ᐱᓕᐱᔭᓇ 4:8 - ᐅᔅᑭ ᑎᔅᑌᒥᓐᑦ

⁸ ᒫᒋᒡ ᒫᑲ ᓂᒋᔖᓂᑐᒃ, ᑫᒀᓇ ᑎᐋᐺᒪᑲᓄᑴ, ᑫᒀᓇ ᐁ ᒀᔭᔅᑾᓄᑴ, ᑫᒀᓇ ᐁ ᒀᔭᔅᑳᑎᓯᒪᑲᓄᑴ, ᑫᒀᓇ ᐯᓓᑲᓄᑴ, ᑫᒀᓇ ᓯᐋᑭᑖᓂᐗᓄᑴ, ᑫᒀᓇ ᒣᓗᐋᓕᒧᒋᑖᓂᐗᓄᑴ; ᐁᑕᑾᓄᑴ ᒥᓨᑎᓯᐃᓐ, ᑮᔥᐱᓐ ᓀᔥᑕ ᐁᑕᑾᓄᑴ ᒫᒪᑖᑯᒥᑯᓯᐎᓐ, ᒫᒥᑐᓀᓕᑕᒧᒃ ᐅᐅ ᑫᒀᓇ᙮

ᐱᓕᐱᔭᓇ 4:8 Iomraidhean Croise

ᐅᐸᓓᑭᔅ ᒫᑎᐤ 22:16

ᑮ ᐃᔑᑎᔕᐊᒪᐌᐗᒃ ᒫᑲ ᐅ ᑭᔅᑭᓄᐊᒪᐙᑲᓂᐙᐗ ᐊᓯᒋ ᐦᐁᕈᑎᔭᓇ, ᐁ ᐃᑗᓕᒋ, ᐅᑭᔅᑭᓄᐊᒫᑫᐤ, ᓂ ᑭᔅᑫᓕᑌᓈᓐ ᐁ ᑖᐺᔭᓐ, ᓀᔥᑕ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ ᑖᐺᐎᓂᒃ, ᐁᑳ ᓀᔥᑕ ᐊᐌᓇ ᐁ ᑯᔅᑕᑦ; ᐌᓴ ᓇᒪᐎᓚ ᑮ ᐱᓯᔅᑫᓕᑕᒸᓐ ᐃᓕᓕᐗᒃ ᐁ ᐃᔑᓈᑯᓯᒋᒃ᙮

ᐅᐸᓓᑭᔅ ᒫᕐᒃ 6:20

ᐌᓴ ᐦᐁᕋᑦ ᑮ ᑯᔅᑌᐤ ᒑᓇ, ᐁ ᑭᔅᑫᓕᒫᑦ ᐁ ᒀᔭᔅᑭᑎᓕᒋ, ᓀᔥᑕ ᐁ ᐸᓓᑭᓯᓕᒋ ᐃᓕᓕᐗ, ᓀᔥᑕ ᑮ ᓈᑲᑕᐌᓕᒣᐤ; ᐃᔅᐱ ᒫᑲ ᑳ ᐯᑕᐙᑦ, ᒥᒉᑦ ᑫᒀᓇ ᑮ ᑐᑕᒻ, ᓀᔥᑕ ᓯᑭᓓᓯᐤ ᐁ ᐯᑕᐙᑦ᙮

ᐅᐸᓓᑭᔅ ᓘᒃ 16:15

ᑮ ᐃᑌᐤ ᒫᑲ, ᑭᓚᐗᐤ ᐁᐗᒀᓂᑭ ᑳ ᒥᓗᑡᐌᓕᑖᑯᐃᑎᓱᔦᒃ ᐅᑎᔥᑳᐤ ᐃᓕᓕᐗᒃ, ᒫᑲ ᑭᒋᒪᓂᑐ ᑭᔅᑫᓕᑕᒻ ᑭᑌᐃᐙᐗ: ᐌᓴ ᐊᓂᐁᓕᐤ ᓈᔅᐱᒡ ᑳ ᑭᔅᑌᓕᑕᑭᒃ ᐃᓕᓕᐗᒃ ᒪᒑᐸᑕᒻ ᑭᒋᒪᓂᑐ᙮

ᐅᐸᓓᑭᔅ ᓘᒃ 2:25

ᒫᑎᑲ, ᒫᑲ, ᑮ ᐃᑖᐤ ᐃᓕᓕᐤ ᒋᕉᓴᓚᒥᒃ, ᓯᒥᔭᓐ ᐁ ᐃᔑᓂᑳᓱᑦ: ᐁᐗᑯ ᐊᐗ ᑮ ᒀᔭᔅᑭᑎᐤ ᓀᔥᑕ ᑮ ᐋᔭᒥᐁᐋᑎᓯᐤ, ᑮ ᐁᔑᓇᐙᑕᐌᐤ ᒫᑲ ᐃᔅᕃᐃᓚ ᐅ ᑲᑮᒋᐃᑯᓯᐎᓂᓕᐤ: ᑮ ᑭᑭᔥᑳᑯ ᒫᑲ ᐸᓓᑭ ᐊᒑᑾ᙮

ᐅᐸᓓᑭᔅ ᓘᒃ 23:50

ᒫᑎᑲ, ᒫᑲ, ᑮ ᐃᑖᐤ ᐃᓕᓕᐤ ᒍᓯᑉ ᐁ ᐃᔑᓂᑳᓱᑦ, ᐅᑲᑫᔅᑭᒥᐌᐤ; ᑮ ᒥᓗ ᐃᓕᓕᐎᐤ ᒫᑲ, ᓀᔥᑕ ᑮ ᒀᔭᔅᑭᑎᐤ:

ᐅᐸᓓᑭᔅ ᒑᓐ 7:18

ᐊᓇ ᑳ ᐋᔭᒥᑦ ᐎᓚ ᑎᐱᓚᐌ ᐅ ᒥᑐᓀᓕᒋᑲᓂᒃ ᐅᒋ, ᓇᑕᐌᓕᑕᒻ ᐎᓚ ᑫᒋᐙᒃ ᐅ ᑭᔅᑌᓕᑖᑯᓯᐎᓐ: ᒫᑲ ᐊᓇ ᑳ ᓇᑕᐌᓕᒫᑦ ᑭᒋ ᑭᔅᑌᓕᑖᑯᐋᑲᓂᐎᓕᒋ ᐊᓂᐃ ᑳ ᑮ ᐯᒋᑎᔕᐅᑯᑦ, ᐁᐗᑯ ᑖᐺᐎᓂᐎᐤ, ᓇᒪ ᓀᔥᑕ ᐙᐙᒡ ᐱᒋᔅᑳᑯ ᒪᒑᑎᓯᐎᓂᓕᐤ᙮

ᐊᐸᔅᑕᓚᒃ 10:22

ᑮ ᐃᑗᐗᒃ ᒫᑲ, ᑳᕐᓂᓕᔭᔅ ᑳ ᓇᑐᐸᓕᐎ ᐅᑭᒫᐎᑦ, ᒀᔭᔉ ᑳ ᐃᑎᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒋᔅᑕᐙᑦ ᑭᒋᒪᓂᑐᐗ, ᓀᔥᑕ ᑳ ᒥᓨᒋᒥᑯᑦ ᒥᓯᐌ ᒫᒪᐤ ᐁ ᑕᑐᔅᑲᓀᓯᓕᒋ ᐊᓂᐃ ᒎᐗ, ᑮ ᐎᑕᒫᑯ ᑭᒋᒪᓂᑐᐗ ᐸᓓᑭ ᐁᓐᒐᓚ ᐅᒋ, ᑭᒋ ᓇᑐᒥᔉ ᐊᓐᑕ ᐅ ᐎᑭᓕᒃ, ᑭᒋ ᐯᑕᒃ ᒫᑲ ᐋᔭᒥᐎᓇ ᑭᓚ ᐅᒋ᙮

ᐊᐸᔅᑕᓚᒃ 22:12

ᐊᐌᓇ ᒫᑲ ᐋᓇᓈᐊᔅ, ᐁ ᒪᓂᑐᐋᑎᓰᑦ ᐃᓕᓕᐤ ᐁ ᐃᑌᔅᑌᓕᒃ ᐅᓚᔓᐌᐎᓂᓕᐤ, ᐁ ᒥᓗ ᐃᑖᒋᒥᑯᑦ ᒥᓯᐌ ᐊᓂᐃ ᒎᐗ ᐁᑯᑕ ᑳ ᑕᔑᑫᓖᒋ,

ᐊᐸᔅᑕᓚᒃ 6:3

ᐁᐗᑯ ᐌᒋ, ᓂᒋᔖᓂᑐᒃ, ᐗᐌᓚᐸᒥᑯᒃ ᑭᓚᐗᐤ ᐁ ᐃᑕᔑᔦᒃ ᐅᒋ ᓂᔂᔅ ᐃᓕᓕᐗᒃ ᑳ ᒀᔭᔅᑭᑖᑎᓯᐎ ᐋᓕᒧᒥᒋᒃ, ᑳ ᓴᑲᔅᑭᓀᔅᑳᑯᒋᒃ ᑳ ᐸᓓᑭᓯᓕᑭ ᐊᒑᑾ ᓀᔥᑕ ᑲᑫᑕᐌᓕᑕᒧᐎᓂᓕᐤ, ᐊᓂᑭ ᑫ ᑮ ᑎᐯᓕᑕᒥᐊᑭᒋᒃ ᐅᒪ ᐃᑖᐸᑎᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:13

ᐁᑯᔑ ᒀᔭᔉ ᐃᔑ ᐱᒧᑌᑕᐤ ᑖᐱᔅᑯᒡ ᐁ ᑭᔑᑳᒃ; ᐁᑳᐎᓚ ᒪᒋ ᒪᑯᔕᐎᓂᒃ ᓀᔥᑕ ᑮᔥᑴᐯᐎᓂᒃ; ᐁᑳᐎᓚ ᒪᒋ ᑳᐎᔑᒧᑐᑖᑐᐎᓂᒃ ᓀᔥᑕ ᐱᔑᑳᑎᓯᐎᓂᒃ; ᐁᑳᐎᓚ ᒀᓗᑖᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:3

ᐌᓴ ᐅᑎᐯᓕᒋᑫᐗᒃ ᓇᒪᐎᓚ ᑯᔅᑖᒋᑖᐗᒃ ᒥᓗ ᐊᔨᑎᐎᓇ, ᒫᑲ ᑳ ᒫᓛᑕᑭ᙮ ᓇᒪ ᓈ ᒫᑲ ᑭ ᑳ ᑯᔅᑕᐤ ᐅᑎᐯᓕᒋᑫᐤ? ᑐᑕ ᑳ ᒥᓨᔑᒃ, ᑭ ᑳ ᐅᒋ ᒥᓗ ᐋᓕᒧᒥᑲᐎᓐ ᒫᑲ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:18

ᐌᓴ ᐊᓇ ᐅᐅ ᑫᒀᓇ ᑳ ᐅᒋ ᐊᑑᔅᑲᐙᑦ ᙭ᑕ, ᒥᓜᓕᒥᑯ ᑭᒋᒪᓂᑐᐗ, ᓀᔥᑕ ᓇᐁᓕᒥᑯ ᐃᓕᓕᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:29

ᒫᑲ ᐁᐗᑯ ᑖᐺ ᒎᐎᐤ, ᐊᓇ ᐅᑎ ᐱᒋ ᐁ ᐃᔑᓈᑯᓯᑦ; ᓀᔥᑕ ᑭᔅᑭᓄᐙᒋᔓᐎᓐ ᐁᐗᑯ ᒥᑌᐃᒃ ᑳ ᐃᑐᒋᑳᑌᒃ, ᐊᒑᑯᒃ, ᓇᒪᐎᓚ ᒫᑲ ᐁ ᐃᑕᓯᓇᐃᑳᑌᒃ; ᐁᑳ ᑲ ᒫᒪᑖᑯᑕᑭᒃ ᐃᓕᓕᐗᒃ, ᒫᑲ ᐱᑯ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 4:5

ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔓ ᑯᕆᓐᑎᐊᓇ 13:7

ᓂᑦ ᐋᔭᒥᐁᔅᑕᐗᐤ ᒫᑲ ᑭᒋᒪᓂᑐ ᐁᑳ ᑭᒋ ᑐᑕᒣᒃ ᑳ ᒫᓛᑕᒃ; ᓇᒪᐎᓚ ᓂᓚᓈᓐ ᑭᒋ ᐃᔑᓈᑯᓯᔮᒃ ᐁ ᓇᐁᓕᑖᑯᓯᔮᒃ, ᒫᑲ ᑭᓚᐗᐤ ᑭᒋ ᑐᑕᒣᒃ ᐊᓂᒪ ᑳ ᒀᔭᔅᑭᑌᓕᑖᑾᒃ, ᐋᑕ ᓂᓚᓈᓐ ᑖᐱᔅᑯᒡ ᐌᐱᓂᑲᓇᒃ ᐁ ᐃᑕᑭᒥᑲᐎᔮᒃ᙮

ᓂᔓ ᑯᕆᓐᑎᐊᓇ 6:8

ᐁ ᑭᔅᑌᓕᑖᑯᓯᔮᒃ ᓀᔥᑕ ᐁ ᒪᒉᓕᑖᑯᓯᔮᒃ, ᐁ ᒪᒋ ᐋᓕᒧᒥᑲᐎᔮᒃ ᓀᔥᑕ ᐁ ᒥᓗ ᐋᓕᒪᒥᑲᐎᔮᒃ; ᑖᐱᔅᑯᒡ ᐁ ᐙᔦᔑᒥᐌᒋᒃ, ᐁᓕᐌᒃ ᒫᑲ ᐁ ᑖᐺᔮᒃ;

ᓂᔓ ᑯᕆᓐᑎᐊᓇ 8:18

ᓂ ᑮ ᐃᔑᑎᔕᐙᓈᓐ ᓀᔥᑕ ᐊᓯᒋ ᐊᓇ ᐎᒋᔖᓂᓇᐤ, ᑳ ᒫᒪᑖᑯᒫᑲᓂᐎᑦ ᒥᓗᐋᒋᒧᐎᐤ ᐅᒋ ᒣᑴᔭᔥ ᒥᓯᐌ ᒫᒪᐎᐋᔭᒥᐋᐗᒃ;

ᓂᔓ ᑯᕆᓐᑎᐊᓇ 8:21

ᐁ ᓄᑯᑖᔮᒃ ᐁ ᒀᔭᔅᑭᑎᔮᒃ, ᓇᒪᐎᓚ ᐱᑯ ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᒫᑲ ᐁ ᑲᓇᐙᐸᒥᔭᒥᒋᒃ ᓀᔥᑕ ᐃᓕᓕᐗᒃ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᐃᐱᓯᔭᓇ 4:25

ᐁᐗᑯ ᐅᒋ, ᐁ ᐌᐱᓇᒣᒃ ᑭᓛᔅᑭᐎᓐ, ᐁᑯᔑ ᒥᓯᐌ ᐊᐌᓇ ᑲᑕ ᑖᐺᒣᐤ ᐎᒋᐃᓕᓕᐗ: ᐌᓴ ᑭ ᐯᔭᑯᑌᐎᓯᓈᓇᐤ᙮

ᐃᐱᓯᔭᓇ 5:9

ᐌᓴ ᐊᓂᒪ ᑳ ᒥᓂᔑᐎᑦ ᐊᒑᒃ ᐃᑕᑾᒃ ᒥᓯᐌ ᒥᓨᑎᓯᐎᓂᒃ, ᓀᔥᑕ ᒀᔭᔅᑭᑖᑎᓯᐎᓂᒃ, ᓀᔥᑕ ᑖᐺᐎᓂᒃ;

ᐃᐱᓯᔭᓇ 6:14

ᓂᐸᐎᒃ ᒫᑲ, ᐁ ᐸᑯᑌᐅᓂᔥᑲᒣᒃ ᐋᐱᑕᐎᔭᐤ ᑖᐺᐎᓐ, ᓀᔥᑕ ᐁ ᑭᑭᔥᑲᒣᒃ ᒀᔭᔅᑭᑖᑎᓯᐎᓐ ᑖᐱᔅᑯᒡ ᒥᔅᑳᔅᑭᑲᓈᐱ;

ᐱᓕᐱᔭᓇ 3:1

ᒫᒋᒡ, ᓂᒋᔖᓂᑐᒃ, ᒥᓚᐙᑎᒃ ᐅᑎᐯᓕᒋᑫᐤ᙮ ᐁᑯᔑ ᑫᔮᐸᒡ ᐁ ᒫᓯᓇᐊᒫᑕᑾᒃ ᓇᒪᐎᓚ ᓂᑦ ᐊᓕᒥᐃᑯᓐ, ᒫᑲ ᑭᓚᐗᐤ ᐅᒋ ᐱᒫᒋᑌᓕᑖᑾᓐ᙮

ᑯᓚᔑᔭᓇ 4:5

ᐱᒧᑌᒃ ᑲᑫᑕᐌᓕᑕᒧᐎᓂᒃ ᐊᓂᑭ ᐃᔑ ᐗᓚᐎᑎᒥᒃ ᑳ ᐃᑖᒋᒃ, ᐁ ᑭᔑᑳᑭ ᐁᒀᔭᔅᑯ ᐋᐸᒋᑖᔦᒃ᙮

ᓂᔥᑕᒻ ᑌᓴᓗᓂᔭᓇ 4:12

ᑭᒋ ᒀᔭᔅᑯ ᐱᒧᑌᔅᑕᐌᑾᒃ ᐊᓂᑭ ᐗᓚᐎᑎᒥᒃ ᑳ ᐃᑖᒋᒃ, ᓀᔥᑕ ᐁᑳ ᑫᒀᓐ ᑭᒋ ᑶᑕᒫᔦᒃ᙮

ᓂᔥᑕᒻ ᑎᒧᑎ 2:2

ᑭᒋᐅᑭᒪᐗᒃ, ᓀᔥᑕ ᒥᓯᐌ ᑳ ᑎᐯᓕᒋᑫᒋᒃ; ᑭᒋ ᑳᔮᒣᐎᓯᐎ ᓀᔥᑕ ᑳᔮᒣᓕᑕᒧᐎ ᐱᒫᑎᓯᔭᒃ ᒥᓯᐌ ᒪᓂᑐᐙᑎᓯᐎᓂᒃ ᓀᔥᑕ ᑾᔭᔅᑭᑎᐎᓂᒃ᙮

ᓂᔥᑕᒻ ᑎᒧᑎ 3:11

ᐁᑯᔑ ᒫᑲ ᑖᐱᔅᑯᒡ ᐎᐎᐙᐗ, ᑫ ᐃᔑ ᓕᑆᑳᓕᒋ, ᐁᑳ ᐁ ᐸᑾᓄᒥᐌᓕᒋ, ᐁ ᐯᑳᒡ ᐃᑖᑎᓯᓕᒋ, ᐁ ᒀᔭᔅᑭᑎᓕᑭ ᒥᓯᐌ ᐃᔑ᙮

ᓂᔥᑕᒻ ᑎᒧᑎ 3:4

ᐊᐌᓇ ᒀᔭᔉ ᑳ ᑎᐯᓕᑕᒃ ᑎᐱᓚᐌ ᐎᑭ, ᐁ ᑎᐯᓕᒫᑦ ᐅᑦ ᐊᐙᔑᒥᔕ ᒥᓯᐌ ᓕᑆᑳᐙᑎᓯᐎᓂᒃ;

ᓂᔥᑕᒻ ᑎᒧᑎ 4:12

ᐁᑯᔑ ᐁᑳᐎᓚ ᐊᐌᓇ ᑭ ᑳ ᐋᑕᐌᓕᒥᒃ ᐁ ᐅᔥᑭᓂᑭᔭᓐ; ᒫᑲ ᐁᑯᔑ ᑭ ᑳ ᑭᔅᑭᓄᐙᐸᒥᑾᒃ ᐊᓂᑭ ᑳ ᑖᐺᔦᓕᑕᑭᒃ, ᐋᔭᒥᐎᓂᒃ, ᐊᔭᒥᐃᑐᐎᓂᒃ, ᓵᑭᐃᐌᐎᓂᒃ, ᐊᒑᑯᐎᓂᒃ, ᑖᐺᔦᓕᑕᒧᐎᓂᒃ, ᐸᓓᑭᓯᐎᓂᒃ᙮

ᓂᔥᑕᒻ ᑎᒧᑎ 5:10

ᐁ ᒥᓗᐃᑖᒋᒫᑲᓂᐎᑦ ᒥᓗ ᐊᑑᔅᑫᐎᓇ ᐅᒋ; ᑮᔥᐱᓐ ᑳ ᐅᐱᑭᐋᑴ ᐊᐙᔑᔕ, ᑮᔥᐱᓐ ᑳ ᐱᑐᑲᐋᑴ ᒫᓐᑌᐗ, ᑮᔥᐱᓐ ᑳ ᑭᓯᐯᑭᓇᒧᑴ ᐅᐸᓓᑭᓴ ᐅᓯᑎᓕᐗ, ᑮᔥᐱᓐ ᑳ ᓂᔕᑲᒪᐙᑴ ᑳ ᑲᒀᑕᑭᓯᓕᒋ, ᑮᔥᐱᓐ ᑳ ᑭᓯᓴᐎᓯᐎ ᐱᒥᑎᔕᐊᒧᑴ ᒥᓯᐌ ᑕᑐ ᒥᓗ ᐊᑖᔅᑫᐎᓂᓕᐤ᙮

ᓂᔥᑕᒻ ᑎᒧᑎ 5:2

ᑭᔐ ᐃᔅᑴᐗᒃ ᑖᐱᔅᑯᒡ ᑭᑳᐎᔭᒃ; ᐅᔥᑭᓂᑭᔅᑴᐗᒃ ᑖᐱᔅᑯᒡ ᑭᒋᔖᓂᔅᑴᒪᒃ, ᒥᓯᐌ ᐸᓓᑭᓯᐎᓂᒃ ᐃᔑ᙮

ᑕᐃᑕᔅ 1:8

ᒫᑲ ᐁ ᑭᔐᐙᑐᑕᐙᑦ ᒫᓐᑌᐗ, ᐁ ᓵᑭᐋᑦ ᑳ ᒥᓗᑣᓕᒋ, ᐁ ᐯᑳᒡ ᐃᑖᑎᓰᑦ, ᐁ ᒀᔭᔅᑭᑎᑦ, ᐁ ᐸᓓᑭᓯᑦ, ᐁ ᑖᐱᑕᐙᑎᓰᑦ:

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᑕᐃᑕᔅ 2:2

ᑭᔐᓕᓕᐗᒃ ᑭᒋ ᐯᑳᒡ ᐃᑖᑎᓯᒋᒃ, ᓕᑆᑳᒋᒃ, ᑖᐱᑕᐙᑎᓯᒋᒃ, ᒪᔥᑲᐎᓯᒋᒃ ᑖᐺᔦᓕᑕᒧᐎᓂᒃ, ᓵᑭᐃᐌᐎᓂᒃ, ᔑᐱᓚᐌᓯᐎᓂᒃ᙮

ᑕᐃᑕᔅ 2:7

ᒥᓯᐌ ᑫᒀᓐ ᐃᔑ ᐁ ᐙᐸᑎᓕᐌᔭᓐ ᑭᒋ ᑭᔅᑭᓄᐙᐸᒥᑲᐎᔭᓐ ᒥᓗ ᐊᑑᔅᑫᐎᓂᒃ: ᑭᔅᑭᓄᐊᒫᑫᐎᓂᒃ ᐁ ᐙᐸᑎᓕᐌᔭᓐ ᐸᓓᑭᓯᐎᓐ, ᓕᑆᑳᐎᓐ, ᒀᔭᔉ ᐃᑌᓕᑕᒧᐎᓐ;

ᑕᐃᑕᔅ 3:14

ᐁᑯᔑ ᒫᑲ ᐊᓂᑭ ᑳ ᑎᐱᓚᐌᐎᓯᔭᒃ ᑲᑕ ᐎ ᑲᑴ ᑭᔅᑫᓕᑕᒶᒃ ᑭᒋ ᓄᑯᑖᒋᒃ ᒥᓗ ᐊᑑᔅᑫᐎᓇ ᐁ ᐃᔑ ᓇᐃᐸᓕᑭ, ᐁᑳ ᑭᒋ ᐁᑳ ᒥᓂᔑᐎᒋᒃ᙮

ᐦᐃᑉᕉᐗ 11:2

ᐌᓴ ᐁᐗᑴᓕᐤ ᑳ ᐅᒋ ᑲᔥᑭᑖᒋᒃ ᑳ ᓂᑳᓀᓕᑖᑯᓯᒋᒃ ᒥᓗ ᐋᒋᒥᑯᓯᐎᓂᓕᐤ᙮

ᐦᐃᑉᕉᐗ 13:18

ᐋᔭᒥᐁᔅᑕᒫᑯᒃ: ᐌᓴ ᓂ ᐸᑯᓯᓕᒧᓈᓐ ᐁ ᒥᓗ ᒥᑐᓀᓕᒋᑲᓂᔮᒃ, ᒥᓯᐌ ᐃᔑ ᐁ ᐃᑌᓕᒧᔮᒃ ᒀᔭᔉ ᑭᒋ ᐃᔑ ᐱᒫᑎᓯᔮᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:27

ᐊᓂᒪ ᐋᔭᒥᐋᐎᓐ ᑳ ᐃᑌᓕᑕᒃ ᑭᒋᒪᓂᑐ ᐌᐅᑖᐎᒫᐎᑦ ᐁ ᒀᔭᔅᑾᓂᓕᒃ ᓀᔥᑕ ᐸᓓᑲᓂᓕᒃ, ᐁᐗᑯ ᐅᒪ, ᐊᐌᓇ ᑭᒋ ᒪᐗᑎᑖᑦ ᐁᑳ ᑳ ᐅᑖᐎᓕᒋ ᓀᔥᑕ ᐃᔅᑴᐗ ᑳ ᓂᐱᓕᒋ ᐅ ᓈᐯᒥᓕᐗ ᐅᑦ ᐊᓕᒥᓯᐎᓂᓕᒃ, ᓀᔥᑕ ᑭᒋ ᑲᓇᐌᓕᒥᑎᓱᑦ ᐁᑳ ᒥᑐᓂ ᑭᒋ ᐎᓕᐱᐃᑯᑦ ᐊᔅᑭᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:17

ᒫᑲ ᐊᓂᒪ ᑲᑫᑕᐌᓕᑕᒧᐎᓐ ᐃᔥᐱᒥᒃ ᑳ ᐅᒋᐸᓕᒃ ᓃᔥᑕ ᐸᔦᑲᓐ, ᐁᑯ ᑳᔮᒣᐗᓐ, ᓗᑳᑕᓐ, ᐌᑕᓐ ᑭᒋ ᔑᑭᒋᑳᑌᒃ, ᐁ ᓵᑲᔅᑭᓀᒃ ᑭᔐᐙᑎᓯᐎᓐ ᓀᔥᑕ ᒥᓗ ᒥᓂᔕ, ᐁᑳ ᐁ ᑶᑕᐎᐃᑌᓕᑕᒧᒪᑲᒃ, ᐁᑳ ᓀᔥᑕ ᐁ ᐊᔭᒥᐊᑳᓱᒪᑲᒃ᙮

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᐱᑕᕐ 2:12

ᒀᔭᔉ ᐁ ᐃᑎᔦᒃ ᑭᑦ ᐃᔑᐱᒫᑎᓯᐎᓂᐙᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ: ᐋᑕ ᐁ ᐸᑾᓄᒥᑖᑾᒃ ᑖᐱᔅᑯᒡ ᐅᒪᒋᐋᔨᑎᐗ, ᐁᓕᐌᒃ ᒫᑲ ᑭ ᒥᓗ ᐊᑑᔅᑫᐎᓂᐙᐗ, ᑫ ᐙᐸᑕᑭᒃ, ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ ᓇᑕᐙᐸᒥᐌᐎ ᑭᔑᑳᑫ᙮

ᓂᔥᑕᒻ ᐱᑕᕐ 4:8

ᐊᐙᓯᑌ ᒥᓯᐌ ᑫᒀᓇ ᒫᑲ ᐋᔮᒃ ᒫᒥᔅᑯᒃ ᓵᑭᐎᑐᐎᓐ ᒥᓯᐌ ᐁ ᐃᑕᔑᔦᒃ: ᐌᓴ ᓵᑭᐃᐌᐎᓐ ᑲᑕ ᐊᑾᓇᐊᒧᒪᑲᓐ ᓈᔅᐱᒡ ᒥᒉᑦ ᒪᒋᑐᑕᒧᐎᓇ᙮

ᓂᔓ ᐱᑕᕐ 3:1

ᐅᒪ ᓂᔓ ᒪᓯᓇᐊᒫᑫᐎᓐ, ᓯᐋᑭᐃᑕᑾᒃ, ᐊᓄᒡ ᑭ ᒪᓯᓇᐊᒫᑎᓇᐗᐤ; ᐁᑯᑕ ᐁ ᔑᑭᑕᒫᓐ ᑭ ᐹᓓᑭ ᒥᑐᓀᓕᒋᑲᓂᐗᐗ ᑭᒋ ᐅᒋ ᑭᔅᑭᓯᔦᒃ:

ᓂᔥᑕᒻ ᒑᓐ 3:18

ᓂᑦ ᐊᐱᔅᑕᐙᔑᒥᔑᒥᑐᒃ, ᐁᑳᐎᓚ ᑭᑦ ᐋᔭᒥᐎᓂᓈᒃ ᓀᔥᑕ ᑭᑌᓚᓕᓈᒃ ᓵᑭᐃᐌᑕᐤ; ᒫᑲ ᑭᑦ ᐃᑐᑕᒧᐎᓂᓈᒃ ᓀᔥᑕ ᑖᐺᐎᓂᒃ᙮

ᓂᔥᑕᒻ ᒑᓐ 3:3

ᓀᔥᑕ ᒥᓯᐌ ᑕᑐ ᐃᓕᓕᐤ ᑳ ᐋᔮᑦ ᐅᒣᓕᐤ ᐊᔅᐯᓕᒧᐎᓂᓕᐤ, ᐹᔦᑭᐃᑎᓱ, ᑖᐱᔅᑯᒡ ᐁ ᐃᔑ ᐸᓓᑭᓯᓕᒋ᙮

ᓂᔥᑕᒻ ᒑᓐ 4:1

ᓯᐋᑭᐃᑕᑾᒃ, ᐁᑳᐎᓚ ᒥᓯᐌ ᑕᑐ ᐊᒑᒃ ᑖᐺᑖᒃ, ᒫᑲ ᑲᑴᒋᐃᑯᒃ ᐊᒑᑾᒃ ᑮᔥᐱᓐ ᑭᒋᒪᓂᑐᒃ ᐅᒋᐙᑴ; ᐌᓴ ᒥᒉᑦ ᓇᔅᐹᒡ ᐅᑭᔅᑭᐙᐃᑫᐗᒃ ᐊᔅᑮᒃ ᑮ ᐃᑐᑌᐗᒃ᙮