ᐱᓕᐱᔭᓇ 2:8 - ᐅᔅᑭ ᑎᔅᑌᒥᓐᑦ

⁸ ᓀᔥᑕ ᒫᑲ, ᑖᐱᔅᑯᒡ ᐃᓕᓕᐤ ᐁ ᑮ ᐃᔑ ᒥᔅᑲᐙᑲᓂᐎᑦ, ᑮ ᑕᐸᑌᓕᑖᑯᐃᑎᓱ, ᓀᔥᑕ ᑭ ᓇᓇᐃᑕᒻ ᐱᓕᔥ ᓂᐱᐎᓂᓕᐤ, ᐙᐙᒡ ᓂᐱᐎᓂᓕᐤ ᐋᔑᑌᐋᑎᑯᒃ᙮

ᐱᓕᐱᔭᓇ 2:8 Iomraidhean Croise

ᐅᐸᓓᑭᔅ ᒫᑎᐤ 17:2

ᑮ ᑴᔅᑭᓈᑯᓯᐤ ᒫᑲ ᐁ ᑲᓇᐙᐸᒥᑯᑦ: ᐅᑖᔅᑕᒥᒃ ᒫᑲ ᑮ ᐙᓯᑌᓕᐤ ᑖᐱᔅᑯᒡ ᐱᓯᒻ, ᓀᔥᑕ ᐅ ᐎᓛᒋᑲᓇ ᑮ ᐙᐹᓕᐗ ᑖᐱᔅᑯᒡ ᐙᓯᔮᓯᐎᓐ᙮

ᐅᐸᓓᑭᔅ ᒫᑎᐤ 26:39

ᐊᐙᓯᑌᔑᔥ ᒫᑲ ᑮ ᐃᑐᑌᐤ, ᑮ ᐅᑎᑕᐱᐸᓕᐅ ᒫᑲ, ᑮ ᐋᔭᒥᐊᐤ ᒫᑲ, ᐁ ᐃᑗᑦ, ᐅ ᓄᑖ ᑮᔥᐱᓐ ᑮ ᑐᒋᑳᑌᒃ, ᐁᑯᔑ ᓂ ᑳ ᒥᔮᔥᑳᑯᓐ ᐅᒪ ᒥᓂᒀᑲᓐ: ᐁᓕᐌᒃ ᒫᑲ ᓇᒪᐎᓚ ᓂᓚ ᐁ ᐃᑌᓕᑕᒫᓐ, ᒫᑲ ᐁ ᐃᑌᓕᑕᒪᓐ ᑭᓚ᙮

ᐅᐸᓓᑭᔅ ᒫᑎᐤ 26:42

ᒥᓇ ᒫᑲ ᑮ ᐃᑐᑌᐤ ᐁᑯ ᓂᔡᐤ, ᑮ ᐋᔭᒥᐊᐤ ᒫᑲ, ᐁ ᐃᑗᑦ, ᐅ ᓄᑖ, ᑮᔥᐱᓐ ᐅᒪ ᒥᓂᒀᑲᓐ ᐁᑳ ᑫ ᑮ ᒥᔮᔕᑳᑯᐙᓀ ᐹᑎᒫ ᑮ ᒥᓂᑴᔮᓀ, ᐁᑯᔑ ᑭᑦ ᐃᑌᓕᑕᒧᐎᓐ ᑲᑕ ᐃᑭᓐ᙮

ᐅᐸᓓᑭᔅ ᓘᒃ 9:29

ᒣᒀᒡ ᒫᑲ ᐁ ᐋᔭᒥᐋᑦ, ᐅᑖᔅᑕᒥᒃ ᐁ ᐃᔑᓈᑾᓂᓕᒃ ᑮ ᐋᒋᓈᑯᑖᓂᐗᓂᓕᐤ, ᐅ ᐎᓛᒋᑲᓇ ᒫᑲ ᑮ ᐙᐹᓕᐗ ᓀᔥᑕ ᑮ ᐙᓯᑾᔅᑌᓕᐗ᙮

ᐅᐸᓓᑭᔅ ᒑᓐ 10:18

ᓇᒪᐎᓚ ᐊᐌᓇ ᓂ ᒪᔅᑲᒥᒃ, ᒫᑲ ᓂ ᐱᒥᑎᑖᓐ ᓂᓚ ᑫᒋᐙᒃ᙮ ᓂᑦ ᐋᔮᓐ ᑲᔥᑭᐅᐎᓐ ᑭᒋ ᐱᒥᑎᑖᔮᓐ, ᓀᔥᑕ ᓂᑦ ᐋᔮᓐ ᑲᔥᑭᐅᐎᓐ ᒥᓇ ᑭᒋ ᐅᑎᓇᒫᓐ᙮ ᐅᒪ ᐅᓚᔓᐌᐎᓐ ᓂ ᑮ ᒥᓕᒃ ᓄᑖᐎ᙮

ᐅᐸᓓᑭᔅ ᒑᓐ 14:31

ᒫᑲ ᐊᔅᑭ ᑭᒋ ᑭᔅᑫᓕᑕᒧᒪᑲᒃ ᐁ ᓵᑭᐊᒃ ᐅᑖᐎᒪᐤ; ᓀᔥᑕ ᑖᐱᔅᑯᒡ ᐅᑖᐎᒪᐤ ᑳ ᐃᑕᔓᐙᔑᑦ, ᐁᑯ ᐃᔑ ᑐᑕᒫᓐ᙮ ᐸᓯᑯᒃ, ᑭᑐᑌᑕᐤ᙮

ᐅᐸᓓᑭᔅ ᒑᓐ 15:10

ᑮᔥᐱᓐ ᑲᓇᐎᑕᒣᑴ ᓂ ᑲᑫᔅᑴᐎᓇ, ᑭ ᑳ ᑕᔑᑳᓇᐗᐤ ᓂ ᓵᑭᐃᐌᐎᓂᒃ; ᑖᐱᔅᑯᒡ ᐁ ᑮ ᐃᔑ ᑲᓇᐎᑕᐗᒃ ᓄᑖᐎ ᐅ ᑲᑫᔅᑴᐎᓇ, ᓀᔥᑕ ᐁ ᐃᔑ ᑕᔑᑫᐗᒃ ᐅ ᓵᑭᐃᐌᐎᓂᒃ᙮

ᐅᐸᓓᑭᔅ ᒑᓐ 4:34

ᒋᓴᔅ ᐃᑌᐤ, ᐁᐗᑯ ᓂ ᒥᒋᒥᒻ ᑭᒋ ᑐᑕᒶᒃ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᓀᔥᑕ ᑭᒋ ᑭᔑᑖᐗᒃ ᐅᑦ ᐊᑑᔅᑫᐎᓐ᙮

ᐊᐸᔅᑕᓚᒃ 8:33

ᐅ ᑕᐸᑌᓕᒧᐎᓂᒃ ᑮ ᐃᑳᑌᓂᑳᑌᓕᐤ ᐅ ᑎᐹᔅᑯᓂᑫᐎᓐ; ᐊᐌᓇ ᒫᑲ ᑫ ᑮ ᐎᑕᒸᑦ ᐅᑦ ᐊᔮᓂᔅᑫᐱᒪᑎᓯᐎᓐ: ᐌᓴ ᐅ ᐱᒫᑎᓯᐎᓐ ᑮ ᐅᑎᓂᑳᑌᓕᐤ ᐊᔅᑭᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:19

ᐌᓴ ᑖᐱᔅᑯᒡ ᐯᔭᒃ ᐃᓕᓕᐤ ᐅᑦ ᐋᓉᑕᒧᐎᓐ ᐅᒋ ᒥᒉᑦ ᑮ ᒫᒑᑎᓯᐊᐗᒃ, ᐁᑯ ᑖᐱᔅᑯᒡ ᐯᔭᒃ ᐅ ᓇᓇᐃᑕᒧᐎᓐ ᐅᒋ ᒥᒉᑦ ᑲᑕ ᑲᑕ ᒀᔭᔅᑭᑕᑎᓯᐊᐗᒃ᙮

ᓂᔓ ᑯᕆᓐᑎᐊᓇ 8:9

ᐌᓴ ᑭ ᑭᔅᑫᓕᑕᒸᓇᐗᐤ ᐅ ᔕᐌᓕᒋᑫᐄᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐋᑕ ᐁ ᑮ ᒥᔕᑭᓯᑦ, ᐁᓕᐌᒃ ᑭᓚᐗᐤ ᐅᒋ ᑮ ᐊᑎ ᑭᑎᒫᑭᓯᐤ, ᑭᓚᐗᐤ ᐅ ᑭᑎᒫᑭᓯᐎᓂᒃ ᐅᒋ ᑭᒋ ᒥᔕᑭᓯᔦᒃ᙮

ᑲᓓᔕᐊᓇ 3:13

᙭ ᑭ ᑮ ᐱᒫᒋᐃᑯᓇᐤ ᐅᓚᔓᐌᐎᓂ ᒪᒐᑭᑖᑯᓯᐎᓂᒃ ᐅᒋ, ᐁ ᑮ ᒪᒐᑭᒫᑲᓂᐎᑦ ᑭᓚᓈᓇᐤ ᐅᒋ: ᐌᓴ ᐃᑕᓯᓇᐃᑳᑌᐤ, ᒪᒐᑭᑖᑯᓯᐤ ᒥᓯᐌ ᑕᑐ ᐊᐌᓇ ᒥᔅᑎᑯᒃ ᑳ ᐊᑯᓛᑲᓂᐎᑦ:

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 12:2

ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮

ᐦᐃᑉᕉᐗ 12:4

ᓇᒪᐎᓚ ᐁᔥᑾ ᒥᑯᒃ ᐃᔑ ᑭ ᑮ ᒫᒫᔑᑳᓇᐗᐤ, ᐁ ᓇᔅᑯᔅᑕᒣᒃ ᒪᒋᑣᐎᓐ᙮

ᓂᔥᑕᒻ ᐱᑕᕐ 2:24

ᐎᓚ ᑫᒋᐙᒃ ᑳ ᑮ ᐅᑎᓇᒃ ᑎᐱᓚᐌ ᐎᔭᐎᒃ ᑭ ᒪᒋᑣᐎᓂᓇᐗ ᒥᔅᑎᑯᒃ; ᑭᓚᓇᓇᐤ, ᐁ ᓂᐱᔭᒃ ᒪᒋᑣᐎᓂᒃ ᐅᒋ, ᑭᒋ ᐱᒫᑎᓯᔭᒃ ᒀᔭᔅᑭᑖᑎᓯᐎᓂᒃ ᐃᔑ: ᐅ ᐸᐸᓴᔅᑕᐅᑯᓯᐎᓇ ᑳ ᐅᒋ ᒥᓇᐗᒋᐃᑲᐎᔦᒃ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ: