ᐱᓕᐱᔭᓇ 2:17 - ᐅᔅᑭ ᑎᔅᑌᒥᓐᑦ

¹⁷ ᐁᐁ, ᑮᔥᐱᓐ ᒫᑲ ᓯᑭᓂᑲᐎᔮᓀ ᐃᑕ ᐁ ᓵᓵᑭᐎᓕᐙᓂᐗᒃ ᓀᔥᑕ ᐁ ᐋᐸᒋᑖᓂᐗᒃ ᑮ ᑖᐺᔦᓕᑕᒧᐎᓂᐗᐤ, ᓂ ᒧᒋᑫᓕᑌᓐ, ᓀᔥᑕ ᐊᓯᒋ ᒥᓯᐌ ᐁ ᐃᑕᔑᔦᒃ ᓂ ᒧᒋᑫᓕᑌᓐ᙮

ᐱᓕᐱᔭᓇ 2:17 Iomraidhean Croise

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᐊᐸᔅᑕᓚᒃ 21:13

ᐁᑯ ᐹᓪ ᓀᔥᑴᐗᔑᐃᐌᑦ, ᑫᒀᓐ ᑭᑦ ᐃᑌᓕᑌᓈᐗᐤ ᓈ ᑭᒋ ᒫᑐᔦᒃ ᓀᔥᑕ ᑭᒋ ᐱᑯᐸᓕᑖᔦᒃ ᓂᑌᐃ? ᐌᓴ ᓂᑦ ᐋᔦᔅᑯᓯᓐ ᓇᒪᐎᓚ ᐱᑯ ᑭᒋ ᒫᒪᒋᑯᐱᑎᑲᐎᔮᓐ, ᒫᑲ ᐊᓯᒋ ᑭᒋ ᓂᐱᔮᓐ ᒋᕉᓴᓚᒥᒃ ᐅᑦ ᐃᔑᓂᑳᓱᐎᓐ ᐅᒋ ᐅᑎᐯᓕᒋᑫᐤ ᒋᓴᔅ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:1

ᐁᐗᑯ ᐅᒋ ᒫᑲ ᑭ ᐸᑯᓭᓕᒥᑎᓇᐗᐤ, ᓂᒋᔖᓂᑐᒃ, ᐅ ᔕᐌᓕᒋᑫᐎᓇ ᐅᒋ ᑭᒋᒪᓂᑐ, ᑭᒋ ᐸᑭᑎᓇᒣᒃ ᑭᔭᐙᐗ ᐁ ᐱᒫᑕᒃ ᓵᓵᑭᐎᓕᐌᐎᓐ, ᐁ ᐸᓓᑲᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ, ᐁᐗᒀᓂᒪ ᐁ ᒀᔭᔅᑭᑌᓕᑖᑾᒃ ᑭᑦ ᐋᔭᒥᐊᐎ ᐊᑑᔅᑫᐎᓂᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:16

ᑭᒋ ᐋᔭᒥᐙᐎ ᐅᑦ ᐊᑑᔅᑫᓛᑲᓂᒥᑦ ᒋᓴᔅ ᙭ ᐁ ᑮ ᐋᔭᒥᐊᑭᒃ ᒉᓐᑖᐃᓚᒃ, ᐁ ᒫᑎᓇᒶᒃ ᐅ ᒥᓗᐋᒋᒧᐎᓐ ᑭᒋᒪᓂᑐ, ᐁ ᐸᑭᑎᓈᑲᓂᐎᒋᒃ ᒉᓐᑖᐃᓚᒃ ᑭᒋ ᓇᐁᓕᑖᑾᓂᓕᒃ, ᐁ ᑮ ᐸᓓᑭᐋᑲᓂᐎᒋᒃ ᐸᓓᑭ ᐊᒑᑾ ᐅᒋ᙮

ᓂᔓ ᑯᕆᓐᑎᐊᓇ 12:15

ᓀᔥᑕ ᒫᑲ ᓈᔅᐱᒡ ᓂ ᑳ ᒥᓜᓕᑌᓐ ᑭᒋ ᒑᑭᓇᒫᓐ ᓀᔥᑕ ᑭᒋ ᒑᑭᐸᓕᔮᓐ ᑭᓚᐗᐤ ᐅᒋ; ᐋᑕ ᐊᐙᓯᑌ ᐁ ᐃᔑ ᓵᑭᐃᑕᑾᒃ, ᐋᐱᔑᔥ ᐱᑯ ᐁ ᓵᑭᐃᑳᐎᔮᓐ᙮

ᓂᔓ ᑯᕆᓐᑎᐊᓇ 4:12

ᐁᑯ ᐃᔑ ᒫᑲ ᓂᐱᐎᓐ ᓂ ᓄᒋᐃᑯᓈᓐ, ᒫᑲ ᑭᓚᐗᐤ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 6:10

ᑖᐱᔅᑯᒡ ᐁ ᒫᒥᔕᒣᓕᑕᑭᒃ, ᐁᓕᐌᒃ ᒫᑲ ᒧᔕᒃ ᐁ ᒧᒋᑫᓕᑕᒫᒃ; ᑖᐱᔅᑯᒡ ᐁ ᒪᓀᓯᒋᒃ, ᐁᓕᐌᒃ ᒫᑲ ᒥᒉᑦ ᐁ ᒥᔕᑭᐊᑭᒋᒃ, ᑖᐱᔅᑯᒡ ᐁᑳ ᑫᒀᓕᐤ ᐁ ᐋᔮᒋᒃ, ᐁᓕᐌᒃ ᒫᑲ ᒥᓯᐌ ᑫᒀᓇ ᐁ ᐋᔮᔮᒃ᙮

ᓂᔓ ᑯᕆᓐᑎᐊᓇ 7:4

ᓈᔅᐱᒡ ᑭ ᓱᑭᑌᐁᐎ ᐋᔭᒥᐃᑎᓇᐗᐤ, ᓈᔅᐱᒡ ᓂ ᒫᒪᑖᑯᒧᓐ ᑭᓚᐗᐤ ᐅᒋ: ᓂ ᓴᑲᔅᑭᓀᔅᑳᑯᓐ ᒥᓜᓕᑕᒧᐎᓐ, ᓈᔅᐱᒡ ᓂ ᒧᒋᑫᓕᑌᓐ ᒥᓯᐌ ᓂᑦ ᐊᓕᒥᓯᐎᓂᓈᒃ᙮

ᐱᓕᐱᔭᓇ 1:20

ᑖᐱᔅᑯᒡ ᓈᔅᐱᒡ ᑳ ᐃᔑ ᐃᑌᓕᑕᒫᓐ, ᓀᔥᑕ ᑳ ᐊᔅᐯᓕᒧᔮᓐ, ᐁᑳ ᑫᒀᓐ ᑭᒋ ᐅᒋ ᓇᓀᐯᐎᓯᔮᓐ, ᒫᑲ ᒥᓯᐌ ᓱᑭᑌᐁᐎᓂᒃ, ᑖᐱᔅᑯᒡ ᒧᔕᒃ, ᐁᑯ ᓀᔥᑕ ᙭ ᑫ ᒫᒪᑖᑯᒫᑲᓂᐎᑦ ᓂᔭᐎᒃ, ᑮᔥᐱᓐ ᐯᒫᑎᓯᐙᓀ ᓀᔥᑕᐱᑯ ᓀᐱᐙᓀ᙮

ᐱᓕᐱᔭᓇ 2:18

ᐁᐗᑯ ᐅᒋ ᑭᓚᐗᐤ ᓀᔥᑕ ᑭ ᒧᒋᑫᓕᑌᓇᐗᐤ ᑭ ᐎᒋᒧᒋᑫᓕᑕᒧᒥᓇᐗᐤ᙮

ᐱᓕᐱᔭᓇ 2:30

ᐌᓴ ᙭ ᐅᑦ ᐊᑑᔅᑫᐎᓂᓕᐤ ᐅᒋ ᑮ ᐯᔡᐸᑕᒻ ᓂᐱᐎᓂᓕᐤ, ᐁᑳ ᐁ ᐱᓯᔅᑫᓕᑕᒃ ᐅ ᐱᒪᑎᓯᐎᓐ, ᑭᒋ ᐅᒋᔅᑕᒪᐙᑖᒃ ᐊᓂᒪ ᐁ ᐃᔑ ᓄᑌᐸᓕᒃ ᐁ ᐸᒥᐃᔦᒃ᙮

ᐱᓕᐱᔭᓇ 4:18

ᒫᑲ ᒥᓯᐌ ᓂᑦ ᐋᔮᓐ, ᓀᔥᑕ ᓂ ᐌᓗᒋᐸᓕᐃᑯᓐ: ᓂ ᓵᑲᔅᑭᓀᓕᑯᓐ; ᐁ ᑮ ᒥᓕᑦ ᐃᐹᑉᕈᑖᐃᑕᔅ ᐊᓂᐃ ᑳ ᑮ ᐃᔑᑎᔕᐊᒪᐎᔦᒃ, ᑫᒀᓐ ᐁ ᐎᑭᒫᑾᒃ, ᓵᓵᑭᐎᓕᐌᐎᓐ ᑳ ᐎ ᐅᑎᓇᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ᙮

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᓂᔥᑕᒻ ᑌᓴᓗᓂᔭᓇ 2:8

ᐁᑯᔑ ᒫᑲ ᓵᑭᐃᐌᐎᓂᒃ ᐁ ᑮ ᓇᑕᐌᓕᒥᑖᒃ, ᓂ ᑮ ᐃᑌᓕᑌᓈᓐ ᑭᒋ ᐸᑭᑎᓇᒫᑖᒃ, ᓇᒪᐎᓚ ᐱᑯ ᑭᒋᒪᓂᑐ ᐅ ᒥᓗᐋᒋᒧᐎᓐ, ᒫᑲ ᑎᐱᓚᐌ ᓂᑦ ᐊᒑᑯᓈᓇᒃ ᐊᓯᒋ, ᐁ ᑮ ᓵᑭᐃᑖᒃ᙮

ᓂᔓ ᑎᒧᑎ 4:6

ᐌᓴ ᐋᔕᔾ ᓂᑦ ᐋᔦᔅᑲᐎᓰᓐ ᑭᒋ ᐸᑭᑎᓂᑲᐎᔮᓐ, ᐯᔓᓈᑾᓐ ᒫᑲ ᐃᔥᐱᔥ ᑭᒋ ᑭᑐᑌᔮᓐ᙮

ᓂᔥᑕᒻ ᐱᑕᕐ 2:5

ᑭᓚᐗᐤ ᓀᔥᑕ ᑖᐱᔅᑯᒡ ᐱᒫᑎᓯᐎ ᐊᓯᓂᔭᒃ ᑭᑦ ᐅᔑᐃᑲᐎᓇᐗᐤ ᐊᒑᑯᐎ ᐙᔅᑳᔨᑲᓐ, ᐸᓓᑭ ᓵᓵᑭᐎᓕᐌᐎᓕᓕᐎᐎᓐ, ᑭᒋ ᐸᑭᑎᓂᑫᔦᒃ ᐊᒑᑯᐎ ᓵᓵᑭᐎᓕᐌᐎᓇ, ᑳ ᓇᐃᓚᐌᐃᑯᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭᙮

ᓂᔥᑕᒻ ᒑᓐ 3:16

ᐁᑯᑕ ᑳ ᐅᒋ ᐙᐸᑕᒶᒃ ᑭᒋᒪᓂᑐ ᐅ ᓵᑭᐃᐌᐎᓐ, ᐁ ᑮ ᐱᒥᑎᑖᑦ ᐅ ᐱᒫᑎᓯᐎᓐ ᑭᓚᓈᓇᐤ ᐅᒋ: ᑭᓚᓈᓇᐤ ᓀᔥᑕ ᑭ ᑳ ᐱᒥᑎᑖᑖᓇᐤ ᑭ ᐱᒫᑎᓯᐎᓂᓇᐗ ᑳ ᐋᔭᒥᐋᐎ ᐎᒋᔖᓂᑐᒋᒃ ᐅᒋ᙮