ᑭᔅᑫᓕᑖᑯᑖᑫᐎᓐ 1:11 - ᐅᔅᑭ ᑎᔅᑌᒥᓐᑦ

¹¹ ᐁ ᐃᑗᒪᑲᒃ, ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ: ᓀᔥᑕ, ᑫᒀᓐ ᑳ ᐋᐸᑕᒪᓐ, ᒪᓯᓇᐊ ᒪᓯᓇᐃᑲᓂᒃ, ᐃᔑᑎᔕᐊᒪᐎᒃ ᒫᑲ ᐊᓂᑭ ᓂᔂᔅ ᒫᒪᐎᐋᔭᒥᐋᐗᒃ ᐁᔕᐃᒃ ᑳ ᐃᑖᒋᒃ; ᐊᓐᑕ ᐁᐱᓴᓯᒃ, ᓀᔥᑕ ᐊᓐᑕ ᔅᒪᕐᓇᐃᒃ, ᓀᔥᑕ ᐊᓐᑕ ᐸᕐᑲᒪᓯᒃ, ᓀᔥᑕ ᐊᓐᑕ ᑕᐃᔭᑖᕋᐃᒃ, ᓀᔥᑕ ᐊᓐᑕ ᓵᕐᑎᓯᒃ, ᓀᔥᑕ ᐊᓐᑕ ᐱᓕᑌᓪᐱᔭᐃᒃ, ᓀᔥᑕ ᐊᓐᑕ ᓓᐅᑕᓯᔭᐃᒃ᙮

ᑭᔅᑫᓕᑖᑯᑖᑫᐎᓐ 1:11 Iomraidhean Croise

ᐊᐸᔅᑕᓚᒃ 16:14

ᐯᔭᒃ ᐃᔅᑴᐤ ᒫᑲ ᓕᑎᐊ ᐁ ᐃᔑᓂᑳᓱᑦ, ᑳ ᐃᑖᐙᑫᑦ ᒥᑴᑭᓂᓕᐤ, ᑕᐃᐊᑕᐃᕋ ᐃᑖᐎᓂᒃ ᑳ ᐅᒌᑦ, ᑳ ᐅᒋᒋᑾᓇᐱᔅᑕᐗᑦ ᑭᒋᒪᓂᑐᐗ, ᓂ ᑮ ᐯᑖᑯᓈᓐ; ᐁᐗᑯ ᐅᑌᐃᓕᐤ ᐅᑎᐯᓕᒋᑭᐤ ᑮ ᐋᐸᐊᒬᐤ, ᑮ ᓈᑲᑕᐌᓕᑕᒻ ᒫᑲ ᐊᓂᐃ ᑫᒀᓇ ᑳ ᑮ ᐋᓕᒧᑕᒥᓕᒋ ᐹᓚ᙮

ᐊᐸᔅᑕᓚᒃ 18:24

ᐯᔭᒃ ᒫᑲ ᒎ, ᐊᐳᓚᔅ ᑳ ᐃᔑᓂᑳᓱᑦ, ᐁ ᑮ ᓂᑖᐎᑭᑦ ᐋᓕᒃᓴᓐᑦᕆᔭᐃᒃ, ᑳ ᓂᑕ ᐊᔭᒥᑦ ᐃᓕᓕᐤ, ᓀᔥᑕ ᐁ ᑲᑫᑕᐌᓕᑕᒃ ᑭᒋᒪᓯᓇᐃᑫᐎᓂᒃ, ᑮ ᐯᒋ ᑕᑯᔑᓐ ᐊᓐᑕ ᐃᐱᓴᓯᒃ᙮

ᐊᐸᔅᑕᓚᒃ 20:17

ᒪᐃᓕᑕᓯᒃ ᒫᑲ ᐅᒋ ᑮ ᐃᔓᑎᔕᐅᐌᐤ ᐊᓐᑕ ᐃᐱᓴᓯᒃ, ᓀᔥᑕ ᑮ ᓈᑐᒣᐤ ᑳ ᓂᑳᓀᓕᑖᑯᓸᓕᒋ ᐅᑖᔭᒥᐋᐗ᙮

ᓂᔥᑕᒻ ᑯᕆᓐᑎᐊᓇ 15:32

ᑮᔥᐱᓐ ᐁ ᑭᔅᑭᓄᐙᐸᒪᑭᒃ ᐃᓕᓕᐗᒃ, ᑳ ᒫᔑᐋᐗᑫᓇᒃ ᐊᐌᓯᓴᒃ ᐊᓐᑕ ᐁᐱᓴᔅ, ᑫᒀᓐ ᑫ ᐅᑎᓯᔮᓐ, ᑮᔥᐱᓐ ᐁᑳ ᐗᓂᔥᑳᑡᐌ ᐅᓂᐱᐗᒃ? ᐁᑯᔑ ᒥᒋᓱᑕᐤ ᓀᔥᑕ ᒥᓂᑴᑕᐤ, ᐌᓴ ᐙᐸᑫ ᑭ ᑳ ᓂᐱᓈᓇᐤ᙮

ᓂᔥᑕᒻ ᑯᕆᓐᑎᐊᓇ 16:8

ᒫᑲ ᐁᐱᓴᓯᒃ ᓂ ᑳ ᑕᔑᑳᓐ ᐹᑎᒫ ᐅᑎᒋᐸᓕᑫ ᐯᓐᑎᑲᔅᑦ᙮

ᐃᐱᓯᔭᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑌᓕᑕᒃ ᑭᒋᒪᓂᑐ, ᐁ ᒪᓯᓇᐊᒪᐙᑦ ᐊᓂᐃ ᐅᐸᓓᑭᓴ ᑳ ᐃᑕᓕᒋ ᐁᐱᓴᓯᒃ, ᓀᔥᑕ ᐊᓂᐃ ᑳ ᒀᔭᔅᑭᑎᓕᒋ ᙭ ᒋᓴᓯᒃ:

ᑯᓚᔑᔭᓇ 2:1

ᐌᓴ ᓂ ᓇᑕᐌᓕᑌᓐ ᑭᑭ ᑭᔅᑫᓕᑕᒣᒃ ᐁᔅᐱᒋ ᓈᔅᐱᒡ ᑯᔅᐸᓀᓕᑕᒫᑕᑾᒃ, ᐊᓂᑭ ᓀᔥᑕ ᓓᐅᑕᓯᐊᐃᒃ ᑳ ᐃᑖᒋᒃ, ᓀᔥᑕ ᒥᓯᐌ ᐊᓂᑭ ᐁᑳ ᑳ ᑮ ᐙᐸᒥᒋᒃ ᓂ ᐎᔮᓯᒃ;

ᓂᔥᑕᒻ ᑎᒧᑎ 1:3

ᑳ ᐃᔑ ᐸᑯᓭᓕᒥᑖᓐ ᑫᔮᐸᒡ ᑭᒋ ᑕᔑᑫᔭᓐ ᐁᐱᓴᓯᒃ, ᐃᔅᐱ ᑳ ᐱᑐᑌᔮᓐ ᒫᓯᑐᓂᔭᐃᒃ, ᑭᒋ ᐃᑕᔓᒪᒋᒃ ᐋᑎᑦ ᐊᐌᓂᑭ ᐁᑳ ᑯᑕᑭᓕᐤ ᑭᔅᑭᓄᐊᒫᑫᐎᓂᓕᐤ ᑭᒋ ᑭᔅᑭᓄᐊᒫᑫᒋᒃ,

ᑭᔅᑫᓕᑖᑯᑖᑫᐎᓐ 1:17

ᐃᔅᐱ ᒫᑲ ᐎᐋᐸᒪᒃ, ᓂ ᑮ ᐸᑭᔑᓂᓐ ᐅᓯᑎᒃ ᑖᐱᔅᑯᒡ ᐁ ᓂᐱᔮᓐ᙮ ᓀᔥᑕ ᒫᑲ ᐅ ᑭᒋᓂᔉ ᓂ ᑮ ᐅᒋ ᓵᒥᓂᒃ, ᐁ ᐃᔑᑦ, ᐁᑳᐎᓚ ᑯᔅᑖᒋ: ᓂᓚ ᐁᐗᑯ ᓂᔥᑕᒻ ᓀᔥᑕ ᒫᒋᒡ:

ᑭᔅᑫᓕᑖᑯᑖᑫᐎᓐ 1:19

ᒪᓯᓇᐊ ᐊᓂᐃ ᑳ ᑮ ᐙᐸᑕᒪᓐ, ᓀᔥᑕ ᐊᓂᐃ ᑳ ᐃᑕᑾᑭ, ᓀᔥᑕ ᐊᓂᐃ ᐁᔥᑾ ᑫ ᐃᑕᑾᑭ;

ᑭᔅᑫᓕᑖᑯᑖᑫᐎᓐ 1:2

ᐊᓇ ᑳ ᑮ ᑎᐹᑐᑕᒸᑦ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ, ᓀᔥᑕ ᐅ ᑎᐹᒋᒧᐎᓂᓕᐤ ᒋᓴᔅ ᙭ᑕ, ᓀᔥᑕ ᒥᓯᐌ ᑫᒀᓇ ᑳ ᑮ ᐙᐸᑕᒃ᙮

ᑭᔅᑫᓕᑖᑯᑖᑫᐎᓐ 1:20

ᐁ ᐃᔑ ᒫᒪᔅᑳᑌᓕᑖᑯᓯᒋᒃ ᐊᓂᑭ ᓂᔂᔅ ᐊᒐᑾᒃ ᑳ ᑭ ᐙᐸᒪᒋᒃ ᓂ ᑭᒋᓂᔅᑮᒃ, ᓀᔥᑕ ᐊᓂᐃ ᓂᔂᔅ ᐅᓵᐎᔔᓕᐊᓈᐱᔉ ᐙᔅᑌᓇᒫᑲᓈᑎᑾ᙮ ᐊᓂᑭ ᓂᔂᔅ ᐊᒐᑾᒃ ᐁᐗᒀᓂᑭ ᓂᔀ ᐁᓐᒐᓚᒃ ᑳ ᑎᐯᓕᒫᒋᒃ ᐊᓂᐃ ᓂᔂᔅ ᒫᒪᐎᐋᔭᒥᐊᐗ: ᓀᔥᑕ ᐊᓂᐃ ᓂᔂᔅ ᐙᔅᑌᓇᒫᑲᓈᑎᑾ ᐁᐗᒀᓂᐃ ᓂᔂᔅ ᒫᒪᐎᐋᔭᒥᐋᐗᐤ᙮

ᑭᔅᑫᓕᑖᑯᑖᑫᐎᓐ 1:4

ᒑᓐ ᐁ ᒪᓯᓇᐊᒪᐙᑦ ᐊᓂᐃ ᓂᔂᔅ ᒫᒪᐎᐋᔭᒥᐋᐗ ᐁᔕᐃᒃ ᑳ ᐃᑖᓕᒋ: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᐊᓇ ᐅᒋ ᑳ ᐃᑖᑦ, ᓀᔥᑕ ᑳ ᑮ ᐃᑖᑦ, ᓀᔥᑕ ᑫ ᑕᑯᔑᒃ; ᓀᔥᑕ ᐊᓂᑭ ᓂᔂᔅ ᐊᒑᑾᒃ ᐅᒋ ᐅᑎᔥᑲᐤ ᐅᑦ ᐅᑭᒪᐗᐱᐎᓂᒃ ᑳ ᐃᑖᒋᒃ;

ᑭᔅᑫᓕᑖᑯᑖᑫᐎᓐ 1:8

ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ, ᐃᑗᐤ ᐅᑎᐯᓕᒋᑫᐤ, ᑳ ᐃᑖᑦ, ᓀᔥᑕ ᑳ ᑭ ᐃᑖᑦ, ᓀᔥᑕ ᑫ ᑕᑯᔑᒃ, ᒥᓯᐌ ᓯᔪᑳᑎᓰᑦ᙮

ᑭᔅᑫᓕᑖᑯᑖᑫᐎᓐ 10:4

ᐃᔅᐱ ᒫᑲ ᐊᓂᑭ ᓂᔂᔅ ᐅᓂᒥᔅᑭᐗᒃ ᑳ ᑭ ᑭᑐᒋᑳ, ᓂ ᐎ ᒪᓯᓇᐃᑳᑖᔾ: ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᐊᑯᔅᑭᐗᓴ ᐊᓂᐃ ᑫᒀᓇ ᑳ ᑮ ᐃᑗᒋᒃ ᐊᓂᑭ ᓂᔂᔅ ᐅᓂᒥᔅᑭᐗᒃ, ᐁᑳᐎᓚ ᒪᓯᓇᐊ᙮

ᑭᔅᑫᓕᑖᑯᑖᑫᐎᓐ 14:13

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᒪᓯᓇᐊ, ᔕᐌᓕᑖᑯᓯᐗᒃ ᐅᓂᐱᐗᒃ ᑳ ᓂᐱᒋᒃ ᐅᑎᐯᓕᒋᑫᒃ ᐊᓄᒡ ᐅᒋ: ᐁᐁ, ᐃᑗᐤ ᐊᒑᒃ, ᐅᑦ ᐊᑑᔅᑫᐎᓂᐙᒃ ᑭᒋ ᐅᒋ ᐋᓜᐱᒋᒃ: ᓄᔅᐱᓈᑎᑯᐗᒃ ᒫᑲ ᐅᑦ ᐊᑑᔅᑫᐎᓂᐙᐗ᙮

ᑭᔅᑫᓕᑖᑯᑖᑫᐎᓐ 19:9

ᓂ ᑮ ᐃᑎᒃ ᒫᑲ, ᒪᓯᓇᐊ, ᔕᐌᓕᑖᑯᓯᐗᒃ ᐊᓂᑭ ᑳ ᐃᔑ ᓇᑐᒫᑲᓂᐎᒋᑳ ᐅ ᐎᑭᑑᐎ ᓂᐯᑴᐎᓂᒃ ᒫᓂᔥᒑᓂᔑᔥ᙮ ᓂ ᑮ ᐃᑎᒃ ᒫᑲ, ᐅᐅ ᐁᐗᒀᓂᐃ ᐅ ᑖᐺ ᐃᑗᐎᓇ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 2:1

ᐊᓇ ᐁᓐᒐᓪ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐁᐱᓴᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᒥᒋᒥᓈᑦ ᐊᓂᐃ ᓂᔂᔅ ᐊᒐᑾ ᐅ ᑭᒋᓂᔅᑮᒃ, ᑳ ᐱᒧᑌᑦ ᒣᑴᔭᔥ ᐊᓂᐃ ᓂᔂᔅ ᐅᓵᐎᔔᓕᐋᓈᐱᔉ ᐙᔅᑌᓇᒫᑲᓈᑎᑾ;

ᑭᔅᑫᓕᑖᑯᑖᑫᐎᓐ 2:12

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐙᔭᒥᐋᐙ ᐸᕐᑲᒪᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐋᔮᑦ ᑳ ᐃᑕᐎ ᑳᔖᓕᒃ ᔑᒫᑲᓂᓕᐤ;

ᑭᔅᑫᓕᑖᑯᑖᑫᐎᓐ 2:18

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᑕᐃᔭᑖᐃᕋᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᓕᐗ ᑭᒋᒪᓂᑐ ᐅᑯᓯᓴ, ᐊᓇ ᑖᐱᔅᑯᒡ ᐁ ᐗᓚᑌᒃ ᐃᔥᑯᑌᐤ ᑳ ᐃᔑᓈᑾᓂᓕᑭ ᐅᔅᑭᔑᑾ, ᓀᔥᑕ ᐅᓯᑕ ᑖᐱᔅᑯᒡ ᑳ ᒥᓨᔑᒃ ᐅᓵᐙᐱᔉ;

ᑭᔅᑫᓕᑖᑯᑖᑫᐎᓐ 2:24

ᒫᑲ ᑭᓚᐗᐤ ᑭᑦ ᐃᑎᓈᐗᐤ, ᓀᔥᑕ ᒥᓯᐌ ᐊᓂᑭ ᑕᐃᔭᑖᐃᕋᐃᒃ ᑳ ᐃᑖᒋᒃ, ᒥᓯᐌ ᐊᓂᑭ ᐁᑳ ᑳ ᐋᔮᒋᒃ ᐅᒣᓕᐤ ᑭᔅᑭᓄᐊᒫᑫᐎᓂᓕᐤ, ᐁᑳ ᓀᔥᑕ ᑳ ᑭᔅᑫᓕᑕᒸᒋᒃ ᓭᑕᓇ ᐅ ᑎᒥᐋᒥᓕᐗ, ᐁ ᐃᔑᓂᑳᑕᑭᒃ; ᓇᒪᐎᓚ ᑯᑕᒃ ᓇᔭᒋᑲᓐ ᑭ ᑳ ᐸᑭᑎᓇᒫᑎᓈᐗᐤ:

ᑭᔅᑫᓕᑖᑯᑖᑫᐎᓐ 2:8

ᐊᓇ ᐁᓐᒐᓪ ᒫᑲ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᔅᒪᕐᓇᐃᒃ ᒪᓯᓇᐊᒪᐤ; ᐅᐅ ᑫᒀᓇ ᐃᑗᐤ ᐊᓇ ᓃᔥᑕᒻ ᓀᔥᑕ ᒫᒋᒡ, ᐊᓇ ᑳ ᑮ ᓂᐱᑦ, ᓀᔥᑕ ᑳ ᐱᒫᑎᓰᑦ:

ᑭᔅᑫᓕᑖᑯᑖᑫᐎᓐ 21:5

ᐊᓇ ᒫᑲ ᑳ ᐊᐱᑦ ᐅᑭᒪᐗᐱᐎᓂᒃ ᑮ ᐃᑗᐤ, ᒫᑎᑲ, ᒥᓯᐌ ᑫᒀᓇ ᓂᑦ ᐅᔥᑭᑖᓐ᙮ ᓂ ᑮ ᐃᑎᒃ ᒫᑲ, ᒪᓯᓇᐊ; ᐌᓴ ᐅᐅ ᐋᔭᒥᐎᓇ ᑖᐺᒪᑲᓋ ᓀᔥᑕ ᑾᔹᔅᑭᑎᒪᑲᓋ᙮

ᑭᔅᑫᓕᑖᑯᑖᑫᐎᓐ 22:10

ᓂᑎᒃ ᓀᔥᑕ, ᐁᑳᐎᓚ ᐊᑯᔅᑭᐗᓴ ᑳ ᐃᑗᒪᑲᒃ ᑭᔅᑭᓄᐙᒋ ᐋᔭᒥᐎᓐ ᐅᑕ ᒪᓯᓇᐃᑲᓂᒃ; ᐌᓴ ᑫᑳᑦ ᐅᑎᒋᐸᓕᐤ᙮

ᑭᔅᑫᓕᑖᑯᑖᑫᐎᓐ 22:16

ᓂᓚ ᒋᓴᔅ, ᓂ ᑮ ᐃᔑᑎᔕᐗᐤ ᓂᑦ ᐁᓐᒐᓕᒻ ᑭᒋ ᐋᓕᒧᑕᒫᑖᒃ ᐅᐅ ᑫᒀᓇ ᐃᑕ ᐁ ᐃᑖᒋᒃ ᒫᒪᐎᐋᔭᒥᐋᐗᒃ᙮ ᓂᓚ ᐁᐗᑯ ᐅᒉᐱᑯᒻ ᓀᔥᑕ ᐅᑦ ᐊᐙᔑᒥᔕ ᑌᐱᑦ, ᓀᔥᑕ ᑳ ᐙᓯᓱᑦ ᓀᔥᑕ ᐙᐸᓇᒐᒃ᙮

ᑭᔅᑫᓕᑖᑯᑖᑫᐎᓐ 3:1

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᓵᕐᑎᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐋᔮᐎᒫᑦ ᑭᒋᒪᓂᑐ ᓂᔂᔅ ᐅᑦ ᐊᒑᑯᒪ, ᓀᔥᑕ ᐊᓂᐃ ᓂᔂᔅ ᐊᒐᑾ: ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᐁ ᐋᔮᔭᓐ ᐃᔑᓂᑳᓱᐎᓐ ᐁ ᐱᒫᑎᓯᔭᓐ, ᒫᑲ ᐁ ᓂᐱᔭᓐ᙮

ᑭᔅᑫᓕᑖᑯᑖᑫᐎᓐ 3:14

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐊᐗ ᓓᐅᑕᓯᔭᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᐁᒣᓐ, ᐊᓇ ᑳ ᒀᔭᔅᑭᑎᑦ ᓀᔥᑕ ᑳ ᑖᐺᐎᑦ ᐅᑎᐹᒋᒧ, ᐊᓇ ᒫᐗᒋ ᓃᔥᑕᒻ ᑳ ᑮ ᐃᑖᑦ ᐁ ᑮ ᒫᒋ ᐅᔑᒋᑫᑦ ᑭᒋᒪᓂᑐ;

ᑭᔅᑫᓕᑖᑯᑖᑫᐎᓐ 3:4

ᑭᑦ ᐋᔮᓐ ᐋᑎᑦ ᐃᔑᓂᑳᓱᐎᓇ ᐊᐳᒋᑲ ᓵᕐᑎᓯᒃ, ᐁᑳ ᑳ ᑭ ᐎᓕᐱᑖᒋᒃ ᐅ ᐎᓛᒋᑲᓂᐙᐗ: ᓂ ᑳ ᐎᒋᐱᒧᑌᒥᑾᒃ ᒫᑲ ᐁ ᐙᐱᐅᒋᒃ; ᐌᓴ ᑌᐸᑫᓕᑖᑯᓯᐗᒃ᙮

ᑭᔅᑫᓕᑖᑯᑖᑫᐎᓐ 3:7

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐱᓚᑌᓪᐱᔭᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐸᓓᑭᓯᑦ, ᐊᓇ ᑳ ᑖᐺᐎᑦ, ᐊᓇ ᑳ ᐊᔮᐙᑦ ᑌᐱᑕ ᐅ ᐎᑯᑕᐃᑲᓂᓕᐤ, ᐊᓇ ᑳ ᐹᔅᑭᑌᓇᒃ, ᐁᑳ ᒫᑲ ᐊᐌᓇ ᐃᓕᓕᐤ ᑳ ᑭᐸᐊᒃ; ᓀᔥᑕ ᑳ ᑭᐸᐊᒃ, ᐁᑳ ᒫᑲ ᐊᐌᓇ ᐃᓕᓕᐤ ᑳ ᐹᔅᑭᑌᓇᒃ: