ᐱᓕᐱᔭᓇ 2:12 - ᐅᔅᑭ ᑎᔅᑌᒥᓐᑦ

¹² ᐁᐗᑯ ᐅᒋ, ᓯᐋᑭᐃᑕᑾᒃ, ᑖᐱᔅᑯᒡ ᒧᔕᒃ ᑳ ᑮ ᓇᓇᐃᑕᒣᒃ, ᓇᒪᐎᓚ ᐱᑯ ᐁ ᑲᓇᐙᐸᒥᑕᑾᒃ, ᒫᑲ ᐊᓄᒡ ᓈᔅᐱᒡ ᐊᐙᓯᑌ ᐁ ᐃᑖᐱᒋᔮᓐ, ᑎᐱᑐᑕᒪᒃ ᑎᐱᓚᐌ ᑭ ᐱᒫᒋᐃᑯᓯᐎᓂᐗᐤ ᓭᑭᓯᐎᓂᒃ ᓀᔥᑕ ᓇᓂᑭᐸᓕᐎᓂᒃ:

ᐱᓕᐱᔭᓇ 2:12 Iomraidhean Croise

ᐅᐸᓓᑭᔅ ᒫᑎᐤ 11:12

ᐊᔅᐱᓐ ᒫᑲ ᑳ ᐯᒋ ᐅ ᑭᔑᑳᒥᑦ ᒑᓐ ᐅᓯᑲᐋᑖᑫᐤ ᐱᓕᔥ ᐊᓄᒡ, ᑭᒋᑭᔑᑳᐎ ᐅᑭᒫᐎᐎᓐ ᐎᓴᓶᓕᒧᑐᑖᑲᓂᐗᓐ, ᑳ ᐊᒀᑎᓯᒋᒃ ᒫᑲ ᒪᔅᑲᑗᐗᒃ᙮

ᐅᐸᓓᑭᔅ ᒫᑎᐤ 11:29

ᐅᑎᓇᒫᓱᒃ ᓂ ᑖᐱᔅᑳᑲᓐ, ᑭᔅᑭᓄᐙᐸᒦᒃ ᒫᑲ, ᐌᓴ ᓂ ᓗᔅᐹᑎᓰᓐ ᓀᔥᑕ ᓂ ᑕᐸᑎᓕᒧᓐ ᓂᑌᐃᒃ: ᑭ ᑳ ᒥᔅᑫᓇᐗᐤ ᒫᑲ ᑫ ᐃᔑ ᐋᓜᐱᒋᒃ ᑭᑦ ᐊᒑᑯᐙᐗᒃ᙮

ᐊᐸᔅᑕᓚᒃ 16:29

ᐁᑯ ᑎᐁᐺᑦ ᐗᔅᑌᓇᒫᑲᓂᓕᐤ ᑭᒋ ᐯᑖᓂᐗᓂᓕᒃ, ᑮ ᐱᑐᑫᐹᓕᐆ ᒫᑲ, ᓀᔥᑕ ᐁ ᐯᒋ ᓇᓂᑭᐸᓕᑦ, ᑮ ᐸᑭᔑᓐ ᐅᑎᔥᑲᐤ ᐊᓂᐃ ᐹᓪ ᓀᔥᑕ ᓵᐃᓚᔅ,

ᐊᐸᔅᑕᓚᒃ 9:6

ᐁ ᓇᓂᑭᐸᓕᑦ ᒫᑲ, ᓀᔥᑕ ᐁ ᒫᒪᔅᑳᑌᓕᑕᒃ ᑮ ᐃᑗᐤ, ᑌᐯᓕᒋᑫᔭᓐ, ᑫᒀᓐ ᓀᑕᐌᓕᒥᔭᓐ ᑭᒋ ᑑᑕᒫᓐ? ᐅᑎᐯᓕᒋᑫᐤ ᒫᑲ ᑮ ᐃᑌᐤ, ᐗᓂᔥᑳ, ᐃᑐᑌ ᒫᑲ ᐃᑖᐎᓂᒃ, ᓀᔥᑕ ᑭ ᑳ ᐎᑕᒫᑲᐎᓐ ᑫᒀᓐ ᑫ ᑑᑕᒪᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7

ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

ᓂᔥᑕᒻ ᑯᕆᓐᑎᐊᓇ 15:58

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐋᐃᒋᑳᐸᐎᒃ, ᒥᒋᒥᑳᐸᐎᒃ, ᒧᔕᒃ ᐁ ᑎᐱᑐᑕᒬᒃ ᐅᑎᐯᓕᒋᑫᐤ ᐅᑦ ᐊᑑᔅᑫᐎᓐ, ᐁ ᑭᔅᑫᓕᑕᒣᒃ ᐁᑳ ᐸᑾᓐᑕᐤ ᐁ ᐃᑌᓕᑖᑾᒃ ᑭᑦ ᐊᑑᔅᑫᐎᓇᐗᐤ ᐅᑎᐯᓕᒋᑫᒃ᙮

ᓂᔥᑕᒻ ᑯᕆᓐᑎᐊᓇ 2:3

ᓀᔥᑕ ᑭ ᑮ ᐎᒉᐎᑎᓇᐗᐤ ᓕᓚᒥᓯᐎᓂᒃ, ᓀᔥᑕ ᓭᑭᓯᐎᓂᒃ, ᓀᔥᑕ ᑭᒋ ᓇᓂᑭᐸᓕᐎᓂᒃ᙮

ᓂᔥᑕᒻ ᑯᕆᓐᑎᐊᓇ 4:14

ᓇᒪᐎᓚ ᓂ ᒪᓯᓂᐁᓐ ᐅᐅ ᑫᒀᓇ ᑭᒋ ᓇᓀᐯᐎᐃᑕᑾᒃ, ᒫᑲ ᑖᐱᔅᑯᒡ ᑳ ᓵᑭᐊᑭᒃ ᓂᑯᓯᓴᒃ ᑭᑦ ᐃᔑ ᔭᒀᒥᒥᑎᓇᐗᐤ᙮

ᓂᔓ ᑯᕆᓐᑎᐊᓇ 7:15

ᓀᔥᑕ ᐋᒋᐱᑯ ᑭ ᓵᑭᐃᑯᐗᐤ, ᒣᒀᒡ, ᐁ ᑭᔅᑭᓯᑦ ᒥᓯᐌ ᑭ ᓇᓇᐃᑕᒧᐎᓂᐗᐤ, ᐁ ᑮ ᐃᔅᐱᒋ ᓭᑭᓯᔦᒃ ᓀᔥᑕ ᓇᓂᑭᐸᓕᔦᒃ ᐃᔅᐱ ᐌᑎᓂᔦᒃ᙮

ᐃᐱᓯᔭᓇ 6:5

ᐊᑑᔅᑫᓛᑲᓂᑐᒃ, ᓇᓇᐃᑖᑯᒃ ᐊᓂᑭ ᐎᔮᓯᐎᓂᒃ ᑳ ᐅᑭᒫᒥᔦᒃ, ᑯᔅᐹᓀᓕᑕᒧᐎᓂᒃ ᓀᔥᑕ ᓭᑭᓯᐎᓂᒃ, ᐁ ᒀᔭᔅᑯᑌᐁᔦᒃ, ᑖᐱᔅᑯᒡ ᙭ ᐁ ᑐᑕᒧᐌᒃ;

ᐱᓕᐱᔭᓇ 1:27

ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;

ᐱᓕᐱᔭᓇ 1:29

ᐌᓴ ᑭᓚᐗᐤ ᑭ ᒥᓕᑲᐎᓇᐗᐤ ᐅᑦ ᐃᑌᓕᑖᑯᓯᐎᓂᒃ ᙭, ᓇᒪᐎᓚ ᐱᑯ ᑭᒋ ᑖᐺᔦᓕᒣᒃ, ᒫᑲ ᐊᓯᒋ ᐎᓚ ᐅᒋ ᑭᒋ ᐎᓴᑫᓕᑕᒣᒃ;

ᐱᓕᐱᔭᓇ 1:5

ᑭᑦ ᐅᑐᑌᒥᐌᐎᓂᐗᐤ ᐅᒋ ᒥᓗᐋᒋᒧᐎᓂᒃ ᐊᔅᐱᓐ ᓃᔥᑕᒻ ᐁ ᑭᔑᑳᒃ ᐱᓕᔥ ᐊᓄᒡ:

ᐱᓕᐱᔭᓇ 1:6

ᐁ ᑫᒋᓇᐅᔮᓐ ᐅᒪ ᑫᒀᓐ, ᐊᓇ ᑳ ᑮ ᑭᒋᑖᑦ ᒥᓗ ᐊᑑᔅᑫᐎᓂᓕᐤ ᐁ ᐱᒋᔅᑳᑯᔦᒃ, ᑲᑕ ᑎᐱᑐᑕᒻ ᐱᓕᔥ ᐅᑎᒋᐸᓕᓕᑫ ᒋᓴᔅ ᙭ ᐅ ᑭᔑᑳᒻ:

ᐱᓕᐱᔭᓇ 2:19

ᒫᑲ ᓂ ᒪᒥᔑᑐᑕᐗᐤ ᐅᑎᐯᓕᒋᑫᐤ ᒋᓴᔅ ᐎᐸᒡ ᑎᒧᑎ ᑭᒋ ᐃᑎᔕᐊᒫᑕᑾᒃ, ᓂᓚ ᐊᓯᒋ ᑭᒋ ᒥᓜᓕᒧᔮᓐ ᐃᔅᐱ ᑭᔅᑫᓕᑕᒫᓀ ᐁ ᐃᔑ ᐋᔮᔦᒃ᙮

ᐱᓕᐱᔭᓇ 4:1

ᐁᐗᑯ ᐅᒋ, ᓂᒋᔖᓂᑐᒃ, ᓈᔅᐱᒡ ᓯᐋᑭᐃᑕᑾᒃ ᓀᔥᑕ ᑳᐗᔐᓕᒥᑕᑾᒃ, ᓂ ᒥᓚᐙᑕᒧᐎᓐ ᓀᔥᑕ ᓂᑦ ᐅᑭᒪᐗᔅᑐᑎᓐ, ᐁᑯ ᐃᔑ ᐋᔨᒋᑳᐸᐎᔅᑖᒃ ᐅᑎᐯᓕᒋᑫᐤ, ᓈᔅᐱᒡ ᓯᐋᑭᐃᑕᑾᒃ᙮

ᐱᓕᐱᔭᓇ 4:15

ᐁᑯ ᑭᓚᐗᐤ ᐱᓕᐱᔭᓂᑐᒃ, ᑭᔅᑫᓕᑕᒧᒃ ᓀᔥᑕ, ᐃᔅᐱ ᑳ ᒫᒋᐸᓕᒃ ᒥᓗᐋᒋᒧᐎᓐ, ᐃᔅᐱ ᒫᓯᑐᓂᔭᐃᒃ ᐁ ᑮ ᐅᒋ ᑭᑐᑌᔮᓐ, ᓇᒪᐎᓚ ᑯᑕᑭᔭᒃ ᒫᒪᐎᐋᔭᒥᐊᐗᒃ ᓂ ᑮ ᐎᒋᐃᑾᒃ ᐁ ᐋᓕᒧᑕᒫᓐ ᒥᓕᐌᐎᓐ ᓀᔥᑕ ᐅᑎᓂᑫᐎᓐ, ᒫᑲ ᑭᓚᐗᐤ ᐱᑯ᙮

ᓂᔥᑕᒻ ᑌᓴᓗᓂᔭᓇ 1:3

ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᓂᔓ ᑎᒧᑎ 2:10

ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮

ᐦᐃᑉᕉᐗ 12:1

ᐁ ᐙᐸᑕᒪᒃ ᒫᑲ ᐁ ᐙᔅᑳᔅᑳᑕᑾᒃ ᐁ ᐃᔅᐱᒋ ᒥᒉᑎᒋᒃ ᐅᑎᐹᒋᒧᐗᒃ, ᐁᑯᔑ ᐃᑲᑌᔅᑖᑕᐤ ᒥᓯᐌ ᑳ ᑯᓯᑾᒃ, ᐊᓂᒪ ᒪᒋᑐᑕᒧᐎᓐ ᓀᔥᑕ ᓈᔅᐱᒡ ᑳ ᐌᒋᐸᑭᔑᒥᑯᔭᒃ, ᐁᑯᔑ ᒫᑲ ᔑᐱᓚᐌᓯᐎᓂᒃ ᐱᒥᐸᑖᑕᐤ ᐊᓂᒪ ᑲᑴᒋᔅᑲᑎᑐᐎᓐ ᑳ ᓂᑳᓇᔅᑕᒫᑲᐎᔭᒃ;

ᐦᐃᑉᕉᐗ 4:1

ᐁᑯᔑ ᒫᑲ ᑯᔅᐹᓀᓕᑖᑕᐤ, ᐋᑕ ᐁ ᑮ ᐊᔓᑕᒫᑲᐎᔭᒃ ᑭᒋ ᐱᑐᑫᐗᒃ ᐅᑦ ᐋᓜᓯᐎᓂᒃ ᐊᐌᓂᑳᓇᒃ ᐁ ᐃᑕᔑᔦᒃ ᑭᒋ ᓄᑌᔥᑲᑭᒃ᙮

ᐦᐃᑉᕉᐗ 4:11

ᐁᑯᔑ ᒫᑲ ᐊᑐᔅᑫᑕᐤ ᑭᒋ ᐱᑐᑫᔭᒃ ᐊᓂᒪ ᐋᓜᓯᐎᓂᒃ, ᐁᑳᐎᓚ ᐊᐌᓇ ᑭᒋ ᐸᑭᔑᒃ ᐊᓂᒪ ᑳ ᑮ ᐃᔑ ᐸᑭᔑᓈᓂᐗᒃ ᐁᑳ ᐁ ᑮ ᑖᐺᔦᓕᒋᑳᑌᒃ᙮

ᐦᐃᑉᕉᐗ 5:9

ᓀᔥᑕ ᒫᑲ ᐁ ᑮ ᒥᑐᓂᐎᐋᑲᓂᐎᑦ, ᑮ ᐊᑎ ᑎᐯᓕᑕᒪᐌᐤ ᐱᒫᒋᐃᐌᐎᓂᓕᐤ ᒥᓯᐌ ᐊᓂᐃ ᑳ ᓇᓇᐃᑖᑯᑦ;

ᓂᔥᑕᒻ ᐱᑕᕐ 2:11

ᑳ ᑭᒋ ᓵᑭᐃᑕᑾᒃ, ᑭ ᓇᑐᑕᒫᑎᓇᐗᐤ, ᑖᐱᔅᑯᒡ ᒫᓐᑌᐗᒃ ᓀᔥᑕ ᐅᐸᐹᒧᑌᐗᒃ, ᐌᐱᓇᒧᒃ ᐎᔮᓯᐎ ᓇᑕᐌᓕᑕᒧᐎᓇ, ᑳ ᓇᑐᐸᓖᔅᑖᑯᑦ ᐊᒑᒃ;

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮