑭᔑᑳᒃ, ᐅ ᑭᒋᐅᑭᒪᐤ, ᓂ ᑮ ᐙᐸᑌᓐ ᒣᔅᑲᓈᒃ ᐙᔅᑌᐎᓐ ᑭᒋᑭᔑᑯᒃ ᐅᒋ, ᐊᐙᓯᑌ ᐁ ᐙᓯᑌᒃ ᐃᔥᐱᔥ ᐱᓯᒻ, ᐙᔅᑲ ᐁ ᐙᓭᔅᑳᑯᔮᓐ ᐊᓯᒋ ᐊᓂᑭ ᑳ ᑮ ᐎᒉᐎᒋᒃ᙮

ᐃᐱᓯᔭᓇ 6:17

ᐅᑎᓇᒧᒃ ᓀᔥᑕ ᐱᒫᒋᐃᐌᐎᓐ ᑖᐱᔅᑯᒡ ᓇᑐᐸᓕᐎ ᐊᔅᑐᑎᓐ, ᓀᔥᑕ ᐊᒑᒃ ᐅ ᔑᒫᑲᓐ, ᐁᐗᑯ ᑭᒋᒪᓂᑐ ᐅᑦ ᐋᔭᒥᐎᓐ:

ᐦᐃᑉᕉᐗ 4:12

ᐌᓴ ᑭᒋᒪᓂᑐ ᐅᑦ ᐋᔭᒥᐎᓐ ᐱᒫᑎᓯᒪᑲᓂᓕᐤ, ᓀᔥᑕ ᓱᑳᑎᓯᒪᑲᓂᓕᐤ, ᓀᔥᑕ ᐊᐙᓯᑌ ᑳᔖᓕᐤ ᐃᔥᐱᔥ ᐁ ᓂᔓᐱᔅᑲᒧᑭ ᔑᒫᑲᓐ, ᐁ ᔖᐳᐸᓕᓕᒃ ᐃᔥᐱᔥ ᑮ ᐅᒋ ᓀᓇᐎᓂᑳᑌᒃ ᐊᒑᒃ ᓀᔥᑕ ᒥᑐᓀᓕᒋᑲᓐ, ᓀᔥᑕ ᐋᓂᔅᑲᐎᑲᓇᓇ ᓀᔥᑕ ᐅᔅᑲᓂᐱᒥ, ᓀᔥᑕ ᓂᓯᑕᐌᓕᑕᒧᒪᑲᓂᓕᐤ ᑳ ᒥᑐᓀᓕᒋᑳᑌᒃ ᓀᔥᑕ ᑳ ᐃᑌᓕᒋᑳᑌᒃ ᒥᑌᐃᒃ᙮

ᑭᔅᑫᓕᑖᑯᑖᑫᐎᓐ 1:20

ᐁ ᐃᔑ ᒫᒪᔅᑳᑌᓕᑖᑯᓯᒋᒃ ᐊᓂᑭ ᓂᔂᔅ ᐊᒐᑾᒃ ᑳ ᑭ ᐙᐸᒪᒋᒃ ᓂ ᑭᒋᓂᔅᑮᒃ, ᓀᔥᑕ ᐊᓂᐃ ᓂᔂᔅ ᐅᓵᐎᔔᓕᐊᓈᐱᔉ ᐙᔅᑌᓇᒫᑲᓈᑎᑾ᙮ ᐊᓂᑭ ᓂᔂᔅ ᐊᒐᑾᒃ ᐁᐗᒀᓂᑭ ᓂᔀ ᐁᓐᒐᓚᒃ ᑳ ᑎᐯᓕᒫᒋᒃ ᐊᓂᐃ ᓂᔂᔅ ᒫᒪᐎᐋᔭᒥᐊᐗ: ᓀᔥᑕ ᐊᓂᐃ ᓂᔂᔅ ᐙᔅᑌᓇᒫᑲᓈᑎᑾ ᐁᐗᒀᓂᐃ ᓂᔂᔅ ᒫᒪᐎᐋᔭᒥᐋᐗᐤ᙮

ᑭᔅᑫᓕᑖᑯᑖᑫᐎᓐ 10:1

ᓂ ᑮ ᐙᐸᒪᐤ ᒫᑲ ᑯᑕᒃ ᓯᔪᑳᑎᓯᑦ ᐁᓐᒐᓪ ᑭᒋᑭᔑᑯᒃ ᐁ ᐅᒋ ᐯᒋ ᓛᔑᑦ, ᐁ ᑭᑭᔥᑲᒃ ᐗᔅᑯᓕᐤ: ᑕᑯᒡ ᒫᑲ ᐅᔅᑎᒀᓂᒃ ᑮ ᐃᑕᑾᓂᓕᐤ ᐎᑯᐯᓵᑲᓐ, ᐅᑖᔅᑕᒥᑳ ᒫᑲ ᑮ ᐃᔑᓈᑾᓂᓕᐤ ᑖᐱᔅᑯᒡ ᐱᓯᒻ, ᓀᔥᑕ ᐅᓯᑕ ᑖᐱᔅᑯᒡ ᐃᔥᑯᑌᐎ ᓯᑣᔅᐱᔅᑯᐃᑲᓇ:

ᑭᔅᑫᓕᑖᑯᑖᑫᐎᓐ 12:1

ᑮ ᓄᑾᓐ ᒫᑲ ᑭᒋ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ; ᐃᔅᑴᐤ ᐁ ᑭᑭᔥᑲᐙᑦ ᐱᓯᒶ, ᓀᔥᑕ ᑎᐱᔅᑭᐱᓯᒶ ᔑᐹ ᐅᓯᑎᒃ, ᓀᔥᑕ ᐅᔅᑎᒀᓂᒃ ᐁ ᐅᑭᒪᐗᔅᑐᑎᓂᑦ ᓂᔓᔖᑉ ᐊᒐᑯᔕ;

ᑭᔅᑫᓕᑖᑯᑖᑫᐎᓐ 19:15

ᐅᑐᓂᒃ ᒫᑲ ᐅᒋᐸᓕᐤ ᐁ ᑳᔖᒃ ᔑᒫᑲᓐ, ᐁᐗᑴᓕᐤ ᑭᒋ ᐅᒋ ᓂᐸᐋᑦ ᑳ ᑕᑐᔅᑳᓀᓯᓕᒋ ᐃᓕᓕᐗ: ᐱᐙᐱᔅᑯᓕᐤ ᒫᑲ ᑲᑕ ᐅᒋ ᑎᐯᓕᒣᐤ: ᑕᑕᑯᔅᑳᑕᒻ ᒫᑲ ᔓᒥᓈᐳ ᒫᑾᐃᑲᓂᓕᐤ ᑳ ᐅᒋᒪᑲᓂᓕᒃ ᐅᑦ ᐊᒀᑎᓯᐎᓂᒃ ᓀᔥᑕ ᐅᑦ ᐋᑯᓚᐌᓯᐎᓂᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 19:21

ᐊᓂᑭ ᒫᑲ ᑳ ᐃᔥᑯᐸᓕᒋᒃ ᑮ ᓂᐸᐋᐗᒃ ᐅ ᔑᒫᑲᓐ ᐅᒋ ᐊᓇ ᑳ ᑌᑕᐱᑐᑕᐙᑦ ᒥᔅᑕᑎᒶ, ᐊᓂᒪ ᔑᒫᑲᓐ ᐅᑐᓂᒃ ᑳ ᐅᒋᐸᓕᓕᒃ: ᒥᓯᐌ ᓀᔥᑕ ᐱᓓᔑᔕᒃ ᑮ ᑭᔥᐳᐋᐗᒃ ᐅ ᐎᔮᓯᓕᐤ ᐅᒋ᙮

ᑭᔅᑫᓕᑖᑯᑖᑫᐎᓐ 2:1

ᐊᓇ ᐁᓐᒐᓪ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐁᐱᓴᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᒥᒋᒥᓈᑦ ᐊᓂᐃ ᓂᔂᔅ ᐊᒐᑾ ᐅ ᑭᒋᓂᔅᑮᒃ, ᑳ ᐱᒧᑌᑦ ᒣᑴᔭᔥ ᐊᓂᐃ ᓂᔂᔅ ᐅᓵᐎᔔᓕᐋᓈᐱᔉ ᐙᔅᑌᓇᒫᑲᓈᑎᑾ;

ᑭᔅᑫᓕᑖᑯᑖᑫᐎᓐ 2:12

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐙᔭᒥᐋᐙ ᐸᕐᑲᒪᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐋᔮᑦ ᑳ ᐃᑕᐎ ᑳᔖᓕᒃ ᔑᒫᑲᓂᓕᐤ;

ᑭᔅᑫᓕᑖᑯᑖᑫᐎᓐ 2:16

ᒥᒋᓚᐌᔦᓕᑕ; ᑮᔥᐱᓐ ᒫᑲ ᐁᑳ ᐎᐸᒡ ᑭ ᑳ ᐯᒋ ᓈᑎᑎᓐ, ᐁᑯ ᒫᑲ ᑫ ᓄᑎᓇᑭᒃ ᐁ ᐋᐸᒋᑖᔮᓐ ᐊᓂᒪ ᔑᒫᑲᓐ ᓂᑐᓂᒃ ᑳ ᐅᒋᐸᓕᒃ᙮

ᑭᔅᑫᓕᑖᑯᑖᑫᐎᓐ 3:1

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᓵᕐᑎᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐋᔮᐎᒫᑦ ᑭᒋᒪᓂᑐ ᓂᔂᔅ ᐅᑦ ᐊᒑᑯᒪ, ᓀᔥᑕ ᐊᓂᐃ ᓂᔂᔅ ᐊᒐᑾ: ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᐁ ᐋᔮᔭᓐ ᐃᔑᓂᑳᓱᐎᓐ ᐁ ᐱᒫᑎᓯᔭᓐ, ᒫᑲ ᐁ ᓂᐱᔭᓐ᙮